اوزان ثقيلة ام خفيفة

السﻻم عليكم كيف الحال
بس يا شباب عندي استفسار بسيط
الطول 174.5
الوزن تقريبا 63
العمر 19
المهم انا لي فترة حمدلله العب بس كنت دوم همي وزن عالي وبصراحة ما اقدر اقول كنت اسوي التمرين صح 100% بس تقرييا 80%
المهم نا فكرت الحين اجرب العب اوزان متوسطة تقريباً نص الوزن اللي متعود العبه بس احاول تركيز كامل
يعني مثلا كنت العب بنش صدر 20 كيلو الحين احط 10 او 15 والعب ثﻻث جوﻻت 10 تكرارات نزول كامل لين المس الصدر واطلع بهدوء وكذا
الحين صارلي أسبوع بس ماﻻحظت في شي بجرب شهر ان شالله واخبركم
شو رايكم كﻻمي صح وﻻ اعلى الوزن ﻻن العضلة ما تكبر اﻻ بالتغذية والوزن العالي؟
وياشباب في فرصة اني ازيد طولي ولو شوي؟ بعد شهرين ان شالله بوصل 20 و ف خاطري اطول لو مثﻻ في شي اركز عليه؟
مشكورين كباتن

عليكم السلام والرحمه ،،

من وجهة نظري وحسب كلام اكثر الكباتن التركيز اهم من الوزن ،،
طبعا ما اقصد انك تهمل الأوزان لصالح التركيز ،،
حاول توازن بينهم بمعنى اطلع في الأوزان بس بعقل ومايكون على حساب التركيز ،،
لانه اذا لعبت غلط بوزن ثقيل بتأثر على العضله بشكل سلبي ويمكن تجيك اصابه لا قدر الله ،،

حاول تتدرج في الأوزان مع تركيز وممكن تزيد الوزن في الجولة الاخيره ويكون معاك احد يساعدك لو لزم الامر ،،
وتذكر انك لازم تقوي العضله قبل ما تكبرها وحجم العضله لا يعتمد على الوزن فقط ،،
والنتائج دامك ملتزم في أكلك وتمرينك فما عليك خوف ،،

بالنسبه للطول باقي لك سنه تقريبا لين يتوقف النمو
واحمد ربك طولك حلو لا تصير طماع :28:
وخذها مني اكثر شي يؤثر على الطول هو النوووووم
نظم نومك وخذلك ٨ او حتى ٩ ساعات بس يكون فالليل طبعا ( الليل اقصد فيه بعد العشا )
مب تنام الساعه ٢ وتقولي فالليل ،،
وكل ما كان عندك وقت محدد للنوم ووقت محدد للاستيقاظ أحسن وأحسن ،،

موفق ،،

عليكم السلام والرحمه ،،

من وجهة نظري وحسب كلام اكثر الكباتن التركيز اهم من الوزن ،،
طبعا ما اقصد انك تهمل الأوزان لصالح التركيز ،،
حاول توازن بينهم بمعنى اطلع في الأوزان بس بعقل ومايكون على حساب التركيز ،،
لانه اذا لعبت غلط بوزن ثقيل بتأثر على العضله بشكل سلبي ويمكن تجيك اصابه لا قدر الله ،،

حاول تتدرج في الأوزان مع تركيز وممكن تزيد الوزن في الجولة الاخيره ويكون معاك احد يساعدك لو لزم الامر ،،
وتذكر انك لازم تقوي العضله قبل ما تكبرها وحجم العضله لا يعتمد على الوزن فقط ،،
والنتائج دامك ملتزم في أكلك وتمرينك فما عليك خوف ،،

بالنسبه للطول باقي لك سنه تقريبا لين يتوقف النمو
واحمد ربك طولك حلو لا تصير طماع :28:
وخذها مني اكثر شي يؤثر على الطول هو النوووووم
نظم نومك وخذلك 8 او حتى 9 ساعات بس يكون فالليل طبعا ( الليل اقصد فيه بعد العشا )
مب تنام الساعه 2 وتقولي فالليل ،،
وكل ما كان عندك وقت محدد للنوم ووقت محدد للاستيقاظ أحسن وأحسن ،،

