المشاركة الأصلية كتبت بواسطة Derover
مبـــروؤوكـ .. مبـــروؤوكـ
أغلب الأعضاء منشغلين بالـ Patch يعني بتقعد مرتاح
ا
لحمدالله وان شاء الله يعدي الأسبوع بسرعه قبل ماينتبهون ونفتك من أسئلتهم وأنت أولهم
عليك أسئلة إمتحان قدرات نوويه 
مع الأسف ما أعرف عنك واجد عشان اختار اسئلة تناسبك
والمشرف بعد شدد على عدد الأسئلة يعني خلنا محترمين
إيه خلك ماشي في السليم أحسن 
1- اذا سمعت جملة "حمام فوق السطح" شنو يطري على بالك؟
حمام زاجل هههههههههه بس اضن القصد المستراح يعني شفت كيف التعبير اللطيف
2- أسمك؟ عمرك؟ طولك؟ وزنك؟ اوصف شكلك؟ + شي جديد .. اوصف صوتك
مثلاً صوتك ثقيل يعني كأنك مركب هدرز ولا بالغ 10 مرات
أو صوتك ناعم مثل الهطفة جواد العلي؟ دبر عمرك و اوصف
الأسم جاوبت
العمر : 35 عام
الطول : 186 سم
الوزن : مابين 86 إلى 88 كيلو <--- لاعب حديد سابق وان شاء الله ارجع ألعب
صوتي جهوري نوعا ما تقدر تقول شايل دبة التلوث خخخخخخخخخخ
شكلي والحمدالله مثل باقي عباد الله وإن كان فيه بعض شبهوني بالوالد طال عمره 
3- شنو تسمع من الصوتيات؟ قرآن كريم؟ أناشيد؟ أغاني؟ يعني مثلاً وانت بالسيارة او وانت تشتغل على الجهاز؟
وإذا أناشيد شنو نوعها؟ عن التوبة؟ عن الجهاد؟ عن شنو بالضبط؟
واذا أغاني شنو نوعها؟ خليجي؟ كسرات؟ راب؟ شعبي؟
اسمع للقرآن بالسياره اكثر شئ
أما الأغاني الله يهدينا بس
اسمع خليجي للمطرب عبدالكريم عبدالقادر سابقا وحاليا ولاشي صراحه كل الأغاني اللي أحب أسمعها قديمه لبعض المطربين
عندي اغاني ايام التسعينات للبوب والراب والدانس أيام العصر الذهبي للموسيقى وقليل اسمعه من الجيل الجديد
4- تدخن؟ تشيش؟ تشرب؟
واذا تسوي شي منهم قولنا أي نوع؟
الحمدالله ماني مدخن وجربت المعسل كم مره لكن تركته بسرعه وطبعا جربت الفخفخينه
5- شنو سيارتك؟ شنو تلفونك؟ جم قوة جهازك؟ وشنو نوعه؟
سيارتي : دودج دورانجو موديل 2009
تلفوني الحالي : سامسونج أمنيه 2 وراح اشتري قريب سوني اريكسون نيو ان شاء الله
جهازي حاسب شخصي كلفني تقريبا حدود 10 الاف ريال 
<-- مدمن شئ اسمه الكترونيات وتكنولوجيا + حيمرز درجه أولى
ومن السعر احسب قوته عاد وإذا عاد تبي المواصفات اسأل المره الجايه ونسدحها لك
6- ماهو رأيك في البنت التي تمازح الرجال في المنتديات؟ هل هذا يجوز؟ وهل ترضى الزواج بها؟ وهل ترضى ذلك لأهلك؟
المشكله المجمتع عندنا ياخذ نظرة العيب على البنت فقط ومايطبقها على الرجال
يعني ليش عيب على البنت تمازح الرجال ومو عيب على الرجال يمازح البنات
الأثنين نفس الشئ
انا انسان محافظ والدين أهم شئ عندي مع اني للأسف ماطبق كله وادعي ربي يصلحني ويهديني أكثر قولوا آمين
لكن بالنسبه لي إذا المزح في حدود الذوق والإحترام وبعيدا على الإسفاف وقلة الحيا ممكن في حدود ضيقه
وفكرة الزواج من بنت محترمه تمازح رجال في منتدى صراحه ماتروقني لكن اقدر اطوفها إذا البنت أخلاق و مثقفه وذكيه وطبعا جميله مو بذاك الجمال الصارخ لكن الجمال اللي يخلي الواحد يرتاح لما يشوفه 
وطبعا راح اطلب منها ترك الممازحه لأنه خلاص معها رجال تمزح معه خخخخخ
وطبعا الشئ هذا مايرضاه أهلى قبل ما أرضاه لهم
7- شرايك بـ Fluta ههههه لا أضحك
، انت نظامك PvP ولا PvE? وشنو أعلى مستوى وصلت له فيهم؟ وجم ساعة تلعب واو باليوم؟
