(¯`·._) Warchif على كرسي أعتراف World of Warcraft (¯`·._)

بسم الله الرحمن الرحيم ,, http://www.riyadhmoon.com/vb/images/...smilies/71.gif

السلام ع ـليكم ورحمه الله وبركاته حياكم الله اجمعين اخواني واخواتي على كرسي التعذيب اليوم ظيفنا غ ـير اليوم مغنى واليوم طرب << انقلع بس :09:

ظيفنا إنسان يتمتع بروح الفكاهه , محبوب من الكل , نجد ردودهـ الرائعه في كل مكان .. !
شخص عنوانه الصراحه .. اسلوبه الوضوح .. والعفويه الجمه
ويبهجنا بـــ ردوده العطره .. وتعقيباته الجميله ,وبدلياته اللتي لاتنتهي
( Warchif )
وبعد مطالبه العدديد والعديد من الأعضاء ان نضعه على الكرسي خصوصا المسيره المليونيه اللتي جائت من ولد بطونها واعوانه ضد وارشيف ..
وهذي صورهـ تثبت ذالك http://www.riyadhmoon.com/vb/images/...smilies/60.gif

http://media.linkonlineworld.com/Gal...0/9/445362.jpg

( ماتوقعت ان تلاميذك هالكثر :bigeyes: )
, لن اطيل عليكم ولاكن لنكتشف الجانب الذي لانعرفه عن ظيفنا العزيز تفضل ع ـلى \ :biggthump

http://im9.gulfup.com/2011-09-17/131624917831.gif
تفضل روق مزاجكـ ,, وفلها وخذ اللى تبي http://www.riyadhmoon.com/vb/images/...smilies/66.gif

http://w000w.files.wordpress.com/2011/09/37363hayah.jpg

بالتوفيق لكـ

ملاحظه : ماوصيكم شباب هاهـ ابي اشوف قصف ارض جو / هجوم بري / بحري اللى تبون XD

http://www.a-r-3.net/vb/uploaded/337_1276230265.jpg

http://www.almekhlafi.com/filemanage...=image&id=1028

لاتصدقون ترى امزح معكم !!! http://www.riyadhmoon.com/vb/images/...smilies/66.gif
احس في ناس مستانسين ومجهزين خمسه وخمسين سؤال الحين خخخخخ

الرجاء الإلتزام بالقوانين ,




http://www.photoshop-pack.com/tutori...ages/12879.jpgبـإمكان الجميـــع المشاركة
http://www.photoshop-pack.com/tutori...ages/12879.jpgالعضو له الحق في عدم الإجابة على الأسئلة المحرجة..
http://www.photoshop-pack.com/tutori...ages/12879.jpgالعضو له الحق في الإنسحاب إذا كان مشغول ويواجه ظروف
http://www.photoshop-pack.com/tutori...ages/12879.jpgكل عضو فقط يجلس عالكرسي مرة واحدة في كل جزء أو موضوع ,
يعني الذي يترشح لهذا الكرسي لا يمكن أن يترشح مرة ثانية
http://www.photoshop-pack.com/tutori...ages/12879.jpgكل عضو له الحق في طرح عشرهـ اسئله فقط لكل يوم ,


ودع ـتك الله يالضنى http://www.riyadhmoon.com/vb/images/...smilies/78.gif

س \ ماهو رايك بكرسي التعذيب ؟؟

س \ ليش لك يمقن اسبوع مختفي ويمقن اسبوعين ؟؟

س \ اول ماعرفت انك على الكرسي وش كان شعورك بصراحه ؟؟

س \ كم منتدى مسجل فيه غير هالمنتدى؟؟

س \ من متى تعرفت على عالم النت ؟؟

س \ تعرف احد من برى المنتدى ؟؟

س \ لمازا < وش فيني خخخخ / عندك مليون الف شخصيه وتحب تلفل كثير ؟؟

س \ لو ربحت 10 ملايين ريال ماذا تفعل بها ؟؟

س \ لو جتكـ بنت وطلبت الرقم وش تسوي ؟؟

س \ حكمه او حاجه تمشي عليها دائما؟؟




جأأأأأأأأأأأأأأأأأأأأأأأأأأأأأأأأوب يالله جااااااااااااااااااااااااااااوب ! < بدينا من الحين هههههههههههه http://www.riyadhmoon.com/vb/images/...smilies/65.gif

البطاقه الشخصيه بالاول ...؟

بسم الله بسم الله من ويين نبدأ!!


س/تحبني ولا تحب الفلوس؟؟ لا لا هذا السؤال معيود!

---------------
همممممممم
1- ما هو شعورك وانت في كرسي الإستجواب؟
2- هل يوجد شخص كنت تتمنى أن يأخذ مكانك؟
3- أي عصير من اللي بالصوره أخترت؟؟ وليه؟
---------------
هههه تراه هذي بس المقبلات ,,,الله يعينك بكرا

اقتباس:

---

المشاركة الأصلية كتبت بواسطة Yoshimetsu

تفضل روق مزاجكـ ,, وفلها وخذ اللى تبي http://www.riyadhmoon.com/vb/images/...smilies/66.gif

http://w000w.files.wordpress.com/2011/09/37363hayah.jpg

---

يا حظظظظظظك بتشرب عصير!! أنا ابي عصير بعد :09::09:
ماشاء الله ماشاء الله بالعافيه :)

اللهم إني لا أسألك رد القضاء وإنما أسألك اللطف فيه :jap053:

اقتباس:

---

المشاركة الأصلية كتبت بواسطة Yoshimetsu

س \ ماهو رايك بكرسي التعذيب ؟؟

الشكوى لله

س \ ليش لك يمقن اسبوع مختفي ويمقن اسبوعين ؟؟
محاولات يايئسه لصرف النظر عن التصويت ضدي لكن بائت بالفشل بسبب المنحوس فتى الجمره المشبوب اللي انقلب علي مع اني ماصوت ضده ولا سألته ولا سؤال :jap030:

س \ اول ماعرفت انك على الكرسي وش كان شعورك بصراحه ؟؟

شعور أي مواطن :jap038:

س \ كم منتدى مسجل فيه غير هالمنتدى؟؟

على حسب فيه منتديات مشارك فيها بإستمرار وهي كلها اثنين فقط واحد منهم المنتدى هذا
وباقي المنتديات بسبب طلب التسجيل للتحميل وخلافه :jap004:

س \ من متى تعرفت على عالم النت ؟؟

من أيام الدايل أب عام 1998

س \ تعرف احد من برى المنتدى ؟؟

لا عايش على جزيره منسيه وش دعوه اكيد عارف ناس من بره المنتدى :jap017:

س \ لمازا < وش فيني خخخخ / عندك مليون الف شخصيه وتحب تلفل كثير ؟؟

صراحه انا من النوع اللي يلعب عشان يفلها ويستمتع ومن النوع اللي يمل بسرعه ويبحث عن الجديد عشان كذا تلقى عندي مليون شخصيه وشخصيه كل ماطفش من شخصيه نقلت شخصيه ثانيه

س \ لو ربحت 10 ملايين ريال ماذا تفعل بها ؟؟
أبني بيت العمر وأسوي مشروع مربح وبعض المشروعات الخيريه :jap035:

س \ لو جتكـ بنت وطلبت الرقم وش تسوي ؟؟
أي رقم :jap018:

س \ حكمه او حاجه تمشي عليها دائما؟؟

هي حكمتين أغلب شئ
إصرف مافي الجيب يأتيك مافي الغيب
ولا تشيل هم وفي السما مدبر


جأأأأأأأأأأأأأأأأأأأأأأأأأأأأأأأأوب يالله جااااااااااااااااااااااااااااوب ! < بدينا من الحين هههههههههههه http://www.riyadhmoon.com/vb/images/...smilies/65.gif

---

الله يستر منك ومن الجاي

اقتباس:

---

المشاركة الأصلية كتبت بواسطة usoppu

البطاقه الشخصيه بالاول ...؟

---

م. س. ع << لدواعي أمنيه جرى التعتيم:jap001:
عاد خمن الإسم خخخخخخخ

اقتباس:

---

المشاركة الأصلية كتبت بواسطة Twinked

بسم الله بسم الله من ويين نبدأ!!


س/تحبني ولا تحب الفلوس؟؟ لا لا هذا السؤال معيود!

---------------
همممممممم
1- ما هو شعورك وانت في كرسي الإستجواب؟
جاوبت عليه سابقا
2- هل يوجد شخص كنت تتمنى أن يأخذ مكانك؟
لا والله زي ماحب الخير لنفسي احبه لغيري :jap021:

3- أي عصير من اللي بالصوره أخترت؟؟ وليه؟

أنا من عشاق البرتقال
---------------
هههه تراه هذي بس المقبلات ,,,الله يعينك بكرا




يا حظظظظظظك بتشرب عصير!! أنا ابي عصير بعد :09::09:
ماشاء الله ماشاء الله بالعافيه :)

---

إن شاء الله باقي الأسئله تكون خفيفه

مبـــروؤوكـ .. مبـــروؤوكـ
أغلب الأعضاء منشغلين بالـ Patch يعني بتقعد مرتاح :12:


مع الأسف ما أعرف عنك واجد عشان اختار اسئلة تناسبك
والمشرف بعد شدد على عدد الأسئلة يعني خلنا محترمين :biggthump


1- اذا سمعت جملة "حمام فوق السطح" شنو يطري على بالك؟ :ponder:


2- أسمك؟ عمرك؟ طولك؟ وزنك؟ اوصف شكلك؟ + شي جديد .. اوصف صوتك
مثلاً صوتك ثقيل يعني كأنك مركب هدرز ولا بالغ 10 مرات
أو صوتك ناعم مثل الهطفة جواد العلي؟ دبر عمرك و اوصف :32:


3- شنو تسمع من الصوتيات؟ قرآن كريم؟ أناشيد؟ أغاني؟ يعني مثلاً وانت بالسيارة او وانت تشتغل على الجهاز؟
وإذا أناشيد شنو نوعها؟ عن التوبة؟ عن الجهاد؟ عن شنو بالضبط؟
واذا أغاني شنو نوعها؟ خليجي؟ كسرات؟ راب؟ شعبي؟


4- تدخن؟ تشيش؟ تشرب؟
واذا تسوي شي منهم قولنا أي نوع؟


5- شنو سيارتك؟ شنو تلفونك؟ جم قوة جهازك؟ وشنو نوعه؟


6- ماهو رأيك في البنت التي تمازح الرجال في المنتديات؟ هل هذا يجوز؟ وهل ترضى الزواج بها؟ وهل ترضى ذلك لأهلك؟


7- شرايك بـ Fluta ههههه لا أضحك :biggthump، انت نظامك PvP ولا PvE? وشنو أعلى مستوى وصلت له فيهم؟ وجم ساعة تلعب واو باليوم؟


8- أغلب وقتك تأكل من البيت ولا من المطعم؟ واذا من المطعم .. أي مطعم؟ وشنو تطلب؟ ريوق - غدا - عشاء؟ وحتى لو من البيت .. شنو تاكل بالبيت ريوق - غدا - عشاء؟


9- بصراحة أنا ما عندي أي فكرة عن شخصيتك، انت راعي هجولة؟ ماشي سيدا؟ من ربع المسجد؟ عربجي؟ من شلة ناروتو والإنمي؟ نظامك أفلام ومسلسلات أجنبية؟
عطني ملخص عن شخصيتك وشنو اهتماماتك


10- شنو روتين حياتك اليومي؟

اقتباس:

---

م. س. ع << لدواعي أمنيه جرى التعتيم:jap001:
عاد خمن الإسم خخخخخخخ

---

مهندس سقراط عجرا ههههههه وشو ذا كلمات متقاطعه !

اقتباس:

---

أي رقم :jap018:

---

رقم الشاصي حق السيارهـ ..

