تـــخلف =_=

[hussien-11]

لا طبعا مب هذا المقصود ..
يعني المفروض هو حتى لو لمحهم ما يتكلم عنهم وليش جذي يسوون أو ما يسوون ..
ياخي خلهم بكيفهم بنات محتشمات ويلعبون وأهلهم وياهم .. وين الغلط بالضبط؟
مدام الوقت كان الظهر وكان مافي ناس أو شباب يتمشون فها الشي بقول أوكيه عادي خلهم يتمريحون .. أما إذا كان في شباب في المكان فطبعا يعني المفروض البنتين يوقفون لعب على طول ..

صح كلامك أختي ، الان فهمتك ... لكن لو قال خير ما في اعتراض ، أما هذي التعليقات بالنسبة لي بعتبرها تدخل شخصي بأمور الغير ... خصوصا انهم ما عملوا شي غلط ...

[Mada Mada Dane]

اوكي ..

هذي شخصيته .. يمكن فيها شوي تخلف ..



يمكن خويك شاف شي من البنتين ماشفتوه..(حركة من البنتين مثلا )

او هو من مجتمع البنت عندهم عار او مطهدات ..

اخوي , ماني معلق النقاش على شئ يمكن !
وانا متاكد موجود

وبالموضوع انا مااتكلم عن الرجال , أحب اطرح قضيه أكبر وهي الموجودة بالمجتمع

مهما يكون هذا الرجال اعرفه من يوم عمري سنة فبعشرة العمر له معزة كبيرة , وميانه , عموما لو في يمكن بيقطها بوجهي



Rory /

بنظري , شئ غريب الكلام الي قاله وهذي وجهة نظرة ورثها من عادتنا

انا اليوم تناقشت وياه , مسكت عليه كلمه " انه مو حرام هذا الشئ بالدين " قلت له خلاص وجلست اضحك



hussien-11 /

1- أنا الي كنت اسوق
2- البنات مو قدامة أقصى اليسار
3- ياليت اي شئ يكون بخصوص القضيه المطروحه مو الشخص نفسه
4- كلامك مافيه ترتيب مافهمت بالضبط بالرد الاول
5-

تخيل مرة انه في بنت حاولت تعمل صداقة معي ، و أنا وقتها كنت راجع من المسجد ! تخيل ؟

البنت تتمرجح ماحاولت تعمل صداقة زي ماتقول =_= ياليت تجيب شئ واقعي , الحين لما تتمرجح يعني تبي تعمل صداقة معاك يالي مار بالسيارة من بعد مسافة !
6-انا فهمتك منك ان معارض الرجال بكلامه , ومعارض امور كثيرة رتب شوي كلامك علشان افهم , كل جملة تحمل شئ مختلف احسه عارض الثاني =_= اسف اخوي لكن مافهمت وجهة نظرك بالضبط !







7_Dark Soul /
1- ياليت تقرا اني كتبت الساعه 1 الظهر بكورنيش الجبيل , اذا بغيت الاستنتاج وقت مافيه أحد , الجبيل تسمى مدينه الاشباح , احنى السيارة الوحيدة موجودة بالغلط مودي اخوي حلاق وانتظره يطلع فمريت بما ان الحلاق بالكورنيش .
2- لو انهم راحوا اخر الليل وتمرجحوا بعبايات مخصرة وصوتهم مالي المحل ضحك ذيك الساعة ممكن يحق لك تتكلم .
3-

هل تحب كل واحد يمر او يمشي في الطريق ييجلس يناظر في خواتك او زوجتك؟؟

اول شئ كم مره اقول , وقت مافيه احد خصوصا لاهل الجبيل يعرفون هذا الشئ , وثاني شئ لو كان اختي بتمرجح زيهم بدون تعطعط وقت مافيه احد عادي وانا باخذها وبتمرجح وياها , هي ماجاتك قالت انا قليلة ادب ولا غازلني , كل الظروف الموجودة كانت لصالحها , الوقت , اللبس المحترم , مع اهلها , ماني فاهم وش الغلط .

