تـــخلف =_=

[Mada Mada Dane]

السلام عليكم

كيف الحال شباب ؟ المهم كيف الاجازة الصيفية معكم

انا شخصيا بداية حلوة عزايم وشاليهات وفلة


المهم في امر صار لي امس احب اشاركه وياكم , بس صراحه شئ عجيب ماتوقعت في واحد تفكيره كذا ==__==


المهم , كنت انا وهذا الولد نتمشى على كورنيش الجبيل , الساعه 1 الظهر , كان الكورنيش فاضي مافي غيرنا نتمشى الجو ماكان يساعد

واحنا نتمشى شفنا عايلة جالسة وفي بنتين اتوقع من الثانوي جنب عايلتهم يتمرجحون بالمراجيح , طبعا لبسهم محترم لابعد الحدود عباية واسعه وطويلة ...

المهم توقعوا وش صاروا =_= هذول البنات قلال حياء ومايستحون على وجيهم =====___=====

جلس يقولي كذا كيف يتمرجحون مايستحون على وجيهم قدام خلق الله يتمرجحون !, المشكلة ياليت في احد بس احنا نتمشى وهم جالسين

وهو من الأصل ليش يقزقز فيهم


والله بغيت اضربه , المكشله اجي اتناقش وياه وماخلاني اتكلم ولا كلمة من النوع الي مايسمع للغير , وهو يتكلم بعد يسأل شلون ؟ ازعم محقط ... اجي برد عليه اول مااقول حرف يصارخ لاتقاااااااطعني ==__==

بسم الله عليه وش فيه هذا

جلست اقوله ايه ايه الي تبيه بس الي تبيه , حاولت اصرفه بكافه الطرق جالس يصارخ " لا رد علي ناقشني " , قلت له طيب برد قام يصارخ لاقااااطعني ==__==

بسم الله سألته والله فيك شئ انت ؟ ولا كذا تتكلم دايم جلست ساعتين كذا والله اكسر الخاطر راسي شوي وينفجر , كان معاي Link.P واخوي , شوي ويموتون من الضحـــــــك ....

ولا الأعظـــم " انا متأثر بالغرب والشرق ولازم اقلل انمي لانه اثر فيني " كيف ياترى تقول البنات عادي يتمرجحون

قسم بالله مو صاحي الادمي ===__=== الله يعين الي بتاخذه بس والله كاسره خاطري من الحين





اه ماني قادر صراحه انا شخصيا اخر شئ فقعت ضحك بوجهه قلت له انت مو صاحي والله , رد علي انت الي مو صاحي انت اثر فيك الغرب =_= لاحول تراك عدتها عشرطعش مره عرفنا

المهم ابي رايكم , شئ عجيب صراحه

[ali ali ali]

خخخ صاحبك الله يخيليه لأهله >> بس شكله مُفتي زمانه ..
انا اللي مستغرب منه ايش له بالناس ؟
هو يعرفهم ( قرابه والا شيئ ) >> والا ترى طاش ما طاش ما كذبوا !!

[Xo0oX]

He He He He He


اجل صار تخلف ..

بالعكس ..يمكن غيرة على البنتين يوم شافهم محتشمات ..

مع انه المفروض ما يطالع فيهم .. ولا يسبهم .. ولايقول الي قاله ..

برأي لو ان البنات يوم شافوا شباب مسنترين عندهم وقفوا لعب وتمرجح ..

ارجوا ان رأي ما يكون دخل حدود التخلف ..

ومشكور اخوي على طرح هذا الموضوع ..

