صار لي حادث قبل إسبوعين وأبغى رأيكم وش أسوي بسيارتي (مطلوب الخبراء)

[hesham]

مرحبــــــــــــــــــــــــــا

أولا سيارتي HONDA ACCORD 1999

وثاني الحمد لله ماقد صار لي حادث من قبل والسيارة الصراحة ساعدتني كثيييييييييييييير وأنا من مدمنين الهوندا منذ طفولتي وأعتبرها كاإبنتي (واحد مصدق)

وثالثا الحادث الله يسلمكم كان الطريق على شكل T يعني فيه لفة على يسار وأنا كنت قبل اللفة بشوي تقدر تقول ثلاثة أمتار بالضبط وأخينا في الله كان قدامي يعني عشرة أمتار أو أكثر والمشكلة هو مسكر النور الله يهديه في الليل وكان مسرع مررررة يعني تقدر تقول 140 وهو معة هايلوكس ... وأنا كنت حاط النور على العالي وداق إشارة أبغى الف يسار وبعدين إلتفت على يميني (من الحرص) وعلى قدام وعلى يساري ... يوم جيت ألف يسار فجأة شفته قدامي زاحف يعني صدمته أنا من قدام وهو مع الجنب يعني مكان القائد وكانت خطيرة مرررة والحمد لله ما أحد منا صار له شي ....

كل الي أبغاه منكم يالربع إنكم تقولون لي وش أسوي الحين ... سيارتي معدومه من الأمام يعني الكبوت والصدام والشمعتين والرفرفين والشاص الي داخل السيارة والراديتير رايح فيها يعني كلها يبغالها تغيير ... سألت الوكالة عن القطع وقدرو لي هالمبلغ 5650 ريال وأنا أعرف ورشة زينة معروفة إسمها ورشة الوفاء ... بس إلى الحين ماسألتهم كم تصليح اليد والسمكرة .. يعني تقدرون تقولون راح ياصل جميع التقدير 11000 ريال تقريبا

وأنا بغيت منكم إنكم تقولون لي هل أبيعها وهي قرنبعة أو أصلحها ...مع العلم إن عمي قدر يحصل واحد يشتريها منا بـــ15000 ريال ...

والي صار معي مع الشرطة الله يهديهم قال لي كلمكم عليكم الغلط 50 50 .. ليش مادري الله يهديه إن شاء الله (جعله المووووت يارب)

يالله ياشباب عطوني رأيكم أبغى جميع الخبراء تكفوووووووووون ولا تتركوني وحيد (ههههه)

وشكرا

[MR.أستبنه]

اول شي الحمد لله على السلامه
والسياره اخوي معروفه
اذا انصدمت صدمه قويه
صلحها وبعها
لانها ما راح ترجع زي اول
وبعدين خلاص تعيفها نفسك وتكرها
فانا انصحك انك تصلحها اي كلام وتبيعها

[zzzzz1]

دام السالفة فيها شاصي اجل بعها على حالها ولا صلحاها مثل ما قال استنبه اي كلام عشان لا تخسر كثير


والحمد لله على سلامتك

[hesham]

طيب ياشباب أنا اليحن أقدر أبيعها وهي قرنبع بــــ15000 ريال

ومادري هل أنتم ياخبراء السيارات تكفون لاتتركوني دلوني على أفضل معارض في الرياض لأني رحت إلى معارض النسيم لكن مع الأسف ماقدرت أحصل نفس سيارتي ... قدرت أحصل على موديلا ت فوق ال2003 يعني الشكل الجيدي وانا حدي 30000 ريال ... لكن عمي قالي أمس إنه شاف نفس سيارتي ونفس مواصفاتها في معارض الشفا
وإن شاء الله أبا أروح لها يوم الخميس لكنه قالي إنه كان سيارته مو موقفة في العارض يعني كان يدور فيها حول المعارض يعني خسارة خسرت السيارة مع الأسف ...

ياشباب ويا الخبارك ممكن تدلون لي على معرض حلو فيه كل موديلات الأكورد أو إذا كان واحد منكم يخبر لي سيارة مثل سيارتي مع العلم إن سيارتي هي HONDA ACCORD والموديل مو مشكلة أبغى يا 1999 أو 2000 أو 2001 أو 2002 ... ويكون فيها فتحة وجنوطها المشهورة الي كأنها نار أو نجمة ... فهمتو قصدي وياليت يكون لونها يا باذنجاني أو أسود أو زيتي (أخضر غامق) أو كحلي (أزرق غامق) ومايهمني الCD أو مراتب جلد أو تخشيبه جوا السيارة ... نسيت اهم شي يكون أوتوماتيك ... والله يعطيكم ألف عااااااااااااااااااافية

[][-][Mr.ZeNoN][-][]

فانا انصحك انك تصلحها اي كلام وتبيعها

لكنهم بيكتشفونها!
صلحها من ورشة نظيفة مو ورشة أي كلام عشان الواحد لايشك بالسيارة أول مرة...

[MR.أستبنه]

لكنهم بيكتشفونها!
صلحها من ورشة نظيفة مو ورشة أي كلام عشان الواحد لايشك بالسيارة أول مرة...

اخوي الحين شريطيتنا يكشفون الي ما ينكشف
الضاهر انهم يشمون ريحه المعجون مو بس يطقونها ويسمعون الصوت

[sareeh]

الحمدلله على السلامة اولاً:
بصراحة انا انصحك تبيعها لاني صارلي حدث نفس الطريقة تقريبا انا وجهية السيارة رايحة فيها مع العلم ان سيارتي كانت كامري 2003 و الخطأ 100% على الهندي عنده جمس بيكب حجم 2500 و انا بالهي وهو في الجزيرة ينظرني امر و نبهته بالانوار والحمدلله اني ما كنت اسرع بين 100 و 80 كيلو بقى تقريبا 7 امتار او اقل قام طلع في وجهي ملاحظة سيارته غمارتين سد الطريق و بغيت اتفاداه بس الوقت قصير والمسافة كذالك صدمته وطلع الكيس الهوائي ونفعني كثير والسيارة دارت بي ما ادري كم دورة وفي الرصيف يعني الله يعين على العموم انا بعت السيارة وخذت شيك التأمين والحمدلله على السلامة
انصحك تبيعها لان اللي شراها مريت عليه يقول ان المكينة تأثرت من تحت يعن ما يسوى على الخساير فيها الحمدلله خسرت 13 الف من قيمتها بس المهم النفس مو الحديد.
تحياتي ودمتم,,,