RedBull

[FARES360]

اي موضوع عن المشروب البايخ المنتشر هالأيام وخاصه النوادي..
هالمشروب الي أسمه ردبول وعلامة الجوديه " بيعطييك أجوانييح "
سألت اكثر من واحد شربها يقولون .. انه هذا يصحيهم ويعطيهم طاقه
فعشان جذي أسمه energy drink
redbull فيه أشاعتين أنتشروا عنه ...
انه ييب السرطان في العضو الذكري
وبعد انه فيه نسبة قليله من الكحول ؟
والله أعلم .. بس المهم بأن انه الناس تتكلم انه يعطي طاق ومادري شنو ...blah
انا نوعي ما أصدق الشي الا لما أجربه فقلت أشتريلي أثنين .. مع انه سعره شوي غالي بالنسبه لباقي الغازايات مثل البيبي والسفن ألخ ... but u know cuz its energy
..اول ما بطلته .. ريحته جنه علج قديم طايح حضه ( نفس العلج القديم بو 25 فلس )
اي قلت أجربه .. شربت شوي يعني شوي..طعمه دسسسكوستنج ... بس ما ياتني لا طاقه ولا شي .
قلت أكمله لي النص ... ونطرت ..بديت أحس بدوخه شوي وكسل أكثر ...
المهم الزبده انه الطاقه الي يقولون عنها كله " bulls*!t " .... لا ياتني طاقه ولا شي ..الا بالعكس صار فيني النومه
والعجيب انه وحده قالت .. من الجيران انه هي سألت الدكتور وقال انه هالكلام صج انه هالشي يعطي طاقه فعلا
يعني شمعنه على جسمي ما ينفع؟ or am too anorixic to accept that effect ..
اي المهم حبيت أصور نفسي واسوي دعايه حق الشراب ..
معلومه : جربته مرتين ..المره الثانيه كانت للتأكيد .. اذا بترد علي هالحاله ولا غير ...بس هم مافي فايده هههه قالو طاقه قالو ...
أبي رأي ألي جربو هالشراب ..ويقولنا اذا كان من المدمنين واذا كان يعطي ((طاقه )) فعلا...

[القــعـقـاع]

علج

احسبك تقول علج مثل ما يقولها " الصحاف" ^^_

المهم هو..

هو يعطيك طاقة...لكن بشكل ادق ريد بول مليان كافيين فتاثيره يكون عصبي يعني " منبه " شوف رد فعلك على القهوة و الشاي و قارنها بالريد بول...

احسن شي بالريد بول اول ما اشربه احس بقشعريرة في نهاية فكي من جهة الخد...

[Angel- lady]

لووول ..

أذكر مرة كان عندي امتحانين ورا بعض ، بعد ما خلصت أول أمتحان و رجعت البيت شفت دعاية عنه ، فقلت أجربه ، عشان ما أدوخ لأمتحان إلي بعده ...

المهم -_- .. بعد ما شربته ما أحس إلا أنا فيني النوم !... وين الطاقه و ين الخرابيط ، حطيت راسي على المخده و نمت ، فقلت أنا فعلاً عكس الناس الحمد لله و الشكر @@ .... بس زين طلع واحد مثلي

[Classic Evil]

خذ لك فيتامين سي أصرف لك , ويسمونه برواية أخرى أورنامين ..

تصدق هالبل الأحمر واحد قالي : أنه اذا تباه للطاقة يعطيك طاقة .. وإذا تبا للنوم يعطيك منوم ؟؟ <==(حشى زمزم؟!)


بس يمكن هو يعوض الطاقة المستهلكة والسعرات الحرارية , مب يقوي ولا شي .. هذا القصد ..


بس طعمه ما عيبني مولية ..

[Yamato]

لما تكون عندك شغلة اشربه.. مب تسير تشربه وبعدين تقعد في مكانك -__-

انا كنت اشربه عالخط احيانا بعدين حولت على باور هورس.. ولما سمعت انه الاثنين فيهم كحول (الله اعلم) طبيتهم.. وقمت اشرب اورنامين سي..

ياخي بشكل عام يقولون انه كل المشروبات الغازية فيها كحول.. صدق هالشي

[kirby64]

جاتني فتره ادمنت على ريد بول..مو عشان طعمه المقزز طبعا XD , علشان كنت اصحى قبل الأمتحان اراجع ..

و انا من النوع الي ما اقدر اراجع وانا فيني النوم @_@ فقلت اجربه ..

و صراحه احس انه ينشط *_* , لكن بعد ما سمعت اشاعات انه يجيب سكته و تساقط الشعر ..الخ

حولت لقهوه XD ..

مع انه سعره شوي غالي بالنسبه لباقي الغازايات مثل البيبي والسفن ألخ

فيه Power play ..ارخص -energy drink- موجود ..@_@ ريالين بس <<---خبيره .

[! غــريــب !]

مره شميَت ريحته طلعت كانها ريحة شراريب
رضا تكر بعد مباراة الأهلي

وماقد جربته أبد ..