موفق ،،

وعليكم السلام والرحمه

الاصل في زيادة الاوزان يقابلها زياده في العضل

اي كل ما مزقت العضله واجهدتها بالوزن العالي راح تبني نفسها بحجم اكبر

طبعا هذا الكلام اذا اتقنت التمرين , وليس التأرجح بالاوزان كما نراه بشكل يومي في النوادي .. هنا يجب عليك التركيز اولا ومن ثم الزياده

في حال انك بقيت فتره طويله على وزن معين وغير قادر على كسر الوزن والزياده . يفضل استخدام مكمل باور

هناك تكنيك اخر لزيادة حجم العضله بدون اللجوء لحمل اوزان عاليه : لعب سوبر بحركتين او ثلاث حركات في الجلسه الواحد , مع مراعات تقليل عدد التكرار

ايضا مفاجأة العضلة بتمارين جديدة , وعدم الاعتماد الكلي على جداول مدربي الصالات , يمكن استخدام تمارين مشابهه لما في الجدول ولكن بتكنيك يناسبك او ترى منه نتيجه افضل

بالتوفيق

اقتباس:

---

المشاركة الأصلية كتبت بواسطة Mayoood.ad

عليكم السلام والرحمه ،،

من وجهة نظري وحسب كلام اكثر الكباتن التركيز اهم من الوزن ،،
طبعا ما اقصد انك تهمل الأوزان لصالح التركيز ،،
حاول توازن بينهم بمعنى اطلع في الأوزان بس بعقل ومايكون على حساب التركيز ،،
لانه اذا لعبت غلط بوزن ثقيل بتأثر على العضله بشكل سلبي ويمكن تجيك اصابه لا قدر الله ،،

حاول تتدرج في الأوزان مع تركيز وممكن تزيد الوزن في الجولة الاخيره ويكون معاك احد يساعدك لو لزم الامر ،،
وتذكر انك لازم تقوي العضله قبل ما تكبرها وحجم العضله لا يعتمد على الوزن فقط ،،
والنتائج دامك ملتزم في أكلك وتمرينك فما عليك خوف ،،

بالنسبه للطول باقي لك سنه تقريبا لين يتوقف النمو
واحمد ربك طولك حلو لا تصير طماع :28:
وخذها مني اكثر شي يؤثر على الطول هو النوووووم
نظم نومك وخذلك ٨ او حتى ٩ ساعات بس يكون فالليل طبعا ( الليل اقصد فيه بعد العشا )
مب تنام الساعه ٢ وتقولي فالليل ،،
وكل ما كان عندك وقت محدد للنوم ووقت محدد للاستيقاظ أحسن وأحسن ،،

موفق ،،

---

اهاا خﻻص ان شالله بجرب اوزان متوسطة هل شهر واخبركم
اللي حمسني اجرب هل شي انه يوم اخلص تمرين احس جسمي حار وشادد في المنطقة اللي دربتها ف بس حبيت اجرب من باب التغيير فقط
ومشكور اخوي وان شالله التوفيق للكل
حمدلله اخوي على الطول وانا مقتنع بس حبيت اشوف اذا في امل او ﻻ باذن الله طيب اذا حبيت اسال دكتور ممكن اعرف؟ واي دكتور اشوف؟

اقتباس:

---

المشاركة الأصلية كتبت بواسطة كلاااش 1403

وعليكم السلام والرحمه

الاصل في زيادة الاوزان يقابلها زياده في العضل

اي كل ما مزقت العضله واجهدتها بالوزن العالي راح تبني نفسها بحجم اكبر

طبعا هذا الكلام اذا اتقنت التمرين , وليس التأرجح بالاوزان كما نراه بشكل يومي في النوادي .. هنا يجب عليك التركيز اولا ومن ثم الزياده