وشو رقمه يعني رقمك يابعد قليبي انت http://www.riyadhmoon.com/vb/images/...smilies/66.gif
يعني وش راح تسوي او تقول ؟

اقتباس:

---

س \ تعرف احد من برى المنتدى ؟؟

---

كنت اقصد تعرفه في المنتدى وبرا يعني مثلا

بوحه وولد بطونها يعرفون بعض خارج المنتدى سمعت ان كلاش عزمهم واصلح بينهم http://www.riyadhmoon.com/vb/images/...smilies/66.gif

اقتباس:

---

س \ لو ربحت 10 ملايين ريال ماذا تفعل بها ؟؟
أبني بيت العمر وأسوي مشروع مربح وبعض المشروعات الخيريه :jap035:

---

ذكرتني بمقوله ..

سأل امريكي مواطن سعودي وقال ماهي امنيتك ؟

قال السعودي :- امنيتي ان احصل على وظيفة ومنزل وان اتزوج ..

قال الامريكي :أنا سألتك عن امنيتك ولم اسألك عن حقوقك..!

+ فلم منوبولي سبحان جت في بالي مدري كيف ,

Will be back !

قهر والله 10 اسأله بس

ليش انا اول يوم 120 سؤال من اللي فوقي هذا

غير باقي الحلوين على 20 و 30 سؤال

المهم

انا بسألك 10 اسأله وان شاء الله نكمل بكره واذا اي واحد مايبي يسأل يكتب بالموضوع هذا "اني زوجتك نفسي" قصدي "اوكلت ولد بطنها يسأل عني" عشان اسألك وامنع الاحراجات من الناس اللي يمكن ما يمونون عليك ويسألونك شي , واللي بعد عنده اسأله بس يستحي يسألها يكتب هني وكلت ولد بطنها يسأل عني

و يرسلي الاسأله خاص

وانا احطها له عشان يضيع مايدري منو سأل

المهم الاسأله<

وقبل الاسأله اتمنى ترد بكل صدق وامانه , يعني ما يسألونك شنو اسمك تقول ش.م.ك يعني شركه مساهمه كويتيه , عطنى اسمك وين قاعدين ؟ ياجماعه حكوه باند شناطرين يعني اكثر ؟ من اول الاسأله يتهرب ولا يجاوب , انا و يوشي شنو ذنبنا يعني اللي ردينا عالاسأله واهو لأ

المهم الاسأله

1-ملاحظ انك ماتدخل الا الصبح , وملاحظ انك تلعب برايف سيرفر وتقص على الناس تقول لفلت شخصيات وانت صج ملفل لكن ببرايفت سيرفر اللي تذبح ذيب او فار يعطيك 10 ملايين اكس بي

ليش تشبك الصبح بالمنتدى وتلعب برايفت ؟ هل لأنك بخيل ناشف جعص ما تندي وماتشك الا من الدوام وتلعب برايفت عشان ابلاش ؟

2-شنبك شلونه ؟ طويل قصير . ديرتي او محدد من الجوانب , هل تقدر و تعتز بالشنب او انت من اللي يقولون لو الشعر فيه خير ماطلع بالمك... ومن هذا المنطلق سويت شنبك نص او ربع ؟

3-كم مره تدخل الحمام باليوم وشنو تسوي ان دخلت ؟

4-هل لما تدخل الحمام طول القعده تغني او ساكت تلعب بشعر ايدك او تصجم "تنقف" يعني تلعب بخشمك ؟

5-اذا قعدت من النوم تروح تتسبح و تفرش اسنانك او بس تحط راسك بالمغسله وتغسل شعرك وتطلع ؟

6-كم مره شتمت نفسك , يعني مثلا صار شي وقلت انا جربوع انا كذا انا كذا , وشنو اغلب التشبيهات اللي شبهت فيها نفسك ؟

7-متزوج عندك اولادك كم عددهم وكم زوجه وهل تؤمن بالزواج من ثانيه وثالثه ورابعه لكن خايف من زوجتك او تقص علينا تقول ماعندي فلوس وله كان سويتها ؟

8-لو قعدت من النوم وغسلت وجهك وشفت بالمنظره وله شكلك وائل كفوري اول شي تسوي شنو ؟ هل تعيش بالمجمعات التجاريه عشان تغازل او تحاول انك تغني عشان تكملها مره وحده او شنو تسوي بالضبط ؟

9-منو الشخص بالمنتدى اللي تتحشى الكلام معاه ولا تحب تشاركه في مواضيع وامور ثانيه ؟

10-منو افضل 5 اشخاص بالقسم والقسم بدونهم ماله معنى وياليت ترتبهم من الاول الى الخامس ؟




ياجماعه والله حرام


شنو 10 اسأله ؟ احنا مو بالترفيهي اللي كله بنات , اللي يقولولها لج 10 اسأله تروح تسأل 4 اسأله بس يعني كشخه , مثل سالفه العصير تشرب نصه وتخلي الباقي يعني شوفوني عادي ومتعوده عالعصاير بالبيت , واهي متحسفه قد شعر راسها

احنا رجال هني ماعندنا 10 اسأله , احنا نضرب بالخمس , ذبيحه ماعليها احد وتقولون 10 اسأله حدك

مايصير , عندي عشرات بل مئات الاسأله وتحدوني على 10 بس

انا ماع ـندي اي مشكله إذا وارشيف موافق:biggthump

يالله وراشيف خلك كريم ! :biggthump:biggthump

:

ياليل ياعين

يااا

يااا


يااااا ليل


:

اقتباس:

---

المشاركة الأصلية كتبت بواسطة Derover

مبـــروؤوكـ .. مبـــروؤوكـ
أغلب الأعضاء منشغلين بالـ Patch يعني بتقعد مرتاح :12:

الحمدالله وان شاء الله يعدي الأسبوع بسرعه قبل ماينتبهون ونفتك من أسئلتهم وأنت أولهم
عليك أسئلة إمتحان قدرات نوويه :jap024:

مع الأسف ما أعرف عنك واجد عشان اختار اسئلة تناسبك
والمشرف بعد شدد على عدد الأسئلة يعني خلنا محترمين :biggthump

إيه خلك ماشي في السليم أحسن :jap002:

1- اذا سمعت جملة "حمام فوق السطح" شنو يطري على بالك؟ :ponder:

حمام زاجل هههههههههه بس اضن القصد المستراح يعني شفت كيف التعبير اللطيف

2- أسمك؟ عمرك؟ طولك؟ وزنك؟ اوصف شكلك؟ + شي جديد .. اوصف صوتك
مثلاً صوتك ثقيل يعني كأنك مركب هدرز ولا بالغ 10 مرات
أو صوتك ناعم مثل الهطفة جواد العلي؟ دبر عمرك و اوصف :32:

الأسم جاوبت
العمر : 35 عام
الطول : 186 سم
الوزن : مابين 86 إلى 88 كيلو <--- لاعب حديد سابق وان شاء الله ارجع ألعب
صوتي جهوري نوعا ما تقدر تقول شايل دبة التلوث خخخخخخخخخخ
شكلي والحمدالله مثل باقي عباد الله وإن كان فيه بعض شبهوني بالوالد طال عمره :jap017:

3- شنو تسمع من الصوتيات؟ قرآن كريم؟ أناشيد؟ أغاني؟ يعني مثلاً وانت بالسيارة او وانت تشتغل على الجهاز؟
وإذا أناشيد شنو نوعها؟ عن التوبة؟ عن الجهاد؟ عن شنو بالضبط؟
واذا أغاني شنو نوعها؟ خليجي؟ كسرات؟ راب؟ شعبي؟

اسمع للقرآن بالسياره اكثر شئ

أما الأغاني الله يهدينا بس
اسمع خليجي للمطرب عبدالكريم عبدالقادر سابقا وحاليا ولاشي صراحه كل الأغاني اللي أحب أسمعها قديمه لبعض المطربين
عندي اغاني ايام التسعينات للبوب والراب والدانس أيام العصر الذهبي للموسيقى وقليل اسمعه من الجيل الجديد

4- تدخن؟ تشيش؟ تشرب؟
واذا تسوي شي منهم قولنا أي نوع؟

الحمدالله ماني مدخن وجربت المعسل كم مره لكن تركته بسرعه وطبعا جربت الفخفخينه :biggthump

5- شنو سيارتك؟ شنو تلفونك؟ جم قوة جهازك؟ وشنو نوعه؟

سيارتي : دودج دورانجو موديل 2009
تلفوني الحالي : سامسونج أمنيه 2 وراح اشتري قريب سوني اريكسون نيو ان شاء الله
جهازي حاسب شخصي كلفني تقريبا حدود 10 الاف ريال :jap037: <-- مدمن شئ اسمه الكترونيات وتكنولوجيا + حيمرز درجه أولى
ومن السعر احسب قوته عاد وإذا عاد تبي المواصفات اسأل المره الجايه ونسدحها لك


6- ماهو رأيك في البنت التي تمازح الرجال في المنتديات؟ هل هذا يجوز؟ وهل ترضى الزواج بها؟ وهل ترضى ذلك لأهلك؟

المشكله المجمتع عندنا ياخذ نظرة العيب على البنت فقط ومايطبقها على الرجال
يعني ليش عيب على البنت تمازح الرجال ومو عيب على الرجال يمازح البنات
الأثنين نفس الشئ
انا انسان محافظ والدين أهم شئ عندي مع اني للأسف ماطبق كله وادعي ربي يصلحني ويهديني أكثر قولوا آمين
لكن بالنسبه لي إذا المزح في حدود الذوق والإحترام وبعيدا على الإسفاف وقلة الحيا ممكن في حدود ضيقه
وفكرة الزواج من بنت محترمه تمازح رجال في منتدى صراحه ماتروقني لكن اقدر اطوفها إذا البنت أخلاق و مثقفه وذكيه وطبعا جميله مو بذاك الجمال الصارخ لكن الجمال اللي يخلي الواحد يرتاح لما يشوفه ;) وطبعا راح اطلب منها ترك الممازحه لأنه خلاص معها رجال تمزح معه خخخخخ
وطبعا الشئ هذا مايرضاه أهلى قبل ما أرضاه لهم

7- شرايك بـ Fluta ههههه لا أضحك :biggthump، انت نظامك PvP ولا PvE? وشنو أعلى مستوى وصلت له فيهم؟ وجم ساعة تلعب واو باليوم؟

أنا نظامي pvp واصارحك القول اعلى حدي وصلته جير الهونور اما الارينا مالقيت شخص اتفاهم معه وانا بالذات ماحب العب مع احد ماعرفه لأنه أي خطأ يقعد يتفلسف ويتركك فأنا تعقدت شوي مع اني اتفنن في اللعب ولكن بما اني اخذ اللعبه حق وناسه وترويح فأنا ماخذ بخاطري كثير وان كنت اتمنى القى شباب مستعدين يلعبون معي على الحلوه والمره :jap049:

8- أغلب وقتك تأكل من البيت ولا من المطعم؟ واذا من المطعم .. أي مطعم؟ وشنو تطلب؟ ريوق - غدا - عشاء؟ وحتى لو من البيت .. شنو تاكل بالبيت ريوق - غدا - عشاء؟

سابقا كان اكلي كله مطاعم لكن الحين كله من البيت
المطاعم مافيه مطعم محدد وان كنت احب الكباب العراقي صاج من مطعم لفانا
الريوق : سندويتشات - فول - فلافل
الغدا : لازم يكون شئ ثقيل وفيه رز بعد خخخخخ
العشا : نواشف واحيانا حاجات خفيفه
انا انسان مزاجي واحب انواع من الأكل يعني ماني من النوع اللي ياكل اي شئ قدامه عشانه جيعان لا لازم يكون شئ احبه وعلى مزاجي ومشتهيه

9- بصراحة أنا ما عندي أي فكرة عن شخصيتك، انت راعي هجولة؟ ماشي سيدا؟ من ربع المسجد؟ عربجي؟ من شلة ناروتو والإنمي؟ نظامك أفلام ومسلسلات أجنبية؟
عطني ملخص عن شخصيتك وشنو اهتماماتك

