برنامج يمكن يفيدك مثل ما فادني
السلام عليكم ورحمة الله وبركاته
هذي اول مشاركة لي في المنتدى وحاب أشكر الكباتن على المواضيع والمعلومات الموجودة اللي من جد استفدت منها ...
انا كنت اعاني من نقص الوزن بشكل رهيب وناشف بصورة غير طبيعية وصعوبة في رفع الوزن لو مهما اكلت وسجلت في نوادي اكثر من شعر راسي واستخدمت مكملات من جميع الانواع والشركات ... بس بدون فايدة !!!!
وزني كان 58-59
طولي 172
السبب ::
- ما كنت اواصل اللعب يعني اروح يوم واخذ اجازة 4 ايام :09:
- الاكل مو منظم
- ما في عزيمة واصرار
بس الحمدلله جت العزيمة والاصرار في نهاية سنة 2011 بعد ما صادتني بعض المواقف المحرجة اللي لا يمكن انساها
سجلت في نادي لمدة 6 شهور وتاريخ التسجيل كان 28-9-2011 والى هذا اليوم مواصل بدون تقطيع ...
جدول التمارين ::
السبت : صدر + باي
الأحد : ظهر + تراي + بطن
الأثنين : أكتاف
الثلاثاء : أرجل+ بطن
الأربعاء : صدر + باي
الخميس : ظهر + تراي + بطن
الجمعه : راحة
طبعا البرنامج الغذائي للأخ LEANER وله جزيل الشكر على البرنامج
http://www.montada.com/showthread.php?t=686348
المكملات والمنشطات :
بروتين الدب الروسي 10000 ( سكوبين الصبح قبل الفطور + سكوبين المغرب قبل التمرين بساعة واحدة )
كرياتين الدب الروسي ( ملعقة قبل التمرين ب30 دقيقة + ملعقة بعد التمرين مباشرة )
Amino energy بودر ( ملعقة مخلوطة مع الماء قبل التمرين ب30 دقيقة )
Amino chewbles حبوب مص ( حبة واحدة قبل التمرين ب 30 دقيقة )
فيتامينات Opt-men ( حبة بعد الفطور + حبة بعد الغذاء + حبة بعد العشاء )
حاليا وزني 65 وطالع على 66 بس مااعرف نسبة الدهون كم بس اتوقع نسبة ضئيلة جدا لاني ناشف وعروقي تبين ...
واحس اني قاعد استفيد من البرنامج اللي ماشي عليه ... واذا فيه اي شي غلط بالموضوع يا ريت اهل الخبرة ينصحونا ...
رد: برنامج يمكن يفيدك مثل ما فادني
ماشاء الله زيادة 10 كيلو او اكثر نتيجة رائعة ، لكن نظامك التدريبي اظنه غير مناسب لأنو انت تبغى تضخيم ولتضخيم العضلة مرنها مرة واحدة أسبوعيا يعني خلي تمرينك أربع أيام في الأسبوع
اليوم الاول صدر +باي
راحة
اليوم الثاني ظهر تراي
راحة
اليوم الثالث اكتاف +سواعد
راحة
اليوم الرابع أرجل
بالنسبة للبطن مرنه ثلاث مرات في الأسبوع..
رد: برنامج يمكن يفيدك مثل ما فادني
جزاك الله خير على طرح تجربتك
ومبروك النتايج الطيبة
ومثل ماتفضل الكابتن بخصوص الجدول
موفق يابطل
رد: برنامج يمكن يفيدك مثل ما فادني
موضوع جميل
والف شكر لك يابطل
رد: برنامج يمكن يفيدك مثل ما فادني
ممتاز واصل يابطل تذكرني بنفسي يوم بديت اللعبة جرب كذلك تاخذ السيرياس ماس ممتاز للضخامة بعد استخدامك للدب الروسي
بس هناك خطأ في جدولك مايصير تمرن العضلة مرتين بالأسبوع للضخامة ، لأن هذا الجدول يستخدم للتنشيف الشخص اللي عمله لك ماحاسب لهذه النقطة ، وبعدين مايصير تحط البطن مع الظهر بنفس اليوم مافي تناسق من بينهم ، جرب الجدول اللي حطه لك الأخ araar احسه مناسب لك كثير ، وبالتوفيق لك يالغالي .
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة araar
ماشاء الله زيادة 10 كيلو او اكثر نتيجة رائعة ، لكن نظامك التدريبي اظنه غير مناسب لأنو انت تبغى تضخيم ولتضخيم العضلة مرنها مرة واحدة أسبوعيا يعني خلي تمرينك أربع أيام في الأسبوع
اليوم الاول صدر +باي
راحة
اليوم الثاني ظهر تراي
راحة
اليوم الثالث اكتاف +سواعد
راحة
اليوم الرابع أرجل
بالنسبة للبطن مرنه ثلاث مرات في الأسبوع..
