مواقف مضحكة في سماش

[kirby64]

السلام عليكم

اكيد اغلبكم لعب لعبهssbm..وصارت له مواقف تضحك اثناء ما هو يلعب..

الحين بقول موقف صار لي ويا ليت تقولون المواقف الي صارت لكم وانتم تلعبون سماش -((او اي لعبه من العاب الجيم كيوب))-


------------------------------

اذكر مره كنت العب مع اخواني بسماش وبعدين دخل ولد خالتي الصغير وقعد يسأل عن اسماء الشخصيات..

او شىء سأل مين الديناصور ؟؟((كان يقصد فيها يوشي))...

وبعدها سأل مين الرجل الآلي ..؟((كان يقصد فيها ساموس))

وبعدين سأل من الخنزير الوردي !!؟


وكان يقصد فيها
V
V
V
V
V
V
V
V
V
V
كربي :":

من ذاك الموقف الى الحين اخواني يسمون كربي ب-الخنزير الوردي-


------------------------------

موقف ثاني..

كنت العب مع بنت خالي ((الأميره زيلدا )) بسماش..

قالت لي انها اكتشفت شىء غريب في اللعبه ..

المهم لعبت هي ضد الكمبيوتر واختارت رويRoy..

و قالت لي انها تقدر تفوز عليه من دون ما يضربها ولا ضربه ..

اختارت مرحله دونكي كونج ((الي فيها النهر))..

وقعدت في آخر المرحله المهم قام روي يقفز "علشان يوصل لها" وبعدين يضغط فوق مع بي علشان يضربها ويطيح في النهر ويخسر...

ومره ثانيه سوى نفس الحركه بالضبط يروح لها ويقفز بعين يضغط فوق مع بي..ويطح مره ثانيه ?:

((لدرجه انه كان على بالي ذاك الوقت انه الجهاز علق ))

ومره ورى مره وهو يعيد نفس الحركه الين ما ملت هي وضغطت ستارت وطلعت من اللعبه..

------------------------------

هذه كل الي اتذكره الحين ...

ابغى اسمع المواقف الي صارت لكم ..

((ومثل ما قلت من قبل مو شرط تكون المواقف في لعبه سماش تقدرون تقولون مواقفكم في اي لعبه ثانيه بس المهم -تكون وحده من العاب الكيوب..))

انشاء الله يكون الموضوع اعجبكم..

[cubelover]

أحد أخواني قاعد يلعب سماش المهم كان معاه dkدخل أخوي الصغير وكان dkمعلق على rوداخ قال أخوي الصغير مين القرد السكران:":

[KNUCKLES]

سماش سماش سماش

ناقصني شخصيتين فيه :":

ميو تو و مستر....

_________________________
موقف مضحك في سماش اوقات كثيره يصير معي مواقف مضحه مع الاصدقاء في العبة لاكن اكثر لعبة صارت لي مواقف مضحكه مع اصدقائي هي ماريو بارتي 4 مواقف حلوه
واحلا موقف
كان معي 10 قروش وانا قريب من النجمه بيني وبينها 3 خطوات وانا كنت واقف على دائرة حمرا طبعا احنا 4 اشخاص نلعب وكنت العب بـ يوشي احتاج بس 10 قروش بس عشان اشتري النجمه دخلنا في لعبة وكانت العبة مدافع وانا الي كنت افجر المدافع قعدو اصدقاي يضحكون علي ويقول انسى 10 قروش طبعا كلهم رفعو اجهزتهم عشان مااشوف اي مدفع بيدخلون فجربت اول افجر مدفع A مالقيت احد فيه :": وجربت مدفع ثاني B ولا لقيت احد فيه وكان عندي محاوله اخيره يائسه فجربت افجر المدفع Y وطلعو كلهم فيه فذاك الوقت ضحكت كثير وهذا افضل موقف

[L*][*N*K]

بسم الله الرحمن الرحيم


والله الموضوع جميل وفكرته حلوة...والصراحة المنتدى يحتاج الى أشياء ترفه اعن النفس..

