ابي اعرف رايكم بالجدول هذا ؟؟؟ وكيف اكمل ؟؟

السلام عليكم

انا لي يمكن 6 شهور اتمرن حديد وكنت اتمرن مع اخوياي يعني اتمرن نفس تمارينهم اذا شفت احد يلعب صدر وانا عندي صدر اخش معه ونتمرن سوا وكنت كل شوي مع واحد
بس بصراحه ماتغير جسمي يعني كنت اتعب عالفاضي
وكان في فلبيني مدرب عندنا قالي انت تقدر تعدل جسمك بسرعه ليش تلعب مع فلان وفلان ليه ماتسوي لك جدول خاص لان بنيتك غير عن بنيتهم وتمارينهم تختلف عن تمارينك
المهم قلت له يلا عطني جدول امشي عليه قال اوك بضبطه لك وبكره خذه قلت انا له اوك
بعد تقريبا شهر ونص بس لاحظت تغير كبير واخوياي لاحظو وكان في ناس في النادي لهم مده طويله يشوفوني اتمرن كذا يقولون ليه تتمرن كذا تتعب العضله وتتعب نفسك
بس بصراحه ماشلت لكلامهم دام اني اشوف نفسي مستفيد والحين الحمد لله مرتاح وبواضب

طبعا اكيد تبون تعرفون البرنامج :D

اليوم الاول
صدر 5 تمارين , ظهر 3 تمارين مع تمرين واحد ترابيس , باي تمرنين النظام فيه يكون ابدء خفيف وازيد بعدين انزل الوزن يعني مثلا اشيل 20 بعدين 30 بعدين 40 اريح 3 دقايق وارجع اشيل 40 بعدين 30 و 20 كل وزن 10 عدات

اليوم الثاني اكتاف 5 تمارين . رجل 5 تمارين بس اهملتها لاني كنت ابي انحف منطقة الفخوذ والمؤخره والعب تراي تمرينين زي نظام الباي

اخذ يوم راحه والعب يومين واخذ راحه اليوم السابع العب كارديو

الحمد لله تغير جسمي واستفدت كثير من البرنامج هذا
وبكمل فيه اسبوعين او ثلاث وبعدين بغير النظام وهنا المشكله
لان المدرب نقلوه الرياض وخويكم متوهق فا ايش الحل

وعلى فكره ماكنت استخدم الا اليبو سكس مع انو عندي امينو بولك زالوي بروتين بس وقفتهم واستمريت على الليبو


واسف للاطاله واي سؤال انا حاضر
استنى ردود الكباتن

طولك ووزنك وعمرك ؟؟

+

البرنامج منهك جدا للعضلات وغير مجدي لبناء عضلات , ربما لياقيا نعم

اتوقع انه يستخدم تكنيك DTP SUPERSET
او DTP لحاله ويزيد عليها باي او تراي
هذه حلوه بس تلعب تمرين صدر وتمرين ظهر بال DTP تكنيك وتكون سوبر سيت
وان بغيت تدخل عليه بعد ما تخلص تمرين ظهر او صدر للمنطقه الضعيفه اللي عندك

بس ما ينفع تلعبه كل يوم يعني كل اسبوع تلعبه لعضلتين
اقراء عن التكنيك هذا عشان تعرف كيف كان مرتب جدولك ،،

منورين اخ تركي واخوي راشد

بالنسبه لي
الطول 174
الوزن 78
العمر 23

طيب انتم تقواون كذا بس انا اشوف برزت عضلاتي شوي في وقت حلو
ايش السبب وايش نصايحكم

يعطيكم العافيه

جدول متعب مررررررره واشوفو كثير يا راجل الاكتاف اذا لعبناها لحالها نتعب واذا لعبنا ارجل لحالها نتعب مابالك ارجل مع اكتاف و تراي كمان
شوف الكباتنه خليهم يساوولك جدول نظييف وكويس

هو صدق متعب بس الواحد لاشاف نتايج يتحمس ويدهررر

شاكر مرورك وفي انتظار الكباتنه

شباب بالله اش فايدة الشوفان وهل هو يزيد الوزن وكيف طريقة تحضيره ؟؟

دامك تتمرن حديد لازم تبرز عضلاتك بس برنامجك قوي جدا كيف تتحمل 3 تمارين ل3 عضلات في اليوم ماعرف الصراحه ..!!

الشوفان من الكربوهيدرات بطيئة التفكك والهضم فيطول بالهضم

عوذا
انا اتمرن صدر وباي واطلع هلكااااان من النادي


طيب صح انه فادك هالجدول بس يمكن جدول غيره يفيدك اكثر لان بالاساس طريقتك الاولى غلط وانت غيرت الطريقة ممكن لشكل ثاني اصح من الي قبل بس ولو احس فيها غلط يعني ممكن توقف وتبدا برنامج ثاني وتشوف نتايج افضل وافضل

مادري هذا رايي موووفق يالغلا واهم شي بديت ترتاح لجمسك

يعطيكم العافيه بس عطوني جدول امشي عليه

السبت : صدر + بطن + كارديو لمدة 30 د ( جري على السير أو دراجة )
الأحد : ترايسبس + بايسبس + سواعد
الاثنين : ظهر + بطن وخصر

الثلاثاء : راحة

الاربعاء : أكتاف + رقبة + كارديو لمدة 30 د
الخميس : أرجل + بطات

الجمعة : راحة

بالتوفيق

يعطيك العافيه ياتركي بس ايش التمارين بالضبط او كم عدد التمارين وبالنسبه للجلسات كم تكون

نحياتي لك
وتحملني شوي

العضلات الكبيرة 4 تمارين
العضلات الصغيرة 3 تمارين

الجلسات تستطيع تحديدها ما بين 4 لـ 5 جلسات بشرط التحمية تكون الجلسة الأولى

الله يعطيك العافيه

اسمحلي اخوي على التأخير لأني شفت رسالتك اليوم

وماقصر الكبتن تركي

انا ماني عارف اي تمارين بالضبط العب ؟؟

وهذا البرنامج يضخم والا ايش ؟؟

شكرا عالتجاوب السريع!!!!