أنا مجموعة إنسان
من كل ضد وضد تلقين فيني
خخخخخ

انا من محبي الأنمي ونارتو ومن هواياتي السيارات والميكانيكا احب السيارات السبور واحب سباقات السرعه والتفحيط لكني اكره الهجوله واكره التفحيط على طريقة اهل الرياض
يعني تفحيط تخميس وحرق كفرات مكانك هذا اللي يعجبني اما هجوله وانتحار ماحبه ابدا
من هواياتي ايضا القراءه والبرامج العلميه والثقافيه ترا انا معروف بين الأهل والأصدقاء بأني إنسان مثقف والحمدالله
احب المسلات الكوميديه فقط وغيره من المسلسلات ماطيقها سواء اجنبيه او عربيه
احب الافلام الأجنبيه فقط اما الأفلام المصريه وطقتها ماطيقها
احب افلام الأكشن وافلام الرعب والخيال العلمي والكوميديا بس لازم تكون قصة الفلم + الشخصيات + السيناريو محبوكه صح اما اي كلام كذا ماحبه
وحتى الدراما ممكن اتابعها إذا القصه ممتازه

شخصيتي

أنا إنسان عصبي مزاجي وطبعي شوي حاد ماعرف للرومانسيه صراحه وان كنت اسمع بها هههههههه لكني انسان طيب ومتفهم ومرن
وصراحه انا شخص يفكر ويحلل ويتفلسف بعد :)
مع إنه فيني شوي إنطوائيه وماحب الخروج كثير ومقابلة الناس إلا أنني أتعامل مع الناس بأخلاق إذا كانوا يستاهلون أما غير كذا نربع جنط مقاس 20 في وجيههم
أنا عصبي لكني امسك نفسي كثير و اسهلها يعني مثلا مو عشان واحد وانا ماشي بالسياره قطع الطريق علي اعصب واروح اوقفه واتهاوش لالالالا صراحه اسخف شئ انه الناس تتهاوش على أشياء تافهه مال امها داعي انا اذا قطع علي واحد الطريق يا أمسك نفسي وخلاص او عاد بالكثير اسفل فيه في نفسي طبعا ههههههههه
لكن وقت الجد ولو بتصير مطاقه وانا ادعي ربي ابدا ماتصير ممكن مع العصبيه اللي فيني اتحول وحش مايرحم قد جربت مره وتهاوشت مع واحد وطب باقي ربعه وصاروا 7 (على طريقة واو هع هع ) ويمكن قعدت ربع ساعه وانا طق وهم يطقون لين تعبت وكتفوني واستلموني ضرب إلين فزع لي كم واحد من اهل الحي هههههههه طبعا هذا ايام الشباب قبل عشرين سنه قبل ما العب الحديد (وينهم بس بعد الحديد خخخ) ياهو تورم وجهي


من اكبر عيوبي الكسل وهذه حتى الوالده تشتكي إني كسلان :jap040:


10- شنو روتين حياتك اليومي؟

---

من البيت للشغل ومن الشغل للبيت

شنهو هالاسئله اللي زي شنبك يالفتى المقرود
اعوذ بالله
اقول 10 أسأله ولا يكثر
الحين بطلع وراجع لكم بعدين
اعوذ بالله من نفسك طماعه يالشين انت وشنبك

نحش وماجاوب

الظاهر الدوام انتهى يرد علينا باجر لما يداوم

يااخي اشتر لابتوب في انواع رخيصه مثل ايسر تاخذه ب500 ريال

لي متى وانت تكدس الفلوس على قلبك ؟ لي متى تخش تحت الكاشي على بالك محد يصيدهم

بطل الجربه شوي واشتر كمبيوتر

اقتباس:

---

المشاركة الأصلية كتبت بواسطة Yoshimetsu

مهندس سقراط عجرا ههههههه وشو ذا كلمات متقاطعه !




رقم الشاصي حق السيارهـ ..

وشو رقمه يعني رقمك يابعد قليبي انت http://www.riyadhmoon.com/vb/images/...smilies/66.gif
يعني وش راح تسوي او تقول ؟

ليش لا ممكن تبي تلفوني عشان البزنس ونسوي مشروع تجاري :biggthump


كنت اقصد تعرفه في المنتدى وبرا يعني مثلا

بوحه وولد بطونها يعرفون بعض خارج المنتدى سمعت ان كلاش عزمهم واصلح بينهم http://www.riyadhmoon.com/vb/images/...smilies/66.gif

لا ماحصلي الشرف

ذكرتني بمقوله ..

---

اقتباس:

---

المشاركة الأصلية كتبت بواسطة Yoshimetsu

سأل امريكي مواطن سعودي وقال ماهي امنيتك ؟

قال السعودي :- امنيتي ان احصل على وظيفة ومنزل وان اتزوج ..

قال الامريكي :أنا سألتك عن امنيتك ولم اسألك عن حقوقك..!

+ فلم منوبولي سبحان جت في بالي مدري كيف ,

Will be back !
pls do not back again

---

اقتباس:

---

المشاركة الأصلية كتبت بواسطة Karazhan

قهر والله 10 اسأله بس

ليش انا اول يوم 120 سؤال من اللي فوقي هذا

غير باقي الحلوين على 20 و 30 سؤال

المهم

انا بسألك 10 اسأله وان شاء الله نكمل بكره واذا اي واحد مايبي يسأل يكتب بالموضوع هذا "اني زوجتك نفسي" قصدي "اوكلت ولد بطنها يسأل عني" عشان اسألك وامنع الاحراجات من الناس اللي يمكن ما يمونون عليك ويسألونك شي , واللي بعد عنده اسأله بس يستحي يسألها يكتب هني وكلت ولد بطنها يسأل عني

و يرسلي الاسأله خاص

وانا احطها له عشان يضيع مايدري منو سأل


ياخي انا وش سويت لك عشان تحقد علي كذا
انا لا اقترحت فكرة الكرسي
ولا صوتت ضدك
ولا سألتك ولا سؤال
المفروض تطفي حرتك في تلاميذك اللي خانوك
مو في رفيق دربك وخويك اللي ساندك ضد بوحه وشلته
افا عليك بس

المهم الاسأله<

وقبل الاسأله اتمنى ترد بكل صدق وامانه , يعني ما يسألونك شنو اسمك تقول ش.م.ك يعني شركه مساهمه كويتيه , عطنى اسمك وين قاعدين ؟ ياجماعه حكوه باند شناطرين يعني اكثر ؟ من اول الاسأله يتهرب ولا يجاوب , انا و يوشي شنو ذنبنا يعني اللي ردينا عالاسأله واهو لأ

المهم الاسأله

1-ملاحظ انك ماتدخل الا الصبح , وملاحظ انك تلعب برايف سيرفر وتقص على الناس تقول لفلت شخصيات وانت صج ملفل لكن ببرايفت سيرفر اللي تذبح ذيب او فار يعطيك 10 ملايين اكس بي

ليش تشبك الصبح بالمنتدى وتلعب برايفت ؟ هل لأنك بخيل ناشف جعص ما تندي وماتشك الا من الدوام وتلعب برايفت عشان ابلاش ؟

أخش الصبح لأني فاضي بالدوام وطفشان خخخخ
انا من عرفت اللعبه عام 2008 وانا العب اصليه رسميه
بس بعد الكاتا بشوي عافت نفسي اللعبه بسبب الباتل اللي يقعد نص ساعه عشان يخش
تخيل عشان اجيب قطعه وحده احتاج اسبوع
بعدها قطعت واو خمس شهور ولعبت برايفت سرفر وقتها فترة قصيره
وبعدين رديت للعبه بعد مطالبات الشعب و بعد ماعرفت انه الباتل رجع يخش بسرعه زي اول


2-شنبك شلونه ؟ طويل قصير . ديرتي او محدد من الجوانب , هل تقدر و تعتز بالشنب او انت من اللي يقولون لو الشعر فيه خير ماطلع بالمك... ومن هذا المنطلق سويت شنبك نص او ربع ؟

شنبي مرتب جنتل مو زي شنبات الجيكرات مثلك
وصراحه انا من اللي يعتز بالشنب ياخي حتى الشنب صار عزيز ماعاد تشوفه كثير زي اول
لكني احب بعد عوارض او سكسوكه
ممكن لو مثلا اسافر بره افكر اشيل الشنب لحاجه وحده
عشان اشوف شلون شكلي يطلع زي وائل كفوري وإلا شعبان عبدالرحيم:jap039:

3-كم مره تدخل الحمام باليوم وشنو تسوي ان دخلت ؟

أخش على حسب الحاجه
واللي اسويه اسحب سيفون واشغل الشفاط
عساك ارتحت الحين

4-هل لما تدخل الحمام طول القعده تغني او ساكت تلعب بشعر ايدك او تصجم "تنقف" يعني تلعب بخشمك ؟

جميع ماذكر أعلاه
ههههههههههههه إجابه كبيره بحجم السؤال لووووووووووووووووول
الله لا يبلانا
ياخي جب اسئله متعوب عليها مو أسألة حناشله :jap025:

5-اذا قعدت من النوم تروح تتسبح و تفرش اسنانك او بس تحط راسك بالمغسله وتغسل شعرك وتطلع ؟

على حسب
إذا بالحر اسبح
إذا بالبرد غسيل وكوي


6-كم مره شتمت نفسك , يعني مثلا صار شي وقلت انا جربوع انا كذا انا كذا , وشنو اغلب التشبيهات اللي شبهت فيها نفسك ؟

اذا سويت حاجه غلط اراجع نفسي ماحتاج اسب واشتم الحمدالله ماعندي ازدواج شخصيه زي حضرتك:jap017:

7-متزوج عندك اولادك كم عددهم وكم زوجه وهل تؤمن بالزواج من ثانيه وثالثه ورابعه لكن خايف من زوجتك او تقص علينا تقول ماعندي فلوس وله كان سويتها ؟

متزوج من واحده ولدي بنت وولد
الزواج من ثانيه وثالثه عند القدرة والإستطاعه وللضروره فقط
الله سبحانه وتعالى قال (فإن خفتوا ألا تعدلوا فواحده)


8-لو قعدت من النوم وغسلت وجهك وشفت بالمنظره وله شكلك وائل كفوري اول شي تسوي شنو ؟ هل تعيش بالمجمعات التجاريه عشان تغازل او تحاول انك تغني عشان تكملها مره وحده او شنو تسوي بالضبط ؟


تصدق كتبت اسم وائل كفوري فوق قبل ماشوف سؤالك بدون مادري انك ذاكره هنا بسؤالك خخخخخخخ شكله توارد خواطر (تليباثي)

أحاول أخفي إحساسي ولكني بالعشق مفضوح
تشوف الفرحه في عيني وأحبك بالعقل والروح
ما احاول شئ
غير إني أحمد ربي على النعمه اللي انا فيها

9-منو الشخص بالمنتدى اللي تتحشى الكلام معاه ولا تحب تشاركه في مواضيع وامور ثانيه ؟
بوحه وخويه اونلاين سابقا ايام الأزمهحاليا لا يوجد والحمدالله

10-منو افضل 5 اشخاص بالقسم والقسم بدونهم ماله معنى وياليت ترتبهم من الاول الى الخامس ؟

والله ماودي اظلم الشباب كثير اللي هم مهمين للقسم لكن بالنسبه لي اشوف التالي
ولا يهونون باقي الشباب كلكم عزيزين علي

لكن بسمي اللي اشوف همتهم كبيره ودايما بالمنتدى ماشاء الله
ولد بطنها
يوشي
فلوتا
كراي مي ريفر
لوعة الفرقا

بس بصراحه انا معجب بالأخ الكريم ميكافيلي بسبب اخلاقه واسلوبه الجميل مع انه مشاركاته للأسف نادره ومع انه للأسف الشديد صوت ضدي تهي تهي
وطبعا الأخت ديوديت وسالفة إضراب الزوجات ماننساها طبعا:jap017:

ياجماعه والله حرام


شنو 10 اسأله ؟ احنا مو بالترفيهي اللي كله بنات , اللي يقولولها لج 10 اسأله تروح تسأل 4 اسأله بس يعني كشخه , مثل سالفه العصير تشرب نصه وتخلي الباقي يعني شوفوني عادي ومتعوده عالعصاير بالبيت , واهي متحسفه قد شعر راسها

