ذا جيت اواي .. اسخف اشرطة عام 2002 ..!!

**msm** · 11-01-2003, 01:16 AM

اللعبة حلوة بالنسبة لي.. وتستاهل الواحد يشتريها ويجربها

..

الي بيلعبها على انها جزء تابع لـ GTA:VC ..ماراح يلقى الي يسره ..

والي راح يلعبها على انها لعبة من ألعاب المطاردات والأكشن .. راح يلقى الي يعجبه وأكثر

..

وفي النهاية الناس فيما يعشقون مذاهب

..

**Angel of Dreams** · 11-01-2003, 02:22 PM

الرسالة الأصلية كتبت بواسطة winnig eleven
اخوي بالعكس اللعبة روووعة

بس اذا انك راح تاخذ اللعبة على انها لعبة سيارات ... فابتعد عنها افضل

او اذا كنت بتاخذها على انها لعبة اكشن ... فما في احسن منها ((رووعة))

أوكيك راح أشتريها بعد ما أخلص لعبة فيس سيتي

مع تحياتي & أنـجـيـلـو

**BMA** · 11-01-2003, 02:59 PM

أنا شريتها ولعبت فيها شوي .... بس ما توصل لمرحلة أني أتندم على شراها. اعطيها 70%
ما تلاحظون أن البطل أو الشخصية اللي تلعب فيها شكله غبي من جد؟!؟!
لا وبالطقاق يمشي .... مسوي زحمة من جد...
أنا بصراحة راحمة من جد ... شكلة فية ربو الظعيف

**mlm** · 11-01-2003, 08:36 PM

بسم الله الرحمن الرحيم ,,

تحياتي للجميع .. في البدايه اقول اني لاحظت من خلال الردود ان الكثير وافقني على رأيي في اللعبه .. ولكن هناك البعض كان رايهم مخالف لرأيي .. وان كانو اتفقوا معي ان اللعب من خلال السياره دون المستوى لا وسيء وسخيف بعد واللعب بالسياره يمثل 50 % تقريبا من مدة اللعب بالشريط وهذا عكس اللي يقول ان اللعب بالسياره شي فرعي في الشريط !!!! وبعدين واحد من الشباب يقول ان الشوارع ضيقه لان هذي شوارع لندن !! طيب انا عارف انها لندن وعشان كذا قلت الشوارع ضيقه .. يعني مالقوا الا يحطونها في لندن اللي شوارعها ضيقه خصوصا وان التحكم في السياره في اللعبه غبي وبدائي وغير واقعي !!

و بالنسبه للعب بالرجال فالبعض يقول اني حكمت على اللعبه لاني مااحب اشرطة المغامرات واني احب اشرطة السيارات !!؟ وهذا مهوب صحيح لاني شخصيا افضل العاب المغامرات والاكشن على السيارات و جي تي أي فايس سيتي يجمع بين السيارات والاكشن والمغامرات ودرايفر قمه في العاب السيارات .. وانا ذكرت هالشريطين عشانهم قريبين من ذا جيت اواي وخصوصا جي تي أي فايس سيتي .. وبعدين اللي يقول انهم ماحطوا عداد للرصاص عشان اللعبه تكون واقعيه !! احب اقوله كيف الحال !؟

وشلون فاتت هذي الحركه على افضل اشرطة المغامرات والاكشن مثل ميتل جير وتومب رايدر وريزدنت ايفل وسايلنت هيل وغيرها اللي كلهم يبينون لك كم باقي معك من الرصاص .. وبالكلام عن الواقعيه هل الواحد اذا انشق بطنه برصاصة شوزن او رشاش اذا تركى او حط كتفه على الجدار نص دقيقه يطيب ويرجع كنه حمار مافيه الا العافيه !؟ وين الواقعيه اللي تقولون عنها !؟ وبعدين انا تكلمت بعد عن عدم الدقه في التصويب وهذا عيب شرعي في اللعبه غير ان اللاعب شكله وهو يمشي يجب الهم وعلى قولة واحد من الشباب كن فيه ربوا

وتحكمه في التوجيه برضوا سقيم لا وحاطين مرحله تبغى دقه هم ووجيهم .. طيب زينوا شريطكم اول وبعدين حطوا مراحل تحتاج لدقه .. عشان اذا حجت البقر على قرونها تغطون على ميتل جير ..

لكن الحق ينقال رغم هذا وذاك الا انهم احسن شي سووه وتعبوا عليه هو رسم السيارات ووجوه الشخصيات .. الحقيقه انهم متعوب عليهم وخصوصا السيارات كنها حقيقيه .. وهذا الشي الوحيد اللي ممكن الواحد يمدحه في اللعبه ..

