الأنتخابات بالكويت ..

[FARES360]

بسم الله
شلونكم شخباركم ..شمسوين ؟
في هالموضوع حبيت اتكلم عن الظاهر الي تفشل صراحه .. " money talks "
هي الدائره المنتشره تحديدا في الدوائر الأنتخابيه ..
وسالفة بيع الصوت .. في كلم حاظفة حسب علمي ..فيه دائرتين ..بمعنى شخصين ..
ما علينا .. وشفت الأسعار المغرية ..الي يشتري صوتك ب700 دينار .. او اكثر او أقل مادري ..
لنه أحنا مالنا علاقه بهالموضوع ..لنه لا نفتر بالدوائر ولا نعرف احد فيهعم فما يحق لي اصوت حق احد ما اعرف عنه
ومن ناحية ثانيه انا ما وصلت سن 21 فما يحق لي التصويت , حتى لو ما أضن بصوت ..عشان جم خرده :أفكر:
بس الي قاهرني بالموضوع الكويتين ..الي يصوتون بس عشان جم دينار .. عن ابو دارك مو شايفين خير ؟ ..الحمدلله احان بخير.. مو حرام عليك تبيع صوتك حق واحد مو لصالحنا ..ويمكن اصلا ما يستاهل الصوت .. بس انت تصوتله عشان يغريك بجم بيزه .. والله مالت عليكم ...
المفروض تصوت حق الي الي فعلا يستاهل النخب ...بس الي اشوفه الحين ..انه الناس تركض ورا مصالحها الماديه
بمعنى " الي يدفع اكثر ..نعطيه الصوت " .. بسأل سؤال صريح .. انت مرتاح من هالوضع .. ترا الكويت مو للبيع ..
للأسف يعني ..عدد كبير من الشعب يراكضون ورا هالشي..
انت لما تبيع صوتك حق واحد ما يستاهل النخب ..معناته قاعد تذل بلدك ونفسك ..
لا تنسى ان هذا المال الي تأخذ مال حرام :أفكر: (( الله يراقبك ))
عالعموم ..اللله بيحاسب كل صوت بالأخره ..
طبعا ما ألوم الكويتين كلهم ..لنه فيه ناس فعلا كويتين بمعنى الكلمه حب ووفاء للوطن ..
بس عدد كبير منهم ..يدور مصلحته الماديه .. وعلى فكره فيه وايد عوائل ..نعرفهم قالولنا نروح نصوت ..بس
الحمدلله محنا منزلين من مستوانا ..عشان نأخذ جم بيزه ..تراها فلوس وتروح ..والنخب احتمال ينقلب ضدكم

عالعموم نقلت قصيده واحد كتبها في الجريده قلت احطها لكم بعد ..

تبيع صوت وترهن نفسك يغريك المال يا وفي
تصوت للشخص لو كان عدوك دامه بيدفع واهو مكتفي
نسيت الكرامه وين عزتك اضن الصوت للأفضلي
حرام انك تمحي صورتك وانت قدوة للمستقبلي
ترى والله ما ينفعك المال لي صثار المنصب للأسواي
صحييح القرار راجعلك لكن.. ما توصل للرشوتي

ادري انه الموضوع تأخر .. لنه سكروا الأنتخابات ..وحاليا ناطرين النتايج ..
سمعت اشاعه انه ..فيه سحب جنسيات للي يبيع صوته مقابل فلوس أتمى لو كان صحيحه ..لنه فعلا ما تستاهلون ومو كفو! !!
تبيع دولتكم ..تبيعون نفسكم .. ..


دعايه خارجة عن الموضوع :: " اليوم بالمرينا فيه استعراض مائي او djs او laser show ... أمس فرقة army of one كانت موجوده ..واليوم مادري منو بيغني..العموم بيكون من الساعه 5 لي 10 بالليل ^^" حياكم .. نبي زحمة أكثر لوول ... ::

يالله سلام عليكم ...
أترك الأراء لكم ..

[DeadLy_]

انت لما تبيع صوتك حق واحد ما يستاهل النخب ..معناته قاعد تذل بلدك ونفسك ..

agree!!!!!!!!!!!!!!!!!!!!!!!!!!!!!!!!!!!!!!!

[hitler is back]

انا مانيب كويتي فما لي دخل بالموضوع

لكن في واحد قاهرني وحاط دعايات بالART اتوقع...بكل مكان اشوف له دعايات اظن اسمه بوخمسين او شي زي كذا

اذا كان كذا مسوي بالتلفزيون اجل وش مسوي بالكويت نفسها...تخاف تمشي يكون على ثوبك دعايه له:أفكر:

[*STEVE*]

انت جذي فروس

والله حرام الي يسوونه الي يبيعون اصواتهم لأشخاص ما يستاهلون

صج ممكن لبرهه تتخيل نفسك جنيت المبلغ الي يعطيك ياه المرشح

بس...البلد اهم من الفلوس...الله يعينا على هل ظاهره المنتشره

و لو صج كلامك انه اي شخص يصوت بفلوس تنسحب جنسيته...فأنا مع هل قرار

[SFS]

بالفعل الوضع مصخرة عندنا..

وايد ناس تبيع ذمتها لأجل مبلغ تافه..

وكثير من الفتاوي أثبتت حرمة هذا الشي..