مشكور يالغالي على ردك التشجيعي وانشالله سوف يتم تغيير الجدول للحصول على نتائج افضل واذا وصل وزني للسبعين راح انزل الصور انشالله ...
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة buraydawi
جزاك الله خير على طرح تجربتك
ومبروك النتايج الطيبة
ومثل ماتفضل الكابتن بخصوص الجدول
موفق يابطل
الله يجزينا ويجزيكم كل الخير ... والنتائج الطيبة جت بفضل الله ثم بفضل هالمنتدى الطيب... وسيتم تبديل الجدول انشالله
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة Booyaka
ممتاز واصل يابطل تذكرني بنفسي يوم بديت اللعبة جرب كذلك تاخذ السيرياس ماس ممتاز للضخامة بعد استخدامك للدب الروسي
بس هناك خطأ في جدولك مايصير تمرن العضلة مرتين بالأسبوع للضخامة ، لأن هذا الجدول يستخدم للتنشيف الشخص اللي عمله لك ماحاسب لهذه النقطة ، وبعدين مايصير تحط البطن مع الظهر بنفس اليوم مافي تناسق من بينهم ، جرب الجدول اللي حطه لك الأخ araar احسه مناسب لك كثير ، وبالتوفيق لك يالغالي .
حياك الله يالغالي .. انا كنت محتار بين هالعملاقين ( الدب الروسي ) و ( السرياس ماس ) .. وللعلم انا كنت رايح المحل اشتري السرياس بس يوم سألته اذا كان موجود بطعم الشوكولا قال لي انه مخلص ... فاضطريت اني اخذ الدب الروسي .
وبخصوص الجدول اشكر الاخ الغالي araar على تنبيهي وانشالله يتم تغيير الجدول ...
مشكورين يا كباتن
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة BLUEY
حياك الله يالغالي .. انا كنت محتار بين هالعملاقين ( الدب الروسي ) و ( السرياس ماس ) .. وللعلم انا كنت رايح المحل اشتري السرياس بس يوم سألته اذا كان موجود بطعم الشوكولا قال لي انه مخلص ... فاضطريت اني اخذ الدب الروسي .
وبخصوص الجدول اشكر الاخ الغالي araar على تنبيهي وانشالله يتم تغيير الجدول ...
مشكورين يا كباتن
بس حبيت أخبرك عن اسعارهم علشان مايخدعونك بعض البائعين :
السرياس ماس سعره 20 دينار بحريني حوله للعملة اللي في بلدك وشوف السعر كم يطلع لك
و الـ russian bear 10000 سعره 18 دينار ، وبعض المحلات يرفعون الأسعار فحاسب لهذه النقطة
وحبيت أني اسألك عن سعر الكرياتين لأني لحد الان ماجربته فياليت تخبرنا عن السعره ,
رد: برنامج يمكن يفيدك مثل ما فادني
السلام عليكم .. يعطيك الف عافيه على طرحك التجربه واتمنى لك التوفيق .. بس على عكسي تماما .. انا صار لي الحين بكمل سنه فالجيم .. ولين اليوم مازاد وزني غير 4 كيلو تقريبا ..
مع العلم اني ماقطع بالعكس الحمدلله عندي حماس للعبه بشكل مش طبيعي لدرجه اني اروح بروحي بدون اي تشجيع من طرف ثاني ..
انا حاليا استعمل السوبر جارج وترو ماس وحبوب امينو 2600 اظن او 2700 ثلاث حبات فاليوم .. فقط لاغير .. وجدوليه ماشي مثل ماقال الاخ araar بالضبط
بس المشكله عندي انا وبكل صراحه ما اواظب على اخذ البروتين .. واكلي الحمدلله مرتب .. بس مستغرب هل البروتين هو السبب الوحيد في اني ما ازيد وزني ؟؟؟ مع العلم انه وزني حاليا 53 وطولي 169
اتمنى حد يفيدني ..
رد: برنامج يمكن يفيدك مثل ما فادني
ماشاءالله تبارك الله عقبالي انا والله تعبت من التمرين :( بس احس مافي فايده :boggled:
رد: برنامج يمكن يفيدك مثل ما فادني
اخوي اذا لعبت تمرينين مع بعض
مثلا صدر وباي كم تلعب كل تمرين وكم عده؟
رد: برنامج يمكن يفيدك مثل ما فادني
رد: برنامج يمكن يفيدك مثل ما فادني
انا مشكلتي نفس مشكلتك بالضبط !!
