منع الزواج من الاجنبيات..(نقاش)

[Grandizer]

في هالنقطة معك حق 100%

اصلا المراية لاشافت خششنا .. تكسر .

لكن وش نسوي عاد .. هذي خلقة ربي .. لازم نتكيف معها .

ومع ذلك .. ماسوينا عمليات تجميل .. وهذا يدل على الثقه بالنفس <<ايه هين .

عموما تبقى اللبنانية والفرنسية ويقولون الايرلندية .. من اجمل خلق الله .. اما الخليجيات بشكل عام .. مع احترامنا الشديد .. لا ربة بيت ولا شكل زي الخلق .. فلذلك خربتها مع كل الاتجهات .

وعلى فكرة .. ترا الراحة تاج على رؤوس العزاب .. لايراه الا المتزوجون .

يعني لو لمؤخزه بس لو امك خليجية انته مش راضي فيها ؟

يعني تتمناها احد الجنسيات الي ذكرتهم ؟؟

الخليجة تلقى فيها حب العيال و الكرم و و و و لانها من اصل عربي و مسلمه ولابد في يوم بتتذكر دينها مهما كانت فاسده

[Tidus]

الصالح صالح و الطالح طالح على الارض و الا في المريخ ..

عموما لازم يكون كل من الزوج و الزوجه مستعدين للزواج و رضى كل واحد بالثاني كان من قناعه... اتوقع هالشي يمكن يخليهم يتخطون كذا مرحله من المراحل اللي يمكن تخلي بينهم نزاع او شي...

لو الرجال فيه خير... اجل ما عليه... و لو لا... فالبنت بظهر خوانها ما عليها منه و الله

و لو المراه فيها خير... يا هني الرجال... و لو لا اللي جابها له يجيبله مليون وحده احسن منها~

و الشي هذا ترى مستند استناااااد تام على قسمة كل شخص و نصيبه... فالواحد لازم ما ينسى ربه و يشكره و يحمده سواء صفت معاه السالفه او لا... وحده اجنبيه يمكن تلقاها ابرك من اقرب الناس لك... و قريبه لك ترى ادرى الناس فيك

===========
king_kubaj :
kagaya~... رسام ياباني مشهور ايده ما تدخلت برسومه باي طريقه يدويه... يعتمد على برامج الرسم بشغله... رسمه ياخذ العقل ~.~

[المعاناة]

جارنديزر .. شف اخر تصويت لجريدة الوطن .

يقوللك .. ان نسبة كبيرة من البنات السعوديات "الخليجيات" لايريدون الا الشاب ذو الراتب من 10 الاف وفوق (واغلب الشباب السعودي رواتبهم من الخمسة وتحت .. وكل الراتب يروح عشان مستحقات الدولة) ..

ولا وفوق كذا .. مايبونه يكون متوظف في وظيفة ميكانيكا او سمكري او بائع (وهذي المستوى من الوظايف اغلب الشباب طايحين فيها ) .. او حتى فني مهما كان الراتب .. عشان البرستيج !


جرانديز .. الخليجية طلباتها من هنا الى بكرة , قبل الزواج وبعد الزواج , وحتى لاقدر الله بعد الطلاق .

بالعربي نشبة في الحلق .. خاصة الايام هذي .. ولا قبل مابه احسن من الخليجية .. قبل مثلا عشر سنين(الله يرحم زمان اول) .. الحين قلق غير طبيعي .. اذا قلتلها لا .. راحت واشتكتك على جمعية حقوق الحيوان مدري الانسان .. وهاتك يامحاكم ومرمطة في الشوارع وفضايح في الجرايد وقدام الناس .. تلعن الساعة اللي عرفتها فيها .

انا مااعمم .. لكن هذا اللي نشوفه من الاستفتائات وحديث الشارع .. وشف الجرايد كل يوم مشكلة بين زوج وزوجته تؤدي بهم الى الطلاق .. وهذا ايضا سبب ازدياد نسب الطلاق .. فبدال ماتضيع عمرك ودراهمك مع خليجية .. واخرتها طلاق لاقدر الله .. جرب من الخارج .. والحظ الفرق.

وطبعا انت منتب متزوج من الشارع .. لازم تسال قبل ماتاخذها .. وبكذا ظمنت لنفسك عيشة هنية .. وبالنسبة للعيال فانا قلتها بردي الاول .

[M.O.B]

يا اختي من حقه الواحد يحلم صح و الا لا ؟؟
لو نقول لبكرة اجنبيات و لبنانيات مردنا لبناتنا لكن الواحد يحب يحلم شوي ..
لا تدققون على الشباب ..
مطيرة عيونهم الي على الال بي سي و المستقبل و غيرهم ..
ما يدرون ان اغلب هالجمال ما طلع الا بعد 500 عملية تجميل ..
و هالشي ما راح ينفعك ..
يقول لك فيه صيني طلق زوجته الحلوة ..
لانه لما جاهم ولد طلع لهم قرد استغفر الله العظيم ..
فالرجال شك ان زوجته لها خوي قرد مثل ولدهم ..
لكنها اعترفت انها سوت عمليات تجميل و ورته صورة قديمة له خلته يصاب بصدمة عصبية و يطالب بتعويض مادي و معنوي و احساسي و كل ما يندرج تحت عنوان التعويضات الحربية و السلمية لانها كانت قرد ..
بعدين حتى انتم بصراحة ترفعون الضغط بعض الاحيان ..
تقولون نبي دين و اخلاق ..
و اذا جاكم دين و اخلاق طلعتوا ريحته ..
ابي عرسي يكون في القصر العلاني ..
و ابي شبكة -بدعة كفار- تكون بالشيء الفلاني ..
وش حيث صديقتي فلانة انا وش قاصرني عنها و من هالكلام ..
ثم اذا تزوجها ..
طلعت ما تعرف لا تطبخ و لا تنفخ ..
و تبي شغالة و سواق ..
و اذا رفض قالت انا كنت معززة و مكرمة في بيت اهلي و من هالخرط الفاضي ..
اجل وين كلام الدين و الاخلاق ؟!

كلامك جواهر صح لسانك
---
بالنسبة لبنات لبنان . لو كانت اخر بنت في الدنيا لينانية
ما بتجوزها .. حلوين ما بنكر لكن ما احبهم
انا شايف والله الشباب يتزوجزن بنات من اجنبيات
لان طلبات اهل بنت البلد و طلبات البنت نفسها تطلع الروح
يعني الواحد بكون مشتغل كم سنة و مش عارف شو
و تعبان و هلكان و لما يتجوز تلاقي ثلثين الفلوس طاروا
و هذه نعمة اذا بقى له كم الف الفين مية ميتين
---
في اخ قال ان الجيزة من كفار حلال . و هذا غلط
الجيزة تكون فقط بين مسلم و مسلمة او كتابية
---
اما القانون هذا اللي ما يسمح للمواطن يتجوز من
اجنبية حرام . ما انزل الله به من سلطان
شلون ساكتين على هذا و اعملوا مظاهرات
---
انا والله اذا سكرت في وجهي و ما قدرت اتجوز مسلمة
و خصوصا من العرب و طلباتهم . بتجوز كتابية . ما في مشكلة
---
شكرا على الموضوع القيم

[فيلسوفة زمانها]

هو صح أغلب البنات الحين زي ما قال الأخوا المعاناة أنهم يبون راتب ولا يبون مكانيكا و الخياط و من هذا الوظايف هو بس هذي من جد مشكلة لو الكل بيعيش في رفاهية كن ماتوا ما صار أحد يشتغل عندهم صح ؟ بعدين مب عيب يكون الواحد ميكانيكي أو سواق أو بياع هذي من الأشياء إلي في مجتمعنا إلي صايرة عيب و في النهاية أنت وراء مكتب تشتفل ولا ورى سيارة ولا ورا كاشير ما تفرق في النهاية هذا كسب حلال أحسن من أنه يصرق أو غيره و البنات لو ذكيات تقبل فيه و ممكن هي وياه يبنون مستقبل لعيالهم أحسن مما هي تتوقع ((ونحن نرزقهم و إياكم)) الرزق كله من ربي بعدين تزوج الأجنبية تحسب بيوفر فلوس أنت غلطان ....... في واحد متزوج من برة كل صيف تتطلب منه تشتري هدايا لأهلها و تسافر لبدها من وين المصاريف ؟؟ منه هو ! طيب هل تعلمون أن ثلث العالم يحسبون جنب كل واحد فينا بير بترول ؟؟ يعني ما يدرون عن الواقع تتزوجه يمكن تصرف أخر هللة في جيبه ولا ترفع قضية للمحكمة أنه ما أعطاها حقوقها !!

وشكراً مرة ثانية !

[Lucky guy]

انا مع الحكومة -____- ...

[vileplume]

انا اقول ياخوي لا تتزوج منها ولاشي لانه فيها ايدز يمكن انت اكيد تعرف سواياهم

[rushin_911]

أنا ضد فرض الوصاية اللي تقوم به حكومتنا... فالناس المفروض تكون لهم حرية الزواج بمين يبون...
ولا أظن عموماً مثل هذا القوانين اللي تحد من الزواج بأجنبيات بتشاهم في حل مشكلة العنوسة لأنها أصلاً على ما يبدو مب أحد الأسباب المؤثرة في الموضوع في رأيي... يمكن لو تبدأ الحكومة تحل في مشاكل حقيقية مرتبطة بمسألة العنوسة مثل البطالة المتفشية و غلاء المعيشة الخ... تصير نسب العنوسة أقل...

[فتفوتة_حب]

السلا م عليكم

اعتذر

للاخ

واقول
له
في
السعوديه

مو صح ممنوع السعودين يتزوجوا من الاجانب
وانا
قبل فتر
ه
بابا راح
يشهد
لزواج واحد من اصحابه على
وحده من جنسيه عربيه
وهذا الي اعرفه
و

[Argandir]

السلا م عليكم

اعتذر

للاخ

واقول
له
في
السعوديه

مو صح ممنوع السعودين يتزوجوا من الاجانب
وانا
قبل فتر
ه
بابا راح
يشهد
لزواج واحد من اصحابه على
وحده من جنسيه عربيه
وهذا الي اعرفه
و

هههههههههههههه

ماشفتي ردود الاخوان حول الابتكار الي اسمه واسطة؟؟؟؟

تحياتي...