-------------------------------------

من ذاك الموقف الى الحين اخواني يسمون كربي ب-الخنزير الوردي-

:6

وقعدت في آخر المرحله المهم قام روي يقفز "علشان يوصل لها" وبعدين يضغط فوق مع بي علشان يضربها ويطيح في النهر ويخسر...

أعتقد أنه مستوى صعوبة الكمبيوتر كان (1) .. ..لأنها هذا المستوى من الصعوبة يمتاز بالغباء الشديد:6

~~~~~~~~~~~~~~~~~~~~~~~~~~~~~

أذكر مرة كنت في بيت دارك لينك ..وكنت قاعد ألعب ssbm معاه...وتحداني
أنا مع 2 من الكمبيوتر ((مستوى الصعوبة 1))

يعني:-

Link with two computers VS dark-link

--=============هذا ما جرى بختصار شديد ========--

كانت النتيجة :

Link =2 + computer A = 1 + computer B =0 = 3
dark-link =1

ولم يبقى على نهاية المبارة سوى 30 ثانية ((تقريباً))..يعني النتيجة لصالح فريقي":" ...لكن ..فجأة...أخذ دارك-لينك قنبلة(( القنبلة ألي في ضربة واحدة...أقولك بعدها سلملم )) رماها في أتجاهي :":

...بعدها..

.....لقيت نفسي في السماء .... وألي يقهر أنه كان جنبي في السماء كمبيوتر A و B:": ...يعني ضرب ثلاثة عصافير بحجر <----قنبلة
7
7
7
7
7
7
7
7

--------------------------أنتهى الوقت----------------------

حان وقت ساعة الصفر...النتيجة:

Link =2 + computer A= 1 + computer B= 0 =3
dark-link =4:"

THe Winner is Dark-link



لينك: :! لا..لا...لا....مستحييييييييييييييييييل:واو:
ودارك لينك أغمى عليه من الضحك ....

========================

من بعد هذا الموقف...أنا قطعت وعد مع نفسي ..أني ما ألعب مرة ثانية مع الكمبيوتر في أي لعبة
أنا الأن أمتلك الكثير من المواقف الطريفة مع ألعاب الكيوب ..وطبعاً ماراح أبخل على هذا الموضوع ..وراح أكتبهم في رد أخر...
وأيضاً أرجو من الأعضاء التفاعل في هذا الموضوع الممتع;-)

تحياتي L*][*N*K

[xenosaga]

مشكورة أخت كيربي على الموضوع الفريد
هذا موقف صار لي في ايترنال داركنيس :
أول ماشريت اللعبة كنا في اجازة في نيويورك هذا العام...المهم....أنا أول ماشريت الكيوب شريت عدة ألعاب من بينها ايترنال داركنيس....وشغلت اللعبة الساعة 10بالليل في الفندق ....وطلبت من أبوي يوخر خواتي عني لانهم بيخافون فقالهم أبوي:برعععععع .....لكن طبعا دمعة اختي الصغيرة مارحمتني وخليتهم يدخلون غرفتي:":
شغلت اللعبة وبعد عشرين دقيقة من اللعب تقريبا قالولي خواتي....نياهاهاهاهاهاهاهاها...هذي اللعبة الي تخرع!!...وين الي يخرع....أنا قلتلهم اصبروا وشوفوا(فمما سمعت في المنتدى....... اللعبة تخرع).....وقعدوا يستعبطون على اللعبة الى...الى أن انترس عداد الجنون.....وتلعثمت اختى الكبرى(12سنة) وصغرت الشخصية(الحرمة الي ببداية اللعبة)الى ان ماتت......نظت الى خواتي وكانت وجوههم هكذا:واو: :! :": :": :": .....ثم اصروا على اكمال المشاهدة...ومرة اخرى انترس عداد الجنون(وكانت الانارة منخفضة في الغرفة)وفجأة....انطفأ التلفاز ....ومن ثم عديت 1...2....3........واااااااااااااع يووووومـــــــاااااااااه.....وهربن السيسترز وصرخن باعلى صوتهن .......وغضب أبي وطلب مني تغيــر اللعبة ولعب لعبة اخرى..فقلت وباستهزاء أمام اخوتي..هه...حاضر ...وشغلت لخواتي سوبر منكي بول .........وذهبت للنوم بسلام..على اضواء ناطحات السحاب:-) ....
