اش له ممكن تعزوني في ابوي ..او تعزوني بملاك بهيئة بشر... بفضل الله علمني ورباني وكساني واواني وحماني ورعاني وهداني وهناني ومن خيره عطاني.. فرحني وشال احزاني .. وعن جراحي داواني ... سهر الليل بطوله .. وخلاني بالعالم الاولى .. وخله كل العز في بيتي ... وخله اكبر فخر انك كويتي.. كفاية انك يوم ما انذليت وانحنيت.. ولغير ربه وغيره ما شكيت .. رخص عمره وتعب حاله .. عشان ارضه وشقى عياله...خلا لك ربع في كل عالم وبيت .. وخلا الكل يقول الله يا زين الكويت.. فيه تحسدوني وهم تعزوني
بس خلوني أطمنكم ما في شي انكسر...لأن ابوي علمني أصير أقوى من القدر.. وأكمل وأتابع وأنتصر .. وأعمر طريج السعد بالسعد.. ويكبر بيتي شويه شويه .. وأظل كويتية ... ما أغتر وأكابر ... بس هذا كله من حب بابا جابر
ايمان نجم
مشاركة: ليش تعزوني في ابوي
