تجربة حساب مقدار الكرياتين البودره بدون سكوب

بسم الله الرحمن الرحيم


السلام عليكم يا شباب ،،
اشتريت قريب كرياتين مونوهيدرات 600g لكن تفاجأت بعدم توفر له سكوب خاص .. قريت التعليمات وحصلت انهم كاتبين تستخدم ملعقة صغيره وهي ملعقة الطعام الصغيره تفاجأت بهالشي واستغربت :ds013:
المفروض يحطون سكوب 5 جرام عشان الواحد يعرف كم ياخذ ويحسب بالتمام لو يبي قبل التمرين وبعد ويقسمها
دخلت المنتديات العربيه والمنتديات الاجنبيه ولقيت اغلب الناس تسأل عن الشي هذا والغالب في كل الأجوبه ملعقة صغيره بعد فترة التحميل تساوي مقدار الحصه المكتوبه بالتعليمات وهي 5 جرام ومنهم اللي يقول ممسوحه ومنهم اللي يقول على شكل هرم وغير دقيق كل مره :ds014:

حبيت اتأكد من هالشي بنفسي عشان ارتاح واستخدم الكرياتين بالشكل المطلوب وفعلا رحت المطبخ وسويت تجاربي
Optimum Micronized Creatine

http://www.montada.com/attachment.ph...hmentid=359086

وهنا البيانات ومقدار السيرفس الكلي بالعلبه وكم جرام في السيرفس الواحد
Serving Size 1 Rounded Teaspoon 5g
Servings Per Container 114

http://www.montada.com/attachment.ph...hmentid=359087

سوينا مثل ماهو مكتوب وفرغت الكرياتين كله بالصحون على امل ان يطلع الرقم 114 ملعقه واتأكد ان الملعقه تساوي 5 جرام
لكن كانت النتيجه 218 ملعقه صغيره :ds016:!!

http://www.montada.com/attachment.ph...hmentid=359088

في كل صحن كبير 100 ملعقه والصحن الصغير 18 ملعقه
تخيلو العدد هذا يعني باقي فقط 10 ملاعق ويصير لو اخذنا بالأجوبه اللي الناس تقولها ملعقه وحده يعني اخذنا نصف الحصه 2.5 جرام في اليوم :ds009:

عملت حسابات بسيطه اشارككم فيها
العلبه = 600g تقريبا والحصه الواحده بالجدول بتعليمات الشركه = 5.25g وعدد الحصص الكامله بالعلبه = 114 حصه
5.25 * 114 = 598.5 جرام بالضبط بالعلبه

نطلع اللحين كم جرام بالملعقه الصغيره بالقسمه على عدد الملاعق
598.5 / 218 = 2.7454 .. ( 2.75 جرام بالملعقه )

والسر بعد البحث لقيت ان ملاعقهم الصغيره هذي شكلها واعمق من اللي عندنا

http://ecx.images-amazon.com/images/I/313NWB7-J2L.jpg

وملاعقنا الكبار و الصغار المعروفه هذي شكلها

http://www6.0zz0.com/2013/08/20/18/949294075.jpg


ملعقتين صغيره ممسوحه = 5.5 جرام


http://www.montada.com/attachment.ph...hmentid=359089


598.5 / 5.5 = 109 حصه اي فارق 5 حصص فقط عن الحصص المقدره بعكس الفارق الشاسع بين 218 ملعقه و 114 حصه ! :ds011:



http://www.montada.com/attachment.ph...hmentid=359090


http://www.montada.com/attachment.ph...hmentid=359091

اتمنى يكون هالموضوع مفيد لمن كان يسأل او يتأكد من المعيار وان شاء الله اني اختصرت عليكم الوقت وما كان الموضوع طويل بالتوفيق جميعا لكم

الله يعطيك العافيه على الموضوع

انا افضل طريقه استخدمها
ملاعق صغيره بلاستيك من السوبرماركت تجي بكيس حوالي 100 حبه
كل ملعقه 2.5 جرام
احط ملعقتين ممسوحات = 5 جرام

يعطيك العافية موضوعك جدا راق لي

انا كنت متوقع وطول استخدامي له بهالشكل ملعقتين كان
السبب
ان عندي منتج بيتا انين سكوبه 2 قرام وحجم الملعقة تساوي حجم هالسكوب تقريبا
وبالمقابل عندي ارجنين سكوبه مكتوب 5 قرام وفعلا ضعف الملاعق الصغيرة عندنا

الف شكر لك

اخوي كلامك صحيح ..