يعني لو تقسم المبلغ الي يشترون فيه الأصوات على الأربع سنوات حق النائب..

يعني تطلع حق الي باع صوته 300 فلس باليوم تقريبا ..

وللأسف ما كملت 21 سنة..انتخابات 2010 راح نصوت فيها ان شاء الله..اذا اللع عطانا عمر..

والحريم بما انهم يشاركون للمرة الأولى..فشراء الأصوات بطريقة ثانية..

يقولك في مرشح مستورد 500 جنطة من ايطاليا يبي يوزعهم على حريم الدائرة..

وهم يعطونهم جنطة وفيها 1000 دينار..

والمضحك المبكي في ندوات المرشحين.كلامهم يا عن الفساد..يا عن المرأة..

مع انهم اكبر المفسدين..

صج ما قلتلي يا xxpainfultrapxx أنت تابع لأي دائرة..؟؟

أنا الدائرة الرابعه : الشعب والدعية..

[FARES360]

العاشره

[Son_OF_Liberty]

اليوم على قناة الراي ببرنامج الشيخ نبيل العوضي يتكلمون عن هالموضوع

المصيبه انك تنظر للمرشح مامعه حتى شهادة ثانويه ولكن للأسف بصوته مشتري اكبر عدد من الناخبين

الله يعينكم

[GrassHopper]

والله صاج بكل كلمة قلتها ..
أنا باط جبدي بعض هالمرشحين اللي كل يوم طالعين بالتلفزيون ويتكلمون عن الفساد وشراء الأصوات ... وإنهم يبونها خمس دوائر .. علشان يكون شراء الأصوات صعب .. وهم نفسهم أساس الفساد .. ومستعيد يدفعون أي مبلغ علشان يشترون أصوات الأوادم .. شنو هالتناقض

يلا .. الله كريم .. إن شاء الله .. يطلع بين هالمرشحين واحد يبي مصلحة الكويت والشعب .. مو مصلحته ومصلحة جماعته +_+ ... بسكم بووووووق ياناس بلايين الكويت بدال ماتنصرف على الدولة والشعب تروح لمخابي هالحرامية ... الله كريم .. مثل مافي فاسدين .. في ناس صالحين يعرفون ربهم ^^

يلا كل واحد يقول هو من أي دائرة ؟؟ .. لوووول ^^

أنا من الدائرة 11 ( اليرموك - بيان - الخالدية ) .. وبيني وبينكم ماأعرف كل اللي مرشحين أنفسهم بالدائرة .. ولا أبي أعرف .. لوووول ... لما أكمل 21 .. يصير خير ^^

[Black Rash]

عاشت الدكتاتوريه......هنا مافي انتخابات ولا عوار راس

[Angel- lady]

أنا وحده مريحه بالي لا انتخابات لا تصويت و لا عوار راس... انتخابات الجامعة و زين أشارك فيها XD ...

و عن بيع الأصوات أنا أسمع فيها ... و إلي ضحكني مره خالتي تسولف عن واحد باع صوته سافر فيهم و بعدين راح العمره XD ... الحمدلله و الشكر

[Trapped Inside]

مب السياسه كلها كذا ؟

[SFS]

مب السياسه كلها كذا ؟

لكن تختلف لما تكون بمجلس منتخب من قبل الشعب ..

أي الشعب صاحب الكلمة والقرار في اختياره..

[Al-7ussaini]

أخوي بتقولهم حرام ؟

الاغاني حرام والناس مو هامها تسمع و يعطونها اهتمام اكثر من القرآن ..

عوايل ترضى عيالهم و بناتهم يطلعون مع غرب و يقولون مراهقه لا اكثر ..

الموضوع الحين فيه فلوس .. عبالك بيقتنعون بالفتوى ؟ ولا بيهمهم اصلا ؟

الله كريم يخوك والله الديره ماشيه عالبركة بس الحمد لله عندنا مجلس عالأقل يكون فيه 15 شريف و 35 حكومي داشين المجلس بفلوس الحكومة ..

انا صوتي بالدائرة الثامنة " مشرف - بيان " بس ساكن بالقرين و عندنا تقريبا عالأقل 3 مرشحين حكوميين بهذي الدائرة وبشكل علني و يبيعون أصوات و فوق هذا الناس تصوتلهم مثل الهمج لأنهم يمشون مصالح و هالناس يبون مصلحتهم مو مصلحه الديرة ..

و الله على ما أقول شهيد

[SFS]

أخوي بتقولهم حرام ؟

كما قالها المصطفى عليه الصلاة والسلام: لعن الله الراشي والمرتشي..

[Mista Koo]

هلا فروس ^^
للأسف أنا مو بالكويت ولا عمري 21 ولا كان مثلا اتفقت أنا وربعي ولا عيلتي...
هم جم مرشح؟؟ 15؟؟ 20؟؟
أتفق أنا وكم شخص من أقاربي أو أصحابي كل واحد يبيع صوته لواحد بيصير لكل واحد صوت واحد زيادة فما بتفرق شي XD
It's Fair Isn't It؟؟ وبعدين 1000 دينار تسوى P=
بعدين كان عندنا انتخابات قبل كم سنة ونفس الشي معبين الشوارع وجي بس مدري كان أكو بيع ولا لا