احنا رجال هني ماعندنا 10 اسأله , احنا نضرب بالخمس , ذبيحه ماعليها احد وتقولون 10 اسأله حدك

مايصير , عندي عشرات بل مئات الاسأله وتحدوني على 10 بس

---

أنت المفروض تنصك باند وتترس وقتك في خدمة المسردب ملك المانجا اللي في عروقه شطه وتبطل اسأله سامجه :jap008:

اقتباس:

---

المشاركة الأصلية كتبت بواسطة Karazhan

نحش وماجاوب

الظاهر الدوام انتهى يرد علينا باجر لما يداوم

يااخي اشتر لابتوب في انواع رخيصه مثل ايسر تاخذه ب500 ريال

لي متى وانت تكدس الفلوس على قلبك ؟ لي متى تخش تحت الكاشي على بالك محد يصيدهم

بطل الجربه شوي واشتر كمبيوتر

---

فلوسي على قلبي مو قلبك خليني احضنها وابوسها وافرح فيها
وش دخلك انت ياطماع ياحاسد
اعوذ بالله من شر حاسد إذا حسد
ناس طماعه

الله يسلمك احرجتني يوم شفت اسمي في احد اجوبتك على ولد بطنها ^^

خلنا نسأل كم سؤال

1- الحين بعد ارتفاع سعر علبة الببسي إلى ريال ونص << وش تسوي بالنص الباقي؟ تشتري فيه علك ولا تقوله رجعلي نص ؟ ولو كنت تبيه يرجعلك نص وعطاك علك بدون استشاره تقبله ولا تستقعدله لا سيما ان في زبون وراك متابع الاحداث بينك وبين الكاشير ^^؟


2- في واو واضح انك راعي pvp طيب السؤال كم مرة انهزمت هزيمه ساحقه في الدول؟ وهل تصر وتسوي دول معه مره ثانيه إلى ان تفوز او على الاقل تقاوم شوي؟

3- لو احد طلب منك قولدات بقرابة 10000 تعطيه ولا تصرفه مع العلم انه هو قالك انه بيرجعها بس شكله قالها يجامل يعني انه ماراح يرجعها؟ وهذا الشخص واحد من إللي تعرفهم في المنتدى او احد اصحابك في اللعبه

4- ماشاء الله عندك بنت وولد وبحكم انك ذكرت البنت اولا الظاهر انها مولودك الاول طيب وش شعورك اول ما جاك خبر انك رزقت بمولود؟ وشعورك ايضا بعد مارزقت ؟ << اذا كان توقعي في الترتيب غلط نبي شعورك اول ما رزقت بالولد والبنت (كل واحد لحاله^^)

اكتفي بهذا القدر يعني باقيلي 6 اسأله ياولد بطنها تراني موكلك على ال6 اسأله لا اوصيك

يلا كمل كاسة العصير انا متعود اشرب عصير في البيت :silly:

سؤال 3 انسىىىىىىىىىىىىىىىىىىىىى

قول 1 او 2 جولد مو تصدمه تقوله 10000 جولد

زين انا عندي اسأله الحين شلون يعني ؟ ننطر بكره لازم

طيب ماكو احد يسأل خلونا اقزرها اسأله على ما يرجعون الناس للمنتدى

هذي ال6 اسأله اللي حطهم لي لوعه الفرقا عشان ماتقول اتبلى عليك

1-بما انك متزوج وعندك عيال الله يخليهم لك , هل تستمع لما يوصلك مسج مكتوب فيه "جيب حليب وحفاظات" او تكره عمرك ؟

2-لما كنت صغير كم مره داس في بطنك ابوك او احد اخوانك ؟

3-عندك عضويه بالمنتدى هني وتشارك فيها كأنك انسان ثاني ؟ لأني شاك فيك

4-هل انت سعيد بحياتك ومستمتع فيها وبكل لحظاتها ؟

5-كم مره تمنيت انك تكون عربجي مشهور و خويك كلاش , وهل كنت من العرابجه قبل و تكنت ؟

6-هل انت سعودي و اذا الاجابه نعم اي منطقه بالسعوديه ؟



ودي بعد اسأل لكن الوقت ضيق

عندي كم سؤال : :)

1- هل أنت من الاحساء ؟ (اذا كانت اجابتك نعم انتقل للسؤال الثاني)
2- وش رايك بـ حسانا فله :p ؟
3- وش رايك بقيادة المرأه للسيارة ( اخاف تطلع طعس وتقول لي انتبه لا تكفر لول :p)
4- راعي البقالة يرضى يعطيك سلف لو ما معك فلوس ؟
5- ترضى تتزوج يهودية ؟ ( جائز شرعا)
6- رأيك بالشخص اللي يقول.... الموسيقى حرام و وهو اذا فتح التلفزيون جالس يسمع موسيقى ومستانس واذا فتح الراديو سمع موسيقى بس اذا شاف واحد يمسع قاله أنتبه ترا الموسيقى حرام !
7- اذا دخلت ارينا 2v2 وقابلت 2 holypala وش تسوي ؟ leave ؟

اقتباس:

---

المشاركة الأصلية كتبت بواسطة Karazhan

ياجماعه والله حرام


شنو 10 اسأله ؟ احنا مو بالترفيهي اللي كله بنات , اللي يقولولها لج 10 اسأله تروح تسأل 4 اسأله بس يعني كشخه , مثل سالفه العصير تشرب نصه وتخلي الباقي يعني شوفوني عادي ومتعوده عالعصاير بالبيت , واهي متحسفه قد شعر راسها

احنا رجال هني ماعندنا 10 اسأله , احنا نضرب بالخمس , ذبيحه ماعليها احد وتقولون 10 اسأله حدك

مايصير , عندي عشرات بل مئات الاسأله وتحدوني على 10 بس

---

لا لا هذا يسمووونه الهدوء قبل العاصفه !!
ـــــــــــــــــــــــــــــــ

بسم الله
1- هل هناك سبب لدخولك للمنتدى؟ ولأي قسم انجذبت!؟

2- مارأيك بالأعضاء المتواجدون في هذا القسم؟؟!

3- هل تطمح أن تكون مشرفاً يوماً ما ؟؟ ولمازا ؟؟!

4 - ياترى من الشخص القادم اللذي سوف يأخذ الكرسي بدلاً منك؟

5- إذا خرجت من الكرسي سليماً معافى بإذن الله!! ضد من سوف تصوت؟؟؟

--- أساله واويه! ---

6- سبب دخولك لعالم واو؟ ومتى ؟ !!

7- هل كنت تنوي تركها من قبل؟ ولمازا استمريت عليها؟

8- في أي سيرفر تقع؟؟ ولمازا زهبت هناك !!

9- كم هاي- لفل كاركتر عندك؟؟ ماهن؟؟ عددها إن وجد ؟!

10- إذا كنت من حقين الـPVE ما رأيك في الDragon soul رايد؟؟ وهل هو أفضل من ICC ??
** إذا كنت من حقن الـpvp أبلع العافيه ولا تجاوب :P

ـــــــــــــــــــــــــــــــــ

اقتباس:

---

المشاركة الأصلية كتبت بواسطة لوعةالفرقا

الله يسلمك احرجتني يوم شفت اسمي في احد اجوبتك على ولد بطنها ^^

خلنا نسأل كم سؤال

1- الحين بعد ارتفاع سعر علبة الببسي إلى ريال ونص << وش تسوي بالنص الباقي؟ تشتري فيه علك ولا تقوله رجعلي نص ؟ ولو كنت تبيه يرجعلك نص وعطاك علك بدون استشاره تقبله ولا تستقعدله لا سيما ان في زبون وراك متابع الاحداث بينك وبين الكاشير ^^؟

إذا ابي علك باخذه اذا ابي النص باخذه برضه :biggthump

2- في واو واضح انك راعي pvp طيب السؤال كم مرة انهزمت هزيمه ساحقه في الدول؟ وهل تصر وتسوي دول معه مره ثانيه إلى ان تفوز او على الاقل تقاوم شوي؟

انا صراحه ماسوي دويلات كثير لأنه معروف مافيه بالانس في اللعبه 1vs1 فلو سويت ديول مع كلاس يعتبر اوفر باور عادي ماحاول اعيدها اسوي اللي علي وانتهى واحيانا اللي مسوي معه الديول إذا هزمته يبي مره ثانيه عادي العب معه هزمني هزمته هي لعبه في النهايه وطبعا حاليا اي ميج يبغى ديول اعطيه اشكل على طول لكن الواريور مرحب بيه دايما :)

3- لو احد طلب منك قولدات بقرابة 10000 تعطيه ولا تصرفه مع العلم انه هو قالك انه بيرجعها بس شكله قالها يجامل يعني انه ماراح يرجعها؟ وهذا الشخص واحد من إللي تعرفهم في المنتدى او احد اصحابك في اللعبه

والله قد عطيت واحد من الشباب 5 الاف جولد ولا رجعها

4- ماشاء الله عندك بنت وولد وبحكم انك ذكرت البنت اولا الظاهر انها مولودك الاول طيب وش شعورك اول ما جاك خبر انك رزقت بمولود؟ وشعورك ايضا بعد مارزقت ؟ << اذا كان توقعي في الترتيب غلط نبي شعورك اول ما رزقت بالولد والبنت (كل واحد لحاله^^)

ياحبكم للعواطف
اول مولود كانت البنت الله يحفظها كانت لحظه مليئه بالعواطف الجياشه خخخخخخ وبداية مشوار الحفاظات والحليب هههههه
لكن شعور الأبوه شئ مايقدر الواحد يعرفه إلا لما يجربه وقتها الواحد يعرف وش هالشعور
والحمدالله الشعور كان واحد سواء البنت او الولد فأنا شخص قنوع وراضي بماقسم الله لي وأفرح بالبنت زي ما أفرح بالولد وكلهم عطايا ومنح كبيره من الله سبحانه وتعالى وعندي البنت بركتها اكبر من الولد ;)

اكتفي بهذا القدر يعني باقيلي 6 اسأله ياولد بطنها تراني موكلك على ال6 اسأله لا اوصيك

الله يهديك ترا ذا عنده هوايه التعذيب زي شرب المويه
امس تلاقيه مجهز الأسئله بالسرداب وهو يتلطم
يلا كمل كاسة العصير انا متعود اشرب عصير في البيت :silly:

---

المره الثانيه انت أسأل لا تعطي فرصه للمتوحش ولد بطنها

لا حول ولا قوة إلا بالله
ياجماعه هذا المفروض يتبند ولا تخلونه يسأل طوال فترة الحكم على الكرسي

اقتباس:

---

المشاركة الأصلية كتبت بواسطة Karazhan

هذي ال6 اسأله اللي حطهم لي لوعه الفرقا عشان ماتقول اتبلى عليك

1-بما انك متزوج وعندك عيال الله يخليهم لك , هل تستمع لما يوصلك مسج مكتوب فيه "جيب حليب وحفاظات" او تكره عمرك ؟

استمتع مره خاصه مع ميلك شك والا ايسكريم ساندويش
صدق إنك نشبه

2-لما كنت صغير كم مره داس في بطنك ابوك او احد اخوانك ؟

الوالد واجد
بس ماعندي اخوان

3-عندك عضويه بالمنتدى هني وتشارك فيها كأنك انسان ثاني ؟ لأني شاك فيك

أكيد بتشك لأنك اصلا تشك بعمرك وش باقي خخخخخخخخ
ماعندي إلا عضويه وحده فقط
ماني من اصحاب العضويات المتعدده

4-هل انت سعيد بحياتك ومستمتع فيها وبكل لحظاتها ؟

أيه طبعا مستمتع بكل لحظه وبرهه وسنه وشهر واسبوع ويوم وساعه ودقيقه وثانيه وجزء من الثانيه و و و و
تعرف عايض :biggthump

5-كم مره تمنيت انك تكون عربجي مشهور و خويك كلاش , وهل كنت من العرابجه قبل و تكنت ؟

ماعمري حبيت العربجه ولا أدانيهم

6-هل انت سعودي و اذا الاجابه نعم اي منطقه بالسعوديه ؟

لا أنا هندي من كالكتا

ودي بعد اسأل لكن الوقت ضيق

---

اقتباس:

---

المشاركة الأصلية كتبت بواسطة arlund

عندي كم سؤال : :)

1- هل أنت من الاحساء ؟ (اذا كانت اجابتك نعم انتقل للسؤال الثاني)
لا
2- وش رايك بـ حسانا فله :p ؟
3- وش رايك بقيادة المرأه للسيارة ( اخاف تطلع طعس وتقول لي انتبه لا تكفر لول :p)

ماعندي مانع لو فيها ضوابط وشروط
وهذه الضوابط والشروط من سابع المستحيلات تمشي
ياخي المفروض الناس تهتم بالضروريات اللي تهم الشعب ويحتاجها مو سواقط الأمور
وهي بالأساس يراد بها خروج المرأة من بيتها واعطائها حريات اكبر يعني بالصريح تغريب المرأة وتخريب اخلاقها
لأنه الأم مدرسه إذا أعددتها أعدت شعبا طيب الأعراق وإذا خربت الأم خرب الشعب

4- راعي البقالة يرضى يعطيك سلف لو ما معك فلوس ؟
إيه يرضى علاقتي قديمه معهم ويعرفوني من فترة طويله

5- ترضى تتزوج يهودية ؟ ( جائز شرعا)

ماشوف له داعي اخذ مسلمه اشرف واطهر

6- رأيك بالشخص اللي يقول.... الموسيقى حرام و وهو اذا فتح التلفزيون جالس يسمع موسيقى ومستانس واذا فتح الراديو سمع موسيقى بس اذا شاف واحد يمسع قاله أنتبه ترا الموسيقى حرام !