واللي حاب يكون دقيق في كل شغلاته سواء مكملات او اكل .. انصحه يشتري ميزان صغير خاص بالمطبخ
يقدر يقيس ويعرف حجم كل شي وبدقه وسهوووووله .. انا ساعدني كثير خصوصا اذا ضاع السكوب لول

تلقونه في ساكو او كارفور او هايبر بنده او اي مكان كبير فيه ادوات مطبخيه
وسعره مايتعدى ال100 ريال والاكيد ان فيه انواع ب50 ريال او حتى اقل للي بيبحث

وعليكم السلام
صارت لي اول مره استخدم كرياتين ،ماكان فيه سكوب كان المفروض تخلص بشهر قعدت شهرين ونص:09:
بس الحمد الله اعتبرتها تهيئه للجسم للكرياتين . يعطيك العافيه على الموضوع الرائع

تسلم يمناك .. موضوع بيفيد الكثير بإذن الله وأنا أولهم .. تحياتي لك

اقتباس:

---

المشاركة الأصلية كتبت بواسطة humax2007

الله يعطيك العافيه على الموضوع

انا افضل طريقه استخدمها
ملاعق صغيره بلاستيك من السوبرماركت تجي بكيس حوالي 100 حبه
كل ملعقه 2.5 جرام
احط ملعقتين ممسوحات = 5 جرام

---

الله يعافيك كابتن هيوماكس
فكرتك جميله مدام متأكد انها تساوي 2.5
لما قريت بالمنتديات الاجنبيه بعضهم قال روح الصيدليه وخذ منهم ملعقه 5 جرام ورحت قبل ما اسوي هالتجربه لصيدليتين جنب البيت وللأسف مالقيت والحمد لله طلعت هالطريقه مضبوطه

اقتباس:

---

المشاركة الأصلية كتبت بواسطة بردان1

يعطيك العافية موضوعك جدا راق لي

انا كنت متوقع وطول استخدامي له بهالشكل ملعقتين كان
السبب
ان عندي منتج بيتا انين سكوبه 2 قرام وحجم الملعقة تساوي حجم هالسكوب تقريبا
وبالمقابل عندي ارجنين سكوبه مكتوب 5 قرام وفعلا ضعف الملاعق الصغيرة عندنا

الف شكر لك

---

العفو وربي يسعدك اخوي بردان
وانا كمان كنت متخوف اني استخدمه بمقدار اقل من المكتوب بالسيرفس ولا القى الفايده المرجوه منه
وما تفرطش يا باشا بسكوب الـ 5 جرام : )

اقتباس:

---

المشاركة الأصلية كتبت بواسطة مملوح بالسكر

اخوي كلامك صحيح ..

واللي حاب يكون دقيق في كل شغلاته سواء مكملات او اكل .. انصحه يشتري ميزان صغير خاص بالمطبخ
يقدر يقيس ويعرف حجم كل شي وبدقه وسهوووووله .. انا ساعدني كثير خصوصا اذا ضاع السكوب لول

تلقونه في ساكو او كارفور او هايبر بنده او اي مكان كبير فيه ادوات مطبخيه
وسعره مايتعدى ال100 ريال والاكيد ان فيه انواع ب50 ريال او حتى اقل للي بيبحث

---

اهنيك على طريقتك
بس تصدق فكرت بفكرتك مره زمان واسوي زي المحترفين اللي باليوتيوب يوزنون كل حاجه بالجرام
بس قلت يا ولد هوا الاكل مضروب من الأساس كمان اعايره بالوزن بجيب العيد بجسمي فصرت أكل بدون حساب

اقتباس:

---

المشاركة الأصلية كتبت بواسطة StrO

وعليكم السلام
صارت لي اول مره استخدم كرياتين ،ماكان فيه سكوب كان المفروض تخلص بشهر قعدت شهرين ونص:09:
بس الحمد الله اعتبرتها تهيئه للجسم للكرياتين . يعطيك العافيه على الموضوع الرائع

