منع الزواج من الاجنبيات..(نقاش)

[Argandir]

السلام عليكم...

طبعا الموضوع واضح من العنوان...وبصراحة فكرته قاعدة تطاردني من يومين تقريبا

السالفة بدائت يوم الجمعة الي فات...كنت انا و واحد من الشباب من الامارات رايحن لركن البيزا...شارع في وسط المدينة مرصوصة فيه مطاعم البيتزا جمب بعض تاخذ بيتزتك وتقعد برا تاكلها

ونحن ماشين الولد كان قاعد يتكلم...و كنت وقتها قاعد اتصل على الشباب عشان يقابلونلى في المطعم وما كنت مركز معاه......وفجئه:

ياخي يبغالنى نتزوج ترى مو حالة الوضع كذا

بسم الله الرحمن الرحيم..اش فيه الاخ اش الي جاب سيرت الزواج في راسه كذا؟؟؟

التفت اشوف اش صار...وتطيح عيني على السبب ...وكان سبب وجيه فعلا

لا بس ماشاء الله كانت البنت اية في الجمال...مهي من النوع الي تشوفه كل يوم في الشارع اوالمدرسة

قلت له: خلاص اول ماترجع دبي خل امك تخطبلك وريح نفسك...

قال: بس اش رايك في الكنديات؟؟؟ يعني لو تحصل وحدة كندية محترمة تتزوجها؟؟؟

انا: هممممم والله مادري ماقد فكرت بالموضوع... بس يمكن ليه لا؟؟.... لحظة!!! لا مااقدر

هو: ليه اهلك مايوافقو؟؟

انا:لا مو مسئلة اهل...الحكومة ماتسمح

طبعا الولد ماصدق...وقاعد يسئلني ليه وماليه واش الي يمنع ومادري ايش...ومن الاسئلة ذي

وصلنى المطعم جو الشباب والاخ الى الان مو مصدق...قام سئل الشباب عن السالفة

قالو له مو بس الحكومة....البعثة تنسحب منك...

ماادري عن شباب التئمينات بس ارامكو وكلية التربية(او كلية التعليم... وحدة منهم) بيعطوك رفسة

طبعا وجهة نظرهم مفهومة...الحكومة مانعة الشي هذا ومهم فاظين يخشون في مشاكل مع الحكومة عشان خاطر عيونك..عشان كذا التخلص منك اسهل

اقترح واحد وقال: عادي حطهم في الامر الواقع...اتزوج ولا تقولهم واذا خلصت دراستك ارجع وهي معك...اش بيقدرو يسولك بيجبروك تطلقها؟؟؟

قلنى له: ههه يحليلك شغل عنتر بن شداد مايمشي عندنى ...في المطار بيوقفونك... انت تدخل وهي لا

واستمر الموضوع وكل واحد يذكر سالفة...الي يقول واحد سوة الحركة ذي ومادري اش صارله...والي يقول في 30 شرط اذا انطبقو عليك سمحولك تتزوج...الخ


طبعا السبب الرئيسي لمنع الحكومة الزواج من الاجنبيات هو كثرة العوانس في السعودية...لكن هل هذا سبب موقنع ان تفرض عليك قيود في الزواج مافرضها عليك الاسلام؟؟؟

والمنع هذا ماقتصر على الغربيات فقط...بل انه يشمل اي امرائة غير سعودية...يعني حتى لو بتتزوج مسلمة عربية من دولة ثانية قالولك لا؟؟

شخصيا قبل مايسئلني الاخ السؤال هذا...ماقد فكرت اني اتزوج كندية... اوحتى امريكية خلال فترة دراستي في امريكا...

بس مازلت مااحب ان احد يفرض علي قيود في امر يخصني لحالي وخصوصا اذا كان زواج!!!

فا اش وجهة نظركم يااخوان حول الموضوع سواء كنت رجل او امرائة؟؟؟


واسفين اذا طولنا عليكم بالكلام...

[Jin Kazama]

اعتقد عمر بن الخطاب رضي الله عنه منع المسلمين من الزواج بالنصرانيات وقالهم من لبنات المسلمين

وبعدين لازم تاخذ لك وحده لها اصل ونسب مو حيا الله


والاولاد يوم بيطلعوا بيطنزون عليهم يابن الهنديه والا يابن النصارنيه هالشي بياثر على الاولاد بيحسوا انهم منبوذين


فما في شي احسن من بنت البلد

[ثريول]

رأيي في الموضوع هو :

اللي نشوفهم من زواج من أجنبية كلهم قليلي القيمة في المجتمع , وأحيان تكون الشخصية ضعيفة , والإخلاق متناقضة , والقيم الله بالخير ,, وعادة يفشل الزواج ويبتلش الواحد بعيال عيونهم زرق وكلامهم فيه لكنه تفشل ! .

