والله احبكم يالخايسين

[Yuna]

عاد انا وين ما أروح في المنتدى العام اللاقي كلمة ضب وتماسيح ومادري شنو ...عاد انقرفنا

المفروض نلاقي لنا ورد في البيت الثاني >.>

انا مستعدة أزرعه وبنضع لنا أرنوبات بعد ... > ( خيال )

[Deadly Spot]

كلامك عين الصواب ODIN

هذي المنتدى ثالث احسن منتدى عندي
الاعضاء طيبين وعندهم مرحة
ماعتقد اني راح اتركها

[Alone the Dark]

ماشاء الله عليك
تاريخ التّسجيل: 31-01-200
تصدق نفس الشعور متبادل

[Mada Mada Dane]

وش هذا الحنان الي طلع عليكم فجأة

على كل حال بالفعل هذا المنتدى كان له فضل كبير علي بعد الله , تغيرت امور كثير بحياتي , يعني لو اني مااعرف هذا المنتدى كان في امور كثيره وكثيره ماحصلت , وتعرفت على بشر, وتعرفت على خضراوات وطمام احم والي على راسه بطحها يتحسسها ... وأشياء كثيرة اخرى منها حبي للكتابه , جاتني فتره كنت كاتب بموقع جيم ماستر ومحرر وانطلاقتي من هنا , احس لو ماكتبت تحكني يدي , والحين غيرت اختصاصي بالكتابه وبديت برواية والحمدلله قدمتها للكثير من الي اعرفه بخارج النت وبالنت عجبتهم بداية حلوه , وتعلمت التصميم وان ماكنت خبير , ومهتم بالبرمجة وبادي فيها ...

والاكثر من كذا تعلمت أصناف الناس خصوصا لو كنت مسؤول على شئ , تعلمت سواء يوم صرت مراقب هنا او محرر او مشرف بجيم ماستر ان للناس أصناف ووجوه عده لازم محذر منهم , كنت على نياتي فطفوط بس الحين صرت فاهم خخخ

وان الي يبني علاقته معك بناءا على المنتدى الي تشارك فيه مو على الشخص الي امامك وشخصيته بالفعل شخص غير قابل للاحترام وان كنت اجامله بأغلب الاحيان ...


مشكور اودن على الموضوع

[Prince Of Darkness]

والله أنا نفس الشيء مع إني عضو جديد نوعا ما ،،لكني متعلّق بالمنتدى لدرجة مش طبيعية .. وكونت أصدقاء رائعين من المنتدى مستحيل أنساهم

-- أهلي يسألوني وش صاير لك فهالكم شهر.. تقعد على النت بالساعات يوميا --

منتدانا له نكهة خاصة مثل ما قلت.. مختلف عن أي منتدى آخر

وإنت ما شاء الله قدرت تعبّر تعبير عفوي ورائع عن مشاعرك تجاه المنتدى ... أنا ما أقدر أعبّر و أكتب مثل كلامك ذا ( تعجر الكلمات عن التعبير قصدي )..

الحين اللي يسألني عن سبب تعلّقي بالمنتدى ..علشان أفهمه وضعي :: أعطيه رابط موضوعك وأقله اعتبر كلام أودين كلامي

تصدق هذيك المرة قعدت أفكّر بترك المنتدى لمدة سنة للتفرغ للدراسة .. صرت أبكي !! تصدق !!

وشكرا أودين على الموضوع ^^ ،،

-- أخوي هارب لا تحذفه .. بليييز --

[sT]

مو بس انت اخوي فيه ناس كثير تعشق هذا المنتدى ودائما تزورة من فترة لاخرى وانا صراحه احس اني ادمنت هذا المنتدى ولاكن ليس هذا القسم .

ومن عام 99 وانا اشارك في منتديات عديدة منها هذا المنتدى الرائع باعضائة .

[snorlax]

اخصصصصصصصصصصصص طلعت حساس يا ولد عبدالله فؤاد
يا واد يا مشاعر انته يا روميو !
تعجبني بدر

[][-][Mr.ZeNoN][-][]

والله يالحبيب ODIN إحمد ربك إنك في منتداك وإنه فيها ناس طيبين...

ياهو زمان كنت بمنتدى فيه عدد أعضاء أكثر من المنتدى ذي لمراحل..

بس وجع يوجعهم كلهم متكبرين مايرفعوا راس بعضهم أبدا!!

بالرغم من بقائي لذلك المنتدى أكثر من سنتين إلا إني والله أحس إني كنت غير مرغوب

لكن أنا كان حالي حال نفسي هناك كل واحد مسوي نفسه أثقل من الثاني..

يوم من الأيام حصلت مشكلة بيني وبين واحد ((مشكلة بسيطة))..

جيت أبي أصالحه بالرسائل الخاصة مارد علي...

ثاني يوم ألاقي نفسي مطرود؟؟؟؟!!!!!

والرجال طلع عنده واسطة من عند الإداريين!!؟؟

إشتركت بالمنتدى مرة ثانية بإسم بنت ..وكتبت رسالة ترحيب

إلا واليوم الثاني رسائل تعبر عن حب ومشاعر ورسائل ((خذي رقم جوالي)) وووو..إلخ

الله يلعن إبليسهم

عموما إحمد ربك أنت في نعمة

وتحياتي...

[الهدير]

والله تعيجزت اقرأ كل الردود
والله انك اصيل يا بدر
مشتاقين لك ياخوي

بس الشي الي يضيق الصدر ان فيه ناس كانوا معانا واختفوا .. يا خسارة

[QataR NighTMarE]

اعتقد وجودي لثلاث سنوات بالمنتدى من تاريخ تسجيلي للحين
بيوضح لك شعوري يا اودن

[IRON]

مشكور على الموضوع

[megaman]

يكفي اني تعرفت بهالمنتدى على واحد من أعز اصدقائي


حلو إنك تعرف إن الجميع يحسون نفس احساسك

[FinalFantasy9]

كلام جميل جداً وواضح انه طالع من القلب .. فالله يخليك للمنتدى ويخلي كل الاعضاء الطيبين امثالك ..

انا بعد اعز هذا المنتدى بشكل كبير وصار معاي موقف بأقل من شهر لاني فصلت الانترنت وقلت لنفسي مو لازم ادخل المنتدى خلال .. يومين وبنسى !! ولكن بعد يومين حسيت ان شيء ياكلني من داخلي وحسيت بضيق وماقدرت استحمل فرحت شركة الاتصالات وعملت اشترك جديد وحتى اني قابلت احد المدراء وقلتله يسرع توصيل الانترنت لانه محتاجه ضروري !! .. وكان الشيء الضروري هو ان اشتقت لاخواني وبيتي الثاني .. www.montada.com \ فمهما طال الزمن سيبقى هذا المكان عزيز علي .. ولن انسى من قابلتهم فيه مدى الحياة ! ..

شكراً لهذا الموضوع الجميل والكلمات الطيبه ..

وشــــــــــــــــــــــكراً