مواقف مضحكة في سماش

[KNUCKLES]

شكرا wario2002

[kirby64]

الصراحه ما توقعت كل هذه الردود :!

المواقف الي قلتوها تموت ضحك ..

شكراً لكم على الردود ^^



----------------------------------------------

موقف ثاني..

بعد ثلاث ايام من شرائي للجيم كيوب..كنت نايمه و كان اخوي الصغير يقومني لأنه يبغاني اشغل له سماش..

طبعاً ما كان لي خلق له و ما عطيته وجه ..

المهم لما صحيت جيت بشغل الكيوب , وتفاجأت لأني لقيت الجهاز مفتوح ! ?:

والمصيبه الأكبر انه سماش موجود داخل الجهاز ((وهو مقلوب :6 ))

طبعاً من -ذكائي الزايد- سبحته بقوه وتشدخ و شغلته علشان اتأكد انه ما صار له شىء ..

والحمد الله اشتغل الجهاز طبيعي وما كان الشدخ مأثر عليه كثير...

لكن لما جيت اركب الميموري كارد لقيتها ((انمسحت ))

والمشكله اني كنت مستانسه لأنه توني مطلعه الشخصيات كلها..

والتفت على اخوي الصغير وطبعاً هو مسوي نفسه برىء والأبتسامه شاقه وجهه..>> <<

عرفت على طول انه مسوي كل هذا انتقام :"

وطبعاً لعبت مره ثانيه علشان ارجع كل شىء زي ما كان وانا متحسفه لأني ما شغلت اللعبه له >_<

اذا تذكرت موقف ثاني بكتبه ..

ويا ليت الي عنده مواقف زياده يقولها ..

[SanDan]

هذا للموقف صار لخوي الصغير ...
اول ماشريت الكيوب شريت معه اربة قيور وسماش وخواني بدو يلعبون ويكتشفون الحركات بالعفرتة وكل ماتطلع حركة جديدة تلقاهم كلهم يختارون نفس اشخصية ويحاولون يطلعونها هم بعد..

المهم اخوي طلع حركة لكيربي يتحول فيها الى مكعب حديدي وصار يقفز ويتحول لمكب ويكسر في اخوانه طبعا الكل كان حاسده على ها الحركة وهو مشخص

لكن من كثرة الحماس سوى الحركة على سطح مائل في مرحلة القصر وقام كيربي يتدحرج على هالسطح لين طاح برا.... طبعا المسيكين نسم عقبها وجاته هزيمته من نفس الحركة اللي كان مشخص علينا فيها

[Mada Mada Dane]

والله المواقف الي تضحك كثيرة وماتخلص بس مااتذكر إي واحد منها ....

اممممممممم
امممممممم
اممممممم
امممممم
اممممم
امممم
اممم
امم
ام



ايه صح ....


اتذكر كنت انا ألعب ويا أخوي الصغير و Link.p وواحد رابع ...
المهم انا ويا لينك . بي اخترنا لينك وهو كبير وحطينا تيم مود ...
واخترنا مرحلة هيرول ... في أرض صغيرة تحت المرحلة وقفنا عليها ...
وماسوينا إلا حركة وحدة وهي فوق + B ...هههههههه.... يالله لمسونا ...
شكلهم وهو يطيرون وميتين قهر يضحك .... اخوي كان مختار فوكس لحوسنا نطيره ويرجع ...فوكس يوصل بعيد بس اخرتها يصك بالجدار
والرابع مثل العادة ساموس .... مايعرف يلعب عدل ماعنده إلا يشحن ويطلع ....ههههه والله كان شئ يضحك ...

وصارتلي مثل سالفه الأخ بو نجوم بس أنا الي رميت القنبلة بس ماكنت بلحالي كنا نلعب اربعة أشخاص كل واحد بلحالة ...

