السلام عليكم ورحمة الله وبركاته
يعطيكم العافيه
الطول :- 171
الوزن :- 70
نسبة الدهون :- 17-18%
العمر :- 18
في البداية كان وزني 86 وهذا كان قبل سنتين دشيت نادي وماكنت ملتزم كنت اروح تقطيع لمن وصلت لهل وزن وصارلي تقريبا سنه وزني بهل حدود ما تعدى 74 لكن فيه ترهلات وجسمي ابدا موعاجبني وقررت اني اوصل للفتنس وبلشت من رمضان وكان جدولي كالآتي :-
الاكل
ما كان نظام غذائي محدد برمضان لكن كنت مقلل من الاكل ومن الدهون
التمارين
كنت العب 4 ايام بالاسبوع التكرارات 15 والجولات 4
صدر وباي -- ظهر وتراي -- ارجل واكتاف -- اليوم الرايع ينعاد صدر وباي >> طبعا الجدول من مدرب النادي
والكارديو كان 20 دقيقه قبل التمرين وبعد التمرين 10 دقايق يعني 30 دقيقه
وتمارين البطن يومين بالاسبوع وبحياتي ما اخذت مكمل
من بعد رمضان حسيت فيه تغير بجسمي بس موذاك التغير الكبير
ولظروف قطعت النادي بعد رمضان بس إن شاءالله راح ابلش هل اسبوع
بحط جم صوره لجسمي علشان اسهل عليكم ....
ومشكلتي الاساسيه اهي الصدر قبل كانت الدهون اكثر بس الحين قلت شوي ...
المطلوب منكم نصايح :-
- من ناحية الاكل والنظام الغذائي والمكملات واذا فيه دايت معين
- وبالنسبة للتمارين اظل على نفس الجدول ؟؟ ولا فيه احسن منه ؟؟
اتمنى اوصل لنفس هل جسم وفي رايي انه الجسم بسيط (الصور كلها بالمرفقات)
واتمنى انه الردود يكون فيها شوية تفصيل خاصة عن المكملات لانه ما اعرف عنها شي وجزاكم الله خير :)