في حال انك بقيت فتره طويله على وزن معين وغير قادر على كسر الوزن والزياده . يفضل استخدام مكمل باور

هناك تكنيك اخر لزيادة حجم العضله بدون اللجوء لحمل اوزان عاليه : لعب سوبر بحركتين او ثلاث حركات في الجلسه الواحد , مع مراعات تقليل عدد التكرار

ايضا مفاجأة العضلة بتمارين جديدة , وعدم الاعتماد الكلي على جداول مدربي الصالات , يمكن استخدام تمارين مشابهه لما في الجدول ولكن بتكنيك يناسبك او ترى منه نتيجه افضل

بالتوفيق

---

خﻻص تسلم يا كابتن انا بحاول اخلي الوزن معقول
انا بس حبيت اجرب روتين جديد ﻻن مشكلتي دايما نفس الجدول وتمارين احس ﻻزم انوع شوي فل تمارين كل اسبوع؟
مثﻻ اليوم لعبت صدر بنش حر الاسبوع الجاي العبه على السميث ماشين؟
وبصراحة انا مالي خبرة فل سوبر اللي اعرفه مرة فل شهر؟ بكلم المدرب عليه ومشكورين اخواني

اخوي ميود ما فهمت بالنسبة للاستيقاظ شو الفائدة منه
ﻻني نومي شوي ثقيل والله ف لو ممكم تشرحلي اذا ما عليك امر

اقتباس:

---

المشاركة الأصلية كتبت بواسطة 7aMmooD

اخوي ميود ما فهمت بالنسبة للاستيقاظ شو الفائدة منه
ﻻني نومي شوي ثقيل والله ف لو ممكم تشرحلي اذا ما عليك امر

---

ههههههههههه نفس حالتي ،،
قصدي كل ما كان نومك مرتب يعني تنام في وقت محدد وتقوم في وقت محدد كان افضل ،،
واعتقد هذا احد اهم الأسباب في فارق الأطوال بيننا وبين الأجانب ،،
وحاول قد ما تقدر تبعد عن السهر ،،
جاتني فتره كنت اروح التمرين وانا مواصل يومين ، الكابتن يقولي شو تسوي انت ليش جاي ،
اهم شي بعد تغذيتك وتمرينك هو نومك وهذي عوامل مكمله لبعض ،،

ونفس ماقال اخوي كلاش حاول كل شهر تغير الجدول
حاول تنوع وتفاجأ العضله بتمارين جديده ،،

موفق ان شاء الله ،،

ههههههه والله النوم هلكنا
بس النوم بعد العشاء صراحة مستحيل ﻻن الواحد يطلع
انا ان شالله بحاول ارتب يومي ارقد الساعة 12 وأقوم 9 أن شالله
أمس كان علي ظهر الغريب انه اول امس وزني 62.5 وامس فجاة 63.5
ان شالله اليوم بقيس ويارب تكون الزيادة صدق هههههههه
ومشكور اخوي ما قصرت انت وكﻻش

السﻻم عليكم
المهم الحين صارلي تقرييا اسبوعين علة هل طريقة وبصراحة حسيت شوي فادتني يعني التركيز زايد عل العضلة الحين بحاول ازيد الوزن حبة حبة
المهم شباب هل صورة امس وكنت مسوي موضوع قبل كم شهر بس مادري وينه المهم قطعت من هذيك الفترة والحين لي تقرييا شهر ونص؟
بصراحة التغيير مو كثير ﻻن الوالدة الله يخليها معارضة البروتين للأسف وانا بصعوبة قاعد احاول مع الأكل والله كريم والحمدلله
مﻻحظاتكم شباب؟ الوزن تقرييا 63.5 يﻻ هانت باقي ان شالله 10 كيلو تقرييا
وعندي سوال عن زبدة الفول كيف أكلها مباشرة من الملعقة
يعني مثﻻ الصبح كم ملعقة؟
ومشكورين اخواني