4-

فكل من هب ودب (يعني مر عليهم) اكيد بيناظر فيهم

امم اعتقد جاوبت فوق



5-

اذا شفت بنات يتمرجحون فهذا يعتبر شي غير مألوف على مجتمعنا

طول عمري احسب انه شئ مالوف وعادي عندنا , بس كنت اتوقع اهل الرياض ممكن يكون عندهم مو عادي لاني اسمع من ناس انهم متشديين بشكل ممقوت .

6- تصدق الشخص نفسه الي قال الكلام امس , اصبح شبه مقتنع اليوم - سالفه طويلة - , حتى هو قام يضحك .

7-

و لابسين لبس فضفاض

تدري شلي قاهرني زيادة , ان عباياتهم كانت من النوع الي على الراس , وش الي قاهرك ؟

حتى الي تكلم اليوم كنت انا وياه وخالي نتكلم قال صراحه لبسهم محترم .

مع التمرجح راح ينشد لبسهم و يبرز ملامح جسمهم(انظنك فاهم الطريقة)

والله لاتخصر جسمهم ولا بين منهم شئ , الي اشوفه عبايه كانها وشاح باتمان من وسعها =_=
انت شكلك كنت حاضر معنا وانا ماادري , والمشكله مكانهم بعيد مو بالوجهه

8-

انت ترضى على اختك تلبس ثياب رص تبرز ملامح جسمها ويجلسون الناس يتمنظرون فيها؟؟؟

مره ثانيه كانوا لابسين عباية على الراس , ووش دخل التمرجح بالعبايات الرص ؟
لاانشد شئ ولا بين شئ لاتخاف

واعيد اذا تمرجح اختي زيهم , عادي انا بوديها واتمرجح وياها

في فرق بين تجي وحده بوقت الزحمه ولثمه وعبايه مخصره , ووحده مه أهلها بلبس محتشم بوقت مناسب , حاول تفكر شوي ...

واتمنى الافكار وصلت لك

وياليت تقرا جميع الردود قبل الرد مره ثانيه علشان ماتعيد طرح خاطئ لشئ غير حاصل او فكره تكررت


وأخيرا الموضوع ياليت يكون عن هذي القضيه ومو عن الرجال الي تكلمت عنه , وياليت مااحد يجيب سيرته تلكموا عن القضيه , هذا نقاشنا

[7_Dark Soul]

Mada Mada Dane:

شفيك يا اخوي

انا ما اعارضك بس حبيت ابين وجه نظر خويك

على العموم ما اعرفكم يا اهل الجبيل

بس عندنا في الدمام مستحيل الشارع الي يطل على الكورنيش يفضى

24 ساعة فيه حركة

حتى الكورنيش ما يخلى لازم يكون فيه ناس و لو شوي

فا انا كتبت ردي على اساس كورنيشكم مثل الي عندنا

في كل الحالات لو انا محل اخوهم والله ما اخلي اختي اذا كانت في عمرهم تسويها

تفشلنا قدام العالم

الا اذا كانت بتتمرجح في منطقة نائية حتى ابليس ما يدلها

[Angel whisper]

من الحين .. اي ردود قوية او فيها اساءة للطرف الثاني بتتتحرر او بتنحذف ..

حطو هالشي في بالكم من الحين عشان محد يتحرطم عليي بعدين ..

nice thread MMD ..

[snorlax]

من الحين .. اي ردود قوية او فيها اساءة للطرف الثاني بتتتحرر او بتنحذف ..

حطو هالشي في بالكم من الحين عشان محد يتحرطم عليي بعدين ..

nice thread MMD ..

يتحرطم !