منافق

7- اذا دخلت ارينا 2v2 وقابلت 2 holypala وش تسوي ؟ leave ؟
لا طبعا
نحاول يمقن نفوز ويمقن لا :biggthump

---

شكله الاسبوع طويل الله يعيين بس

الله يرضى عليك
هذه الأسئله اللي الواحد يرد وهو مرتاح :)

اقتباس:

---

المشاركة الأصلية كتبت بواسطة Twinked

لا لا هذا يسمووونه الهدوء قبل العاصفه !!
ـــــــــــــــــــــــــــــــ

بسم الله
1- هل هناك سبب لدخولك للمنتدى؟ ولأي قسم انجذبت!؟

والله كنت ادور على معلومات عن لعبة واو وطلع لي اسم المنتدى في محرك البحث جوجل ومن هنا سجلت وبديت اشارك وماخش إلا هذا القسم

2- مارأيك بالأعضاء المتواجدون في هذا القسم؟؟!

مايحتاج ما شاء الله عليهم إلا هذا اللي اسمه ولد بطنها لازم روسيا تسحب بطاريتها النوويه منه

3- هل تطمح أن تكون مشرفاً يوماً ما ؟؟ ولمازا ؟؟!

أكره الإشراف ولا عمري طمحت ان اكون مشرف إلا في حاجه واحده تهجيد قليلي الأدب

4 - ياترى من الشخص القادم اللذي سوف يأخذ الكرسي بدلاً منك؟

الله أعلم

5- إذا خرجت من الكرسي سليماً معافى بإذن الله!! ضد من سوف تصوت؟؟؟

لا أحد
ماحب اورط الناس وأبي النحشه وبس

--- أساله واويه! ---

6- سبب دخولك لعالم واو؟ ومتى ؟ !!

كنت مشترك سابقا في شركة سيبريا لخدمات DSL الشركه ارسلت لي نسخه تجريبه للعبة واو عن طريق ارامكس والكلام هذا عام 2008
اخذت اللعبه وقطيتها بالدرج ماكنت اعرف اي حاجه عن واو
ويوم وانا طفشان طاح نظري على اللعبه و قلت خلني اجرب اللعبه شلون
ركبتها وسويت اكاونت وخشيت عالم واو وكانت اول لعبة آر بي جي العبها في حياتي اونلاين
المهم عجبتني اللعبه ايام TBC وبديت اندمج وادمنت عليها كنت اجلس عليها 12 ساعه تقريبا والتلفيل كان ممتع جدا وقتها مع طوله و لقيت لها موضوع بأحد المنتديات وشاركت وساعدوني الشباب وتعرفت على شباب في اللعبه وبديت افلها معهم
هذه بدايتي مع واو بإختصار

7- هل كنت تنوي تركها من قبل؟ ولمازا استمريت عليها؟

نويت تركها على آخر أيام اللش كنج بسب النيرفات والبفات السخيفه من بليزارد وخاصه البالادين على وقتها كان اوفر باور خلاني اكره اللعبه بس انتظرت إلين نزلت
الكاتا ولما صارت مشكلة الوقت الطويل للدخول للباتل جراوند عافت نفسي اللعبه وتركتها تقريبا 6 شهور وقتها لعبتها على برايفت سرفر بس ماكملت بسبب البجز واللااق
ورجعت العب بعد طلب واحد من الشباب + علمي بأن الوقت تعدل للدخول للباتل جراوند وصار سريع
استمريت عليها لأنه حاليا مافيه اي لعبه قدرت تسحبني من واو لأني احب PVP وشخصيات وقصة الهورد ومنتظر جيلد وار 2 إذا طلعت ممتازه نودع واو للابد
8- في أي سيرفر تقع؟؟ ولمازا زهبت هناك !!

تنقلت بين أكثر من سرفر واستقريت على كازاك وارتحت هناك وكل شخصياتي 85 تقريبا في كازاك واخترته بسبب المنتدى ووجود كثير منهم هناك


9- كم هاي- لفل كاركتر عندك؟؟ ماهن؟؟ عددها إن وجد ؟!
85
واريور
ميج
روق
وارلوك
شامان
هنتر
عندي درود 82 وديث نايت 81 وبريست 53
وسرب من البعارين في اكثر من سرفر ماتعدو لفل 10 :biggthump


10- إذا كنت من حقين الـPVE ما رأيك في الDragon soul رايد؟؟ وهل هو أفضل من ICC ??
** إذا كنت من حقن الـpvp أبلع العافيه ولا تجاوب :P
بلعناها:jap019:

ـــــــــــــــــــــــــــــــــ

---

اقتباس:

---

6-هل انت سعودي و اذا الاجابه نعم اي منطقه بالسعوديه ؟

لا أنا هندي من كالكتا

---

1- ماهي لغتكم المعتمده / الأم في كالكتا , وهل بيتك من القش ؟ مثل قبعة لوفي ؟ هل اكلتكم البرياني ؟ هل المعيشه هناك رائعه ؟


2- ماهو فطوركـ امس + الغداء + العشاء


3- لو اعطيت 5 صلاحيات لتغير او تزيل اي شي من العالم ماذا تختار/ عددها لنا ؟

4- لو عينوكـ GM في wow وكلمتكـ قلت تكفى ياولد بن وارشيف عطني اشيفمنت 2700 ريتنق تعطيني وتساعد اخوياك تخليهم يدخلون الريد يلقون كل البوسات ميتين
يروحون ياخذون اللوت وبس خخخخخ ؟

5- اين تجلس بالعادهـ ؟ غرفتك / الصاله / المجلس وانت تلعب واو ؟ وماهي الجلسه اللتي تجلسها القرفصاء او تلعب وانت واقف او منسدح
او كيف وماهي الساعات اللتي تلعبها الأن خلال كل يوم بعد رجوع ـك للـ Game ؟

6- في إشاعه طالعه عنكـ انك احد تلاميذ الملك ؟ نريد منكـ ان تصور شنبك نشوفه إذا كنت محلقه او شايله بالموس فـ انت مواطن صالح وشريف لاكن إذا مخلي الشنب
معشعش ومربيه فأنت أحد اعاونه يالله صورر خلنا نشوف !

7- دوله سبق وان زرتها وتتمنى زيارتها مره اخرى ماهي عملتها , كيف شعبها , المعيشه فيها .. حدثنا بشكل عام الذي اعجبك او إمتعضت منه

8- وين تشتغل فيه ؟ هل انت راضي بالراتب اللى تستلمه , ماهو رأيك في مديرك & المشرف إن وجد

9- فرضنا مسويه عزيمه عندك بالبيت وعندك ظيوف .. تقريبا 5 مو قايل كثير.. المهم
انت عطيت ولدكـ فلوس وقلت له رح جبلنا نص هريفي او تيس الخ ,, المهم مصادفه لقى ولدك المطعم مسكر وراح جاب لهم شورما
هل تقدمها لظيوفكـ ولا تستحي ؟ ووقتها وش تسوي هل تنحاش وتسحب عليه ولا وش القصه ..

10- ماهي افظل الألعاب في نظركـ حالياً على ال PS3 عدد خمسه منها او اكثر + اذكر 5 مسلسلات اجنبيه اعجبتكـ او تتمنى مشاهدتها
وعددي لي افضل 5 افلام للنسه هذي 2011 ,


بالتوفيق لك ~

مايصير جذي

انا مابي اسأل خلاص

كل الاسأله مايجاوب عليها ويلف ويدور

لا انا ماارضى جذي

قص علينا ولما عرف كل شي نحش وماقام يدخل

لا انا ماراح اسأل الا لما تشوف حل

اقتباس:

---

المشاركة الأصلية كتبت بواسطة Yoshimetsu

1- ماهي لغتكم المعتمده / الأم في كالكتا , وهل بيتك من القش ؟ مثل قبعة لوفي ؟ هل اكلتكم البرياني ؟ هل المعيشه هناك رائعه ؟

الأردو
بيتنا من الطوب
اكلتنا جوز الهند
المعيشه على الطبيعه حلوه بدون نت وبدون كرسي اعتراف وبدون فضايح

2- ماهو فطوركـ امس + الغداء + العشاء

امس صايم والفطور كان شوربه وبطاط وشوية فول مع بف بستري وكان هو العشا برضه خخخ

3- لو اعطيت 5 صلاحيات لتغير او تزيل اي شي من العالم ماذا تختار/ عددها لنا ؟

مالي خلق اغير العالم خله مثل ماهو ومثل ماهو مقدر ومكتوب له

4- لو عينوكـ GM في wow وكلمتكـ قلت تكفى ياولد بن وارشيف عطني اشيفمنت 2700 ريتنق تعطيني وتساعد اخوياك تخليهم يدخلون الريد يلقون كل البوسات ميتين
يروحون ياخذون اللوت وبس خخخخخ ؟

لا طبعا بصعبها عليكم واخليكم تعرفون انه الله حق وتكدون في اللعبه إلين تقولون بس
اذا عطيتكم كل حاجه بتملون من اللعبه وتقولون وارشيف خرب علينا طعم اللعب خخخخخخخ

5- اين تجلس بالعادهـ ؟ غرفتك / الصاله / المجلس وانت تلعب واو ؟ وماهي الجلسه اللتي تجلسها القرفصاء او تلعب وانت واقف او منسدح
او كيف وماهي الساعات اللتي تلعبها الأن خلال كل يوم بعد رجوع ـك للـ Game ؟

دايما بالملحق لكن طفشت وحولت للمجلس ويمكن ارجع للملحق من جديد
العب وانا مقلوب خخخخخخخخ ياخي الناس تجلس على كرسي وترتاح
ماهي الساعات ؟؟ يعني الماركات والا وشو حدد هههههههههههههههه
بدليات حتى في الأسئله

6- في إشاعه طالعه عنكـ انك احد تلاميذ الملك ؟ نريد منكـ ان تصور شنبك نشوفه إذا كنت محلقه او شايله بالموس فـ انت مواطن صالح وشريف لاكن إذا مخلي الشنب
معشعش ومربيه فأنت أحد اعاونه يالله صورر خلنا نشوف !

