هل احتاج للمكملات

معلومات المتقدم بالاستفسار :
العمر : 21 , الجنس : ذكر

الطول :170 متر
الوزن : 55 كيلوجرام

نسبة الدهون : 0

و الاستفسار كالتالي :
السلام عليكم ورحمه الله وبركاته ...

ياجماعه الخير انا سجلت بناء أجسام والحمدلله ولي اسبوعين والحمدلله بآن علي التدريب

ولكن كلمت المدرب اليوم على المكملات وقلت له لازم اخذها ..

قال لي بسوي لك برنامج غذائي وتستخدم . الآمينو سوفت جل , والبروتين سيريس ماس

والصدق انا متخوف هل لها ضرر علي او لها اضرار جانبيه ...

وهل اذا وصلت للوزن اللي ابغاه استخدمها او اوقف

. وكيف راح يكون تدريبي للمحافظه على الجسم ؟

وهذا جدول تدريبي .

السبت : صدر

الأحد : باي + تراي

الأثنين : كتف

الثلاثاء: ظهر+ أسفل ظهر

الاربعاء : فخذ + سمانه

الخميس : تمرين بطن

الجمعه : راحه

أتمنى نصيحتكم ياخوان

وعليكم السسلام ورحمة الله

من رايي اجل استخدامها لبعد الرمضان كمل اول شهر بدون مكملات
وبعده اضفها ولا لها اضرار وهي مجررد مكمل غذائي مستخلصه من الحليب والبيض لا اكثر
وتقدر توقفها متى مابغيت لكن تذكر انك لما توقفها لازم تعوض بالاكل يعني تحسب كم نسبة البروتين الي تاخذها باليوم من المكمل والاغذية وبعد كذا لاوقفته تستمر على نفس النسبة بس من الاغذية
وبالنسبة لجدولك مررهق جداااا
خل الراحة بعد الكتف
مع اني ارى تغييره افضل وتخليه بهالشكل
صدر
ظهر
راحة
اكتاف + بطن
باي وتراي
ارجل
راحة

مجرد اقتراح
وبالتوفيق لك

الله يعطيك العافيه يآبردان .. والله اني متخوف منها .. المكملات ... :(

وبالنسبه للجدول والله مدري ياخوك آنتظر رد الاخوان لآطمئنان القلب

لآهنت وانا اخوك

اخوي طياقة

الكبتن بردان 1
رده 100%

ولا تحاتي وانا اخوك وتوكل على الله

الله يعافيك ومافيه داعي للخوف منها .. او لاتاخذها خليك على تغذيتك بس اهتم بالتغذية الصحية يعني حاول من 5 - 7 وجبات باليوم لو وجبات خفيفه ومتوسطه
ويمكن الحين بالرمضان الوضع صعب بس بعد الرمضان اهتم وبالتوفيق ان شاءالله

وان شاءالله يفيدونك الاخوان

يعطيك العافيه حمد . بس الخوف عامل عمايله ..

طيب اخوي بردان .. إن شاء الله على كلامك أغير جدولي مثل ماقلت .. ويكون تدريبي فقط 5 أيام بالاسبوع

والمكملات اللي نصحني فيها المدرب لو باخذها ان شاء الله .. اللي هي الامينو سوفت جل ., والبروتين سيريس ماس


هل هي كويسه ؟

والجدول

السبت : صدر
الاحد: ظهر
الاثنين :راحة
االثلاثاء :كتاف + بطن
الاربعاء :باي وتراي
الخميس :ارجل
الجمعه :راحة

ايه كويسه بس الامينو وش اسمه ؟

تاكد قبل
وبالتوفيق

الامينو سوفت جل http://t0.gstatic.com/images?q=tbn:A..._TfjliE8RhLpRQ

والجدول مضبوط كذا ؟

السبت : صدر
الاحد: ظهر
الاثنين :راحة
االثلاثاء :كتاف + بطن
الاربعاء :باي وتراي
الخميس :ارجل
الجمعه :راحة

الامينو 2222 الكابسولات فيها جلاتين خنزيري لكن السوووفت جيل ماادري مااعندي علم عنه وماهو مكتوب عليها جلاتين
لكن احتياطا لو لقيت التابلت اضمن

والجدول تمام كذا بس لاتنسى العضلات الاخرى السواعد والسمانه والترابس تضيفهم السواعد مع الباي والتراي والترابس مع الكتوف والسمانه مع الارجل

مزبوط الجدول ..