---

هههههههههه يالله جعل فيها العافيه يا صاحبي وماعليه غلطت الشركه مو غلطتنا وربي يعافيك كابتن سترو

اقتباس:

---

المشاركة الأصلية كتبت بواسطة 071071

تسلم يمناك .. موضوع بيفيد الكثير بإذن الله وأنا أولهم .. تحياتي لك

---

يسلم قلبك يارب والحمد لله ان الموضوع مفيد وان شاء الله اختصرت الوقت للي يبي يحسب ويتأكد من المقدار ،،

الحمدلله أنا اول علبة كرياتين اشتريتها لقيت داخلها إسكوب 5 غرام ومن يومها محتفظ فيه لأي علبة كرياتين لايتوفر بها إسكوب :D

يعطيك العافيه
وانا كنت اعاني من هالمشكله مع كرياتين برولاب اخذ ملعقه شاي واحس انها 5 قرام لحد مااكتشفت انه الكميه الي اخذها قليله
وماكتشفت هذا الا بعد مااخذت منتج ثاني وهو الكرياتين من شركه مصل فارم
وشفت السكوب اكبر من ملعقه شاي وصورتها للافاده
http://store1.up-00.com/Aug13/EDs48176.jpg مركز تحميل الصور

بالنسبه للملعقه الصغيره متاكد انها 2.5 جرام
لاني قستها بالمكيال اللي يستخدم مع الادويه اللي تكون شراب
حطيت ملعقتين وطلع 5

اقتباس:

---

المشاركة الأصلية كتبت بواسطة Omarb

الحمدلله أنا اول علبة كرياتين اشتريتها لقيت داخلها إسكوب 5 غرام ومن يومها محتفظ فيه لأي علبة كرياتين لايتوفر بها إسكوب :D

---

حظك زين انا هذا اول كرياتين مونوهيدرات اجربه حسب تقييم البودي بيلدنق جربت الكونكيرت وما شفت اي نتيجه وان شاء الله القى حاجه طيبه بهذا

اقتباس:

---

المشاركة الأصلية كتبت بواسطة psp99

يعطيك العافيه
وانا كنت اعاني من هالمشكله مع كرياتين برولاب اخذ ملعقه شاي واحس انها 5 قرام لحد مااكتشفت انه الكميه الي اخذها قليله
وماكتشفت هذا الا بعد مااخذت منتج ثاني وهو الكرياتين من شركه مصل فارم
وشفت السكوب اكبر من ملعقه شاي وصورتها للافاده
http://store1.up-00.com/Aug13/EDs48176.jpg مركز تحميل الصور

---

الله يعطيك العافيه على الصوره توقعت بس شركة اوبتيموم مافيها سكوب طلع كمان برولاب ما يوفر الاسكوب !

اقتباس:

---

المشاركة الأصلية كتبت بواسطة humax2007

بالنسبه للملعقه الصغيره متاكد انها 2.5 جرام
لاني قستها بالمكيال اللي يستخدم مع الادويه اللي تكون شراب
حطيت ملعقتين وطلع 5

---

كويس انهم مسوينها 2.5 بالتمام بس بسألك ولا يهونون الشباب
متى يبدأ مفعوله بالظبط انا خلصت اليوم الرابع من التحميل واليوم هذا الخامس ان شاء الله
وافكر بعد التحميل اخذ ملعقه قبل التمرين وملعقتين بعد التمرين

شكرا على الافاده

^^
العفو كابتن

يعطيك الف عافية

عشت نفس المعاناة الى أن أن أن ان كنت انا واخوي الكبير وعنده بيبي شرى له علبة حليب وجلست اقراها :bigeyes:
بداخلها مكيال 5 غرام قلت له جيب العلبة القديمه اذا موجوده وفعلا كانت موجوده وخذت المكيال 5 غرام بالتمام :psgt:
ومن يومك عندي

الله يجزاك خير على التنبيه من جد تعبت وما خلصت العلبه كل الشكر لك يا وحش ما قصرت