عندي صوره حلوه قبل عشر سنوات اخاف احطها ويخقفون عليها البنات ههههههههههه
انا ماني تابع لأحد انا انسان مستقل بزاته مبحبش التبعيه لحد7- دوله سبق وان زرتها وتتمنى زيارتها مره اخرى ماهي عملتها , كيف شعبها , المعيشه فيها .. حدثنا بشكل عام الذي اعجبك او إمتعضت منه

للاسف ماحصل اني سافرت سفرات غير البحرين ودبي وان كنت اتمنى اشوف الطبيعه في اندونيسيا وماليزيا والهند واتمنى برضه ازور اليابان اشوف مؤلف ناروتو والرسامين لووووووول

8- وين تشتغل فيه ؟ هل انت راضي بالراتب اللى تستلمه , ماهو رأيك في مديرك & المشرف إن وجد

أشتغل في شركة صناعية
الراتب اللي استلمه حلو لكني اطمح للمزيد وبالصراحه اطمح لتجارة مستقله بعيدا عن عبودية الوظيفه
المدير للأسف شيعي من الأحساء هو من تحت لتحت لكنه طيب بدايه كنت في حرب معه لكن بما اني جاي بواسطه ماقدر يسوي لي شئ خخخخخخخخ

9- فرضنا مسويه عزيمه عندك بالبيت وعندك ظيوف .. تقريبا 5 مو قايل كثير.. المهم
انت عطيت ولدكـ فلوس وقلت له رح جبلنا نص هريفي او تيس الخ ,, المهم مصادفه لقى ولدك المطعم مسكر وراح جاب لهم شورما
هل تقدمها لظيوفكـ ولا تستحي ؟ ووقتها وش تسوي هل تنحاش وتسحب عليه ولا وش القصه ..
اذبحه هو وازينه عشا

10- ماهي افظل الألعاب في نظركـ حالياً على ال PS3 عدد خمسه منها او اكثر + اذكر 5 مسلسلات اجنبيه اعجبتكـ او تتمنى مشاهدتها
وعددي لي افضل 5 افلام للنسه هذي 2011 , والله ماالعب PS3 قاطعه ومغبر عندي من زمان وان كنت احب اكثر لعبه عليها Infamous لعبت الجزء الاول وكان حلو والحين الثاني نزل وسابقا ريزيستانس فول اوف مان كانت اللعبه الوحيده المتوفره وقت ماشريت السوني على ايام ابو 2500 ريال ولعبتها 6 شهور اولاين وكانت ايام وناسه

الأفلام كثيرهTransformers : Dark of the Moon
Pirates of the Caribbean 4
Green Lantern
Thor
Rango
وفيه افلام بعد ممتاز بس لسه ماشفتها زي
Fast 5
Real steel
Cowboys & Aliens
بالتوفيق لك ~

---

أبغى أنام بس الداوم ذابحني

اقتباس:

---

المشاركة الأصلية كتبت بواسطة Karazhan

مايصير جذي

انا مابي اسأل خلاص

كل الاسأله مايجاوب عليها ويلف ويدور

لا انا ماارضى جذي

قص علينا ولما عرف كل شي نحش وماقام يدخل

لا انا ماراح اسأل الا لما تشوف حل

---

أنت وش دراك
هذه يسمونها سياسه
وبعدين اذا ماعجبتك الردود وبطلت تسأل أبركها من ساعه :biggthump

ماشاء الله ماشاء الله الأخ وارشيف ماخذ إجازه :@@

يالله قم وراك أسئله !!
------------------------


1- وش أكلتك المفضله ؟؟

2- وزنك وطولك ؟؟

3- وش رقم جوالك؟؟ هههه امزح امزح أبي نوع جوالك (وإذا عندك أكثر من جوال عددها من فضلك)!!؟

4- قارن بين الأنظمه التاليه ,, الأندرود و الأيفون !!!؟

5- مأرايك باللي يشتري أيفون و أيباد في نفس الوقت ؟؟ ولا أيفون + ايبود !!؟

6- رأيك بالبلاك بيري بالتفصيل الممل(( كجهاز وكخدمه))!! وهل يقارن بالايفون او الجلاكسي؟؟

7- بصراحه لو فزت في مسابقه وقالوا لك أختر حدى الأجهزي هذي وش تختار؟؟ Blackberry , Iphone or galaxy s2 ???

8- طيب نرجع للأكله المفضله ,, هل تحب شي معيين لازم يكون مع الأكل زي; الليمون/فلفل/زيادة ملح او شطه...الخ؟؟

9- وهل إذا أكلت وبعد ما تحمد ربك تقول "شكراً يا زوجتي العزيزه" ؟؟ ولا لا ؟؟ :<

10- اماا بالنسبه لأخر سؤال ,, همممم ,, نسينا نسألك وش نووع موترك؟؟ :D

------------------------
يالله جاوب :> واحمد ربك أن البشر ناسينك ,,واضح انهم قاعديين يذاكروون ماشاء الله عليهم (( اممحق كلهم عند الديث وينق )).

واتمنى اني ما ثقلت عليك :) Have nice day

جايك طابور اسأله بأذن الله

لا اخليك تتذكر الابتدائيه يوم انهم يصفون طابور عن المقصف من كثرتها نيها ها ها ها ها <-- برا بس

تفضل طال عمرك


http://sub3.rofof.com/img4/01tdnex13.jpg


1_ هل انت تفعل ما تقوله هنا بالمنتدى ؟

2_ اعتذار تريد ان تقدمه لمن؟

3-ماذا ستكتب لنا لتعبر عن حياتك التي عشتها الى الان في كلمات قليله ؟

4_ اذا اردت ان تبكي الان , فعلى من تبكي؟

5_ من ستختار ليمسح دموعك ؟

6_ ما هو اقتراحك الذي تتمنى ان يحدث في هذا القسم ولم يحدث الى الان ؟

7- اقرب صديق لك ويعرف اسرارك ؟

كذا 7 اسأله


خذ الكابتشينو وروق


http://www.gulfson.com/vb/imgulfson/...d696c43192.jpg

1- شي من المـآضي تـتـمنى ان يعـوـود ؟

2 -ماهي حكمتك بالحياه؟

3-ماالذي يحزنك وماالذي يغيضك وماالذي يفرحك؟

4-ومن اخر شخص تتذكره قبل ان تنام؟ أتوقع ولد بطنها :أفكر:

5-هل اتشوف نفسك انك شخصيه محبوبه مع ذكر السبب ؟

6-معك 3 بطاقات تحيه لمين توجهينها؟؟

7-ما هي طبيعة المواضيع التي تعجبك ؟؟

8-ماهى الاكله اللي ماتستغني عنها في يوومك ؟؟

9-نصيحه مهمه توجهها الى ولد بطنها؟؟

10-اختار 3 اعضاء وتكلم عنهم بكل شفافيه

سواء كانت عيوب او نصيحه او اي شي اخر؟
_____________________________________

سؤال اخذته من الكاميرا الخفيه السعوديه برنامج (ردة فعل)

إسم الوالده الله يطول بعمرها ؟

هل تشوف انك وسيم اذا لا ليش !!

اقتباس:

---

المشاركة الأصلية كتبت بواسطة Twinked

ماشاء الله ماشاء الله الأخ وارشيف ماخذ إجازه :@@

من حقي اخذ يوم إجازه في الإسبوع حسب قانون مكتب العمل والعمال :biggthump

يالله قم وراك أسئله !!

أصبحنا وأصبح الملك لله
ناس ماتجامل
------------------------


1- وش أكلتك المفضله ؟؟

المفطح

2- وزنك وطولك ؟؟

لو تتابع الأسئله كان عرفت

3- وش رقم جوالك؟؟ هههه امزح امزح أبي نوع جوالك (وإذا عندك أكثر من جوال عددها من فضلك)!!؟

جاوبت

4- قارن بين الأنظمه التاليه ,, الأندرود و الأيفون !!!؟

بإختصار
الأندرود : عالم من إختياري
الأيفون : مكالمتك لا تتم حسب الطريقه التي إستعملتها فضلا تأكد من الرقم الصحيح وشكرا

5- مأرايك باللي يشتري أيفون و أيباد في نفس الوقت ؟؟ ولا أيفون + ايبود !!؟

والله هو حر في فلوسه بس يفضل إنه يوازن بين إحتياجاته و بين رغباته

6- رأيك بالبلاك بيري بالتفصيل الممل(( كجهاز وكخدمه))!! وهل يقارن بالايفون او الجلاكسي؟؟

البلاك بيري أساسا موجهه لقطاع الأعمال وتم إستغلاله أبشع إستغلال للأسف وصراحه الواحد يبط جبده وهو يشوف الشباب مسوين فيها إتيكيت ورازين ارقامهم على السيارات وصار بدل مايغازل ويعطي رقم الجوال يدقها برقم BB وطبعا الأمور غير الطيبه اللي يتم تداولها بين الشباب والبنات المخله بالأداب والمحرفه للأخلاق
الله يهديهم ويهدينا جميعا
و حاليا موضة البلاك بيري إن شاء الله قاربت على الإنتهاءبسبب موجة الجالاكسي والأندرويد
وطبعا هو مايتقارن من ناحية الهاردوير او السوفت وير بالأيفون والجالاكسي اللي متقدمين عليه بأشواط

7- بصراحه لو فزت في مسابقه وقالوا لك أختر حدى الأجهزي هذي وش تختار؟؟ Blackberry , Iphone or galaxy s2 ???

الجالاكسي

8- طيب نرجع للأكله المفضله ,, هل تحب شي معيين لازم يكون مع الأكل زي; الليمون/فلفل/زيادة ملح او شطه...الخ؟؟

السلطه الخضراء والسفن آب

9- وهل إذا أكلت وبعد ما تحمد ربك تقول "شكراً يا زوجتي العزيزه" ؟؟ ولا لا ؟؟ :<

ياليت الحريم يعرفون للمفطح بالبيت :blackeye:
احيانا اقولها تسلم ايدك وأحيانا أنسى بس اهم شئ إذا الطبخ عجبني اعلق بكلام حلو :biggthump

10- اماا بالنسبه لأخر سؤال ,, همممم ,, نسينا نسألك وش نووع موترك؟؟ :D

ياكثر اسئلتك المكرره
راجع من أول
انت راسب خخخخ

------------------------
يالله جاوب :> واحمد ربك أن البشر ناسينك ,,واضح انهم قاعديين يذاكروون ماشاء الله عليهم (( اممحق كلهم عند الديث وينق )).

