بسم الله الرحمن الرحيم
السلام عليكم ورحمة الله و بركاته
الموضوع واضح من عنوانه وراح نشمر ونشتغل بالمطبخ حبتين ونسوي بان كيك ع الكيف و صحي و ما يعيق الوضع لا في حال التضخيم ولا التنشيف بأذن الله
طبعا من وين جاتني الفكره :33: لاحظت في الأونه الأخيره اني ما استصيغ الشوفان وحاولت أني أتقبله لكن بدون فائده حاولت كثير ألين قلت خليني أجرب أسوي شوفان + بيض مخفوق
أول محاوله حطيت 8 بيضات و كوب شوفان خخخخخخخخ :bigeyes: وطلعت عصير وجلست احسن فيها و احط طحين ونخاله ألين صارت كريمة متماسكه :28:
مذاقها كان معقول لكن سوت فيني كذا :31:
المهم جلست حول الأسبوع ونص إلى أسبوعين وأنا أحاول أوازن بين المقادير و أحط إضافات خفيفه الى ان طلعت بهالوصفه العجيبه :biggthump
المقادير :-
4 سكوب شوفان
2 بيض كامل
1/2 كوب حليب اللوز
1 ملعقة طعام منكه فانيلا سائل
1 محلي دايت
قرفة مطحونه
هيل مطحون
ملف مرفق 361180 ملف مرفق 361181ملف مرفق 361182
طريقة التحضير:-
وضع بياض البيض + محلي الفنيلا + بديل السكر في زبديه/طاسه/صحن خلط .. المهم:33: ينخلطون مع بعض الين يرغي ويصير مثل الكريمه تقريبا
وخلط الصفار + الحليب مع بعض في صحن خلط أخر
ثم
وضع كل المحتويات في صحن خلط واحد واضافة الشوفان عليهم والخلط حتى التجانس
بعدها يتم وضع المنكهات من القرفه ( حسب الرغبه ) و القليل من الهيل ( رشه خفيفه ) و تكملت الخلط
بعد ما نخلص خلط راح يكون عندنا كريمه ثقيله
يتم طهي هذه الكريمه على مقلاه التيفال وقلبها عندما تنشف اطرافها وتظهر الفقعات على السطح
وتقدم ساخن و بالهناء والشفاء :32::32:
طبعا من الممكن ان يضع البعض قطع فواكه مثل الموز أو الفروله او التوت أو ممكن عسل هذه الاضافات اختياريه وعلى حسب رغبة الشخص ;)
طبعا على حسب خبرتي و تجربتي هالكميه اللي كتبها تسوي لي حبيتن بان كيك
والقيمه الغذائيه للحبه تقريبا هي:-
الكاربوهيدرات :- 20 جرام
منها سكر :- 2 جرام
الألياف :- 2.9 جرام
الدهون :- 5.8 جرام
البروتين :- 9.5 جرام
* الوصفه هذه خاليه من اللكتوز و الصويا لكن تحتوي على جلوتين من القمح فمن أرادها بدون جلوتين عليه تغير منتج الشوفان
في الختام الوصفة بالنسبة لي لذيذه واللي راح يصدق كلامي اكيد جرب يأكل الشوفان مطبوخ مع الماء فقط :boggled:
ولا تنسون تحطون فوقها رشة عسل على الأقل :32:
