هل احتاج للمكملات

[طياقه]

معلومات المتقدم بالاستفسار :
العمر : 21 , الجنس : ذكر

الطول :170 متر
الوزن : 55 كيلوجرام

نسبة الدهون : 0

و الاستفسار كالتالي :
السلام عليكم ورحمه الله وبركاته ...

ياجماعه الخير انا سجلت بناء أجسام والحمدلله ولي اسبوعين والحمدلله بآن علي التدريب

ولكن كلمت المدرب اليوم على المكملات وقلت له لازم اخذها ..

قال لي بسوي لك برنامج غذائي وتستخدم . الآمينو سوفت جل , والبروتين سيريس ماس

والصدق انا متخوف هل لها ضرر علي او لها اضرار جانبيه ...

وهل اذا وصلت للوزن اللي ابغاه استخدمها او اوقف

. وكيف راح يكون تدريبي للمحافظه على الجسم ؟

وهذا جدول تدريبي .

السبت : صدر

الأحد : باي + تراي

الأثنين : كتف

الثلاثاء: ظهر+ أسفل ظهر

الاربعاء : فخذ + سمانه

الخميس : تمرين بطن

الجمعه : راحه

أتمنى نصيحتكم ياخوان

[بردان1]

وعليكم السسلام ورحمة الله

من رايي اجل استخدامها لبعد الرمضان كمل اول شهر بدون مكملات
وبعده اضفها ولا لها اضرار وهي مجررد مكمل غذائي مستخلصه من الحليب والبيض لا اكثر
وتقدر توقفها متى مابغيت لكن تذكر انك لما توقفها لازم تعوض بالاكل يعني تحسب كم نسبة البروتين الي تاخذها باليوم من المكمل والاغذية وبعد كذا لاوقفته تستمر على نفس النسبة بس من الاغذية
وبالنسبة لجدولك مررهق جداااا
خل الراحة بعد الكتف
مع اني ارى تغييره افضل وتخليه بهالشكل
صدر
ظهر
راحة
اكتاف + بطن
باي وتراي
ارجل
راحة

مجرد اقتراح
وبالتوفيق لك

[طياقه]

الله يعطيك العافيه يآبردان .. والله اني متخوف منها .. المكملات ...

وبالنسبه للجدول والله مدري ياخوك آنتظر رد الاخوان لآطمئنان القلب

لآهنت وانا اخوك

[.hamad.]

اخوي طياقة

الكبتن بردان 1
رده 100%

ولا تحاتي وانا اخوك وتوكل على الله

[بردان1]

الله يعافيك ومافيه داعي للخوف منها .. او لاتاخذها خليك على تغذيتك بس اهتم بالتغذية الصحية يعني حاول من 5 - 7 وجبات باليوم لو وجبات خفيفه ومتوسطه
ويمكن الحين بالرمضان الوضع صعب بس بعد الرمضان اهتم وبالتوفيق ان شاءالله

وان شاءالله يفيدونك الاخوان

[طياقه]

يعطيك العافيه حمد . بس الخوف عامل عمايله ..

طيب اخوي بردان .. إن شاء الله على كلامك أغير جدولي مثل ماقلت .. ويكون تدريبي فقط 5 أيام بالاسبوع

والمكملات اللي نصحني فيها المدرب لو باخذها ان شاء الله .. اللي هي الامينو سوفت جل ., والبروتين سيريس ماس


هل هي كويسه ؟

والجدول

السبت : صدر
الاحد: ظهر
الاثنين :راحة
االثلاثاء :كتاف + بطن
الاربعاء :باي وتراي
الخميس :ارجل
الجمعه :راحة

[بردان1]

ايه كويسه بس الامينو وش اسمه ؟

تاكد قبل
وبالتوفيق

[طياقه]

الامينو سوفت جل

[طياقه]

والجدول مضبوط كذا ؟

السبت : صدر
الاحد: ظهر
الاثنين :راحة
االثلاثاء :كتاف + بطن
الاربعاء :باي وتراي
الخميس :ارجل
الجمعه :راحة

[بردان1]

الامينو 2222 الكابسولات فيها جلاتين خنزيري لكن السوووفت جيل ماادري مااعندي علم عنه وماهو مكتوب عليها جلاتين
لكن احتياطا لو لقيت التابلت اضمن

والجدول تمام كذا بس لاتنسى العضلات الاخرى السواعد والسمانه والترابس تضيفهم السواعد مع الباي والتراي والترابس مع الكتوف والسمانه مع الارجل

[طياقه]

مزبوط الجدول ..

طيب عطني الآمينو اللي استخدمه . والبروتين < انصحني فيهم وكيف أقدر أجيبهم .. انا ساكن بتبوك

[طياقه]

السبت : صدر
الاحد: ظهر
الاثنين :راحة
االثلاثاء :أكتاف + بطن + ترابس
الاربعاء :باي وتراي + سواعد
الخميس :أرجل + سمانه
الجمعه :راحة


وكذا الجدول يآمعلم ؟

[بردان1]

بالضبط كذا تمام
والمكملات يمكن مدربك يقدر يجبهم < مستحييييييل مدرب بالسعودية مايبيع على اعضاء النادي هههه سرا او جهرا هع
وتقدر تاخذهم من الجي ان سي اذا فيه عندكم
وكل هالحلين مايروقون لي
الحل الانسب والافضل والاجمل والاكمل
تاخذهم ياطويل العمر من المنتدى هنا *_^ من الكابتن ذا روك او الكابتن الهاشمي2 او باقي الكباتنه كلهم فيهم الخير والبركة وكلهم محلللل للثقة واسعاااااااار جدا رائعه وارخصصصص بكثييير من شركة النصب جي ان سي واكيد ارخص من المدرب اذا هو يقدر يجيبهن
والتعامل مع الكباتنه هنا بالمنتدى تطلب المكمل ويحسبلك السعر وتحول المبلغ حواله بنكيه ويرسله لك عن طريق شركة زاجل من بكرا والمكمل عندك والشغلة مضمونه 100 % والاعضاء بما فيهم انا كلنا معتمدين على الله ثم هم جزاهم الله خير

وبالتوفيق واي استفسار احنا بالخدمة يابطل

[طياقه]

طيب ماقلت لي وش تنصحني استخدم مكملات ؟

[بردان1]

اختيارك
الي كان سيريس ماس + امينو 2222 ( تاكد انه تابلت حبوب مهو كبسولات )

طبعا السيريس ماس احتمال يزيد وزنك شوية دهون