فاللي ماعنده قريشات لايخلي هذا سبب للزواج من أجنبيه , الدنيا تجارب والذكي اللي مايروح طريق يدري أنه -في الغالب- ينتهي بحفره !

[Argandir]

رأيي في الموضوع هو :

اللي نشوفهم من زواج من أجنبية كلهم قليلي القيمة في المجتمع , وأحيان تكون الشخصية ضعيفة , والإخلاق متناقضة , والقيم الله بالخير ,, وعادة يفشل الزواج ويبتلش الواحد بعيال عيونهم زرق وكلامهم فيه لكنه تفشل ! .

فاللي ماعنده قريشات لايخلي هذا سبب للزواج من أجنبيه , الدنيا تجارب والذكي اللي مايروح طريق يدري أنه -في الغالب- ينتهي بحفره !

احس انك مافهمت الموضوع او انك ماقريته...

انا ماسئلت اش سلبيات الزواج من اجنبية....انا اسئل هل ترضا ان احد يحط عليك شروط في الزواج؟؟؟

وبعدين كلمة اجنبيات ماتعني غربيات فقط...بل تعني اي بنت من خارج البلد سواء عربية او غربية!

[المعاناة]

انا اقول ان حصل لك اجنبية

حب يدك وجه وقفا .. واحمد ربك .

خاصة ان كانت لبنانية .. ياسعدك .

ياعيب الشوم .. وكفته وكبّة لبنية ومدري وش .. ودلع على كيف كيفك .

هذا الزواج والا فلااااااا .

واهل الكتاب يجوز الزواج منهم .. ويمكن تسلم على يدك .. وتصير ضربت عصفورين ببلكة .

[انجلينا17]

انا اقول ان حصل لك اجنبية

حب يدك وجه وقفا .. واحمد ربك .

خاصة ان كانت لبنانية .. ياسعدك .

ياعيب الشوم .. وكفته وكبّة لبنية ومدري وش .. ودلع على كيف كيفك .

هذا الزواج والا فلااااااا .

واهل الكتاب يجوز الزواج منهم .. ويمكن تسلم على يدك .. وتصير ضربت عصفورين ببلكة .

على بالك البنانيه تاخذ السعودي علشان سواد عيونه

فلوسه وبس ..

وبعدين تكتشف ان زوجها منتف فتقولك ( باي باي حبيبي )

ماتفكرون بالفرق بين السعوديه والاجنبيه عموما

عقولهم متفتحه بزياده و عادات غريبه *_____* واختلاط وماتنعرف اخلاقها
بينما هنا حشمه وادب

هل تثق بان هذي المنحله اللي ماتعرف اخلاقها وطبايعها بتربي اولادك ....

انا اشوف الله يجزاهم خير .. الزواج بالاجنبيه له عواقب كثيره ..

[Trapped Inside]

ليش لا..

عادي وش فيها تتزوج اجنبيه..انا انشالله ناوي ادرس برا وحتى يمكن اعيش برا..ليش ما اتزوج مناك؟؟..

اهم شي تكون اخلاق ومتربيه..وفيه كثير كذا..

افا مو مسموح الزواج من اجنبيه !!..توني ادري..الظاهر اجل مافي امل..

على كل انا رايي انه عادي^^..

مشكور على طرحك الموضوع^^..

[Chad]

الزواج لازم ما يكون رباط بين شخصين متشابهين في التفكير

هالتشابه في التفكير يجي من تشابه عادات وتقاليد الزوج والزوجة

لذلك فأي إختلاف سوف يؤدي إلى عدة مشاكل أسهلها الطلاق

لذا فأنا مع رأي حكومتكم حول هذا الموضوع

بالنسبة للي تكلم عن اللبنانية

فأنا أعرف واحد ليبي تزوج لبنانية يقال أن لها وجها لو رأيته فإنك سوف ترى كوابيس لنهاية عمرك .

[عماد 18]

ترا حتى في الامارات منعوا الزواج من الاجنبيات لا و بعد اسبوع من هالقرار اميرهم طق له وحدة اردنية انواع الصرقعة ..
بعدين اي منع و اي خرابيط ؟؟
جب لك واسطة و طق لك اربع اجنبيات ..
القوانين على الضعوف بس ..

