موقف حصل بيني وبين المدرب اليوم

معلومات المتقدم بالاستفسار :
العمر : 21 , الجنس : ذكر

الطول :170 متر
الوزن : 60 كيلوجرام

نسبة الدهون : مدري

و الاستفسار كالتالي :
سلام عليكم
كيف حالكم ياوحوش ؟

اليوم جددت اشتراكي بالنادي وشافني المدرب وانقهر مني هههههه لأني أول ماسجلت بالنادي قبل 6 شهور كنت داخل النادي وعندي معلومات عن كمال الاجسام وجدول التمارين والتغذية والخ (مثقف نفسي كثير)
فـ كان المدرب يبغى يعطيني جدول قلت له انا معي جدول وابغى اطبقه
قام يسالني من وين لك الجدول ؟ وقلت له من منتدى اسمه المنتدى
وقام يهايط على المنتدى هههههههههههههههههههههههه ..
قلي احسلك امشي مع كلامي ورفضت .. المهم الحين يوم رجعت للنادي وجددت اشتراكي قلي هاه بتمشي معاي ولا مع المنتدى او واحد من النت ؟ بصراحة ماني شايف فيك تقدم ابدا جسمك زي اول مرة شفتك مافي شي تغير .... قلت له لا الحمدلله زدت 10 كيلو < ماصدقني قال : لا مازدت ولا شي جسمك زي ماهو ههههه .. قلت له الميزان يقول اني اول ماجيتكم كان وزني 50 والحين 60 وسكت قال المهم احسلك ذي المرة امشي معاي واترك من الناس الي بالنت .. ( قلت بـ قلبي بمشي معاه اسبوع بس )

ولعبني اليوم : صدر + باي + أرجل + بطن
اعطاني 3 تمارين صدر : بار مستوي + بار علوي + بار سفلي = 3 جولات والتكرارات 15
بعدها قلي روح العب 3 تمارين أرجل 3 جولات 15 تكرار ......
بعدها قلي العب 3 تمارين للباي 3 جولات 15 تكرار
بعدها تمرين واحد بطن 25 تكرار لـ 4 جولات يعني 100 عدة
بـ صراحة انهلكت مرةةةة تعبت الطاقة زيــــ0ــــــــرو ..
حسيت بـ تعب ماحسيته قبل

ابغى رايكم بـ تكنيك المدرب ؟

لو كنت قاطع فتره طويله شي طبيعي لعبك اول يومين او ثلاث مكس

لاكن لو مب قاطع ماعندي تعليق لانه العقل يقول الارجل ماتتمرن مع عضله اخري يمكن مع المعده اما غيره نو

انتظر الكباتن

سبحان الله نفس الموقف الحاصل معاي حاليا ..
قبل خمس شهر انا كنت بتمرن بالبيت عندي جهاز هوم جيم ، فقلت حاب اني أسجل بالنادي علشان أنوع بالتمارين فقبل شهر أنا سجلت بلنادي
عاد جاني مدرب مصري شرحت له أني أبغي أضخم ووزني محتاج 10 كيلو زيادة للوصول للوزن المناسب ، عاد الحبيب مو راضي يقتنع أني قاعد أضخم
كل يوم قاعد يلعبني كارديو وشامل ويوم واحد راحة لين ماهلكت منه ، عاد بعد أسبوع قلت له أنا عندي جدول كنت ماشي عليه من خمس أشهر والحمد لله زاد وزني
13 كيلو من خلال خبرتي بالتمارين والمعلومات اللي أخذها من هذا المنتدى اللي أسسني من الصفر إلى القمة ، عموما رد علي وقال لا خلك على جدولي وتماريني أحسن
عاد يوم شفته مصر على جدوله المهلك للعضل ، قلت أنا بامشي على جدولي وماعلي منه عاد يوم ثاني جيت وسلمت عليه ورحت أتمرن لحالي وهو كان متصور أني اسأله شنو تمرين اليوم خخخ ، وبس من ذاك الوقت أني اتمرن بروحي وحاليا خذ لي شهر ونص وزاد وزني 4 كيلو ، فنصيحتي لك إذا كانت عندك دراية كاملة عن التمارين و معلومات كافية عن تنضيم الجداول توكل على الله وتمرن لحالك أحسن لك وبعدين عندك موقع يوتيوب ممتاز جداا لتكتشف تمارين جديدة و طور نفسك
أدخل على صفحة scott herman fitness راح تستفيد كثير منه .