[asf4ever]

أنا أعرف ناس كثيرين عندنا ماخذين هالفكرة عن كل السعوديين وما يطيقونهم
كل شيء حرام وكل عيب حرام وكل إلي ما عاجبني حرام
وبعدين لما تفكر تناقش واحد من هالجماعة في الموضوع ما يبي غير رايه ومستحيل يقتنع إلا من رحم ربي

الله يهدي الجميع بس..
وشكرا على سدح القضية Mada Mada Dane

[Darkness withiN]

-الســلام عليكم ورحمة الله وبركاتــه-
-أخي الفاضل..شاكرين لك الموضوع وإسمح لنا بمداخلة-


-من ناحية إن ماقام به أمر يخالف الفطرة الإسلامية السوّيه,فهذا صحيح..فنحن كمسلمين يجب علينا الإعتدال في كل شيئ والدين يسر..فلماذا هذا التعقيد الشديد والإتهامات وغيرها مما قام به الشخص-

-إن كان يقول إنها غيره..فليس أشد غيرةً من الذين ألبسوهنّ تلك الملابس المحتشمة-
-إن كان يقول إنه دين..فالرسول عليه الصلاة والسلام كان يسابق عائشة رضي الله عنها ويلعب مع أهله ويلاطفهم-


--


-مسألة..مقاطعته لك وعدم إعطائك الفرصه للكلام,فهذه ليست من آداب الحوار الإسلامي فضلاً عن طبيعة النفس البشرية..أخذ وعطاء::فكان عليك أن لاتعطيه أكبر من حجمه حينما بدأ بالصراخ والمعارضة الشديدة التي فرض عليك فيها الإستسلام والخضوع الإجباري له,فإن لم ينفع التهدئه والحوار الهادئ فصدقني من الأفضل أن تتركه <يفحط بمكانه> وتبتعد عن ساحة الإستعراض حتى لاتتعرض لشئ..أنا أعتقد عذر الأخ إنه ضحيه لهكذا أمور,يعني العادات السيئه هذه نمت وكبرت معه..فعليك محاولة مساعدته وتغيير ذلك فربما يتغير-



--


-كما قال أخي الفاضل بدر..عن محاربة الناس للشيئ الغريب عليهم-
-فعلاً هي ليست من الدين في شيئ ولا حتى من الأخلاق والقيم..لكنها عادات لاتمت لكل ذلك بصلة بقيت راسخة وخالدة ويتم توارثها بين البعض..وحين تفتح تاريخ الإسلام وترى خير الناس فيه لاتجدهم يفعلون شيئاً من ذلك-


--


-كنت أعتقد إنكم مررتم بالقرب من تلك العائلة,ولكن حينما عرفت إنكم كنتم بسيارة زاد إستغرابي وإنصدمت فعلاً-
-مادام البنات مستورات وأهلهم معهن..ما المشكلة؟..لكن أنا مع الأخ دارك سول حول هل ترضى لأحد أن ينظر إلى أخواتك وهن يتمرجحهن..بسبب...إلخ-

-طبعاً لاأرضى..وأكون وقتها <حاسب حسابي>..وبمنطقة لايوجد بها شباب وبعيدة عن أعين المتطفلين,لكن طبعاً ماأعتقد إني بحسب حساب الموساد أو الطيور التي تطير فوقهن؟-




-مع كــل إحترامي وتقديري..في أمان الله عزوجــل-

[Arsene Lupin]

صعب نحكم و حنا ما شفنا الموقف زين..

اذا كان المكان فاضي ميب مشكله انشالله...

بس لو كان كل شوي ماره سياره ولا فيه عالم حولهم... عن نفسي أحسها ميب حلوه اخلي اخواتي يتمرجحون... لأن ممكن يجونك ناس في قلوبهم مرض و يقززون.. يتحرون لحظه تطير العباة ولا شي

[Red Bull©]

قال رسول الله صلى الله عليه وسلم ...((أربع في أمتي من امر الجاهلية لا يتركوهن الفخر بالاحساب والطعن بالانساب والاستسقاء بالنجوم والنياحه))

وهذا الاخ فيه من امور الجاهليه وهو طعن بانساب الناس ...الله المستعان

[moon girl]

المفروض مايتكلم عن البنات ويقول قليلات حياء مره وحده سواء غلطوا والا لا
يدعي لهم بالهدايه مو يتكلم فيهم

انا ارى انهم ما سوو جريمه علشان يقول كذا
بس انا لو كنت مكان هالبنتين كان استحيت وقمت طبعا اذا شفت عندي احد