وادخل ماكمل شهر حتى
بس الحين لي 3 اسابيع وهالمره ناوي استمر بدون توقف
بس ياليت تقولنا من متى بديت المرحله هاذي اللي تغير فيها جسمك ووزنك ؟
كم خذيت فيها شهر ؟ شهرين ؟
وبالمناسبه انا البروتين اللي عندي ميقا ماس 4000 ؟ وش رايكم فيه ؟ زين حق التضخيم
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة Booyaka
بس حبيت أخبرك عن اسعارهم علشان مايخدعونك بعض البائعين :
السرياس ماس سعره 20 دينار بحريني حوله للعملة اللي في بلدك وشوف السعر كم يطلع لك
و الـ russian bear 10000 سعره 18 دينار ، وبعض المحلات يرفعون الأسعار فحاسب لهذه النقطة
وحبيت أني اسألك عن سعر الكرياتين لأني لحد الان ماجربته فياليت تخبرنا عن السعره ,
هلا والله اخوي
شكرا على النصيحة وفعلا بعض المحلات يرفعون الاسعار ... بس انا شريته من ( جدعلي ) <<<< الاخ بحريني :09: وسعره 20 دينار مع shaker مجانا ...
بخصوص الكرياتين سعره 10 دينار ...
ومشكور على طلتك الحلوة
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة v88.a
السلام عليكم .. يعطيك الف عافيه على طرحك التجربه واتمنى لك التوفيق .. بس على عكسي تماما .. انا صار لي الحين بكمل سنه فالجيم .. ولين اليوم مازاد وزني غير 4 كيلو تقريبا ..
مع العلم اني ماقطع بالعكس الحمدلله عندي حماس للعبه بشكل مش طبيعي لدرجه اني اروح بروحي بدون اي تشجيع من طرف ثاني ..
انا حاليا استعمل السوبر جارج وترو ماس وحبوب امينو 2600 اظن او 2700 ثلاث حبات فاليوم .. فقط لاغير .. وجدوليه ماشي مثل ماقال الاخ araar بالضبط
بس المشكله عندي انا وبكل صراحه ما اواظب على اخذ البروتين .. واكلي الحمدلله مرتب .. بس مستغرب هل البروتين هو السبب الوحيد في اني ما ازيد وزني ؟؟؟ مع العلم انه وزني حاليا 53 وطولي 169
اتمنى حد يفيدني ..
وعليكم السلام يالغالي .. لازم تتأكد ان التغذية عندك صح والراحة ... هل تأكل 5-6 وجبات في اليوم ؟؟؟ هل تنام 7-8 ساعات في اليوم ... يمكن مكملاتك جيدة ولعبك جيد بس التغذية والراحة ناقصين معناه 70 % من الفايدة رايحة عليك ... ( الاكل ثم الاكل ثم الاكل ) وانشالله تحقق نتايج طيبة ...
اقتباس:
المشاركة الأصلية كتبت بواسطة ابغى اعضل
ماشاءالله تبارك الله عقبالي انا والله تعبت من التمرين :( بس احس مافي فايده :boggled:
حياك الله يالغالي ... شوف الاقتباس اللي فوقك ... وانشالله تطرح لنا نتايجك في القريب ... كل التوفيق لك
اقتباس:
المشاركة الأصلية كتبت بواسطة ent7ari
اخوي اذا لعبت تمرينين مع بعض
مثلا صدر وباي كم تلعب كل تمرين وكم عده؟
هلا اخوي
بخصوص تمارين الصدر
عندي 5 تمارين .. 3 جلسات ... 10-12 تكرار
و الباي
عندي 4 تمارين وساعات ادخل الخامس معاهم ... 3 جلسات ... 10-12 تكرار
ونورت الموضوع
اقتباس:
المشاركة الأصلية كتبت بواسطة unkn0wn008
شكرا ً على الموضوع
نورت الموضوع بردك يالعزيز ..
اقتباس:
المشاركة الأصلية كتبت بواسطة H I T L E R
انا مشكلتي نفس مشكلتك بالضبط !!
وادخل ماكمل شهر حتى
بس الحين لي 3 اسابيع وهالمره ناوي استمر بدون توقف
بس ياليت تقولنا من متى بديت المرحله هاذي اللي تغير فيها جسمك ووزنك ؟
كم خذيت فيها شهر ؟ شهرين ؟
وبالمناسبه انا البروتين اللي عندي ميقا ماس 4000 ؟ وش رايكم فيه ؟ زين حق التضخيم
يا هلا بيك اخوي
انا تقريبا صار لي في الجيم 3 شهور وحققت نتايج طيبة الحمدلله من البرنامج هذا ... ويمكن انت تستفيد منه بس انتبه للاكل والراحة ...