طيب عطني الآمينو اللي استخدمه . والبروتين < انصحني فيهم وكيف أقدر أجيبهم .. انا ساكن بتبوك

السبت : صدر
الاحد: ظهر
الاثنين :راحة
االثلاثاء :أكتاف + بطن + ترابس
الاربعاء :باي وتراي + سواعد
الخميس :أرجل + سمانه
الجمعه :راحة


وكذا الجدول يآمعلم ؟

بالضبط كذا تمام
والمكملات يمكن مدربك يقدر يجبهم < مستحييييييل مدرب بالسعودية مايبيع على اعضاء النادي هههه سرا او جهرا هع
وتقدر تاخذهم من الجي ان سي اذا فيه عندكم
وكل هالحلين مايروقون لي
الحل الانسب والافضل والاجمل والاكمل
تاخذهم ياطويل العمر من المنتدى هنا *_^ من الكابتن ذا روك او الكابتن الهاشمي2 او باقي الكباتنه كلهم فيهم الخير والبركة وكلهم محلللل للثقة واسعاااااااار جدا رائعه وارخصصصص بكثييير من شركة النصب جي ان سي واكيد ارخص من المدرب اذا هو يقدر يجيبهن
والتعامل مع الكباتنه هنا بالمنتدى تطلب المكمل ويحسبلك السعر وتحول المبلغ حواله بنكيه ويرسله لك عن طريق شركة زاجل من بكرا والمكمل عندك والشغلة مضمونه 100 % والاعضاء بما فيهم انا كلنا معتمدين على الله ثم هم جزاهم الله خير

وبالتوفيق واي استفسار احنا بالخدمة يابطل

طيب ماقلت لي وش تنصحني استخدم مكملات ؟

اختيارك
الي كان سيريس ماس + امينو 2222 ( تاكد انه تابلت حبوب مهو كبسولات )

طبعا السيريس ماس احتمال يزيد وزنك شوية دهون

طيب في شيء بدون دهون .. لان صفر الدهون وناشف انا .. وابي ابني عضلات بدون دهون :(

مع اني أفطر وقبل لاروح النادي أكل وجبه خفيفه وبعد النادي صدر دجاج مشوي ورز واتسحر


أخ بردان ودي بنصيحتك للمكملات لاني والله مافهم شيء وهذي اللي قالها لي المدرب
:(

عشان تبني عضل انت تحتاج تدخل مرحلة تضخيم
ومرحلة التضخيييم مستحييييل تبني بدون زيادة دهنيه
إلا انه هناك مايسمى بالكلين بولك الي هو بناء عضل صافي او باقل قدر من الزيادة الدهنيه لكن يحتااج دراااااايه ونظام غذائي مدروس تماما
اذا انت ماتبي تكون الزيادة من المكمل مافيه مشكلة خذلك واي بروتين صافي + تهتم بالتغذية وتكون عارف الاغذية الغنية بالكارب وتاخذها قبل التمرين . اما بعد التمرين تبعد عن الكارب والدهون ماعدا اوول وجبة بعد التمرين لامانع ان كانت تحتوي على الكارب < طبعا بالرمضان صعب تضبط زي هالبرامج لانك تحتاج كل 3 ساعات تاخذ وجبة
لكن ممكن الحين تبدا بواي بروتين + الامينو وتهتم حاليا بالتغذية السليمة وقبل التمرين ابحث عن مصادر البروتين المعقد مثل الشوفان والبطاطا والماكرونه
وبعد رمضان اضبط لك برنامج غذائي مدروس او حاول تطبق هالبرنامج او تعدل عليه تعديل بسيط بما يناسبك http://www.montada.com/showthread.php?t=686348

وموفق اخي

أخوي بردان انا زي ماقلت لك مبتدىء ولا اعرف شيء بالمكملات ..