ومشكور على الموضوع ^_^

[hussien-11]

hussien-11 /

1- أنا الي كنت اسوق
2- البنات مو قدامة أقصى اليسار
3- ياليت اي شئ يكون بخصوص القضيه المطروحه مو الشخص نفسه
4- كلامك مافيه ترتيب مافهمت بالضبط بالرد الاول
5-
البنت تتمرجح ماحاولت تعمل صداقة زي ماتقول =_= ياليت تجيب شئ واقعي , الحين لما تتمرجح يعني تبي تعمل صداقة معاك يالي مار بالسيارة من بعد مسافة !
6-انا فهمتك منك ان معارض الرجال بكلامه , ومعارض امور كثيرة رتب شوي كلامك علشان افهم , كل جملة تحمل شئ مختلف احسه عارض الثاني =_= اسف اخوي لكن مافهمت وجهة نظرك بالضبط !

1-2 أخوي أنا قصدت انه الانسان بشكل عام ممكن يوقع نظره على شي معين ، ليس بسبب انه ما يريد غض البصر لكن بسبب أمر معين مثل السواقة ^^
3 - و أنا كلامي عن القضية ^^
4 - أوكي الان برتبه ^_^
5 - أخوي أنا ما قصدت البنت اللي بتتمرجح ، و لكن سردت تجربة صارت معي ، قصدي انه بدول الخليج معظم الفتيات محتشمات و مؤدبات ، أما عندنا فالعكس تماما هو الذي يحصل ..
6 -

أوكي ^^

أول شي : أنا معارض كلام صديقك طبعا لانه كلام غير منطقي ... إذا ما عملوا شي حرام خلص ما إلنا علاقة .
ثاني شي : أنا انتقدت مجتمعاتنا الشرقية بشكل عام و نظرتها للفتاة و استنكار كل تصرف تقوم به ..
ثالث شي : بالرغم من انك بتشوف تصرف صديقك تخلف ، أنا أشوفه أفضل من الوقاحة اللي بتصير بالبلدان الأخرى الغير خليجية بالأحرى .. يعني هو في النهاية قصد الخير ، أما عندنا بالأردن العكس تماما بيصير ، ما بتلاقي شاب إلا و عنده girlfriend و هكذا ..

أخيرا : ما هو الأسوأ برأيك ، تعليق صديقك الذي أراه بدافع الغيرة بالرغم من كل شيء ، أم مواقف الوقاحة اللي بتصير عندنا و اللي ضربت لك مثال عليها ؟

[Xo0oX]

اخوي , ماني معلق النقاش على شئ يمكن !

وانا متاكد موجود



وبالموضوع انا مااتكلم عن الرجال , أحب اطرح قضيه أكبر وهي الموجودة بالمجتمع



مهما يكون هذا الرجال اعرفه من يوم عمري سنة فبعشرة العمر له معزة كبيرة , وميانه , عموما لو في يمكن بيقطها بوجهي







في فرق بين تجي وحده بوقت الزحمه ولثمه وعبايه مخصره , ووحده مه أهلها بلبس محتشم بوقت مناسب , حاول تفكر شوي ...



واتمنى الافكار وصلت لك



وياليت تقرا جميع الردود قبل الرد مره ثانيه علشان ماتعيد طرح خاطئ لشئ غير حاصل او فكره تكررت




وأخيرا الموضوع ياليت يكون عن هذي القضيه ومو عن الرجال الي تكلمت عنه , وياليت مااحد يجيب سيرته تلكموا عن القضيه , هذا نقاشنا

هلا اخوي ..





المجتمع شوي متشدد زيادة .. خاصة في ناحية العرض..



واحد خويي لما قرا الموضوع قال المجتمع هو المجتمع ماراح يتغير ..



صعب يتغير.. ومهما حاولنا نغيره .. لأن الفرع ما يفرق عن الأصل ..



النقاش مع المجتمع في هذه المسألة للأسف...



