دخلت كورس قروث ووينسترول(الصور) موجوده فالموضوع قبل وبعد. ابغي نصايحكم ومساعدكم

السلام عليكم

الله يعطيكم العافيه كباتن

انا اتمرن حاليا من شهرين

هاي صوري قبل شهرين

http://uaesm.maktoob.com/up/uploads/50378e2eea.jpg

http://uaesm.maktoob.com/up/uploads/ba6c1b5287.jpg

دخلت بكورس قروث ووينسترول

الحمد الله نشفت بشكل يرضيني نوعا ما

ارتحت فاللبس وبالمظهر شوي

وهاي صوري حاليا :)

http://uaesm.maktoob.com/up/uploads/37089900d1.jpg

http://uaesm.maktoob.com/up/uploads/0d50ce9370.jpg

http://uaesm.maktoob.com/up/uploads/78371d8dab.jpg


عندي منطقة البطن متعبتني شوي يبغيلها شغل جامد
مع العلم باني ماقمت باي تمرين بطن والسبب ان المدرب قال لي لاتلعب بطن حاليا لين ماتنشف
حاليا انا جسمي الحمد الله ترتب شوي واحسن عن قبل بكثير هاي وجهة نظري الخاصه
شوي مظهري باللبس احسن بكثير من قبل ايام الكرشه اللعينه . حاليا الكرشه خفت
لكن منطقة البطن والخواصر مطلعتلي قرون .

حاليا ياكباتن انا ابغي انشف وابغي اكون عضل في نفس الوقت بمعنى
جسمي انا راضي فيه حاليا لكن بنفس الوقت ابغي انشف يعني احرق الدهون الموجوده في جسمي وبنفس الوقت ابني عضل مكان الدهون والشحوم
سوالي هل اقدر اطبق هذا الشي ؟!!
ولا لازم اختار شي واحد فقط ؟ يا اني انشف او ابني عضل يعني اضخم
انا بخاطري حد من الكباتن يجاوبني على هذا السوال واذا ممكن اقدر اطبق هالشي يعني عصفورين بحجر كيف التمارين او شو الخطوات الي اسويها ؟


انا بكتب برنامجي او جدولي بالجم كيف :)

او مادخل على النادي اللعب سيكل 15 دقيقه ( يوميا ً )

(اليوم الاول )

صدر + باي + سواعد
عضلة الصدر اللعب الها 5 تمارين
عضلة الباي اللعب الها 3 تمارين

(اليوم الثاني )

اكتاف + ترايسبس
الاكتفاء 4 تماريان
الترايسبس 3 تماراين

(اليوم الثالث )

ظهر + مثلثات
الظهر 5 تمارين
المثلثات تمرينين

(اليوم الرابع )

رجل

4 تماراين

...................................

بعد التمرين امشي تقريبا 20 دقيقه :28:

قالي احد الاخوان بالنادي ان برنامج او تمريني او جدولي هذا للي يبغي يلعب ضخامه
اما اذا ابغي انشف اللعب 3 عضلات باليوم !!

انتو شو تنصحوني ياكباتن
والله يجزيه خير الي بيسويلي جدول تمريني لبناء عضل وحرق الدهون بنفس الوقت

لان ياخوان كل الي قمت فيه من كورس ومن تمارين ومن جدول كله مجهود شخصي

وحاب ان حد يساعدني من الكباتن وبكون ممنون له كثير )

والله يوفق الجميع يارب

وعليكم السلام

اخوي جسمك قبل متاخذ الكورس خضم يعني نسبت الدهون عاليه عندك
على خبرتي القليله في الحديد المفروض قبل ماتاخذ الكورس تنشف اشوي كان طلع جسمك احسن بكثير
وكمان الحين جسم حلو يالله المره جايه انشوفك وحش

ماشاء الله عليك الله يوفقك و يعطيك مبتغاك

بس مشاء الله احس من الصور ان الكرش طارت و بدت الــ6 بااك تطلع بس يبيلها شووية جهد بعد و تصير مشدودة بس قبل صراحة جسمك مو شيء بالمرة بس الحين بسم الله مشاءلله عجيب و انشالله منها للاحسن و عطنا النتايج اول بأول بالتضخيم

