من عادتي كل صباح ادخل على موقع الساحة العربية واتصفح اخر الاخبار والمواضيع بالاضافة لموقعي المفضل (المنتدى) وشدني احد المواضيع وهو بخصوص انشاء صالة سينما بالرياض والاخ اللي كتب الموضوع تكلم وماقصر عن هذا الموضوع وصراحة حزنت مرة على الشخص اللي كاتب الموضوع ومطول فيه وتعبان عليه وللاسف في موقع الساحة ماحد عبره ولا حد رد عليه لا بالزين ولا بالشين (مع احترامي لكتاب الساحة تشدد زيادة عن اللزوم) خلونا نفكر فيها شوي لو كان عندنا صالة سينما وكانت تحت رقابة من وزارة الاعلام تعرض جميع الافلام الجديده وما يقصر مقص الرقابة في اللقطات اللي نص كم بالله عليكم ايش بيصير مو افضل من ان الواحد يشترك في الاوربت والا الشوتايم ويشوف الزين والشين في هالقنوات ومايحتاج هالقنوات ماتقصر من ناحية اللقطات النص كم تعرضها بالكامل.
بالله ايش حيكون فرقها عن اشرطة الفيديو الموجوده في المحلات.
وحاجة اخيره بقولها لكم انه لو تم انشاء صالة سينما بالرياض نص الشباب اللي يروحون البحرين واولهم انا بنقطع هالبحرين لان صراحة كل روحاتنا عشان نطلع على اخر الافلام في السينما.
اتمنى منكم الرد ولا يكون مصير موضوعي مثل مصير موضوع الاخ الكاتب في منتدى الساحة.
بس مااظن
;-) ;-)