جزاكم الله خير

بويكا ..
انا فاهم كثير بـ هالرياضة زين الزين ... واقرى مدونات إنجليزية واتابع سكوت هيرمان وفيلت والتوأمين على اليوتوب ..
أكثر الكباتنة على النت يجمعون إن أفضل العدات للضخامة هي 3 جولات وزي كذا : 10 - 8 - 6
يوم قلتها للمدرب اليوم قال مين قالك ؟ وقاعد يتفلسف هههههههههههه وقال لا ماينفع 3 جولات و 15 تكرار < هذا اللي اعرفه للتنشيف !

نفس الحاله عندي يا بويكا المدرب الا يبي يدخلني كارديو كل يوم وانا اقوله ابي ضخاااااااامه يامسلم ومايسمع العلم.
وعلمته إني شريت بروتين فنشبلي اكثر واكثر وصار يدخلني اوزان قويه جدا والعبها بدون تركيز وصرت الحين ما اسئله ولا اقوله ابي تمرين,, ولا شيء بعد ماقريت وتثقفت من أخوانا الوحوش بالمنتدى الله يعطيهم العافيه.
تخيلوا مايعرف الدروب ست!!
بالعربي الفصيييح مدرب فااااااااااااااشل بمعنى الكلمه وصار يقلدني بعض الاحيان في بعض التمارين ودخل نفس جدولي الي دخلته؟؟فأنا استغربت ودريت إن ماعنده سالفه.
ولا البروتين يقول اشربه مع الوجبات هههههههههههههه قلت وين ياحبيبي ؟؟
فرأيي لك أخوي متعطش تثقف أكثر وأكثر ولا تعطيه وجه من الاصل مابينك وبينه الا سلام عليكم بس.
انت ماخذها من فلوسك ولا يمن عليك بأي شيء توكل على الله وإقرأ أكثر وادخل ع اليوتيوب وتمرن مافي الا كذا........أتمنى أفدتك أخوي متطعش

برضه لا تخسر المدرب يمكن تحتاجه في يوم من الايام يمكن خل اخلاقك عاليه وقله انا جاي شهر ومروح وشوي شوي بيتركك في حالك وبكذا ما تكون خسرته وبعد بتفتك من غثاه

اغلب مدربين النوادي فاشلين للأسف .

الله يعينك , وامشي ع اللي يناسبك

عندنا مدرب زي العسل

الحمد لله ^_^

شباب خلو المدرب على جنب انا ماعندي مشكلة (شخصية معه) ويوم ارفض تدريبه مو معناته
حصلت مشكلة شخصية معه الامور مو شخصي ياشباب
احنا هنا نتناقش بـ موضوع التدريب والتغذية وكل شي يخص كمال الأجسام
ابي نتحاور بـ تكنيك مدربي انتم شايفينه مناسب للضخامه ؟
عضلتين كبيرة مع بعض زي الصدر والارجل وعضلة صغيرة الباي ؟
وكل عضلة 3 جولات والتكرار 15 ؟

عن نفسي حاليا اتدرب بفندق ومدرب الفندق مثل حالتك عطاني تكرار عالي 16-14-12
يقول افضل مشيت ع كلامه اقل عن اسبوع ورجعت ع روتيني المعتاد خخ اول تمرين اربع جلسات والباقي 3 والتكرار 12-10-8-6
خخخ

