مــانجــا ( نــاروتو و المــلاك الأبيض )

[الملاك الأبيض]

الســــلآم عليـــــــــكم

DMC
مشكووور أخوي ... ان شا ء الله

Sander
هلا هلا والله بأخوي العزيز ساندر
شكرا على الرد ... والله التأخر مرات ظروف ومرات كسل يعني أسباب غير ^^
الله يعين الأعضاء المتابعين

[Legendary Dakku]

Back 4 U Angel ^.^,


الصراحه حبيبي شي رهيب لما الـ(( الرسومات الممتازه ,, التلوين الرائع ,, الشخصيات القوية ,, الأحداث المشوقه ,, المناطق الرائعة ))
تتجمع كلها في مانجا واحده هذا هو الأبداع بعينه ... و الصراحة انا لما اقرا المانجا اشوف كل صفحه مرتين
مره اقرأها اتتبع القصه .. و مره ثانيه ارجع عليها و اركز على الرسومات وضعيات الشخصيات و ملامحهم ...
و الصراحه شيئ روعه بالذات المناطق الي يكونوا متواجدين فيها تعجبني مثل الصحراء و مره السوق تبع المدينة
و مره تكون ورائهم قصور مثل الي في البوستر ^^ يعجز اللسان عن التعبير .. عقبالنا ان شاء الله نصير في مستواك
اهتمامك كبير بالتلوين اكيد ياخذ منك وقت .. و كمان ال view تبع الكيمرا دايما حلو و مناسب اللقطات ^^.

====
مشكور حبيبي و آسف على الأطاله و لي رد بعد قليل باقترح فيه فكرة مهمه للموضوع ^^

[Legendary Dakku]

=========
Back Again Angel

----
!! الكل يقرأ هذا الرد رجائا لصالحنا !!
----

طيب الان ودي اتكلم عن الموضوع هذا نفسه ... الصراحه انتو الأعضاء ماعطينه اقل من حقه وكمان انا معاكم بس تعرفون يد واحده ما تصفق ..
الموضوع هذا مب مجرد صور مانجا و بس ... هذا الموضوع (( رسم , و تلوين , و تصميم شخصيات , و قصة , و احداث ))
و نحنا ماعطينه اقل من حقه والله .. يعني شوفوا الردود اغلبها(( مشكور يعطيك العافية و ننتظر التكمله يلا بسرعه))
مع الحترامي للكل هذا مب الرد الي يستاهله الموضوع ..


طبعا الحين كل واحد بيقول "وش نسوي" او "ايش نكتب يعني يا دلخ " و "تراك اذيتنا بفلسفتك انت" خصوصا ساندر الدب
انا بقولكم فكره حلوه تنونس بيها و هم نفيد ملاك مبدعنا ^^

نبدأ بالأفكار ...


اولا :: الي يعرفون بالرسم و التلوين يحاولون يقولون ايش الي ما عجبهم بالرسم او التلوين ,, مثال ::
- ابتسامة انجل في الصفحه ( كذا ) مش مضبوطه او ما تدل على الحاله الي هو فيها ..
- التظليل في المقطع الفلاني في الصفحه (كذا) متناقضة مع المشهد الي قبله مع انهم ما تحلوا من مكانهم ..
- يا ملاك حاول تزيد من مؤثرات ال motion في المقطع الفلاني
(( و هكذا ... "طبعا هذه امثله" ))


ثانيا :: هذه النقاشات للكل وهي ان تنتقد شيئ ما في القصه ,, مثال ::
- يا ملاك الله يهديك المفروض تخلي ناروتو ينضرب اكثر عن جد لأنه متعود على الضرب زي الحمار ..
- الشرير ما اخذ كفايته من الضرب و انهزم بسرعه المفروض تخلي القتال اطول ...
- ملاك حبيبي حاول تخلي المانجا مب بس مجرد رسم نريد استراتيجيات في القتال ...
(( و هكذا "طبعا هذه امثله" ))


ثالثا :: هذه النقطه لنا احنا ^^ بحيث نتناقش الأحداث بيننا و نستفيد منها يوم واحد ما فهم نطقه او احد منا ما تابع بليتش او ناروتو ,, مثال ::
- اووه حلوه هذي الحركه يوم لافي يخنق جعفر و يغمسه في الأرض ..
- ياااااه كيف قدر لوفي يتعالج بسرعه اكيد هذه من قوة فاكهة الشيطان ...
- ايش سوى هذا ناروتو الغبي T_T الحين صار مع ربعه في ورطه يا ترى بشو يفكرون الحين ..
(( و هكذا "طبعا هذه امثله" ))


بس هذي الي عندي انا شخصيا ... و طبعا هذه الحوارات مب محصوره في النقاط الي ذكرتها ... هذي بتتولد منها حاوارات اخرى
و بعضنا راح يرجع و يذكر مشاهد من الأنمي عشان يفسر المقطع الفلاني ... و كذا متعه اكثر و اكثر ..
و في نفس الوقت عشان ماحد يتملل و هو ينتظر .. و ملاك ياخذ راحته بالرسم ..


آسف على الأطاله ^^ و ياليت تهتمون بالنقاط الي ذكرتها و ما يروح كلامي في الزباله .. ولا شو رايك ملاك ؟

Ciao

[Legendary Dakku]

Back Again Angel

"ادري مليتو مني بس والله مب مطول"

^^" بغيت اقولك انا عندي مشكله مع صور صفحات المانجا .. لأن انا عندي Quad Screen و الرزلوشن عاااااااااااالي فتطلع الصور صغيره و تعور عيني لما اقرا T_T

فلو سمحت مره ثانيه تخليها اكبر شوي ^^ لو كبرتها ما بتظر احد بلعكس الا بتنفع اكثر ^^

Ciao

[الملاك الأبيض]

الســــــــــــــــــــــــــــلآم عليـــــــــــــــــــــــــــــــكم

اهلا أهلا بالعضو العزيز Legendary Dakku

شخبارك وينك ما تبين هالأيام ... زين انك دخلت هالموضوع ^^..