عليكم السلام والرحمه ،،

ما شاء الله تبارك الله استمر ،،

بالنسبه للبروتين عادي لا تستعجل عليه ،،
وصدقني هذي حالتنا كلنا مع امهاتنا الله يطول أعمارهن :32:
كل ما قلت لها شي قالت لي كله من البلا الي تأخذه :blackeye:
اهتم في تغذيتك وان شاء الله ما تحتاجه ،،
ركز على اللحوم والأسماك بشكل عام ، منتجات الألبان ، البيض ،
المكسرات وخصوصا الكاجو وعين الجمل ،،

بالنسبه لزبدة الفول السوداني كلها بالطريقه الي تناسبك ،،
ممكن من الملعقة او مع توست او خبز ،،

موفق ،،

ههههههههههه الله يطول ف اعمارهم ويخليهم ان شالله
تسلم اخوي و ان شالله خﻻص ابطل شغل القطعات هذا
والله في الاكل انا الغداء ووجبة بعد التمرين والعشاء اوك بس صراحة الفطور تعبني
ترا معرف اسوي اكل والصبح محد فل بيت اشرب كاس حليب وكم ملعقة زبدة فول سوداني وخﻻص مادري حد عنده اقتراح؟
جربت اخلي الوالدة تسويلي كم بيض فلليل واكلهم الصبح بس صراحة الطعم يخترب واكله يعور البطن
اي نصايح؟
وسالفة النوم يعني قاعد احاول هههههه انام 2 وأقوم 11 او 12

الفطور اهم وجبة في اليوم سواء للرياضي او حتى الشخص العادي ،،

عندك وايد حلول ،،
البيض المسلوق ما يباله شي ،، حطه في ماي على النار حول ١٠ دقايق الى ربع ساعه بيكون جاهز ،،
واذا مقلي حطلك شوي زيت سمسم وفك البيض في المقلى لين يستوي على مزاجك ،،
عندك الكورنفليكس ممتاز كوجبة افطار ،،
الشوفان ممتاز وله طرق كثيرة ،،
الاجبان بأنواعها مع توست او خبز اسمر <<<<<< وجبتي المفضله :D ،،
التركي ايضا ممتاز ( صدر الديك الرومي ) تشتريه من السوبرماركت شرايح جاهزه ،،
ممكن تضيف احيانا مربى او نوتيلا من باب تنويع ،،
ولا تنسى التمر والعسل ،،

بالنسبة للنوم عدد الساعات ممتاز
بس حاول تنام قبل ٢ ،،

موفق ،،

خﻻص بكرة ان شالله بجرب افطر شي من اللي فوق ﻻن اليوم قمت متاخر حتى فطور ما فطرت:(
افكر اغير جدولي ترا كنت العب صدر - كتف- باي تراي- رجل- ظهر
ﻻن ما كان فيني حيل العب عضلتين يوم واحد احس البور يخلص بس من بكرة ان شالله بجرب
بس سالت المدرب عطاني جدول حلو بس المشكلة 4 ايام تمرين ويومين راحة يعني 6 ايام وارجع أعيد ف ممكن العب العضلة نفسها كرتين فل أسبوع عادي؟
الجدول هو
صدر باي- كتف تراي- رجل- ظهر
انا ما ارتاح يوم العب كتف بعد الصدر ﻻن صدري يكون تعبان من اليوم اللي قبله ف شو رايكم العب هل جدول او
صدر باي-رجل-كتف تراي-ظهر
او شو رايكم
والجدول يكون سبت احد اثنين تمرين ثﻻثاء راحة أربعاء خميس تمرين والجمعة راحة
ف كل اسبوع بلعب عضلتين مريتن؟؟
رأيكم ونصايحكم؟