على العموم اذا ذكرت شئ راح احطه

يالله مع السلامه

[L*][*N*K]

بسم الله الرحمن الرحيم

الرسالة الأصلية كتبت بواسطة Mario Segali
والله المواقف الي تضحك كثيرة وماتخلص

Mario Segali :

أي والله كلامك صحيح...خصوصاً أنه هدف Nintendo هو المرح x المرح x المرح :-)


تحياتيي L*][*N*K

[cubelover]

أنا كان يعني جت في بالي فكره عابره يعني لو نسوي أستراحه أو أي مكان يجتمع فيه أعضاء المنتدى أذا ما كان فيه أشكال






خذوها على محمل الجد

[net emperor]

الرسالة الأصلية كتبت بواسطة kirby64
موقف ثاني..

بعد ثلاث ايام من شرائي للجيم كيوب..كنت نايمه و كان اخوي الصغير يقومني لأنه يبغاني اشغل له سماش..

طبعاً ما كان لي خلق له و ما عطيته وجه ..

المهم لما صحيت جيت بشغل الكيوب , وتفاجأت لأني لقيت الجهاز مفتوح ! ?:

والمصيبه الأكبر انه سماش موجود داخل الجهاز ((وهو مقلوب :6 ))

طبعاً من -ذكائي الزايد- سبحته بقوه وتشدخ و شغلته علشان اتأكد انه ما صار له شىء ..

والحمد الله اشتغل الجهاز طبيعي وما كان الشدخ مأثر عليه كثير...

لكن لما جيت اركب الميموري كارد لقيتها ((انمسحت ))

والمشكله اني كنت مستانسه لأنه توني مطلعه الشخصيات كلها..

والتفت على اخوي الصغير وطبعاً هو مسوي نفسه برىء والأبتسامه شاقه وجهه..>> <<

عرفت على طول انه مسوي كل هذا انتقام :"

وطبعاً لعبت مره ثانيه علشان ارجع كل شىء زي ما كان وانا متحسفه لأني ما شغلت اللعبه له >_<

اذا تذكرت موقف ثاني بكتبه ..

ويا ليت الي عنده مواقف زياده يقولها ..

هههههههههههه ... ذكرتيني بعطلة الصيف كنت توي مخلص سماش ومطلع كل اللاعبين ...

وبعدين من قرادتي رحت شغلت لويجي منشن يابانيه وقلت خل اخزن عشان اشوف كيف شكل البلوك بالميموري كارد :#


وبعد ما خزنت وشفت البلوك ... سكرت الجهاز ورحت اخذ لي قيلولة ما بعد المغرب :6 (( عادي عطلة صيفيه لا تشرهون ))

المهم بالاخير جيت انا وولد خالتي نبي نلعب وانا بوريه اللاعبين الجداد ومتشقق من الوناسة

لقيت كرت التخزين انمسح ":"

المهم مر الموضوع على خير وطلعت من الانعاش بدون اي اعراض مزمنة

.
.

هذا الموقف الوحيد اللي اتذكره ..... هذا إذا كان فيه موقف غيره اصلا :":


ومشكورة كيربي على الموضوع ;-)

[L*][*N*K]

بسم الله الرحمن الرحيم


هذا موقف حصل لي في مترويد-برايم :


أذكر مرة كنت قاعد ألعب مترويد ...وطلع لي هذا الوحش ..

طبعاً هذا الوحش لازم تضرب ((ذيله)) ....بس هو ما يخليك ........يعني اذا رحت بأتجاه ((ّذيله)) يعطيك رأسه <------------------أنشاءالله تكونون فهمتوا شيء:#

في يوم من الأيام ...حصلت double jump ...ولما طلع لي هذا الوحش ..قفزت وراءه double jump لأضرب ذيله ...لكن المفاجئة :

طبعاً كما ذكرت سابقاً أنه اذا حاولت أنك تذهب بأتجاه ((ذيله)) لتضربه ...يعطيك رأسه..لكن المفاجئة أني عندما قفزت بdouble jump وأصبحت وراءه ...صار يعطيني ((ذيله)) بدل لا يعطيني رأسه ...يعني صار العكس ...بدل لا يعطيني رأسه اذا رحت له ..صار يعطيني ((ذيله))<-----------------طبعاً هذا شيء من صالحي;-)

في هذه الصورة الوحش يعطيك رأسه لكي يحمي ((ذيله))

==================
((ذيل)) = ذنب
==================
أنشاءالله تكونون فهمتوا شيء واذا ما فهمتوا أكتب الرد بالفصحة..:":


تحياتي L*][*N*K

[kirby64]

شكراً لكل الي ردوا...