فـ تنصحني أخذ أمينو تابلت + سيرويس ماس

او واي بروتين + أمينو ؟


عطني اللي تشوفه مناسب انا مبتدى وانا اخوك

اذا تبي رايي يعني وانت كا مبتدء وماتبي مكمل يعطيك زيادة دهنية
خذ واي بروتين لوحده بدون حتى الامينو او بروكمبلكس لوحده

واستمر عليه شهرين وبعد كذا على حسب المعطيات نضيفلك ونعدلك , نعطيك كورس افضل هذا رايي طبعا
بس لاتنسى الاهتمام بالتغذية ترا بدون التغذية المكمل مايسوى شييي ابد

بالتوفيق اخي

الله يسعدك ياشيخ ويدخلك فسيح جناته ..

ان شاء الله اليوم أروح للنادي وأعدل الجدول مع المدرب .

وأطلب الواي بروتين . ابدا استخدمه من الحين ؟

اذا وصلك مافيه مشكلة استخدمه الحين بعد التمرين مباشرة مع ماء
وبعد الرمضان بإذن الله استخدمه كالتالي

الصباح بعد الافطار بساعتين تاخذ سكوب واحد مع حليب
وبعد التمرين سكوب مع ماء
وقبل النوم سكوب مع حليب

وتخلي وجباتك 5 وجبات باليوم 3 وجبات كبيرة فطور غدا عشا + وجبتين او ثلاث سناك خفيفه وتهتم بالاكل الصحي بعيييييدا عن الغازيات والوجبات السريعه وحاول توفر يوميا الحليب البيض واللحوم والخضار والفاكهه

وموفق يارب

الله يسعدك من وين مآرحت ويجزاك الف خير ..

انا رحت وكتبت كومنت لـ الاخ ذا روك وطلبته منه

وطلبت هالواي بروتين مناسب ؟ http://www.bodybuilding.com/store/op...130_black.jpeg

هههه
حسيت اننا بشات *_^
امييين ويسعدك ياشيخ ماسوينا الا الواجب والله وهذا الي يفرحنا دعوات الطيبين مثلك

اييه هذا الافضل قولد ستاندرد واي من شركة اوبتمم ممتاز جدا

هههههههههههههههههه الله يسعدك والله آرتحت

جزاك الله الف خير ويزوجك 4 مره وحده

هههههههههههههه امين
بس الله يكتبلنا وحده ويكون به الخير والبركه ههههه
الله يوفقك بساير حياتك

بآك .,

أخوي بردان كلمت المدرب اليوم ويقولي ليش راحه ومن هالكلام...

قالي على العموم خلك على الجدول الاول لأنك مبتدى الحين ...

وبعد رمضان أسوي لك كورس واقولك وش تاخذ مكملات ...

بس حالياً خليك على الجدول اللي انا حطيته لك ؛< كلامه


هل مدربي من جنبها ولا وش الوضع !!

ههههه
ممكن مايكون من جنبها بس فلسفات تدريبية لكل شخص فلسفه وبنضره هي هالجدول ممتاز يعني مستحييل تجزم باللعبة ان هالاسلوب غير مجدي او هالاسلوب هو الافضل وجهات نظررر كثيرة والمغزى واحد هو تحريك العضل لكن اكيد بتفرق بالنتيجه
وانت اذا انت مرتاح له وشايف ناس كبار يتدربون على يده يعني اجسامهم حلوه وهو جسمه ممتاز جرب امش على كلامه مافيه اي اشكاليه حتى يكون قريب منك ويشوف جسمك احسن مننا

وانتظر لما بعد الرمضان وشف وش يبي يعطيك من مكملات لكن انتتتتتبه من بعض الحركات التسويقية عند المدربين اغلبهم عندهم بضاعه ويبي يمشيها تلقى عنده نوع واحد بروتين ويجلس يمدح فيه هذا افضضضل بروتين ومادري وشو

انت اذا عطاك الكورس اذا هو يبي يبيعه عليك قبل لاتشريه اكتبه لنا هنا وماراح يقصرون الجميع معك

وبالتووفيق

والله للآمانه يآخ بردان وزني زاد 3 كيلو من اول مادخلت النادي .,

والمدرب جسمه خطيرررررررررررررر هو ماعرضها علي ولكني سالته عنها فقط

ع العموم بكمل الشهر هذا تدريب عادي بدون مكملات وإن قال لي شيء بجي أسدحه لكم هنا


يعطيك العافيه بردان ولنا تواصل ان شاء الله