السموحة كبتن ميوود تتعبتك معاي

لا ياخوي لا تعب ولا يحزنون ،،
ونحن دخلنا المنتدى عسب نستفيد من بعض ،،

بالنسبه للجدول ماشي مشكله اذا تكررت العضله في الأسبوع
لانه أردي بتكون بينها كم يوم راحه ،،
لكن الغريب ترتيب الجدول لأَنِّي اعرف والله اعلم انه الأفضل
تباعد بين تمرين الصدر والأكتاف ، وتباعد بين الظهر والارجل ،،

انا حاليا ماشي على جدول :
صدر وباي - ظهر وتراي - اكتاف وترابيس - ارجل ،،
والراحه مب ثابته عندي يعني مرات أتمرن يوم وأريح ومرات يومين وأريح ومرات ثلاث ايام
يعني مخلي الراحه حسب ظروفي وإلتزاماتي ،،

موفق ،،

اها خﻻص بجرب هل جدول شهر ان شالله
رايك ب هذا
سبت صدر وباي-احد ظهر وتراي-اثنين كتف-ثﻻثاء راحة-اربعاء رجل-خميس صدر وباي-جمعة راحة
بس احس الجدول صدق متعب يعني كل اسبوع العضلة مرتين؟ انا بحريه هل اسبوع وبشوف
فكرت اخلي 4 ايام تمرين و 3 راحة بس كثير الراحة كذا
اذا عندك جدول احسن خبرني وانا بجرب وبقولكم كيف الجدول
ثانك يوو

لا بالعكس يومين مب وايد ،،
جرب هالجدول وخلها يومين تمرين وبعدها يوم راحه
وبعدها يومين تمرين ويومين راحه ،،

تدري انه في في جداول يوم تمرين ويوم راحه ،،
في النهايه الراحه في صالح العضله خصوصا انك بتلعب عضلتين في اليوم
وبتختم الأسبوع بتمرين الارجل الي يعتبر مرهق بعد ،،

وفي النهايه التجربة خير برهان
ومن خلالها بتعرف اكثر شو الي يناسبك وشو الي فرق معاك ،،


يور ولكم برو ،،

خﻻص ان شالله من الأسبوع الجاي جدولي 6 ايام اثنين تمرين راحة اثنين تمرين راحة وهكذا
بس سالفة الماي ﻻزم 3 ليتر؟ انا والله أعلم فل يوم لتر ماي تقريبا
هل تتحسب العصاير والحليب؟ ﻻن صعبة 3 لتر ماي وحليب وعصير و خمس وجبات ههههه
يﻻ تصبحوا على خير متحمس من زمان مارقدت نفس هل وقت

الحليب والعصائر محسوبة سوائل ولها فوائدها
لكن لا تغني عن الماء ولا تعوض نقصه ،،

بعض فوائد الماء خصوصا للاعب كمال الأجسام :
- يتخلص من السموم والاملاح الزائدة عن حاجة الجسم ،،
- يعطي ليونه للمفاصل والأربطة والجسم بشكل عام ،،
- عامل رئيسي في جميع العمليات الحيوية في الجسم ،،
- مصدر للأوكسجين في الجسم ،،

وصدقني ٣ لتر مب وايد ،،
خصوصا في حالة استخدام المكملات مع الوقت بتسبب ضغط على الكلى
لانه حتى البروتين والفيتامينات اذا زادت عن حاجة الجسم لها أضرار
وكثرة شرب الماء تساعدك في التخلص من الزايد وتريح الكلى ،،

اشرب كاسين على الريق وكاسين قبل النوم وقسم الباقي على مدار اليوم
بتخلصها بدون ما تحس ،،

موفق ،،

بس كان قصدي اني ما اخذ بروتين ف كنت احسب احتياجي للماء أقل
خﻻص انا يحاول ان شالله ^_^
اليوم اول مرة العب سوبر بأي وتراي والله حبيته وعجبني حسيت فيه فايدة
في سوبر ست حق الكتف ابا اكور الكتف واخليه بارز وواضح ومفصول عن الباي على شو أركز؟
شوي وبنام حمدلله لي كم يوم نومي معتدل بس مشكلة وقت الظهر يجيني نعاس مو طبيعي يمكن ﻻن مافي شي اسويه بجرب اشرب نسكافيه
تصبحو ع خير