انا اجوف ان الجدول اللي عطاك اياه
جدول يمشي مع مبتدئ وكونك انت شخص قاطع الجيم لمدة 6 شهور شي عادي ان المدرب يبي يأهل عضلاتك على كل التمارين عشان تشتغل صح
انا اقول خلك مع المدرب كونه موجود معاك في الجيم لانه يشوف جسمك والاستفادة من المعلومات في المنتدى قد ما تقدر
انا صار لي 4 سنوات العب حديد ومازلت استفيد من المدربين اللي بالجيم معاي بالاضافة الى تبادل الخبرات في الجيم وانا اعتبرها استفاده كبيرة اذا في احد يتابعني في الجيم لاني راح استفيد على الاقل معلومات منه

اما اذا انت مصمم انت تكتفي بالجداول من المنتدى فهذا شي راجع لك ولكن تأكد ان الجدول اللي بتاخذ يتناسب مع قدراتك الجسدية وراحتك النفسية بالاضافة الى انك تكون انك تلعب اللعبة صح

والله يوفقك

شموخ من وين جايب اني قاطع عن الجيم 6 شهور ؟
لا قاطع عن الجيم زي شهر ونص بس
انا لي بالجيم 6 شهور مو قاطع 6 شهور !
حياك الله

خخخ
اغلب المدربين ماعندهم خلفيه

وتلقاه نافخ جسمه على الفاضى ويمشي بتكتيك معين معلمينه الشباب


يا اخوان نصيحه / خل اخلاقك عاليه مع المدربين ممكن تحتاجه يوم من الايام مساعده وبالله لو دخلت النادي معاه وصاير توج بينكم ماراح ترتاح

صراحه لا تعليــــق ...!! >>>>> اللعبه ما يبيلها عناد اللعبه يبيلها ثقافه ولا تتجاهل اي شخص !! كل شخص وله ثقافه والذكي الي يجمعها ويتعلمه


اللعبه أسررار ..!!

اقتباس:

---

المشاركة الأصلية كتبت بواسطة متعطش

شموخ من وين جايب اني قاطع عن الجيم 6 شهور ؟
لا قاطع عن الجيم زي شهر ونص بس
انا لي بالجيم 6 شهور مو قاطع 6 شهور !
حياك الله

---

هههههههههههههههههههههههههه يا حبك للهياط !! الرجال معنى قاطع عنده يعني ماااشي !! هذي لهجة اهل البحرين طال عمررك !!

ياشباب ياحلوين يا ابطال ياشطورين
الامور مو شخصي بيني وبين المدرب
ولا تتهموني بالعناد او اني قليّت ادبي مع المدرب هذا المتضح من كلامكم
ابداً اعامله باحترام والكل اعامله باحترام انا هنا اتكلم عن تكنيكه ولا اتكلم عن امور شخصية ياليت تفهمون
وياليتني ماطرحت قصتي مع المدرب ههههههههههههههههههههههههه
ياليتني سالتكم هالسؤال فقط

( تكرار 15 مرة بـ 3 جولات ) وعضلتين كبار في يوم واحد : صدر وارجل وبطن وباي = هذا النظام للضخامة ولا للتنشيف ؟
من وجهة نظري تنشيف انتو وش وجهات نظركم ؟
ياليت وصلت المعلومة وانسو موضوع المدرب

3 جولا ب 15 عدة مرررررررررة ما يجي تضخيم لانك اذا بتضخم بتشيل اوزان عالية وما بتقدر بتطلع 15 تكرار بالوزن العالي او تكسر اوزانك ب 15 عدة . . هذا شغل تنشيف - - انا بضخم 10 8 8 او 10 8 6 وساعات بكسر الوزن ب 3 عدات فقط . . .بس لا تحكم على المدرب من اول يوم خليك معاه وشوف لوين بيوصل ممكن عنده تكنيك معين بالبداية او بيختبر لياقتك او شي فلا تتسرع . . . .
المدرب بالنادي القديم تبعنا كان من جمبها والله كان يجيني ويقولي اديني تمرين صدر من عندك اليوم او سويلي جدول بالبيت علشان اوزعه للشباب وما يتمرن الا معي وبطريقتي كككككككككك