واتمنى اني ما ثقلت عليك :) Have nice day

---

الحمدالله هذا من رحمة ربي
بعضكم عليه أسئله ماترحم

اقتباس:

---

المشاركة الأصلية كتبت بواسطة usoppu

تفضل طال عمرك

تسلم

http://sub3.rofof.com/img4/01tdnex13.jpg


1_ هل انت تفعل ما تقوله هنا بالمنتدى ؟

مثل وش ؟؟

2_ اعتذار تريد ان تقدمه لمن؟

لوالدي
عن كل كلمه او تصرف أحزنهم وأتمنى من الله أن يقر أعينهم بي

3-ماذا ستكتب لنا لتعبر عن حياتك التي عشتها الى الان في كلمات قليله ؟

الحياة محطة عبور
أنسى الماضي إذا كان حزينا وانظر للمستقبل بحذر لكن بإيمان وثقه بالخالق المدبر
واحن للذكريات الجميله
حياتي لن تكون سعيده دائما ولن تكون شقيه بإذن الله
فالدنيا سجن المؤمن وجنة الكافر
وكل مايهمني أن ألقى ربي على حسن الخاتمة

4_ اذا اردت ان تبكي الان , فعلى من تبكي؟

على حال الأمة الإسلامية والمجازر التي تحصد ارواح الأطفال والنساء

5_ من ستختار ليمسح دموعك ؟

لا أحد

6_ ما هو اقتراحك الذي تتمنى ان يحدث في هذا القسم ولم يحدث الى الان ؟

الشباب ماقصروا

7- اقرب صديق لك ويعرف اسرارك ؟

أقرب صديق الأن أصبح بعيد


كذا 7 اسأله


خذ الكابتشينو وروق

تسلم إيدك :)

http://www.gulfson.com/vb/imgulfson/...d696c43192.jpg

1- شي من المـآضي تـتـمنى ان يعـوـود ؟

البراءة والعفويه الصادقه

2 -ماهي حكمتك بالحياه؟

جاوبت سابقا :biggthump

3-ماالذي يحزنك وماالذي يغيضك وماالذي يفرحك؟

يحزني تفكك العلاقات والإبتعاد عن تعاليم الإسلام
يغيضني السفهاء الذي أطلق عليهم الرسول صلى الله عليه وسلم (الرويبضه) وكذلك الظلم والنهب والفساد الذي ينهش جسد الأمه الإسلاميه
يفرحني رؤية إنتصار المجاهدين على عصبة الكفر والإثم
وكذلك رؤية إبتسامة الأطفال البريئة

4-ومن اخر شخص تتذكره قبل ان تنام؟ أتوقع ولد بطنها :أفكر:

هههههههه اخر شئ افكر فيه هع هع
ماذكر شئ انا ما انام إلا وانا ميت تعب لأني اذا كنت مصحصح شوي ماراح يجيني النوم واقعد افكر إلين الصبح

5-هل اتشوف نفسك انك شخصيه محبوبه مع ذكر السبب ؟

الحمدالله محبوب من الأهل والأقارب والأصدقاء لأني دايما أتعامل بأخلاق مع الناس وماحب أذيتهم نهائيا
يستثني طبعا عديمي الأخلاق و منعدمي الضمير

6-معك 3 بطاقات تحيه لمين توجهينها؟؟

نعم ؟ توجهينها ؟ حضرتك تكلمني وإلا سارق السؤال من منتدى ثاني :biggthump
عموما اوجهها إلى
والدي
زوجتي
أخواتي <-- ماعنده اخوان

7-ما هي طبيعة المواضيع التي تعجبك ؟؟

إذا فيها شئ يوافق طبعي وميولي


8-ماهى الاكله اللي ماتستغني عنها في يوومك ؟؟

؟؟
ليش فيه اكله الواحد يقعد ياكلها كل يوم

9-نصيحه مهمه توجهها الى ولد بطنها؟؟

أظنه عاقل وكبير كفايه عشان يعرف مصلحة نفسه :biggthump

10-اختار 3 اعضاء وتكلم عنهم بكل شفافيه

أسف مثل هذه الأمور ماحب اناقشها في العلن
وزي ماهو معروف النصيحه على الملأ فضيحه

سواء كانت عيوب او نصيحه او اي شي اخر؟
_____________________________________

سؤال اخذته من الكاميرا الخفيه السعوديه برنامج (ردة فعل)

إسم الوالده الله يطول بعمرها ؟
أقدر احطه لك بس ماشوف منه فايده :silly:
هل تشوف انك وسيم اذا لا ليش !!
شكلي طبيعي والحمدالله ويكفي شهادة الآخرين لي بأني وسيم

---

ذكرتني بحلقة طاش
ولد سميره :biggthump

ياحبيبي يا وارشيف هنا كرسي اعتراف

يعني مافيه سالفة م.س. ع وأشتغل في شركة صناعية

لازم تعترف بالتفصيل الممل عشان ابني أسألتي على إجاباتك

مافيه رحمه هنا ياحجي

اخر سؤال لي كان في تاريخ

07-12-2011 12:23

يعني مضت ثلاثه ايام .. ولازم تجاوب على اسئلتي !! http://www.riyadhmoon.com/vb/images/...smilies/66.gif


1- ماهو رـأيك في لبن اكتيفيا هل هو يهضم ام انه مجرد خزعبلات < لول .. !

2- افضل كلاس حبيته ولماذا

3- خلال اسبوعان من الأن سندخل السنه الميلاديه الجديدهـ ما اللذي سوف تفعله ؟ تسافر ؟ ترقص في الشارع ؟ حفله ؟ club etc

4- إذا طلبت بروستد وش تبدى تاكل ؟ الصدر, الفخذ قلنا بالترتيب اللى بالعادهـ تبدى فيها

5- حالياُ نناقش تغيير اسم القهوهـ إلى اسم افضل .. ماذا تقترح للأسم الجديد ؟

6- اول ماتصحى من النوم وانت متجه للدوام هل تكون معصب وحالتكـ حاله ومبهذل ..
وتلعن هذا وتحد هذا بالسيارهـ وتقطع الإشاره ولا نظامي وهادي وفي حالك ؟

7- ماهو اسم اكبر ابنائك وكم ع ـمرهـ ؟ ومتى اخر مره اخذته إلى الملاهي

8- ماهو تعليقكـ ع الإنسان اللى تقابله في واو ويكون إنسان بسيط وحبيب .. وبعد مايجيب ملابس HC او PvP العاليه يبدأ يتكبر على الناس

9- هل تصلي فروضكـ في المسجد ولا البيت ومتى اخر مرهـ صليت السنه اللى بعد كل صلاهـ

10- رساله توجهها لكل من بشار الأسد & على عبدالله صالح ( كل رساله تكون فقط من سطرين )

11- هل انت كثير الفقعات ( الهروب ) من العمل يعني ترجع البيت تلعب واو او تسوي حاجه ثانيه ؟

12- خلال البرد هل تلبس بيجامه داخليه على الثوب ام جاكيت او تلف على نفسك فوطه ام تمرخ نفسك بالكريمات ؟

13- موقف محرج حصل لك من الأقارب او الأصدقاء

14- اخر مشاور ( شغله ) رحت لها او خلصتها متى وـأين ؟

15- رأيك في القسم وماذا تظن يجب ان نظيف / نزيل لكي نرتقى به للأفضل ؟

16- لو جائك لص وقال اعطيني مافي جيبكـ وانت محفظتكـ مليئه بالدراهم < نخبرك تحب تجمعها على قلبك خخخخ
هل تعطيه مافي جيبكـ مع العلم انه يهددك بسكين ام تتعاركـ معه ؟ وإذا اعطيته ماذا تقول ؟ ( يقلع ام الحاله ) ( وش الحظ النحس هذا ) Etc عبر لنا

17- لو قالت لك إمراءه ع ـجوز غنيه تمتلك اموال كثيرهـ < الحين وارشيف كيذا عيونه *_* ( يااارباااهـ ! )
وقالت ابغى الزواج يكون علني يعني مو صغير .. هل توافق ؟ وماهو ردكـ لأهلك وقرايبكـ ؟

18- بعض الأحيان الإنسان تمر عليه لحظات في الحياهـ يسمونها ( لحظه العمر ) هل سبق ومرت عليكـ وضاعت ام لا ؟
إذا ايه علمنا ماهي .. !

19- يقول فهد ان الشنب من علامات الرجوله .. مع العلم انه يوجد اطفال بأشناب ويوجد نساء بأشناب ماهو تعليقك إتجاه هذا الأمر
وهل انت ممن يحلقون الشنب بالموس ام نص ام تخليه مثل صدام الشاص ههههههه

20- اكتب لنا ثلاث ( نكت ) من ذوقكـ !

21- يقولون ( انا خويك للأبد وين ماكنت سيفك بوقت اللازمه تنتخي به ) هل وجدت هذا الصديق ام ليس بعد ؟

22- ماهو رأيكـ بالشباب الذي يذهب للبحرين بغيه فعل المنكرات والفواحش ويتباهى امام اصدقائه فعلها وانه رجل ؟

23- الكثير والعديد منا اول مابدء لعب wow كانت إدمان بشكل مو طبيعي .. حتى البعض كان يصحى وينوم عليها ويحلم فيها !
هل سبق وحلمت فيها وأيش كان الحلم والسبب اللى خلاك تحلم فيها ؟

24- اريد برنت سكرين لكـ في wow وتحس انها صورهـ بطوليه / رائعه / اعجبتكـ كثير

25- هل تلبس سراويل السنه ام الشيعه هههههههههه امزح .. سراويل السنه قطن ام عادي الفضفاض <

26- هل وانت جالس تسوق سيارتك الدوج تكون ماسك الدركسون ( الطاره) بيد وحده ومرجع المرتبه على ورى وتناظر الناس بطرف عين ولا عادي

27- اخر مره بغيت تنجلد او تنفرش متى ؟ وايش كان السبب

28- اريد صورهـ للمكان اللى بالعادهـ تجلس فيه وتلعب واو + صوره الجهاز وكل شي واضح

29- انت ابو ايش ؟

30- ماذا تمثل لكي الكلمات الاتيه

الدين

الحياه

الاب

الام

الاخ والاخت

الزوجه

الصديق

الحب

الخيانه

المنتدى

واو

الدووج سيارتك

بسطويسي قدس سرهـ

^
^
كل واحد اكتب التعليق تحتها مباشرهـ

لاهنت بكرهـ 10 اسئله جديدهـ

يالله جاااااااااااااااااااااااوب جاااااااااااااااااااااااوب !! http://www.riyadhmoon.com/vb/images/...smilies/65.gif

اقتباس:

---

المشاركة الأصلية كتبت بواسطة ميكافلي

ياحبيبي يا وارشيف هنا كرسي اعتراف

يعني مافيه سالفة م.س. ع وأشتغل في شركة صناعية

لازم تعترف بالتفصيل الممل عشان ابني أسألتي على إجاباتك

مافيه رحمه هنا ياحجي

---

من ضمن الشروط يحق للمستجوب الإمتناع عن الرد عن الأسئله وانا هنا امارس حقي في عدم الإجابه
وانا على الأقل جاوبت
بعدين ياخي اسم لا يجدم ولا يأخر
المهم نوعية اسئلتك الموجهه
ممكن افصح مع مرور الوقت :biggthump

اقتباس:

---

المشاركة الأصلية كتبت بواسطة Yoshimetsu

اخر سؤال لي كان في تاريخ

07-12-2011 12:23

يعني مضت ثلاثه ايام .. ولازم تجاوب على اسئلتي !! http://www.riyadhmoon.com/vb/images/...smilies/66.gif

ماعندك وقت ضايع !!

1- ماهو رـأيك في لبن اكتيفيا هل هو يهضم ام انه مجرد خزعبلات < لول .. !

خزعبلات تعتمد على إيهام الناس

2- افضل كلاس حبيته ولماذا

الروق ايام تالنت الأساسين لانه بكل بساطه ملك النحشات + الهجوم من الظلمات
كان يكفي اسم الروق عشان يبعث الرعب في قلوب الأعداء ياااه اخذتني الحميه شوي هههه
وطبعا لانه ماحد يشوفني فلو مثلا دخلت الباتل مع شلة نوبات وجوا الالينس يفرمونهم انا اقعد بعيد احط رجل على رجل و اشرب شاهي

3- خلال اسبوعان من الأن سندخل السنه الميلاديه الجديدهـ ما اللذي سوف تفعله ؟ تسافر ؟ ترقص في الشارع ؟ حفله ؟ club etc

أكبر المخده وأنام

4- إذا طلبت بروستد وش تبدى تاكل ؟ الصدر, الفخذ قلنا بالترتيب اللى بالعادهـ تبدى فيها

أبتدي اول شئ بالصدر بعده الفخذ ولازم يكون معه صحن ثوم ( يازين الثوم حق ابو نواس)

5- حالياُ نناقش تغيير اسم القهوهـ إلى اسم افضل .. ماذا تقترح للأسم الجديد ؟

الديوانيه

6- اول ماتصحى من النوم وانت متجه للدوام هل تكون معصب وحالتكـ حاله ومبهذل ..
وتلعن هذا وتحد هذا بالسيارهـ وتقطع الإشاره ولا نظامي وهادي وفي حالك ؟

نظامي وهادي وفي حالي إلا إذا كنت مستعجل اكون معصب

7- ماهو اسم اكبر ابنائك وكم ع ـمرهـ ؟ ومتى اخر مره اخذته إلى الملاهي

الجوري وعمرها عشر سنوات ماخذهم الملاهي لأنه امهم تطلع المجمع مع اهلها وتلعبهم بالألعاب هناك انا اخذهم للمطاعم

8- ماهو تعليقكـ ع الإنسان اللى تقابله في واو ويكون إنسان بسيط وحبيب .. وبعد مايجيب ملابس HC او PvP العاليه يبدأ يتكبر على الناس