حاول وان شاء الله مع الوقت بتتعود وبتشوفها عاديه ،،
وكمية ال ٣ لتر ينصح بها في كل الأحوال سواء تتمرن او لأ ،، تاخذ مكملات او لأ ،،
هذي من ضمن العادات اليوميه ،،

السوبر ممتاز ونتيجته حلوه بس لا تبالغ فيه عسب ما ترهق العضله
يعني مره الى مرتين في الشهر كافيه ،،

في العاده الكتف الأمامي والجانبي يكون اكثر وضوح وتأثير على الشكل العام
بس طبعا ما تقدر تلعب سوبر امامي وسوبر جانبي ،، اختار واحد ،،
وبالنسبه للفصل عن الباي مع الوقت بتكبر عضلات الكتف والباي وبتشوف الانفصال بشكل أوضح ،،

موفق ،،

صح خﻻص انا ان شالله بين فترة وفترة بلعب سوبر عشان التغيير فقط
بس انا قصدي شو هو اكثر تمرين يركز على تكوير الكتف؟ اعتقد الجانبي اللي تسند على شي بايدك وترفع الدنبل مستوي جانبي بايدك الثانية لين يوصل الدنبل ل كتفك؟ ههههههه شرحي تعبان معليش
الحين انا ايام راحتي هي ثﻻثاء وجمعة بس اكتشفت نادي فيه جاكوزي ومسبح وكﻻسات ايروبكس ورقص وحركات عجبتني ابا اجرب ها
ف حبيت استفسر ترا الكﻻسات 3 ايام احد ثﻻثاء أربعاء
انا كنت ابا اجرب ترا عجبني وتقرييا ساعتين كل يوم المشكلة انو هل ايام يكون على تمرين شو رايكم اخاف تاثر علي وان وزني طايح وكنت ابا أزيد
ف شو رايكم لو اتمرن فل عصر واروح عل كﻻسات من 7 لين 9
و بعدها على طول اشرب ماي وسنيكرز قطعتين؟
شرايكم واللي عنده اقتراح ﻻ ييخل علي
السموحة على الأسئلة وجزاك الله كل خير اخوي مايد

على سالفة يوم الراحة انا ف يوم الراحة احس جسمي راخي وعضلاتي راخية تقول موقف صارلي سنة مادري ليش :(
اليوم هذا كان اكلي شو رايكم؟
ساعة 12 كاس حليب وسندويتش جبن صغير وكيك من البيت- ساعة 2 برياني و دجاج وبطاطس حلوة- ساعة 5 ونص سويتلي حليب موز - ساعة 6 ونص كليت عل خفيف بيض مسلوق مع الاهل- ساعة 8 ونص كليت سنكرز قطعتين( سناك) لان كنت طالع من جاكوزي - ساعة 9 ونص كليت نفس الغدا ترا كان باقي اكل - ساعة 1 الحين بناام بس شربت كاس حليب وقطعة بسكوت شي خفيف
شو ممكن ازيد او انقص او ابدل ؟ ترا تقريبا كل يوم كذي اكلي بس شكلي بقنع الوالدة ابدا اخذ بروتين لان صراحة الزيادة في الوزن بطيييئة بس حمدلله

امين وإياك ،،

الكتف كتله وحده مقسمه لأكثر من عضله وكل عضله مكمله للثانيه
يعني لازم تركز على كل أجزاءه عشان يكبر وتشوفه مكور ( التركيز على الجانبي لوحده ما يكفي ) ،،

