قصتي في المنتدى ..
مو سهل انك تحاول تقول هالجملة ..
لانك لما تفكر في معناها ..
راح تتذكر اشياء كثيرة ..
منها الصالح و منها الطالح ..
منها السعيد و منها الحزين ..
منها المتعة و منها الضيقة ..
سنتين و شهرين مروا علي في المنتدى ..
و للان اتذكر اليوم الي سجلت فيه ..
الموضوع طويل شوي ..
لاني بحاول اذكر كل شي صار لي هنا ..
لذا اللي مو فاضي يقراه ما في داعي يستعجل ..
بداية تعرفي على المنتدى كانت تقريبا في شهر ذو القعدة من عام 1421 ..
ولد عمي كان يشارك فيه عشان منتدى الدريم كاست و البلايستيشن ..
وراني مرة المنتدى لكن ما اهتميت ..
حتى جا يوم و دخل على منتدى ويننج اليفن ..
وقتها قررت اني اشترك ..
لكن للاسف ..
و زي العادة ..
و المشكلة اللي مازالت مستمرة من سنتين ..
التسجيل كان مقفل..
لذا جلست لمدة اسبوع احاول اسجل <== تحسون المنتدى ما يبغاني و يعبر عن شعوركم تجاهي الحين :6 ..
حتى سجلت ..
و بديت في منتدى ويننج اليفن ..
طبعا ما عمري سويت موضوع ترحيب ..
بدايتي كانت اخبار عن لعبة ويننج اليفن 5 اول لعبة من هالسلسلة على البلايستيشن 2 و السبب الرئيسي بالنسبة لي لاستعجالي باني اشتريه ..
و الا الجهاز كان صادر له سنة و نص تقريبا ..
المهم ..
بديت فيه ..
و بحماس ..
و خلال شهر او اكثر صرت من الاعضاء المعروفين في منتدى ويننج اليفن ..
ثم بدأت صداقاتي مع الاعضاء ..
كاش و جيركو و بندر و خالد و سام قول ..
هذولا كانوا اكثر اصدقاء تعرفت عليهم خلال ذيك الفترة ..
طبعا في البداية كان وجودي مقتصر على منتدى ويننج اليفن ..
و تحول لانشط منتدى في منتدى الالعاب ..
كنت اعرف الالعاب الثانية و اهتم باخبارها لكن ما كنت استمتع الا في الكلام عن هاللعبة ..
ثم ..
بدات موضة البوكيمون ..
و بدات معها حربي تجاه هالخربوطة ..
و صرت اشارك في منتدى البوكيمون ..
و انبه و احذر انا و كم واحد ..
و حسرنا في المشرف ..
كانت تصير بيننا مشادات :6 ..
لكن في الاخير قرر المشرف ان المنتدى يكون مقتصر على اللعبة فقط و اي كلام بغير اللعبة راح ينحذف ..
يعني لا كروت و لا افلام لها اللعبة مسموح بالنقاش فيها هناك ..
ثم تعرفت على موقع الالعاب العربي ..
و بديت اراسل المشرف عليه ذاك الوقت ..
و كنت اقول له ليه اخباركم قديمة و سخيفة ؟؟
و ليه ما في تطوير ؟؟
و ليه و ليه ..
حتى صاحب موقع الالعاب العربي ما سلم مني :6 ..
فقال لي اذا عندك استعداد تنشر اخبار ويننج اليفن او اي لعبة ثانية ارسل لي كم نموذج حتى اشوف اسلوبك ينفع للموقع و الا لا ..
ارسلت له نموذجين واحد عن خبر للعبة و يننج اليفن و الثانية عن لعبة سيتي كرايسس ..
و بعدها قرر تعييني مراسل للموقع ..
و بعد فترة بديت اناقشه بخصوص تمصميم و شكل الموقع ..
و خصوصا الاهبل اللي كان موجود اللي لونه اصفر و لابس غترة و يضحك بشكل غبي ..
حتى اني سويت تصويت في المنتدى اذا راضين بهالغبي و الا نشيله ..
طبعا الاغلبية قالت ينشال ..
ثم بدات التغييرات تصير لها الموقع ..
بعدين تعرفت على ماستر و نواف و ماريو و المحقق الجنائي و ايفل نيفر داي اللي سالفة تعرفي عليه كانت بسبب اسمه بس
طبعا تعرفت على ناس كثير لكن هذولا اللي تعمقت علاقتي معهم اكثر من غيرهم ..
خوباج وقتها كانت علاقتي فيه بسيطة لانه ما كان يشارك الا في منتدى فاينل فانتسي و كان نادرا يجي لمنتدى ويننج اليفن ..
كان اسمه اوقلوب و الصراحة اسمه هو السبب الي خلاني ما احتك فيه كثير :6 ..
طبعا بعدها صارت سالفة تايدوس ..
بالاول ..
لاحظت انه كاتب في توقيعه مندوب سكوير سوفت ..
قلت يمكن يقصد مثلي ..
يعني بالنسبة لي اعضاء المنتدى سموني مراسل ويننج اليفن ..
لكن مو رسمي يعني لقب لان اغلب اخبار ويننج اليفن كانت تجي عن طريقي ..
لذا ما كان في اي مشكلة ..
ثم بدا الاعضاء يتكلمون عن هالمندوب ..
و انه يجيب اخبار محد يعرفها غيره ..
للان ما في اشكال ..
كان مراقب وقتها ..
ثم بديت بمتابعة اخباره ..
لان اسلوبه كان حلو و يشد الواحد ..
لكن فجأة ..
كتب خبر بصراحة صرعني من الاستغراب !!
كتب ان سكوير راح تشتري حصص كونامي من الارباح ..
و ان سكوير راح تشارك كونامي في اصدار لعبة ميتل جير سوليد لان كونامي مو قادرة تطلعها بالشكل المطلوب ..
طبعا بعد هالموضوع بدات حرب عماد و تايدوس زي ما سموها اعضاء المنتدى ..
اللي فسرها البعض انها غيرة مني لان تايدوس مراقب ..
و للحين مستغرب ..
يعني ليه اعادي مراقب على منتدى لعبة كنت ما اعرف الا انها تاخذ درجات عالية و جربتها مرة و كانت سخيفة ؟!
و انقسم المنتدى لحزبين ..
حزب معي و حزب مع تايدوس ..
و بدات اشرس معركة مرت بتاريخ المنتدى ..
لدرجة انها استمرت 6 شهور ..
انتهت بترك تايدوس للمنتدى بعد ما فشل في اقناع الاعضاء بانه صادق و حتى ان بعض اللي كانوا من اشد مؤيديه صاروا معي ..
صح اليكس
..
..
..
!
<===قويه:6 