بدون وجع راس وليش وكيف أعطيه أشكل على طول

9- هل تصلي فروضكـ في المسجد ولا البيت ومتى اخر مرهـ صليت السنه اللى بعد كل صلاهـ

اصليها بالبيت للأسف

10- رساله توجهها لكل من بشار الأسد & على عبدالله صالح ( كل رساله تكون فقط من سطرين )

مالهم رساله مني إنما دعاء عليهم بأن يزيل الله ملكهم وان يحشرهم مع فرعون وهامان

11- هل انت كثير الفقعات ( الهروب ) من العمل يعني ترجع البيت تلعب واو او تسوي حاجه ثانيه ؟

أسويها بس مو كثير يعني بالكثير مره كل شهر شهرين

12- خلال البرد هل تلبس بيجامه داخليه على الثوب ام جاكيت او تلف على نفسك فوطه ام تمرخ نفسك بالكريمات ؟

البيجامه البسها في البيت فقط وقت النوم عشان الصباح لما اقوم دفيان اظل دفيان ماموت برت واكره حياتي
اما بره البيت البس الجاكيت على الثوب واللثمه بالشماغ
الكريمات مادانيها ماحب أي شئ دهني على الجلد

13- موقف محرج حصل لك من الأقارب او الأصدقاء

ماذكر

14- اخر مشاور ( شغله ) رحت لها او خلصتها متى وـأين ؟

اليوم للبنك وخلصتها في ظرف نص ساعه وقت الظهر

15- رأيك في القسم وماذا تظن يجب ان نظيف / نزيل لكي نرتقى به للأفضل ؟

القسم كويس بس يحتاج مواضيع متخصصه لكل كلاس ويكون مثبت

16- لو جائك لص وقال اعطيني مافي جيبكـ وانت محفظتكـ مليئه بالدراهم < نخبرك تحب تجمعها على قلبك خخخخ
هل تعطيه مافي جيبكـ مع العلم انه يهددك بسكين ام تتعاركـ معه ؟ وإذا اعطيته ماذا تقول ؟ ( يقلع ام الحاله ) ( وش الحظ النحس هذا ) Etc عبر لنا

أظن اللص هذا راح يفكر الف مره قبل مايحاول مع واحد طوله 186 سم ووزنه 88 كيلو

17- لو قالت لك إمراءه ع ـجوز غنيه تمتلك اموال كثيرهـ < الحين وارشيف كيذا عيونه *_* ( يااارباااهـ ! )
وقالت ابغى الزواج يكون علني يعني مو صغير .. هل توافق ؟ وماهو ردكـ لأهلك وقرايبكـ ؟

أتزوج وحده فقيره شابه جميله واخلاق احسن عندي من هالعجوز الغنيه

18- بعض الأحيان الإنسان تمر عليه لحظات في الحياهـ يسمونها ( لحظه العمر ) هل سبق ومرت عليكـ وضاعت ام لا ؟
إذا ايه علمنا ماهي .. !

مامرت علي

19- يقول فهد ان الشنب من علامات الرجوله .. مع العلم انه يوجد اطفال بأشناب ويوجد نساء بأشناب ماهو تعليقك إتجاه هذا الأمر
وهل انت ممن يحلقون الشنب بالموس ام نص ام تخليه مثل صدام الشاص ههههههه

والله الشنب بدون اخلاق اعتبره لا مرجله ولاشئ انا احلق شنبي جنتل مرتب والحمدالله شنبي ماهو عريض ولا هو كبير لكنه طويل من الاطراف وانا اقصره وارتبه

20- اكتب لنا ثلاث ( نكت ) من ذوقكـ !

مالي خلق انكت الحين

21- يقولون ( انا خويك للأبد وين ماكنت سيفك بوقت اللازمه تنتخي به ) هل وجدت هذا الصديق ام ليس بعد ؟

موجودين لكن مايظهرون الا وقت الشده ووقت الرخا مالهم حس ولا خبر

22- ماهو رأيكـ بالشباب الذي يذهب للبحرين بغيه فعل المنكرات والفواحش ويتباهى امام اصدقائه فعلها وانه رجل ؟

نطلب لهم من الله الهدايه

23- الكثير والعديد منا اول مابدء لعب wow كانت إدمان بشكل مو طبيعي .. حتى البعض كان يصحى وينوم عليها ويحلم فيها !
هل سبق وحلمت فيها وأيش كان الحلم والسبب اللى خلاك تحلم فيها ؟

بدايه اللعبه كنت قبل مانام افكر بكره وش اسوي ووين اروح وكيف اسوي
وقد حلمت كذا مره بس نسيت احلامي خخخخ

24- اريد برنت سكرين لكـ في wow وتحس انها صورهـ بطوليه / رائعه / اعجبتكـ كثير

والله كل صوري في واو حق المناطق اللي احبها اقعد اكشخ قدامها عشان المنظر فقط
لكن عندي صوره للميج اركين ايام اللش كنج كنت الأول من ناحية اكثر واحد يقتل والثالث من ناحية الدامج تقريبابس انا اباشر من المكتب ممكن لو رجعت البيت احطها

25- هل تلبس سراويل السنه ام الشيعه هههههههههه امزح .. سراويل السنه قطن ام عادي الفضفاض <

عادي فضفاض

26- هل وانت جالس تسوق سيارتك الدوج تكون ماسك الدركسون ( الطاره) بيد وحده ومرجع المرتبه على ورى وتناظر الناس بطرف عين ولا عادي

عيني على الطريق فاضي يابن الناس اطرف للرايح والجاي عشان ادعم اللي قدامي بعدين

27- اخر مره بغيت تنجلد او تنفرش متى ؟ وايش كان السبب

والله ماحط نفسي في مواقف بايخه لكن اخر مره قبل شهر تقريبا كان فيه ثلاثه في سياره يمشون وقدامهم ونيت وانا جنب الونيت ابي الف يمين على الرصيف والونيت كان مبطئ ويضايق السياره اللي وراه الونيت لف يمين وصفط انا لفيت بعده وصفط واللي وراي جالس يدق بوري بدل مايروح الغبي يسار يبي يمشي سيده المهم السواق مشى السالفه لكن خويه اللي جنبه قام يزعط طلع راسه من الدريشه وقاعد يأشر وشفيك انت ومادري ايش تعرف حركات المبزره المهم انا اطل عليه واقول ضف وجهك امشي يالله والوح بيدي له بحركه معناها انقلع امشي قدام خخخخ المهم الرجال زعط بزياده طلع من السياره انا عاد ولعت طلعت من السياره رايح له شافني طول وعرض على طول انصدم وجا يقول ياخي انتبه ماتشوف مسكت ايده قلت له انا ماكنت قدامكم اللي عطلكم راعي الونيت وانا مأشر يمين المفروض تروحون يسار قام يقول لي معليش اسفين حصل خير قلت له خير ان شاء الله خخخخ واتوقع اخوياه قاموا ينكتون عليه بالسياره لووول

28- اريد صورهـ للمكان اللى بالعادهـ تجلس فيه وتلعب واو + صوره الجهاز وكل شي واضح

خير شكلك ناوي تسرق والا شئ

29- انت ابو ايش ؟

أنا أبو س. ( لوووول تبي تعرف اسم ابوي يعني هههههه طيب انا ابو سعيد)

30- ماذا تمثل لكي الكلمات الاتيه

الدين
أساس الحياه

الحياه
فرصه للتأمل ومشاهدة معجزات الخالق عز وجل

الاب
أساس الأسره والمسؤول عن الرعيه

الام
مربية الأجيال والصدر الحنون

الاخ والاخت
الرفيق والصديق والصاحب تجمعهم اقوى رابطه وهي الدم

الزوجه
شريكة الحياة وأم العيال

الصديق
شخص يستمع لهمومك ويفرح لفرحك ويحاول مساعدتك وقت ضيقك

الحب
كلمه تحمل طياتها الكثير من المعاني الساميه

الخيانه
داء يجب استئصاله

المنتدى
ملتقى للأصدقاء من كل مكان

واو
مرض يجب التخلص منه

الدووج سيارتك
سيارة المهمات الصعبه احبها هالسياره ماشاء الله موتور من قلب

بسطويسي قدس سرهـ
ماعرفهوش
^
^
كل واحد اكتب التعليق تحتها مباشرهـ

لاهنت بكرهـ 10 اسئله جديدهـ
ماتعترف بالمفرق ياشيخ ارحم حالناانا ماقد سألت احد ولا عذبته وانتم تتفننون الله يستر منكم
يالله جاااااااااااااااااااااااوب جاااااااااااااااااااااااوب !! http://www.riyadhmoon.com/vb/images/...smilies/65.gif

---

ارحموا من في الأرض يرحمكم من في السماء

الله يحيي وار تشيف، ماشاء الله عليك طولك 186 cm, يعني اطول مني بـ3 cm لووول، يالله لحد الان عندي مجال اطول نلحقك يعني ان شاء الله:silly:

جاي لك بسؤال خفيف يعجبك ان شاء الله.

افضل سنة دراسية مرت عليك؟ (اذا تكرر هالسؤال اعتذر منك لأني ما شفت كل الأسئلة)

السلآم عليكم ..
أهلن أهلن بـwarchif ..
مآ شآء الله الأعضآء شغلوا المكآين عليك ..
الغريب في الموضوع , إختفآء المفآعل النووي ..
اليوم آخر يوم أتوقع والرجآل شكله يجمع لك أسألة ..
المهم أنآ حبيت أعطيك أسئلة خفيفة ..
1- سمَ 3 أشياء تجعلك تبتسم ؟
2- ما هو آخر فيلم شاهدته ؟ وهل أعجبك ؟
3- ناظر يمين .... ايش اول شي طاحت عينك عليه ؟
4- مــآهي أعظمَ خسـآرة يَخسرُهآ الإنسآن في حيآتِه ؟

اقتباس:

---

المشاركة الأصلية كتبت بواسطة ahmad 0070

الله يحيي وار تشيف، ماشاء الله عليك طولك 186 cm, يعني اطول مني بـ3 cm لووول، يالله لحد الان عندي مجال اطول نلحقك يعني ان شاء الله:silly:

جاي لك بسؤال خفيف يعجبك ان شاء الله.

افضل سنة دراسية مرت عليك؟ (اذا تكرر هالسؤال اعتذر منك لأني ما شفت كل الأسئلة)

---

حياك الله
ايه ان شاء الله تلحق بس لا تطول زياده عشان لا يقولون لك ياطويل ياهبيل هههههههه
الطول عز

افضل مرحله دراسيه كانت صف ثالث متوسط بمدرسة الجزيره في الدمام بحي العمال

اقتباس:

---

المشاركة الأصلية كتبت بواسطة Fluta

السلآم عليكم ..
أهلن أهلن بـwarchif ..
مآ شآء الله الأعضآء شغلوا المكآين عليك ..
الغريب في الموضوع , إختفآء المفآعل النووي ..
اليوم آخر يوم أتوقع والرجآل شكله يجمع لك أسألة ..
المهم أنآ حبيت أعطيك أسئلة خفيفة ..
1- سمَ 3 أشياء تجعلك تبتسم ؟
2- ما هو آخر فيلم شاهدته ؟ وهل أعجبك ؟
3- ناظر يمين .... ايش اول شي طاحت عينك عليه ؟
4- مــآهي أعظمَ خسـآرة يَخسرُهآ الإنسآن في حيآتِه ؟

---

الله يحيك
ايه المفاعل مختفي لأني طالبت حكومة روسيا بسحب بطاريتها فا شكله انطفى الحين :biggthump

1- رؤية والدي فدائما عندما اراهما ابتسم
ابتسامه طفل برئ
منظر شنبات فتى الجبل :biggthump

2 - آخر فلم Sucker Punch

3 - زميلي بالمكتب ههههههههه

4 - والله الإنسان يواجه خسائر كبيره في حياته مثل فقدان قريب او عزيز لكن اشوف انه الخاتمة السيئة هي أعظم خساره