سلاموف

[mario131]

بسم الله الرحمن الرحيم

مشكور اختى كربى على الموضوع



=========================================

ماريو بارتى 3

كنت العب مع ثلاثة من اصدقائى فى احد ايام شهر رمضان وكان حظى الزفت يلحقنى حيث كان عند الجميع نجمة وانا الوحيد بدونها وفى بداية العبة كنت قد اشتريت Boo Bellاى الجرس الدى يستدعى الشبح وقد نسيته الى انا اقترب وقت انتهاء المبارة وانا مزلت خاسر ثم رأيت الى قروش اجد ان عندى خمسون قرش وتدكرت امر الجرس ثم لعبنا لعبة وفزت فيها ثم وبسبب لسانى كنت اسخر من احد اصدقائى(يلعبب بيوشى) وأقول له بأنى ساأسرقه وكان دوره قبلى ثم فكر قليلا ثم ضحك وقال خيرها بغير لقد اتضح ان معه صندوق الدى يسرق فى المحتويات وأنا أترجاه بأن لا يسق جرس ولن اسرقه لكن حصل على جرس وفى حالة يأس منى ألاحظ ان الشبح قريب منى بخطوتين ومرة اخرى وبلسانى العين اقول ان الشبح قريب منى وأنى سوف اسرق واحد من أصدقائى(يلعب بلويجى) ثم لحظت انه قريب أيضا من الشبح وقال لى انه بيسرقنى وأنا قاعد أوقول أيه الحظ النحس ويأتى دور الدى يلعب بلويجى لكن يحصل شئ لم يكن فى الحسبان فقد استضافة باوزر عنده :0) وأنا على أعصابى وأتمنى ان يفقد قروشه حتى لا يتمكن من سرقتى وفعلا حقق لى باوز هده الأمنية وانا قاعد اسخر منه وبعدها قلت لصديقى الاخر الدى يلعب بيوش اننى بسرقه (حظى الى الان تمام ) وفعلا وصلت الى الشبح بالسلامة وسرقت يوشى:0)
لكن تقدمت الى الأمام (والمشكلة اخر شوط ) حتى اسقط فى علامة التعجب وبقيت اسخر من اصحابى وأقول لهم كدا الحظ و ألا بلاش لكن يحصل شى لم اتوقعه ان فى علامة التعجب قلبت الموازين حيث اخدو منى نجمتى وأعطوها ليوشى :":

قمت اطفأت الننتندو64 وأصحابى يضحكون على

انا بكتب فى الرد القادم عن سوبر سماش

انشاء الله

[Yoshi SD]

بصراحة الموضوع ممتاز وأنا كنت ناوي أسوي مثله من زمان.

بالنسبة لمواقفنا في سماش فهي كثيرة سواء القديم أو الجديد واسألو Tails & Kirby عنها إذا شئتم.

فنحن مجموعة محترفين في لعبة سماش.( لدرجة أنه معنا واحد خلص Event 51: Final Showdown بدون ما ينقصه ولا stock أذكر أني تحطمت وقتها ، هو أصلاً قارفنا في عيشتنا وخلا اللعبة ما لها طعم )

أحد المواقف:

كنت أنا و Tails & Kirby قاعدين نلعب بشخصيات عشوائية فهو طلع له Ganondorf وأنا طلع لي DK والمرحلة مرحلة الشلال حقت دونكي كونج المهم قعدنا نلعب مبارة حامية مع أن أداءنا ما كان بالمستوى المطلوب لأن الشخصيات ما كنا متعودين عليها فكنت أنا على المنصة الرئيسية أضرِّب Gonodorf على فوق بحيث أنه ما ينزل وطولت على كذا ( أنا كنت مستغرب ليش ما هرب لأن الهرب سهل في مثل هذا الموقف خصوصاً أن الأخ Tails & Kirby أحسن واحد شفته يعدي بس عرفت ليش ألحين) فجأة سوى ضربة تحت و A في الهواء وفجأة لقيت نفسي اخترقت المنصة وطحت مع الجهة الثانية ( يعني كأنه كسر الأرض اللي تحته ). وقعدنا نطالع كذا :! :! بعدين .................... فطسنا ضحك.


موقف أخر ( الأسبوع الماضي):

كنا قاعدين نلعب سماش ( زي العادة) وخوينا المتوحش اللي فوق هزم ( بعد طول عناْء :0) ) كان بلعب بفالكو وما بقا إلا أنا ( مختار يوشي) و Tails & Kirby (مختار كيربي) وكيربي قال خلاص المرة ذي دوري أفوز ( لأن أنا فزت في جولة قبل هذي وبقية الفوزات يحصدها بعض الناس اللي ما ودي أذكرهم) بعدين جتني نجمة وقلت Muahahahahahaha ( لو تسمعون تعليقاتنا في المباريات عموماً كان تصفطون على جنب من الضحك) وكان معي Light Saber (سيف ضوئي) فركضت باتجاه كيربي وأقعدأضرب وأشوِّت وبالراس وبالسيف وهو قدامي ( يعني ما أنحاش وهو موجود في مجال الضربة) وفي النهاية .......




















:" :" ما جاه ولا ضربة ولانقص شي إلين ما خلصت النجمة.
ليش؟
لأنه قاعد يستخدم تحت مع R أو يمين أو يسار مع R أو (وهذي أكرها) يطمر طمرة خفيفة ويعدي على زاوية.

وألتفت عليه وألقاه كذا طبعاً أنا :واو: ?: :": :" :# :6 .

هذي بعض مواقفنا وان شاء الله أذكر غيرها لاحقاً.

[Tails&Kirby]

الموضوع حركه

( لو تسمعون تعليقاتنا في المباريات عموماً كان تصفطون على جنب من الضحك)

مرات كلامات انجليزية Bring it on و Am the coolest و مرات مؤثرات صوتية (بقه ) و وااااهوهوهوووو و مرة اسماء لضربات غريبة الضربة المدمرة الضربة الملمحه؟ ضربة الكابتن ماجد (اختصاص قانون)

بالنسبة للمواقف هي كثيرة لكن ما اذكر منها شي

بس اذكر ان صديقي المدمر اللي مكتوب فوق في رد يوشي كان يلعب بشيك و كان في مرحلة DK القديمة فضربوه و طيروه و هو يحاول يرجع جا Mario اعطاه بالوشاح (قدام+B) فختفى من الوجود هو يدور على نفسه ما يدري وين ضاع في الاخير يطلع متمسك في الحافة اللي في الجهه الثانية الجهه اللي عكس اللي جاي منها؟؟ كيف ما ادري

و مرة كنت العب في مرحلة سامس المتقلبه مع اقاربي المهم بعد حرب و ضرب و المشكلة انا اللي كنت مطلوب للعدالة(يبغوا يقتلوني اول واحد) المهم نقزت............................. و احصل نفسي دخلت داخل المنصة الكبيرة المتقلبة و كلنا كنا كذا:!

[Golden_Sun]

أنا مواقفي ما تخلص ... لو أكتبها يصير الموضوع أكثر من 20 صفحة :6

خاصة إن كل ما ألعب سوبر مع اخواني ... نتهاوش

[Master Geese]

[QUOTE]الرسالة الأصلية كتبت بواسطة Yoshi SD

فنحن مجموعة محترفين في لعبة سماش.( لدرجة أنه معنا واحد خلص Event 51: Final Showdown بدون ما ينقصه ولا stock أذكر أني تحطمت وقتها ، هو أصلاً قارفنا في عيشتنا وخلا اللعبة ما لها طعم