بالنسبه للكلاسات مفيده وتعطي مرونه ولياقه
واعتقد يومين في الأسبوع ما تضر بشرط انك تنتبه للسعرات خصوصا انك قاعد تبني
بمعنى اذا حرقت سعرات اكثر مما تاكل بينزل وزنك ،،
وخذلك موزه مع السنيكرس ،،

ايام الراحه هي ايام استشفاء العضله يعني محتاجه اكل صح ،،
زيد كمية البروتين عن طريق البيض والتونه ،،
وضيف على أكلك سلطات ، شوفان ، عسل ، تمر ، مكسرات ، زبادي ،
في بعض الفواكه تساعد في زيادة الوزن مثل المانجو والافوكادو ،،

ولا تستعجل على زيادة الوزن لانه الزيادة العضليه دايما تكون بطيئة
الا اذا تبي زياده عضل ودهون هذا شي ثاني ،،

موفق ،،

خﻻص ترا اليوم عندي كتف وهذا بصراحة اكره تمرين بس اليوم بشد فيه ان شالله
الحين كل يوم اكل بيض وتونة؟ اوك تونا سهلة بس كم بيضة فل يوم؟ وشو احسن وجبة بعد تمرين تونة ولا بيض وﻻ برياني؟
وخﻻص بحاول أضيف فواكه لليوم حقي ان شالله
ﻻ والله ماني مستعجل وﻻ شي بس تعرف الإنسان طماع هههههه تسلم مايد

الله يسلمك ،،

مب شرط تونه وبيض ،،
المهم يكون غذاء غني بالبروتين ،،
والبيض انت ومقدرتك في ناس ياكلون اربع بيضات وفي ناس ثمان ،،
ومب شرط دوم مسلوق ،، ممكن تنوع وتأكله مقلي ( افضل مع زيت سمسم ) ،،
وعندك صدور الدجاج والأسماك واللحوم بشكل عام والمكسرات ( تحديدا الكاجو وعين الجمل ) والأجبان ،،

بعد التمرين نفس الشي حاول تاكل وجبه تجمع بين البروتين والكارب ،،

السموحة انشغلت شوي
خﻻص حاضرين ان شالله تسلم والله مايد ما قصرت جزاك الله كل خير
و ان شالله النتائج طيبة
وبالتوفيق حقك انت بعد

الله يسلمك ياخوي ويجزاك بالمثل ،،
الله يوفق الجميع ونوصل لأهدافنا ان شاء الله ،،

الحين الزيادة في الوزن تكون بالتدريج؟ يعني ربع الى نص كيلو في أسبوع او اثنين؟
انا ﻻحظت شي فيني اني اسبوع وزني ما يزيد وفي اليوم اللي بعده يزيد كيلو مرة وحدة
يمكن من ميزان النادي حقنا ترا مب رقمي مادري ميزان غريب فيه حديدة لو تطلع يعني وزنك صح ولو نزلت وزنك غلط
المهم انا صارلي أسبوعين على تقريبا 63 مرة ازيد نص كيلو مرة نقص نص المهم اليوم استويت 64.3 ما صدقت هههههه طلعت من الوزن النحس
بحاول اكل عدل اليوم ان شاءالله وانام بدري عشان يثبت ان شالله
10 more kilos to go

الحين الزيادة في الوزن تكون بالتدريج؟ يعني ربع الى نص كيلو في أسبوع او اثنين؟
انا ﻻحظت شي فيني اني اسبوع وزني ما يزيد وفي اليوم اللي بعده يزيد كيلو مرة وحدة
يمكن من ميزان النادي حقنا ترا مب رقمي مادري ميزان غريب فيه حديدة لو تطلع يعني وزنك صح ولو نزلت وزنك غلط
المهم انا صارلي أسبوعين على تقريبا 63 مرة ازيد نص كيلو مرة نقص نص المهم اليوم استويت 64.3 ما صدقت هههههه طلعت من الوزن النحس
بحاول اكل عدل اليوم ان شاءالله وانام بدري عشان يثبت ان شالله
10 more kilos to go