ينفع اخذ سكوب بروتين اول ما اصحا من النوم؟؟

معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 77 كيلوجرام



و الاستفسار كالتالي :
السلام عليكم ورحمة الله وبركاته

سؤالي هو كالتالي لكم :

ينفع اول ما اصحا من النوم اخذلي سكوب بروتين ؟ او سكوبين؟؟

يمكن يكون سؤالي غريب او سخيف بس الصراحه احب اسمع وجهات النظر من اكثر شخص وخاصتا انه هالشغله محيرتني لانه في ناس يقولون بعد الفطور افضل او قبله

واحنا محتاجين كلام علمي لو واحد يعلم بهالموضوع

وشنو رايكم الواحد ياخذ سكوبين بروتين؟ هل راح يستفيد منهم الجسم؟ ام راح ياخذ حاجته ويستبعد الباقي؟ يعني خسارة عالفاضي واخليها سكوب؟

وشكرا

وعليكم السلام

اكيد ينفع
انا افضل افطر قبل وبعده اخذ البروتين
لكن احيانن اقوم مستعجل اشرب سكوب مع سكر واذا رجعت افطر


كلام علمي ماعندي كلام علمي لانه بالاخير بروتين ماتوقع تلقى كلام علمي مهو علاج
تقدر تستخدمه باي وقت

اشمعنا مع سكر ما ذكرت السبب؟؟

ماذكرت السبب لان ماكان هذا السؤال : ) بس اخذه مع سكر عشان اغذي العضل من كل جهه لانه بعد النوم تكون مخازن الجسم فارغه تماما

فا اخذه مع سكر

كلام جميل

نفس لما نخلص من التمرين والعضلات تكون منهكة والمخازن ايظا فارغه فلازم ناخذ كاربوهيدرات سريعه وايظا بروتين

شكرا اخوي

انا أول ما اصحى من النوم أشرب كاستين ماء عشان ينظف الجسم

بعد نص ساعة أفطر .. وبعده بساعتين ونص آخذلي سكوب بروتين مع حليب قليل الدسم

السلام عليكم
انا قبل الفطور بنص ساعه سكوب بروتين وبعد التمرين وقبل النوم وامورك طيبه هههه
تحيااتي

اقتباس:

---

المشاركة الأصلية كتبت بواسطة STR0NG

معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 77 كيلوجرام



و الاستفسار كالتالي :
السلام عليكم ورحمة الله وبركاته

وعليكم السلام

سؤالي هو كالتالي لكم :

ينفع اول ما اصحا من النوم اخذلي سكوب بروتين ؟ او سكوبين؟؟

لا . ماينفع . أول أشرب كأس ماء + غذاء كاربوهايدراتي سريع الأمتصاص ( لرفع مستويات الأنسولين )وبعدها ب 30-45 دقيقه تناول بروتين بودر سريع الأمتصاص .


وشنو رايكم الواحد ياخذ سكوبين بروتين؟ هل راح يستفيد منهم الجسم؟ ام راح ياخذ حاجته ويستبعد الباقي؟ يعني خسارة عالفاضي واخليها سكوب؟

هذا يعتمد على البرنامج الرياضي اللي أنت قائم عليه ( يعني اللي جالس يشتغل بشكل طبيعي ماله داعي يكثر من أستهلاكه للبروتين مثل اللي يشتغل بكورسات هرمونيه )

وشكرا

عفوا

---

موفق خير يابطل .

الله يعطيكم العافيه جميعا

اكثر اجابة اقنعتني دكتور نجر

صحيح كلامك افضل شي الماي ومن ثم الكاربوهيدرات السريع وبعدين البروتين

وعليكم السلام ..

