موضوع نقاش عام عن المانجا

[Girugamesh]

نريد نقرا مانجات جديدة بما اننا فاضيين هالفترة ...بنلف على هالموضوع ندور على مانجا نقراها

[GrassHopper]

قل لنا يا صديقي ماذا تحب وسوف نساعدك ؟ .. نحن أصدقاء .. لنعيش بحب وسلام

[Girugamesh]

.............. مادام عرضتي علي المساعده مانقول لا ....

شنو تنصحيني اقرا شي شوجو رومنسي قوي يبكي؟ S:

[TNT-BOY]

.............. مادام عرضتي علي المساعده مانقول لا ....

شنو تنصحيني اقرا شي شوجو رومنسي قوي يبكي؟ S:

في شي رومانسي يبكي اصلاً ؟

انا اذكر في OVA اول مرة شفتها خشيت جو كئيب حلو....Video Girl Ai اكيد انصحك بالمانجا مالته بما ان الكل يقول ان الاوفا ماعطتها حقها

بس ترا هي شونين\رومانس مادري ادا عندك مشكلة على هل شي ؟

ادا لا اجل خذ لك طلة بعد على I's

شونين \رومانس بعد قريت نصها وكانت جيدة


ثنتينهم من نفس المانجاكا
وعلى شان احمسك....ترا فيها مشاهد ساخنة D:

وما اذكر عدل Maya's Funeral Procession بس اذكر ان اجوائها كانت سوده


اعتقد في عندي مانجات غيرهم بس الذاكره ما تخدم ...اول ما اذكر شي نعطيك خبر S:



GrassHopper
مرحباً يا سديقة القميع...

[bloodboy]

بالنسبة لبيرسيرك >_<
مشكور تنتي انك نبهتني على قراية المنجا من البداية
قريت للحين الفوليوم الاول والثاني وبالفعل ابداع ^_^ وبالنسبة لأحداث المنجا والانمي في اختلاف وماينفع بقوه انك تقرا المنجا من نهاية الانمي ^_^

قل لنا يا صديقي ماذا تحب وسوف نساعدك ؟ .. نحن أصدقاء .. لنعيش بحب وسلام

لنعش ياغوادالوبي للأبد <__<"

[Girugamesh]

قميل المشكلة ان كل الي قلت عليهم سامع عنهم وقاري ومتصفحهم على السريع من سنين ...

مادري ليه عموما في كل انواع المانجات ماصار مايعجبني الا العجب ...ممكن لاني شفت العجب بعينه في اعمال ناوكي اوراساوا مثل مونستر و فتيان القرن العشرون ووقفت لهنا وقلت مستحيل يطلع شي اقوى منهم او ايش بالظبط....

بس مستغرب انا نانا عجبتني جدا ممكن لان فيها كثير من الـJrock ووملابس Vivienne Westwood
~D:

شكلنا بناخذ طلة على اعمال kotonoha لان شكلها مثيرة للاهتمام S:

[Konata]

.....السلام عليكم..

أنا عضوة جديدة هنا...قدمت طلب للإنضمام الى مجموعة المشاركين بالأنيمي..وأخيرا قبلت...شكراجزيــلا..

همممممم...أفضل موضوع في منتدى المانجا...متابعته من زماااان..

في هذي الفترة قاعدة أدور مانجا ون شوت سينين...للأسف ما لقيت شي حلو ...اللي يعرف حاجة حلوة يقولي

لي عودة مع مانجا حلوة في رد اخر...

تحياتي

[Anime Girl]

Giruu ~~
مانجات مثل نانا صعب تلاقي
بس اذا تبي شوجو دراميه وتراجيدي
جرب تقرا سلسلة الــ Deep Love
انا قريت Deep Love : Reina no Unmei

تتكلم عن أم بو 19 سنة .. وشايلة مسؤلية بنتها وشلون واجهة الحياة وصعوباتها بالذات انها توها صغيره وتبي تعيش حياتها ومحتاجه تقضي وقت لبنتها وهي مو عارفه كيف وفيه شوية اكشن بعد .. اقراها ان شاء الله تعجبك بالذات انها 3 تشابترات كاملة ..

Deep Love - Host
*قاعده انزلها الحين*
Deep Love - Ayu no Monogatari
Deep Love - Pao's Tale

ملاحظة: هالمانجات للــ +18 (= =)
تصنيفها : Adult Drama Shoujo Tragedy
----
منتزر افتح القناة وانت مغمض بس .. بيكفيك نوري
----
Celes
اخيرا اشتركتي مبروك يختي .. ويالله صفي لنا لستتة المانجات الي عندج
عرفتج من كثر الــ " ... " النقاط الي تحطينها بردج

نراكم قريباً مع مانجات اكثر ~ الايام صايره تركض والدنيا صايره صعبه وكمبيوتري يبيله فرمته (= =)
تشاو ~~

[TNT-BOY]

Bloodboy

آليخاندرو....تباً لك S:

Girugamesh

بس مستغرب انا نانا عجبتني جدا ممكن لان فيها كثير من الـJrock ووملابس Vivienne Westwood
~D:

همم
تعرف شيبي لك تاخذ عليه طلة؟ Detroit Metal City
عن فرقة يلعبون Death Metal وخاشين جو مع الفرقة
مع ان افرادها ناس طبيعيين وهادئين

ولو اني احس هل مانجا بتخليك تكره الميتل اكثر وتتشوه صورته عندك بس مافيش مشكلة اقراها D:



Celes

وأخيرا قبلت...شكراجزيــلا

عفواً عفواً هذا لاشيء مقارنتاً بما سأقدمه لكِ في المستقبل يا عزيزتي S:


بشأن وان شوتز السينين قلت لج تلاقين واجد من هل نوع عند قروب Kotonoha



Anime Girl
شهل مصادفة؟
الامس انا قاعد اقرا Deep Love - Ayu no Monogatari
فوليومين للحين ماخلصتها بس عجبتني للحين العبرة اله في القصة

هممم تنصحي ابدي في اي وحده من هل سلسلة لمن اخلص آيو نو مونوقاتاري؟

لان شكلي ادا خلصتها وعجبتني بروح اقرا باقي السلسلة

مستغرب في موقع Kotonoha كاتبين انها شوجو
انا قلت خلني اشوف شهل شوجو اله يمكن يترجموه هل قروب...بس انصدمت لمن شفت انها +18 وبقوة بعد
بس ما اكذب عليكم...كانت صدمة حلوه
D:

افتح القناة وانت مغمض بس .. بيكفيك نوري

انا نايم....S:

[sleeplessgirl]

السلام ... ربع القناه ...

Deep love قريت من فتره شابتر عن وحده فيها الايدز .... عجبتني اتوقع نفسها اللي تتحجى عنها تنت .... والهوست قريتها بعد ...حليوه بعد

والمانجا مليون بالميه فوق 18 و لو بايدي اخليها فوق 25 ..

ابي اسال عن مانجا سينين لقيتها تتمشى بكمبيوتري اسمها Goth قريتها و عجبتني مااعني ماحب السينين ... سؤالي هو : اهي ون فول و لا لها تكمله .. مع اني احس انها كامله ..( حولت عن سينين .. كل الشوجو اللي قاعده الاقيهم Smutt >>وييع )

[Girugamesh]

السلام ... ربع القناه ...

Deep love قريت من فتره شابتر عن وحده فيها الايدز .... عجبتني اتوقع نفسها اللي تتحجى عنها تنت .... والهوست قريتها بعد ...حليوه بعد

والمانجا مليون بالميه فوق 18 و لو بايدي اخليها فوق 25 ..

ابي اسال عن مانجا سينين لقيتها تتمشى بكمبيوتري اسمها Goth قريتها و عجبتني مااعني ماحب السينين ... سؤالي هو : اهي ون فول و لا لها تكمله .. مع اني احس انها كامله ..( حولت عن سينين .. كل الشوجو اللي قاعده الاقيهم Smutt >>وييع )

لا هي بس فول واحد بس للاسف ... انا شفتها من زمان اذكر كانت حلوة وتتكلم عن جرائم قتل

[3shiro]

لا هي بس فول واحد بس للاسف ... انا شفتها من زمان اذكر كانت حلوة وتتكلم عن جرائم قتل

اه مضي زمن على هذه المانجا لقد كانت جيدة ولكن مملة بعض الشيء كنت مستمتعا بقرائتها مع الجيرل فرند بتاعتي:S

[Girugamesh]

^ .....................

اخر شي قريته من اعمال فريق كوتونوها هو


النوع:دراما
المانجاكا:Kita KONNO
عدد الشابترات:4

تحت المطر الغزير الشابه ناتسوكي تقابل فتاة ويبدو انها ترتدي لباس المدارس الثانوية ....عطفت عليها ناتسوكي بما ان الفتاة لا تحمل مظلة فاشاركت ناتسوكي المظله مع هذه الفتاة المريبة ... وبعدها بمدة بسيطه ناتسوكي تستغني عن المظلة للفتاة وتكمل سيرها تحت المطر الغزير. و لاحقا في المانجا يتضح ان فتاة الثانوية هي الاخت الصغرى لزوج اخت ناتسوكي المتزوجه حديثاً , و انها فتاة غريبة الاطوار و انطوائية الا انها تجد نفسها منجذبه الى ناتسوكي....

~D:

[Konata]

السلام عليكم...

رجعت ومعي مانجا تــحـــفــة ~

Jun'ai Tokkou Taichou

مانجا رائعة من نفس المانجاكا اللي سوت POWER!!(Girl Got Game)

النوع:كوميدي-شوجو-أكشن-رومانس

سنة الأنتاج:2005

العمر المناسب:15+

تتكلم عن شخصية جانبية في مانجا POWER!! اللي كان أول ظهور له في الفوليوم التاسع...اسمه Hirata .



Jun'ai Tokkou Taichou تتكلم عن بنت في الثانوية اسمها Chiemi وكيف تعرفت على Hirata الملقب بالشيطان الأسود في موقف عبيط...المانجا مليئة بالمواقف الكوميدية...أنصحكم تتابعونها...راح تعجبكم،يكفي أنها من أعمال seino shizuru ....

المانجا ما زالت تصدر وصلت لـلمجلد7....للأسف لم يترجم سوى مجلدين فقط...

صور من المانجا....













المانجا موجودة في اللورك....

همممممممممم...يوم قريت الرد حسيته طلاسم ... أتمنى يكون مفهوم

اخيرا اشتركتي مبروك يختي .. ويالله صفي لنا لستتة المانجات الي عندج
عرفتج من كثر الــ " ... " النقاط الي تحطينها بردج

الله يبارك فيك ... أنصحك تقرين Junnai والله ما تتفوت


تحيـــــاتي للجميــــع

[Girugamesh]

قميل ...انا ماقريت باور ويزهر انها بتاعت البنت الي تتنكر لولد ولا انا غلطان؟
على العموم شكلها هذي ولاديه اكثر ... ننزلها قريبا وشكرا صليص