أنا مواقفي ما تخلص ... لو أكتبها يصير الموضوع أكثر من 20 صفحة

قول لو على الأقل جزء منها ..

صراحه ما عندي مانع يتحول الموضوع عشرين صفحه..:6

أنشاءالله تكونون فهمتوا شيء واذا ما فهمتوا أكتب الرد بالفصحة..

لا بالعكس كان كلامك واضح..^^

وانتظر مواقفك الجايه ...مشكور

========================

موقف ثاني...

اول ما اشتريت الجيم كيوب كانت تصير مصايب كثيره.. :6


المهم قبل فتره وعلى ما اعتقد انه ذاك الوقت ان الجهاز كان جديد يعني مامر عليه اسبوع...

ومشاء الله علي كنت حريصه عليه ((واكبر دليل الموقف الي قلته من قبل )):6

المهم دخلت الغرفه وانا متحمسه و تفاجأت لما لمسته وعرفت ان الكيوب كان مبلل ?:

وطبعاً انا استغربت من وين جاء الماي ؟؟ معقوله اخوي الصغير انتقم مره ثانيه >_<

الا نقط على راسي ماي ولما رفعت راسي لقيت المكيف فيه عطل وكان يكب ماي طول الليل على الجيم كيوب...

و ما جاء على العدسه شىء لأنه كان فيه علبه سماش فوق الكيوب..

المهم اخذته وقعدت انشفه ((على بالي بصحله الحين..))


بس الحمد الله قدرت اصحله عند المحل الي اشتريت منه الجهاز...

لكن ما طلع الجهاز الا بعد اسبوع ما ادري اسبوعين ومازال الجهاز ما يشتغل عدل..

وكل هذا بسبب الحرص الزايد الي فيني :":

========================

اذا تذكرت موقف ثاني بكتبه ..

ويا ليت الي عنده مواقف زياده يقولها ..

[Tails&Kirby]

من المواقف المضحكة في سماش هذي صارت قريب

كنت قاعد العب مع اولاد عمتي و مع اخوي(كان مختار جيقلي بف) طيرنا اخوي و هو راجع سوى حركة B (اللي تدور) و انطلق و على حظه طاح فوق سلحفه كان في نص المرحلة فخلته يرتفع شوي و طار من الجهه الثانية و هو يدور كانه كفر طياره طاح و قاعد ينقز (السرعة قاتله)

[C.Falcon]

صراحة مواقفكم .... تضحك ... ;-)

[cubelover]

الحمد الله على السلامه فالكون كل هالغيبه


ولا أني متوهم:0) :0)

[**MeedoOo**]

شكرا على الموضوع يا كيربي46

[الاميرة زيلدا]

واحد من اخواني الصغار يقول ماريو فارتي والثاني قال ماريو كارتي

جلست ساعتين افكر ايش يقولون بعدين اكتشفت انهم يقصدون
ماريو بارتي:0)

وواحد يقول لويشي ( مين هذة الشخصيه ؟

[Mada Mada Dane]

الرسالة الأصلية كتبت بواسطة cubelover
أنا كان يعني جت في بالي فكره عابره يعني لو نسوي أستراحه أو أي مكان يجتمع فيه أعضاء المنتدى أذا ما كان فيه أشكال






خذوها على محمل الجد

الفكره رائعه لكن المشكله اغلب الاعضاء عايشين في اماكن بعيده منهم بدبي ومنهم بجده ومنهم بالخبر ومنهم بالكويت ...يعني تحس انها صعبه شوي ...