تحياتي ,,

**MAXPYNE** · 11-01-2003, 11:14 PM

والله كل الكلام والشتم الذي اسمعه منكم للعبة انما يحمسني لاشتريها

mad_dog · 11-01-2003, 11:16 PM

أنا واصل عند المرحله الثالثه واللعبه سخيفه موت بس أنا إنشالله بحاول أخلصها ولو إنها ماتساعد:0)

**mlm** · 12-01-2003, 02:13 AM

MAXPYNE.. تقول كل هذا الكلام انما يحمسك لتشتريها !! واقول لك عليك بها ثكلتك امك ولاعزاء لك ولدريهماتك التي ستذهب سدى وستكون حسرة عليك ووبال ..

mad_dog .. صدقني مافيه داعي تخلصها لان مافيه شي يخليك تتحمس تنهيها ويكفي ان مالها ختمه او نهايه سنمائيه وانما كل اللي بيصير انهم يجيبون البطل ينقز ( يقفز ) من السفينه بالحركه البطيئه وبس .. خلاص !! ومادامك في المرحله الثالثه فاقولك الله يصبرك على مرحلة الليزر والله ان تعقدك واذكر كلامي

..

تحياتي ..

**prinse** · 12-01-2003, 05:33 AM

مدامك وصل المهمة 23 قلي شلون أفوز في المرحله 12

**mlm** · 12-01-2003, 08:23 PM

الاخو prinse .. طيب قل لوسمحت .. وبعدين ماكنك تشكك والا تكذبني !؟

على العموم المرحله 12 مثلها مثل غيرها امش بالسياره الين يولع الفليشر عند الميناء وبعدين ادخل السفينه واقعد ذبح في اللي يقابلونك وانزل الدرج داخل السفينه وبعدها ادخل المستودعات اللي تحت وانتبه لاتطيح على راسك شحنه مشيوله بالكرين وابتل الين تنتهي المرحله .. خلاص فيه شي ثاني بعد !؟؟

تحياتي ..

**الخوف** · 12-01-2003, 09:23 PM

مشكور على التوضيح الشامل اللي عن كل مساوىء اللعبه ;-)

وبصراحه انا شريتها ... ومالعبتها الا خمس دقايق ... وعلى طول

رجعتها للمحل (محل على كيف كيفك

)

يكفيك البطىء !

**mlm** · 13-01-2003, 12:52 AM

اخوي الخوف .. عفوان

.. ولاشكر على واجب .. وواجبنا نبين للكل الالعاب الطيبه والالعاب الخايسه وشريطنا اللي نتكلم عنه من الالعاب الخايسه

..

تحياتي ..

**Kasser** · 13-01-2003, 01:34 AM

ابيخ شيء فيها انها باااااااااااااااااااردة

مافيها تحرك سريع ومشي البطل بطيء شوي مايقدؤ يسرع اكثر
خصوصا لما تبي تسوي حركة مايسويها بسرعة بل بكل برودة وبطء (زين اذا سواها

)

السواقة شوي سيئة
الحوادث بالعكس افضل مافي اللعبة
يعني لو صدمت راح تلاقي تاثير قوي زي الحقيقة مو جي تي ايه تسوي خمسين حادث ماتلاقي تأثيرات كبيرة مرة ?:

أما الأسلحة فاشلة التصويب صعب واكشن ممل

**ثريول** · 13-01-2003, 02:16 AM

تصدق يا mlm أن لي سنتين ناطر اللعبه لكن ...........طلعت خرطي:غضب: :غضب: :غضب:

**آرون** · 13-01-2003, 03:35 AM

السلام عليكم

والله من وجهت نظري اللعبة رهيبة .
وفكرتها جميلة و الرسوم و المتعة محدودة .

وتقبل تحياتي

**التنين المائى** · 13-01-2003, 04:12 AM

تعرف ان العيوب الى ذكرتها هى ميزات اللعبة

مافى خريطة هذا الان تشترى دى فى دى كوبى روح اشترى النسخة الاصلية و بتجد مع الكتيب خريطة لندن كلها موضح فيها كل المراحل و الاماكن

عدم وجود عداد رصاص ؟؟ ممكن تقولى لو كان معك مسدس كيف بتعرف عدد طلقاته على طول هذا الى تريده سونى الواقعية الشديدة و الصعوبة البالغة فى اللعبة

لما تخلص اللعب تتطلعلك شخصية جديدة بقصة جديدة وهى شخصية الشرطى الى كان يلاحق فى البطل من الاول

وهنالك ثلاث اطوار مقفلة اتوقع طور اللعب الحر واحد منها

وشكرا

الموضوع: ذا جيت اواي .. اسخف اشرطة عام 2002 ..!!

أدوات الموضوع

مراحب ..

ضوابط المشاركة