عموما كل فتره أطبح في شئ معين واللحين

جاء الدور على الكاديه الأخضر

ياخي بشكل عام يقولون انه كل المشروبات الغازية فيها كحول.. صدق هالشي

وأنا أقول ليش العم فتحي هذاك اليوم ميت ضحك

ويسولف مع الكورولا حقته

كل السالفه طلعت من علبة السفن أب

xXpainfulltrapXx إذا اكتشفت الطبخه علمنا معك

يعطيك العافيه ,,

[Prince Of Darkness]

السلام عليكم

بالنسبة إلى شربته مرة وحدة بحياتي -__- :

في العطلة الصيفية السابقة كنت بشكل شبه يومي أروح على نادي كمال الأجسام وألعب حديد ، بعدين بروّح على البيت مستوي وحالتي حالة وبنام طبعا -______-

مرة بعد ما خلّصت تمرين قلت خليني أجرب هالريد بول ، أشوف شو بدو يصير ، المهم بعد ما شربتها بفترة وجيزة حسيّت بطاقة مش طبيعية ،، خخخ والله ما بمزح ، وما كنت مستهلك كعادتي ونمت -_-" ، بالعكس كنت نشيط جدا جدا على الرغم من التمارين القاسية اللي قمت فيها

هذي المرة الوحيدة >< ،، هههه ممكن كانت شغلة نفسية مش أكثر T_T ، بس هذا اللي صار XD

طبعا ما داومت على شرب المشروب لأنه غالي الثمن :P وما ارتحت له ( في إشاعات حوله XD )

مشكور أخوي XD

[OctoBot]

انا أوفاق Prince of Darkness, الشغلة نفسية, و لا حياتي صدّقت مشروب الطاقة, شي يضحّك, خذلك حمام بارد و تنبسط آخر امبساط ما يصير ريحتك علوج و لا شراريب, و لا تذوق طعمه اللي كأنه فيفادول بالهيل.
و أنا أعتقد يعني ( و هذا محض اعتقاد ) انه قد يعتبر supplement لكن فقط للي يسوّون Heavy Workout, يعني مو إيروبيكس و لا سباحة و لا جري, أعتقد بس يشتغل مع الحديد و لازم تشربه قبل التمرين مو بعده, لأنه يخليك ما تتعب, لكن هذا شيء غير صحّي, التعب ضروري, لأنه هو يدلّك على المستوى اللي تقدر توصل له بطبيعتك.
و بعدين هذا تقدر تسمّيه حقنة كافيين, و الكافيين يخفّض مستوى السكر في الدم ( أنا عندي داء السكري, و هذه المعلومة غير قابلة للنقاش ) و التمرين يخفض مستوى السكر كمان, عشان كذا, لو شربت واحد و تمرّنت مدة طويلة, قد يحصل عندك انخفاض شديد و قد تدخل في إغماء قد يؤثر على المخ و يسبب الدخول في غيبوبة طويلة أو الموت لا قدّر الله, عشان كذا لو بتشربه, خذ معاك حلاوة مصّاص و لا علك ( ليس علك إكسترا و لا نوفا, و لا أي علك خالي من السكر, تأكّد إن الحلاوة اللي تاخذها فيها سكر ) عشان توازن مستوى السكر عندك.

[rubso]

انا شربته مرة .. وما حسيت فيه فرق بينه وبين البيبسي -_-" .. ماله داعي ينزلونه بالسوق اصلاً، 300 فلس على شنو؟!

[Arnegrim]

انا عمري ما شربتة ولا بشربة لأن شكلة ما يشجع >.>
يقولون ان الأورنامين سي ينشط بس انا اشربة و أنام T_T
لكني اشربة دائما لأن طعمة حلو ^.^

خذ لك فيتامين سي أصرف لك , ويسمونه برواية أخرى أورنامين ..

الغرشة الكبيرة الى بـ3 دراهم غلوها و صارت بـ4 دراهم T_T
الصغير بعدة بدرهمين و نص و انا افضل الصغير لأني احس ان طعمه احلى

ياخي بشكل عام يقولون انه كل المشروبات الغازية فيها كحول.. صدق هالشي

نازي مود تقولي ان كل المشروبات الغازية فيها غازات و لهذا لازم تشرب غرشة بيبسي وحدة كحد اقصى في اليوم الواحد
انزين المياة الغازية مضرة ولا لا؟
صدق فيها غازات

[DeadLy_]

it sux... nothing special in it

[بو ضاري]

it sux... nothing special in it

redbull girls

عندنا بالجامعات يجيبون مندوبات مبيعات بوسط الجامعه شاييلين جنط فيها هالمشروب وينقعونهم بالشمس عشان

يتصيدون الطلبة ويقولوا جربوا هالمشروب

ياجتك المندوبه تقول مشروب الطاكا ..القاف مو موجوده بقاموسها.. المهم ..

فضول مني رحت وقلت عطينا واحد ..

هذي المرة الوحيدة اللي جربتها فيه وبالاخير رحت الطبيب قال عندك اس ..والا بلاش اقول >.>

[BIG-M]

مجلس الشورى يقترح بيعه بوصاية طبية ... و البصيدليات بس

بس قصة انه فيه كحول .. هذه غلط 100 % . علشان كذا عاملين هيئة المقاييس و الجودة ..
و بما انه حكومتنا الرشيدة على منهج القرآن و السنة .... في حديث عن الرسولو صلى الله عليه وسلم يقول بمعناه .. "الخمر اذا كثيره حرام فقليله حرام" .
تعرفون انه الادوية لفيها كحول ممنوعة ... كيف مشروب طاقة ×___× ..

[SNOoOP]

ياخي والله خرابيط يعني ظنك انك بتشربه وبتصير سوبرمان يعني

الا بيملا كرشك وبيجيك غثيان وتحس بدوخه وبتنوم

الربيع بردقان ابو ريال وبس .........