انا مبتداء ارجوا المساعدهة

معلومات المتقدم بالاستفسار :
العمر : 19 , الجنس : ذكر

الطول :178 متر
الوزن : 66 كيلوجرام



و الاستفسار كالتالي :
سلام عليكم ..
كيف حالكم شباب ان شاء الله مستانسين
اخواني

انا ابي ضخامه عضليه ابي اصير ضخم في خلال سنتين كيف ! ؟

وزني : 66
الطول : 168
العمر : 19 سنه

كيف أبداء ؟

رحت لنادي الي ف منطقتنا وقال لي بـ 1000 ريال سنه كامله ! كلمت كم شخص قال لي السعر زين وسجل فيه .. طبعا راح يكون وقت التمارين من بعد ساعه 2 الظهر الى 3 ونص ! او على حسب تمارين
ابي احد يكتب لي جدول الغذاء ! لي انا كمبتداء
وابي بروتين .. انا عندي 3 علب بروتين لونه اخضر ( كومبات ) الحبه بـ 340 ريال ما ادري ملعوب علي ولا هذا سعره

اتمنى انكم تردون يا أصحاب الخبره ...

اتمنى الرد

ضخامة في خلال سنتين ان شاء الله تصل لهدفك بكل راحة
البروتين مب مخليك ضخم لو تستخدم 100 علبة
العبرة باكلك وتمرينك واوزانك
اذا تبي ضخامة العب اربع ايام باوزان عالية وخل تغذيتك متوفرة من البروتين والكارب
التزم بهالجدول في تغذيتك واتركالمكملات المذكورة فيه وركز على الاكل الي موجود وخل البروتين بعد التمرين فقط وبتحصل نتيجة باذن الله
http://www.bodybuilding.com/fun/shor...nutrition.html

اهلا اخوي شكرا لك على نصائح بجد استفدت
لكن ! البروتين مهم كمان صح ولا
وبالنسبه للجدول انا والله ما فهمت عليه

ممكن توضح لي زياده .. لاهنت

واتمنى من البقيه تساعدونا بس
والكل بيستفيد ان شاء الله

البروتين البوردة مب مهم الا في حالة وحدة
إنك ماتقدر توفر البروتين من كمية الاكل الي تاكلها
لو وفرتها يصير ماله اي داعي عشان كذا اقول لك خل البروتين بعد التمرين لانه وقت صعب تسوي لك وجبة تاكلها مباشرة بعد التمرين
نقطة ثانية الجدول الي في الرابط كل ساعتين ونص وجبة تقريبا
الي مافهمته اكتبه لي بالضبط وماراح اقصر معك
بالتوفيق

اها حلو الحين فهمت ازود :) لا هنت اخوي
وفعلا كلامك صحيح
الجدول يا بعدي ما فهمته كل ابوه ! دخلت الصفحة ولا فهمت وين الجدول ؟

الفطور:3 بياض بيض +3 بيضات كاملات +ملعقة زيت زيتون+شريحة جبن +2 توست
بعد ساعتين ونص او 3:جبن قريش مع شرايح اناناس
الغدا:علبة تونة+ملعقة مايونيز لايت +2توست+حبة فاكهة
بعد ساعتين ونص او ثلاث:توست مع مربى وزبدة فول سوداني ملعقة من كل وحدة
بعد التمرين:بروتين+5جم كيرياتين+حبة موز
العشا:شريحة سمك أو صدرين دجاج أو لحم +سلطة +ملعقة زيت زيتون وملعقة خل
قبل النوم:ملعقة وبدة فول سوداني
وعليك بالعافية

بصراحه الاكل زين لكن صعب ؟ مين بيسوي لي 6 بيضات ؟ الله يعين لكن ان شاء الله راح ابذل جهدي وبسوي بنفسي
هذا يعني بيكون للأبد ولا بزيد مع الوقت ؟
بالنسبه للتمارين ممكن جدول اذا ما عليك كلافه
لاهنت اخوي

اسلق ست بيضات وكل 3 بياض و3 كاملات مب صعب الموضوع
بالنسبة لجدول التمارين انت توك مبتديء ابدأ مع الكابتن في النادي واكتسب خبرة مدة 3 شهور بعدين سو لك جدول يناسبك من نفسك
هالجدول تقريبا لمدة ثلاث شهور اذا اعجبك استمر عليه مااعجبك الجداول كثيرة

بالتوفيق

لا ابدا هههههههه لكن عارف انا جديد ف اشوف كل شيء صعب حتى لو سهل
ان شاء الله انا ببدا الحين وبعد اسبوع بدخل النادي
والجدول زين عاجبني :)

لكن عندي سؤال انا راعي شغل .. هل يجووز اني اكل البيض بدون طبخ ؟ يعني 3 بدون صفار اطلعهم واشربهم مثلن مع حليب شكولاته جالكسي ؟ عشان الطعم بس
ولا مسلوق احسن ؟

اخوي ما فهمت ايش تقصد ب الكلمه هاذي ؟ (

5جم كيرياتين ) ؟

البيض بدون طبخ قد يسبب السانمونيلا والافضل طبخه
الكيرياتين هالرابط يفيدك http://www.montada.com/showthread.php?t=682741

جزاك الله خيرا اخي فعلا عرفت اشياء كثيرهة
وعرضتها على المدرب النادي وقال لي كل شيء سليم
لاهنت اخوي
اتمنى لك الخير

واي سؤال راح اسألك فيه
شكرا

قبل شوي وانا اتصفح لقيت الكلام هدا ؟

هدا السؤال

فوائد الكرياتين للاعب كمال الاجسام

الجواب :

فوائد الكرياتين : يزيد من طاقتك أثناء التمرين ويساعد السوائل على الوصول إلى العضلة مما يعطيها بعض من زيادة بالحجم ((ملاحظة)) بعد أن تنقطع عن تناول الكرياتين سرعان ما تزول الزيادة المكتسبة بحجم العضلة لأن نسبة السوائل بداخل العضلة ستعود لما كانت عليه
أضراره : يسبب ترسبات داخل الكلية ويصعب التخلص منها يعتي مع أستمرارية تناول الكرياتين سيصبح لديك رمل بالكلا
فأنت بتناولك للكرياتين تقصر العمر الغعلي للكليتين وأنصحك بعدم إستعماله لأن أساسن فوائده محدودة
أنصحك باستعمال البروتين و الأحماض فهي ليس لها أضرار


الحين كلامه صحيح ولا يتكلم من راسه ؟ بصراحه خفت لما قال يجمع رمل في الكلى ؟؟؟؟؟؟؟؟؟؟

مــــــحد رد ؟

الكرياتين يأثر على الكلى اذا ماتشرب مي 3 لترات بل يوم
واذا اشتريت كرياتين تشرب منه شهر وتوقف سبوعين او10 ايام

طيب بالله كيف شكل العلبه ؟ وفيه انواع مثلا للمبتدا ؟ اقوى اخف !
كم قيمته !

اسف على التأخير
شكل العلبه يختلف حسب المنتج وفيه انواع
انصحك تشتري dymatize creatine micronized مفعوله زين وسعره مناسب
سعره تقريبا 20 دولار بالعراق