[Angel whisper]

هو من ناحية البنات ولو انهم محتشمات احس بعد انهم كان لازم يوقفون لعب يوم مرو الشباب .. مع انه مادري .. من ناحية احس انه عادي بعد ..
بس هو ما كان لازم يتكلم جيه وياك .. يعني معصب ومتعصب لرايه ومب مهتم براي الثانين .. غلط جيه ...
الله يهديه ويهدي الجميع

[Mada Mada Dane]

ههه لا اخوي مادخل حدود التخلف

التخلف انهم صاروا مايستحون
التخلف انه ماخلاني اتكلم ولا كلمه
التخلف اني صرت متاثر بالغرب , خخخ اقرا الموضوغ كامل كيف تصرفه في النقاش حتى
لا ياخذ ولا يعطي معاك
يعني يااخي شوي ويكفخك ولا يخيلك ترد


النقاش أخذ وعطاء , أراء تختلف بدون تغليط رأيي أحد إلا ان يثبت الأمر , ولا يسمى اختلاف بالراي
صراحه الي سواه الي تكلمت معاه عين التخلف , شوي ويضربني وحتى كلام مو مخليني وصاروا قلال حياء =_=

ببساطه الامر اخذ وعطاء وهذا الي يعجبني باعضاء هذا المنتدى

الخلاصه التخحلف باسلوبه بالنقاش

نرجع لمحور حديثنا ...

انا ودي افهم شئ واحد

وش الغلط في كون بنتين , جنب اهلهم , محتشمين , بوقت مافيه احد بعز الظهر , يتمرجحون شوي ؟

وين عدم الإستحاء ؟ هل سوا شئ غلط ؟



غيرة موجودة فينا كلنا , لكن هل الغيرة تعني استعبادهم ؟ حتى لعب مايلعبون وبشكل محترم

سؤال يسدح نفسه

[Mada Mada Dane]

هو من ناحية البنات ولو انهم محتشمات احس بعد انهم كان لازم يوقفون لعب يوم مرو الشباب .. مع انه مادري .. من ناحية احس انه عادي بعد ..
بس هو ما كان لازم يتكلم جيه وياك .. يعني معصب ومتعصب لرايه ومب مهتم براي الثانين .. غلط جيه ...
الله يهديه ويهدي الجميع

تدرين وين مرينا احنا , ههههه هم احنا بالسيارة بالشارع وهم بعاااد عند المراجيح داخل =_=

يعني حتى مامرينا قدامهم بعاد عنهم والله حتى ماشافونا ولا دروا عنى , سيارة مرت بالشارع بعيد ثانيه وراحت

[Angel whisper]

اه لا جيه غير عاد ×_×

مادري وين يبا هذا ..

غلطان في حقهم وفي حقك ..

هو ليش يدقق فيهم ويركز من الاساس ..

دنيا .. الله يهديه

[Mada Mada Dane]

هذا الشئ الغريب مارين بالسيارة مو مشي قدامهم



انا حاس ان الموضوع حساس للكثيرين فاتوقع بيقلب نقاش طويل =_= , فاحبيت اقول بهذا الرد اي واحد بيناقش ياليت يقرا الردود ويعرف وجهات النظر

ماابي واحد ثاني المشكله الرجال عزيز علي عشرة عمر وياه . وللحين هو عزيز علي اكيد علشان مااحد بشك بس قهرني امس صراحه لول

[ODIN]

يا خالد الي يسمع بس جت على هذي بس ؟!



المجتمع كله كذا متعنت متزمت السماحة والبراءة بالشرق وهو بالغرب



اشياء كثيرة ممنوعه مع انها بريئة ولا فيها شي ؟


واذا احد عملها صار خبيث او منحل او مجنون ..



شوف باختصار .. أي شي(( ما تعود ))عليه المجتمع هذا يصير ( خطأ )


وقيس القاعده هذي على اشياء كثيرة .. السخيف منها والعظيم ..



ما يستعملون عقولهم ابد .. ياخي انت اذا جتك شغله جديده تكون اما صح او خطأ ... مررها بعقلك على الاقل شوف صح والا خطأ .. مو على طول تحارب أي شي ما تعودت عليه ؟!





شي بس الواحد يفكر فيه خلاص يوصل من القهر لابعد حدود ...