اما بالنسبة للجدول فأن خبرتي بسيطة جداً لا اعرف بشغلات التنشيف هااذي انشالله الاخوان يفيدونك

موفق يا بطل ....,,,,

أخوي مثل ما قالوا لك الشباب ، لو نشفت قبل لا تأخذ الكوورس أحسن ..
لأن بيطلعوا العضلات أكثر .. عموماً شد حيلك بالتمرين ، وأهتم بالبطن ، لأن كثير مخرب عليك
والـ 6 باك مضمونة عندك .. بس ألعب على الاقل 3 شهور بطن يومياً وراح تشوف النتائج

صح شباب انا مانشفت قبل الكورس على طول خذت الكورس بدون تنشيف
حاليا جسمي ترتب شوي .

سوالي الحين اقدر انشف وبنفس الوقت ازيد العضل يعني اضخم العضل ؟
والله يجزيكم كل خير

سلام عليكم


انا مريت كذا مرور الكرام عالمنتدى العزيز وزمان عنه




المهم


انا خبرتي بسيطة الصراحة


بس بيني وبينك الي أعرفه

التنشيف ماهو حرق دهون فقط

التنشيف حرق دهون وزيادة عضل بنفس الوقت بس بشكل بطيئ

يعني العضل زايد زايد ماعليه خوف

لانك انت في عملية التنشيف بتزيد العضل بس من دون أي زيادة دهون


هذا والله اعلم وانشالله يفيدوك الكباتن


====


وبالنسبة للصور ماشالله عليك تغير واضح وجبار في خلال شهرين


لاتحمسني للكورسات بس خخخخ

سلام

شغلك 100 % ماشاء الله

وحاليا ,, استمر ع نظامك

العب حديد لمدة ساعة ونصف يوميا ,, مع لياقة 30 د
تناول البروتينات وخاصة اللي تحتوي على 0% سكر و 1 جرام او اقل دهون

ابتعد عن الكارب ليلا ,, وان تناولت ,, حاول تمشي لساعة بعد ما يتهضم الاكل
والمواضيع بالمنتدى كثيرة جدا تفيدك كيف تبني عضلاتك ,,

وبالتوفيق ياوحش

مشاء الله تغير واضح استمر يابطل ..

كم جلست على كورسك حتى وصلت للي أنت عليه ؟

ماشالله عليك ......شهرين ماسوت شغل كثير عليك .......يبالك تهتم بالاكل اكثر وتشد بالتمرين
كيف ماتلعب بطن شكل البطن حلو زيده ......والنتيجة يبالها وقت

ملف مرفق 341897

اعود اليكم بعد مضي سنه

تحقق حلمي وجسمي ترتب
اشكر الجميع على نصايحهم فهذا المنتدى فيه الكثير من الخبرات والكباتن
والله يوفق الجميع ان شاء الله

ماشاء الله تبارك الله تغير ممتاز في الفورمه

حافظ على الكتله الي كسبتها قدر المستطاع سواءا من الناحيه التغذويه او غيرها ...



تحياتي

اقتباس:

---

المشاركة الأصلية كتبت بواسطة funny..boy

ملف مرفق 341897

اعود اليكم بعد مضي سنه

تحقق حلمي وجسمي ترتب
اشكر الجميع على نصايحهم فهذا المنتدى فيه الكثير من الخبرات والكباتن
والله يوفق الجميع ان شاء الله

---

ماشاء الله تبارك الله

وربي وحش صبرت ونلت مبتغاك , وودي تكتب برنامجك من الالف للياء :biggthump

الف الف مبروووووووك على النجاح يابطل ...

ماشاء الله بعد سنة ممتاااااااااااز والله صبرت ونلت فعلا اكثر من رائع الى الامام

ماشاء الله وحش
ياليت تحط تجربتك خلال السنه، وهل القروث شد الترهلات؟

ماشاء الله تبارك الله
ابدعت والله وتغير جذري للافضل
استمر يابطل