وبخصوص البروتين ما عندي فكرة عنه وانشالله الكباتن يفيدونك
رد: برنامج يمكن يفيدك مثل ما فادني
ماشاء الله يابطل امورك ماشيه في السليم... لكن حبيت اسالك بالنسبه للاوزان هل عانيت منها في البداية لانه انا تقريبا نفس وزنك وطولك
اوصل لوزن معين واوقف اذا كانت ماره عليك هالمشكله ولقيت لها حل لاتبخل علينا لانه حاب ازيد الاوزان
رد: برنامج يمكن يفيدك مثل ما فادني
السلام عليكم ورحمة الله وبركاتة
يعطيك العافية على نقل تجربتك
ان شاء الله يفيد الاعضاء مثل استفادتك له
بالتوفيق ان شاء الله
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة FAHAD79
ماشاء الله يابطل امورك ماشيه في السليم... لكن حبيت اسالك بالنسبه للاوزان هل عانيت منها في البداية لانه انا تقريبا نفس وزنك وطولك
اوصل لوزن معين واوقف اذا كانت ماره عليك هالمشكله ولقيت لها حل لاتبخل علينا لانه حاب ازيد الاوزان
بالنسبة للاوزان كل وزن جديد تلعب عليه لازم بتواجه صعوبة في البداية فالاحسن انك تمرن العضلة على الوزن الجديد بشكل تدريجي وما تروح عليها على طول لانه يمكن تسبب لك اصابة لا سمح الله ...
مثال :
تمرين الصدر ( بار مستوي ) تقدر ترفع وزن 40 وبتكرار 10 بكل سهولة
في الجلسة الثانية ارفع الوزن الى 45 وبتكرار 6-8 ( بمساعدة احد الشباب ) وتخليه يرفع معاك بهالطريقة تكون عطيت العضلة خبر انك تلعب وزن جديد ...
والجلسة الثالثة كرر نفس الطريقة
في المرة الجاية اتبع نفس الطريقة حتى تحس انك تقدر ترفع الوزن لحالك ... ونفس الطريقة لباقي التمارين
انشاالله تستفيد من الكلام .. وبالتوفيق لك انشالله
اقتباس:
المشاركة الأصلية كتبت بواسطة Heartbeat
السلام عليكم ورحمة الله وبركاتة
يعطيك العافية على نقل تجربتك
ان شاء الله يفيد الاعضاء مثل استفادتك له
بالتوفيق ان شاء الله
الله يعافيك يالغالي
ونور الموضوع بردك فيه
رد: برنامج يمكن يفيدك مثل ما فادني
تقدم ممتاز ما شاء الله , استمر يا بطل لكي تصل الى هدفك ان شاء الله
بالنسبة لجدولك التدريبي ارجوا ان تغيره لكي تستفاد اكثر مثل ما وضحوا لك الاخوة الاعضاء , مرن العضلة مرة وااحدة اسبوعيا و تمرن 3 او 4 ايام بالاسبوع كحد اقصى لكي تعطي فترة راحة كافية لجسمك و اهتم بالنوم الكافي ليلا و ابتعد عن السهر .
اما بالنسبة للمكملات فانها فقط مكملات و ليست منشطات و شتان مابين الاثنين فلا تخلط بينهما !!!!!
مكملاتك عليها علامة استفهام بصراحة و قسم منها زائد عن الحاجة و قسم منها استعمالها غير صحيح !!!
على العموم اذا اردت معلومات اكثر عن المكملات يمكنك ان تسالني في اي وقت و ان شاء الله ما اقصر معاك
تحياتي
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة france for ever
تقدم ممتاز ما شاء الله , استمر يا بطل لكي تصل الى هدفك ان شاء الله
بالنسبة لجدولك التدريبي ارجوا ان تغيره لكي تستفاد اكثر مثل ما وضحوا لك الاخوة الاعضاء , مرن العضلة مرة وااحدة اسبوعيا و تمرن 3 او 4 ايام بالاسبوع كحد اقصى لكي تعطي فترة راحة كافية لجسمك و اهتم بالنوم الكافي ليلا و ابتعد عن السهر .
اما بالنسبة للمكملات فانها فقط مكملات و ليست منشطات و شتان مابين الاثنين فلا تخلط بينهما !!!!!
مكملاتك عليها علامة استفهام بصراحة و قسم منها زائد عن الحاجة و قسم منها استعمالها غير صحيح !!!
على العموم اذا اردت معلومات اكثر عن المكملات يمكنك ان تسالني في اي وقت و ان شاء الله ما اقصر معاك
تحياتي
حياك الله يالغالي وشرفتني بردك و احنا تلاميذكم وبانتظار المعلومات المفيدة منكم ...
رد: برنامج يمكن يفيدك مثل ما فادني
ماشاء الله
الله يعطيك العافية
رد: برنامج يمكن يفيدك مثل ما فادني
اقتباس:
المشاركة الأصلية كتبت بواسطة برانش وارن
ماشاء الله
الله يعطيك العافية
الله يعافيك كابتن