[ثريول]

احس انك مافهمت الموضوع او انك ماقريته...

انا ماسئلت اش سلبيات الزواج من اجنبية....انا اسئل هل ترضا ان احد يحط عليك شروط في الزواج؟؟؟

وبعدين كلمة اجنبيات ماتعني غربيات فقط...بل تعني اي بنت من خارج البلد سواء عربية او غربية!

فاهم الموضوع وقاريه , ولكن مب شرط يكون الرأي مباشر . يعني ببساطة معاهم حق يوم منعت حكومتكم الزواج من أجنبية , رأيي اللي يمكن مافهمته من ردي .

تحياتي .

[F I N A L]

انا متزوج والحمدلله

ادا قلت لمرتي شي ولة سمعت الكلام يكون العقاب كل اتي:


وادا مانفع يكون
:buttkick:
وادا مانفع يكون
:chairshot
وادا مانفع


















اها


:AR15firin

[Kubaj]

والله ياعزيزي الواسطات موجودة على قولة عماد رح للأمارة وادفع 5 او عشر آلاف لواحد من التحف

اللي هناك يجيب لك تصريح من الأمير سلمان نفسه - طبعاً هو ماجاب خبرك - و رح خذ لك اقرب

كبة وفتوش وحرّاق اصبعه او فطير مشلتت وفول وكشري وسحلب وبابا غنوج وفلافل<< مسوي جايب

اكلة جديدة ، المهم انا حسب رأيي اذا كان الزواج بأجنبية معناه الزواج بآنسة إيطالية او اسبانية

او حتى برتغالية فأوكيه يعني مسموح الزواج من أهل الكتاب ووأشكال تفتح النفس بلا لبنان بلا هم

والظاهر موب لازم مهر بس تعلم كلمتين نعم ولا وسويلي غدا وفطور عشا وبس

لكن آخرتها بنتزوج من بنات بلدنا الله يخليهم لنا >> قفلة دبلوماسية فتّاكة .

[NsaN]

معقولة الزواح من اجنبيات ممنوع عندكم؟؟

انا اشوف المسألة عادية و ما تستاهل هذا كله..كلمن حر بحياته و هو الوحيد اللي له الحق ان يقرر شو يسوي بحياته دام انه ما راح يضر غيره و ما راح يسوي شي حرام..

ترا حتى في الامارات منعوا الزواج من الاجنبيات لا و بعد اسبوع من هالقرار اميرهم طق له وحدة اردنية انواع الصرقعة

متى منعوه؟؟
بعدين اميرنا هذا نسميه شيخ

[Chandler]

عقولهم متفتحه بزياده و عادات غريبه *_____* واختلاط وماتنعرف اخلاقها
بينما هنا حشمه وادب

هل تثق بان هذي المنحله اللي ماتعرف اخلاقها وطبايعها بتربي اولادك ....

الان بكلامك هذا حكمتي على كل بنات لبنان بانهم منحلات ..فيه لبنانيات تلاقينهم احسن من السعوديات جمالا ودينا...

ترا حتى في الامارات منعوا الزواج من الاجنبيات لا و بعد اسبوع من هالقرار اميرهم طق له وحدة اردنية انواع الصرقعة ..
بعدين اي منع و اي خرابيط ؟؟
جب لك واسطة و طق لك اربع اجنبيات ..
القوانين على الضعوف بس

نفس كلامي..

[QataR NighTMarE]

انجلينا اشفيج عصبتي تعالي خل نقارن بين بنات الخليج وبنات لبنان
شوفي يعني الشاب يطمح للبنت المثاليه يعني بنت لبنان يعني لو جاتلي وحده لبنانيه ذات اخلاق ودين رفيع واكيد الجمال مايبيله كلام ^_^ والمهر اكيد مابيكون اقل من 40 الف يعني صراحه لو ماوافقت عليها اكيد فيني جنون البقر وبنت الخليج يعني جمالها مو ذاك الزود يعني 0.1% من 100% جميلات واكيد ذات اخلاق ودين رفيع والمهر تفجير مو اقل من 70 الف يعني تفليس من اولها وغير المصاريف الثانيه الي اتهد الحيل يعني بهل معطيات بنلاقي ان اللبنانيه اهي المناسبه للزواج ماديآ ومعنويآ ^_^
وارجو ان هالرد مايسبب زعل او ازعاج لبنات الخليج

وتشكورات افندم