أنا نظامي pvp واصارحك القول اعلى حدي وصلته جير الهونور اما الارينا مالقيت شخص اتفاهم معه وانا بالذات ماحب العب مع احد ماعرفه لأنه أي خطأ يقعد يتفلسف ويتركك فأنا تعقدت شوي مع اني اتفنن في اللعب ولكن بما اني اخذ اللعبه حق وناسه وترويح فأنا ماخذ بخاطري كثير وان كنت اتمنى القى شباب مستعدين يلعبون معي على الحلوه والمره 
8- أغلب وقتك تأكل من البيت ولا من المطعم؟ واذا من المطعم .. أي مطعم؟ وشنو تطلب؟ ريوق - غدا - عشاء؟ وحتى لو من البيت .. شنو تاكل بالبيت ريوق - غدا - عشاء؟
سابقا كان اكلي كله مطاعم لكن الحين كله من البيت
المطاعم مافيه مطعم محدد وان كنت احب الكباب العراقي صاج من مطعم لفانا
الريوق : سندويتشات - فول - فلافل
الغدا : لازم يكون شئ ثقيل وفيه رز بعد خخخخخ
العشا : نواشف واحيانا حاجات خفيفه
انا انسان مزاجي واحب انواع من الأكل يعني ماني من النوع اللي ياكل اي شئ قدامه عشانه جيعان لا لازم يكون شئ احبه وعلى مزاجي ومشتهيه
9- بصراحة أنا ما عندي أي فكرة عن شخصيتك، انت راعي هجولة؟ ماشي سيدا؟ من ربع المسجد؟ عربجي؟ من شلة ناروتو والإنمي؟ نظامك أفلام ومسلسلات أجنبية؟
عطني ملخص عن شخصيتك وشنو اهتماماتك
أنا مجموعة إنسان
من كل ضد وضد تلقين فيني
خخخخخ
انا من محبي الأنمي ونارتو ومن هواياتي السيارات والميكانيكا احب السيارات السبور واحب سباقات السرعه والتفحيط لكني اكره الهجوله واكره التفحيط على طريقة اهل الرياض
يعني تفحيط تخميس وحرق كفرات مكانك هذا اللي يعجبني اما هجوله وانتحار ماحبه ابدا
من هواياتي ايضا القراءه والبرامج العلميه والثقافيه ترا انا معروف بين الأهل والأصدقاء بأني إنسان مثقف والحمدالله
احب المسلات الكوميديه فقط وغيره من المسلسلات ماطيقها سواء اجنبيه او عربيه
احب الافلام الأجنبيه فقط اما الأفلام المصريه وطقتها ماطيقها
احب افلام الأكشن وافلام الرعب والخيال العلمي والكوميديا بس لازم تكون قصة الفلم + الشخصيات + السيناريو محبوكه صح اما اي كلام كذا ماحبه
وحتى الدراما ممكن اتابعها إذا القصه ممتازه
شخصيتي
أنا إنسان عصبي مزاجي وطبعي شوي حاد ماعرف للرومانسيه صراحه وان كنت اسمع بها هههههههه لكني انسان طيب ومتفهم ومرن
وصراحه انا شخص يفكر ويحلل ويتفلسف بعد 
مع إنه فيني شوي إنطوائيه وماحب الخروج كثير ومقابلة الناس إلا أنني أتعامل مع الناس بأخلاق إذا كانوا يستاهلون أما غير كذا نربع جنط مقاس 20 في وجيههم
أنا عصبي لكني امسك نفسي كثير و اسهلها يعني مثلا مو عشان واحد وانا ماشي بالسياره قطع الطريق علي اعصب واروح اوقفه واتهاوش لالالالا صراحه اسخف شئ انه الناس تتهاوش على أشياء تافهه مال امها داعي انا اذا قطع علي واحد الطريق يا أمسك نفسي وخلاص او عاد بالكثير اسفل فيه في نفسي طبعا ههههههههه
لكن وقت الجد ولو بتصير مطاقه وانا ادعي ربي ابدا ماتصير ممكن مع العصبيه اللي فيني اتحول وحش مايرحم قد جربت مره وتهاوشت مع واحد وطب باقي ربعه وصاروا 7 (على طريقة واو هع هع ) ويمكن قعدت ربع ساعه وانا طق وهم يطقون لين تعبت وكتفوني واستلموني ضرب إلين فزع لي كم واحد من اهل الحي هههههههه طبعا هذا ايام الشباب قبل عشرين سنه قبل ما العب الحديد (وينهم بس بعد الحديد خخخ) ياهو تورم وجهي
من اكبر عيوبي الكسل وهذه حتى الوالده تشتكي إني كسلان 
10- شنو روتين حياتك اليومي؟
(¯`·._) Warchif على كرسي أعتراف World of Warcraft (¯`·._)
)
بـإمكان الجميـــع المشاركة