يمكن هذا الجدول مبدئي ..انت لك كم عليه
لان انا اشوف انه مجهد جداً..غير ان يبان من بيناتك انك ناشف مشاء الله تبارك الرحمن
لكن في كل الحالات خلك مع المدرب الين يتضح معاك الامر لان انا نفس حالتك المدرب اعطاني جدول شفته غريب
ســـبت : صدر + باي + بطن
احــــــد : ظهر + تراي
اثنيــــن : اكتاف + بطن
الثلاثاء : افخاذ
اربعاء : صدر + باي + بطن
الخميس : ظهر + تراي
الجمعه : راحه
والاسبوع اللي بعده اكمل من محل ماوقفت بـ معنى اسبوع العب الصدر والباي .والظهر والتراي مرتين واسبوع اكتاف وافخاذ مرتين
في البدايه قلت لاباس بما اني جديد راح استفيد اني اقوي نفسي واشد ومنها ابني اساس ومنها لان وزني شوي كان زايد وبعد فتره قلت له ابي ادخل عضله وحده و ازود ايام الراحه رفض
بـ حجة انه مايهتم للضخامه عن [الجمال العضلي] بحسب مايقول ..في البدايه مافهمته وبديت امل منه
لكن للامانه في هذا الشهر بديت اشوف النتائج حتى الكل صار يسئلني [ايش تاخذ]..غير كذا في البدايه وزني كان يصعد بسرعه وفي الاونه الاخيره صار بطيئ..لكن في نفس الوقت الهيئه العامه للجسم اشوف فيها اختلاف فـ عرفت ان الجدول هذا يطلعك عضل بـ اقل نسبة دهون او يمكن يقلل منها
اعتذر على الاطاله .. لكن القصد انك تكون ورى المدرب ومثل ذي المواقف اذا ما استفدت منها في جسمك تستفيد منها في خبرتك

بما انك تقول قاطع شهر ونص امش معه

ما راح يستمر على هالجدول راح يتغير واذا ما تغير روح وقوله احس ان هالجدول ما يناسبني وصعب علي وما اقدر العب عضلتين كبار مع بعض ،،

ابي اتكلم معك لكن لا تظن اني اذمك بالعكس ،،

ابي أقولك المدرب دايم خذه كصديق وإستشاري حتى لو قالك شي مو منطقي سلك لانه راح يقولك أشياء كثيره ما تعرفها ،، خذ رأيه قوله هالطريقه قريت عنها أو سمعت عنها
لا تقوله من منتدى أو من نت لا تقوله أن عندك مخزون ،، أنا دربت فتره وعاشرتهم وعندي يمكن حول ال 5 مدربين أصدقاء وكل واحد أسلوبه غير ،،
في مدربين ما يحبون يطلعون كل شي للاعب او يوضحله الجدول حق ثلاث شهور يحبون يوضحون بو أسبوع عشان لا تنحاش منه
والبعض لا يكون بو يوم يحب يشوفك كل يوم كيف حماسك عضلتك تطورت ألين اي مستوى ومنها يعطيك الجدول حق اليوم
وفي مدربين ما يعطون جدول ثابت كل مره يركز على جزء فأنت حاول تذكره المره اللي فاتت أش سويت ،،

لكن كتجربه المدرب يحب انك تستشيره وتأخذ رأييه وتأكد ان بعضهم حتى لو جاوبك ما عطاتك الإجابه الكامله روح دور بالنت وقوله اي بعد في كذا وكذا وكذا
هو بهالطريقه راح يحس أنه أنجز وخلاك تتعلم ،،

أتمنى اني ما أكون ضايقتكـ ،،

اقتباس:

---

المشاركة الأصلية كتبت بواسطة متعطش

شموخ من وين جايب اني قاطع عن الجيم 6 شهور ؟
لا قاطع عن الجيم زي شهر ونص بس
انا لي بالجيم 6 شهور مو قاطع 6 شهور !
حياك الله

---

انا اسف فهمت الموضوع غلط بس بعد احنا فيها 6 شهور بالنسبة للحديد توك مبتدئ

اخواني التثقيف مهم حتى لو مدربك كان بطل العالم