عقيـــــــــــــــــم

[rushin_911]

للأسف مثل ذا التخلّف موجود بمجتمعنا وهذا بشكل عام أثر من آثار طريق التعنّت اللي سلكه تحت قيادة المتشدّدين لكن أظن في فرصة للتغيير إذا فعلاً أراد صانعوا القرار ذلك (هم ما يسوّون أي تغيير إلا إن كان له علاقة بدعم قروشهم و كراسيهم - و مع محاولة دخول منظّمة التجارة العالميّة و الترجّي اللي صاير حول الموضوع أظن بيصير فيه تغيير عاجلاً أم آجلاً)

[SNOoOP]

يعني يسوق وهو مغمض ؟ المسألة مالها علاقة بغض البصر ، و الموضوع ما بيشير انه الشاب قليل حيا أو شي بالعكس ..

عموما بالنسبة للموضوع .. للأسف يعود إلى النظرة المنغلقة للفتاة بمجتمعاتنا الشرقية ، ممنوع تاكل ، ممنوع تشرب ، ممنوع تتنفس ، ممنوع ممنوع ممنوع ...

الله اكبر

كل ذا بمجتمعنا الشرقي الاسلامي

وانا ادور بشوارع الرياض كلها يالله القى مكان للعزابيه

كل الخدمات للحريم والا للعوائل

لا ياحبيبي المرأة عندنا محفوظه بحفظ الرحمن لها الحرية بكل شي بشرط الا يخالف الشريعة الاسلاميه

ووالله مادري وش ذا الاسلوب الي يخليك تتهم مجتمع بأكمله انه متخلف بسلوك

شخص كان يدور بشاليه وشافله حرمه تمرجح

والله اعلم بهالقصه (( مع احترامي لكاتب الموضوع))

الحمد لله في مجتمعنا المرأه ماخذه حقوقها في كل شي ماخذه حقها من زوجها ومن عائلتها وماخذه حقها من العفه

بعكس المرأة الغربيه التي ينتهك عرضها ويفرق بينها وبين الرجل في الراتب على نفس الوظيفه لأنها امرأة

للأسف مثل ذا التخلّف موجود بمجتمعنا وهذا بشكل عام أثر من آثار طريق التعنّت اللي سلكه تحت قيادة المتشدّدين لكن أظن في فرصة للتغيير إذا فعلاً أراد صانعوا القرار ذلك (هم ما يسوّون أي تغيير إلا إن كان له علاقة بدعم قروشهم و كراسيهم - و مع محاولة دخول منظّمة التجارة العالميّة و الترجّي اللي صاير حول الموضوع أظن بيصير فيه تغيير عاجلاً أم آجلاً)

بالله

اول شي تكلم عن مجتمعك المحيط بك ان كانه متخلف فأنا ولله الحمد عايش في مجتمع واعي خاصه وانا بقلب الرياض

ولا تعمم

ممكن حظرتك تقولي من هم المتشددين الي تتكلم عنهم

ثاني شي وش دخل التشدد بهالامر اخونا بالله كاتب الموضوع ماحدد ان كان خويه ملتزم او لا

ثما اعرف لك كثير ملتزمين يطلعون ويلعبون عيالهم وبناتهم ولا قالوا شي

====================

اما للأخ Mada Mada Dane

فموضوعك ذا مايستاهل كل هالحجم

اول شي مافيه شي لو البنات لعبوا وهم متسترات مع اهلهم الرسول صلى الله عليه وسلم كان في طريق السفر يجعل القافله تسير حتى يبتعدوا عن نظره ثم يسابق عائشة ...

ثاني شي لا يجب ان نقحم هالشي بانها تطرف ديني او من هالقبيل (( لأن بعض من هالاشكال تلقاه مايعرف ربه حتى ))

ثالثا احرص على خويك انه يتوب الى الله لو قذفهم او سبهم

لقول الله تعالى {إن الذين يرمون المحصنات الغافلات المؤمنات لعنوا في الدنيا و الآخرة و لهم عذاب عظيم }

والسلام عليكم

[Mada Mada Dane]

السلام عليكم


في ردود كثيرة ودي ارد عليها اخواني , لكن في مشكلة هي اني مسافر حاليا لبعض الظروف


ان شاء الله 3-4 ايام وارجع ولي رد اخر ...

وشكر لكل من شارك بالموضوع وطرح رأيه بدون تعصب , كل شخص له وجهة نظر

والاختلاف في الراي لايفسد في الود القضية


نشوفكم اول ماارجع


سلام