[QUOTE]



أنا بعد خلصت Event 51: Final Showdown بدون ما ينقص ولا stock":"

[Yamabuki]

hالسلام عليكم...................................................................................


مشكورة كيربي على الموضوع الحلو

انا صارلي موقف مع لعبة ريزدنت ايفل 1

عندما شريت الجيم كيوب اشتريت معا العاب ومنها ريزدنت ايفل كنت العبها كثيير وبعد يومين وصلت بعيد في اللعبه

وفي مرة كنت قاعد العب وكنت امشي بالاعب وفجأة جاني هنتر ونفجعت فجعة :! :! :! :! :!

من الفجعه جريت يد الجم كيوب\\ وطرخ بوم بخ:!

الجيم كيوب تجر مع اليد وانا قعدت عدة دقايق وانا كذا:! :! :!

بس الحمد لله جت سليمه:0)

[BoJasem]

انا الموقف اللي ضحكني اللي قاله لكم اخ L*I*N*K
((انا معتزل سماش حاليا )) لكن راح أجدد مهارتي بس م والحين :6

خخخخخخ قنبلة بووووووووووووم :6 تذكر لنك بو نجوم


اذا تذكرت موقف اقول لكم :6

[bah]

انا لي كثير من المواقف
بس ما اذكرهم (لازم اعصر مخي علشان اذكر موقف واحد:6 )

اكثر موقف عجبني هو موقف كيربي 64 الاول (موقف الخنزير الوردي)





والله صايرلي مدة مو لاعب اللعبة

شوقتوني

[KNUCKLES]

الا صحيح ماقلتو لي كيف اطلع الشخصيتين الي في سماش

ميو تو و مستر جيم اند واتش

بدون العب 700 مبارة ولا 1000 مبارة لاني اصلا مافهمت كيف العب 700 مبارة في VS مافهمت القصد

يعني كل ماافوز على واحد تعتبر مبارة اتمنى احد فهم علي ويجاوبني

[wario2002]

اخوي KNUCKLES سو مثلي.... حط vs واختر اي واحد وحط حياة 1 وكل شوي طيح نفسك طول مره..... يمكن 3 ساعات وتخلص وتكون مطلع كل شي ، اذا جبت 50 تطلع مرحله واذا جبت 150 يطلع شي و200 و250 و و وو وو ، تطلع اشياء كثيره وآخرها ميو تو يباريك......
==================================
ههههه جا دور الأشياء الي تضحك..... موقف زاحف

كنت انا ولينك واثنين اصدقائنا قاعدين نلعب ، كنت مختار ميوتو وصديقي دونكي كونج ولينك( مايختار لينك مادري ليش) مختار dr.mario تضاربنا مضاربه والله متا من الضحك كنت قاعد لينك يضغط B ودونكي كونج يخبط في الأرض وصديقنا الثالث في آخر المرحله مادري وش يسوي........ جالينك رمى علي الدواء وماتحركت جاك دونكي كونج خبط في الأرض وطرت بعيييييييييد واليوم جيت بطيح طحت على قنبله والقنبله انفجرت وطيرتني وانا قاعد اطير عقب القنبله جاك دونكي كونج عطاني بوقس( بعد ماحماه) واطير زي الصاروووووخ سرييييع قعدنا نضحك ضحك( ماتضحك علشاني اشرح لو تشوفها قدامك تضحك)

في مره ثانيه كنت العب انا واخواني وولد خالتي ، نفس الشي كنت مختار ميوتو ، مختارين مرحلة كيربي..... قاعدين نلعب فجأه اخوي قال كلنا على ميوتو وكلهم يطبون علي...... وبنفس الوقت طاحت فوقي mushrom الي يكبر ، وكبرت وعلى طول انحاشو واحد يمين وواحد يسار وواحد مسكته واخبطه بذيلي( ضاطور) وامسكه مره ثانيه وارميه..... عليه شكل.