والله تبغي الصراحة ... كلامك كله أبهرني وما أدري شو أقول الصراحة

والله انا أتمنى ان الموضوع تصير فيه نقاشات وتعليقات سواء على رسمات أو على أحداث أو غيرها

مثل ما قلت أخوي الكل بيستفيد ... وأنا أولكم أكيد ... وأرجوا ان نصايح الأخ Dakku ما تضيع مثل ما قال ^^..

ولا يهمك أخوي Dakku ... الأعضاء فيهم الخير أنا ما قصدت شي لما قلت محد يرد ^^..


بالنسبة للخط .. ان شاء الله أخوي Dakku ... يمكن أكبر الخط أو أغيره لأني أكتب بخط Tahoma يمكن أغيره لـ Arial

[Legendary Dakku]

بالنسبة للخط .. ان شاء الله أخوي Dakku ... يمكن أكبر الخط أو أغيره لأني أكتب بخط Tahoma يمكن أغيره لـ Arial

^^"

والله ما اعرف شو اقولك ,, مشكوور و ما تقصر يالغالي ^^

.. بالنسبه للمانجا المشكله مب بس النص .. حتى الصور تطلع صغيره ^^" فلو تكبر الصفحه كامله كل

شي بيصير فيها تمام ^^"

----

و ان شاء الله بس من الحلقه اليايه راح نناقش ^^

و عيدك امبارك ما ندري اذا بنشوفك في العيد او لا ... فنستبق الحدث احسن من نتأخر عنه

[الملاك الأبيض]

الســــــــــــــــــــــــلآم عليـــــــــــــــــــــــــــكم

أخوي Dakku
شكرا جزيلا لك وعلى اهتمامك
بس ما أقدر أكبر الصفحة أكثر من جي ... لأن الحد الأقصى للصورة 390 ك ب
فلو كبرت الصورة لازم أضعف مستوى الريزوليوشن ... فالألوان والخطوط بتصير مب واضحة
يعني سالفة طويلة والله يستر ^^
وعييييدك مبارك (متأخر أدري )

وهذي التكملة ... يالله شدوا حيلكم في النقاش ^^
وأبغي رايكم في الأحداث .. وبملاك خاصة

[DMC]

تسلم اخوي على التكملة ^_^
النهاية

[sensei]

السلام عليكم ورحمة الله وبركاته
كيفكم اخواتي واخواني ؟؟؟ وكيف يا ملاك؟؟
التكملة رهيبة ما شاء الله عليك وهالجزء مشوق اكثر من كل الاجزاء اللي سبقته واحنا ننتظر التكملة
الرسم كل ماله يصير احلى والتلوين بعد تسلم اليد اللي رسمتها
يالله نتمنى لكم كل الخير ومع السلامه

[Arigato]

................ :: السلام عليكم :: ........................


مشكور أخوي على التكملة ....................

و بالنسبة حج ( ملاك ) ( coooooooooooooooooooooool ) .........

و سؤال :- إدورد ليش راح أو ما حطيت في التكملة ؟؟؟

و إللى الأمام دائما ............ و أتمنى لك النجاح يا أخوي العزيز ( ملاك )

و شكراااا .............. أخوكم ( Arigato )

[L.Z.N.Y.S]

مشكووور خوي ملاك والى الامام

[88_Shadow]

واو مالاكون باين عليها حلوت المانجا بس انا ما فهمت شي لاني مفوته علي وايد صفحات بسبب الدراسه .,,><
لكن شكلها حلوت ^^
زادت الشخصيات .. و انا ما اعرف الحين شفتها بس :::
ما شاء الله عليك

[Lenalee Lee]

السلام عليكم ورحمة الله وبركاته..
كيفك أخي ملاك؟؟؟ ^_^

من زمان مادخلت في الموضوع XD

ماشاء الله عليك...الله يحفظك حمستني وخليتني أرد حتى قبلما أشوف المانجا XD

بس طبعاً أنا أعرف إنها رائعة من غير تعليق ^_____^

يللا ننتظر التكملة وأعذرني على التأخر في الرد...

مع تحياتي..
Ms.Rose

[L.Z.N.Y.S]

يالله ملاك نبي التكملة وبسألك ون اختفى ادوارد ايرلك ( full metal) يالله نب نعرف سالفته بعد وتستحق الترشيح

[vincent doc]

wooooooooooooooooooooooow

ما شاء الله

خطييييييييييييييييير هذي الفكره

انا ارسم مثل رسمك تمااااماً

لكن ما اعرف الطريقه اللي تلون فيها الرسم كي

ما شاء الله

ودي اعرف كيف تلون كي حتى اتخداك بشخصيتي ( سورا او sora ) هذى اذا عرفت الونها

عندي رسمات كثيره و شخصيات كثيره كلها من خيالي

لكن انت تعرف بعد ان المشكله ما اعرف استخدم برنامج الفوتوشوب

هل انك ترسمها على ورق وتلونها في الكمبيوتر ؟ او كيف

حيرتني .......................... و ودي القى الحل عندك

ما شاء الله

القصه رائعه و فكرت انك تجمع شخصيات الكرتون كلها حلوه هي بعد

رسمك حلو و مرتب و مدهش

في الختام

............. انتظر التكمله .............

See u soon

bye