عن نفسي انا مليت والله مليت ملييييت من كثر ما اتكلم و احارب الشي هذا


شوي واصير ناقم والله ؟!




ياخي بس انا افكر بالبنات الي هنا ... تخيل البنت توصل لل 15 سنه و في امها خير خل تركض والا تناقز والا تلعب ؟!


خلاااص يابنت صرتي مره عيب عليك



مالها فرصه الا اذا راحوا العائله للـ ( المنفى ) الي هو البر ..


بعيد عن كل المخلوقات ... يمكن تقدر تركض البنت وتلعب .. لا وبعد شوف نظرات اخوانها مهما كان بعد ما يعجبهم الوضع

راح يقولون بانفسهم ( اختنا رجه الله يصلحها )


يعني شي يقهر صراحه ويرفع الضغط


انا اعرف عائلات غير خليجيه .. والله ان حياتهم حلوة وبريئة كثير بالناحيه هذي ... يجلسون العائلة لما يطلعون يغنون مع بعض ينشدون مع بعض ويعملون مسابقات ولعب كورة وضحك ووناسه



عمى احنا ان طلعنا زين ان سولفنا وتكلمنا كلمتين ويله يله شيلوا الاغراض بنرجع




اوف اتكلم وبعدين ؟ زهقت ماراح اسكت -___-

[ODIN]

انا حاس ان الموضوع حساس للكثيرين فاتوقع بيقلب نقاش طويل =_= , فاحبيت اقول بهذا الرد اي واحد بيناقش ياليت يقرا الردود ويعرف وجهات النظر
قهرني امس صراحه لول

شوف مثال عملي هذا .. انت ما قلت كذا الا لانك خايف و مقتنع بداخلك ان الامور هذي ما تعجب ربعك الي هنا وراح يقلبون ضدك .. ياشيخ اصبر اذا ما جاك واحد وقال انك مدسوس من الموساد والا تدعوا للفساد والانحلال هههههه

[snorlax]

دقيقة أجل لو كان مشي مو بالسيارة ايش كان قال ...
ثاني شي دائما لمن افكر في اعراض الناس احب احط نفسي في الموضوع
مثلا هل انت تسمح انه اختك تكون في مكان هذولي البنتين ؟

وشكرا على موضوع النقاش

[Mada Mada Dane]

ادون / بالفعل شئ عجيب

وانت حاس فيني ياخي انا قلت كذا حاس بيجي واحد يقولي انت زنديق

يعني انا شخصيا مستغرب , يعني انا امس حاولت امرر شئ بعقله مو راضي مقفل بشكل غير طبيعي
والله ترا بغا يجيني كـــف =_=


سنورلاكس /

ههههه عادي خل اختي تتمرجح

سنورلاكس , ابي أفهم وش دخل التمرجح بأعراض الناس ؟
الي يشوفها يقول تتمرجح ماعليها شئ =_=


شباب معليش بتشوفون اغلاط كتابه كثير بس لو تعرفون كيف الوضعيه الي جالس اكتب فيها بتضحكون

[snorlax]

سنورلاكس /

ههههه عادي خل اختي تتمرجح

سنورلاكس , ابي أفهم وش التمرجح بأعر

آسف ما فهمت سؤالك ...

[Mada Mada Dane]

آسف ما فهمت سؤالك ...

انا الي اسف ترا الوضعيه الي اكتب فيها زفت ظهري انكسر , نقلت كمبيوتري من الجبيل للخبر وماجبت الطاوله فحاطه على الارض , المهم حررت الرد فوق شوفه لاهنت

[snorlax]

هههههههه الوضعية أجل ..
لول التمرجح ماله دخل في اعراض الناس بس القصد انك اذا كنت بتشوف اذا هذا الشي صح ولا غلط تقيس على نفسك مو مثل صديقك بشكل عشوائي حكم عليهم ...
وسلامي للنك بي