السموحة دكتور أنا أختلف معك وعندي رايي وبطرحه :) لا تخاف مو جاي أتهوش بذكر اللي اعرفه

تأخذ بورتين ولا ما تاخذ ؟؟ يعتمد على نوع البروتين إذا كان واي حلو واذا كان ايزو افضل واذا كان هيدرو هذا افضل شيء
انا بتكمل من ناحية كمال أجسام ولا أدري من نحية الصحة لأن في أشياء تتعارض لو تبي الصراحة

انت جسمك يكون في حالة صيام وتنفذ منه عناصر الغذاء وقت النوم من احماض امينيه وجلوكوجين فعضلاتك تكون بحالة كتابولك اي مرحلة هدم عضلي
ولتفادي هالمرحلة لازم تغذيها باسرع نوع بروتين + كارب الكارب عشان يرفع الانسولين ويبعدك من ارتفاع الكرتيزول والبروتين عشان يوفرلك الأحماض الامينيه للعضله

وانا عن نفسي احيان اخذ سكوب ايزو مع ماء + 3-7 تمرات

اقتباس:

---

المشاركة الأصلية كتبت بواسطة Rashed.S

وعليكم السلام ..

السموحة دكتور أنا أختلف معك وعندي رايي وبطرحه :) لا تخاف مو جاي أتهوش بذكر اللي اعرفه
تأخذ بورتين ولا ما تاخذ ؟؟ يعتمد على نوع البروتين إذا كان واي حلو واذا كان ايزو افضل واذا كان هيدرو هذا افضل شيء أوافقك الرأي ألا أن الجسم ماتفرق معاه نوعية المكمل بقدر القيمه البايولوجيه التي يحملها حتى لو كانت تحتوي على نسبه من الفات .
انا بتكمل من ناحية كمال أجسام ولا أدري من ناحية الصحة لأن في أشياء تتعارض لو تبي الصراحة

انت جسمك يكون في حالة صيام وتنفذ منه عناصر الغذاء وقت النوم من احماض امينيه وجلوكوجين فعضلاتك تكون بحالة كتابولك اي مرحلة هدم عضلي هنا مربط الفرس
ولتفادي هالمرحلة ومن هنا يبداء الحل اللي لازم يكون كارب سريع الأمتصاص لتعويض النقص في مخازن الجيلوكاجين وأيقاف حالة الكاتابوليك والتحول ألى أنابوليك برفع مستويات الأنسولين والتقليل من مستويات الكيرتيزول ووضع الجسم في أقصى حالاته البنائيه للأستفاده القصوى من الحصه البروتينيه التاليه لازم تغذيها باسرع نوع بروتين + كارب الكارب عشان يرفع الانسولين ويبعدك من ارتفاع الكرتيزول والبروتين عشان يوفرلك الأحماض الامينيه للعضله

وانا عن نفسي احيان اخذ سكوب ايزو مع ماء + 3-7 تمرات

---

حياك الله أخي راشد .

نا أول ما اصحى من النوم أشرب كاستين ماء عشان ينظف الجسم

بعد نص ساعة أفطر .. وبعده بساعتين ونص آخذلي سكوب بروتين مع حليب قليل الدسم

+ رد بطل ومجرب ;)

هذا الحلو لما نطرح موضوع ونتناقش فيه

فكل شخص له وجهة نظر وله مبرراته الخاصه واسبابه وتجربته

وبالنهاية اغلب الاراء صحيحة

شكرا للجميع

بالنسبه لي ولله

اخذ البروتين اول ما اصحى من النوم بس بس مرات مع حليب قليل الدسم ومرات مع ماء ؟؟ مادري وش الافضل بس اتوقع الماء لانه اسرع

وبعدها بساعه افطر ......

انا افضل دائما وابدا انه البروتين ناخذه مع ماي اولا لسهولة الشرب وما يكون ثقيل وبعدين يكون سريع الامتصاص

لانه الحليب ممكن يزيدك 5 او 7 قرام بروتين تقدر تعوضها وتزيدلك ربع او نص سكوب ولا انك تغث نفسك ومعدتك عالفاضي