يوجي ناكا والدكتور الهندي

[Yuji Naka]

اليوم قابلت دكتور قوي الصراحة...
ماقد شفت مثله أبد...

تدرون وش اللي صار بينا؟!!

اليوم في الصبح الساعة عشرة تقريباً ، رحت للمستوصف اللي بجنبنا المهم يومني دخلت عطوني ورقة فيها معلوماتي "الاسم والعمر ورقم الملف و...الخ " المهم يوم خذيت الورقة رحت للغرفة رقم 4 ، طقيت الباب "طق طق" وفتحته وقلت "السلام عليكم" ، المهم الدكتور رد علي السلام وطبعاً أنا أعرف الدكتور هذا لأن الله يهديه مقروشني "يعني مطفشني" ، والدكتور هذا هندي وطبعاً يومني دخلت عليه قلت "ياليتني مادخلت عليه ورحت لدكتور ثاني"
المهم أنا جلست وعطيت الدكتور الورقة ، وخذا الورقة هو عشان يشوف الاسم ويسجله في الكشف عنده ، وطبعاً هو بالياله عرف يقرا اسمي >___< قالي اسمك "****" ====> طبعاً هو ماعرف يقرا اسمي ، قلتله "*****" ، بعدين قال "آه صح" -___-

بعدين ، قالي "اشفي إنتا"؟ ===> يعني وش فيك؟
قلتله "صدر وكحة ولوز وزكام وحرارة" باختصار "ربو" قالي "اها" ، وبعدين قال كلام مدري وشهو وقلتله "هاه؟" O_o بعدين قالي "هو يجي إنتا وأنت صغير؟" قلتله "ايه" ، بعدين قلتله عطني ورقة للبخار عشان يحطونه لي ، والمشكلة إنه ماعنده أوراق قعد يقلب في المكتب ومالقى ورق ، ماعنده حل إلا إنه يكتب على خلف الورقة اللي جبتها معي "يعني المفروض يكتب فيها العلاج" ، وقالي خذ حط بخار وارجع عشان أشوفك وأوصف لك الدواء

المهم ، رحت للغرفة الأخيرة عشان يحطونلي بخار ، طبعاً البخار حقهم منتهي ، بلا اشتغل 10 ثوان وخلاص مايطلع بخار طبعاً بعد دقيقتين طفيت الجهاز هذا حق البخار ، المهم بعد ماخلصت خذيت الورقة ورجعت للدكتور نفسه ، طقيت الباب "طق طق" وقلت "السلام عليكم" ، رد السلام علي قلتله البخار وحطيناه باقي الدواء ، قالي "إنتا اش قول لي في إنتا؟" قلتله "صدر وكحة ولوز وحرارة وزكام" قالي "إنتا في حرارة؟" قلتله "ايه" قالي "خذ ورقة ورح سو كشف حرارة" عاد أنا قلت "ياالله وش أسوي معه الحين؟">________<

ويومني قمت من الكرسي قلتله "خلاص مافيني حرارة ، ماأبي دواء حرارة ولاكشف " والدكتور في ذاك الوقت ارتاع قالي "ليه؟" قلتله "خلاص مب لازم" ويوم جلست كتبلي الأدوية ، ويوم كتبها قالي "خذ ورقة ورح صيدلة وجب دواء عشان أشوف أنا ، لاتروح بيت! أول شي جب دواء أشوف بعدين في روح بيت" >_____________________<

قلتله "شكراً" وقالي "عفواً" وطلعت أجيب الأدوية طبعاً يوم رحت للصيدلية الظاهر اللي كان فيها نايم ، عاد أنا في ذاك الوقت كنت معصب وأخبط بالدريشة "نافذة" حقت الصيدلية "طع طع طع" الرجال الله يستر عليه قام وهو خايف وخذا الورقة مني وعطاني الأدوية ، وأنا خذيت كيس وحطيت فيه الأدوية ، وبعدين دقيت مشوار لغرفة الدكتور الهندي حسبي الله عليه >________<

قلتله "هذا كلو دواء ، تمام؟" ، الدكتور خذا الكيسة قاعد يفتشها ويطلع الأدوية وأنا قاعد أقول في نفسي "سلامات؟ ترا الكيسة كلها أدوية ، لايكون فيها كنز وأنا ماأدري؟O_o" ، بعد ماخلص الدكتور من التفتيش قالي "ايوه ، كلو تمام" وعطاني الكيسة وقلتله "مشكور" وقالي "عفواً" ويوم طلعت من الغرفة ماصدقت على الله إنني افتكيت من هذا الجحيم

والله طلعت وأنا مستانس وحالتي حالة

وهذي السالفة كلها ^_^

[ShadoW]

كأني قاريها بمنتدى ثاني ترو.....؟!؟

[Yuji Naka]

كأني قاريها بمنتدى ثاني ترو.....؟!؟

ايه
(عشر حروف)

[Son_OF_Liberty]

حسب استنتاج مخي الفهلوي اكتشفت ان هالمستوصف مافيه احد غيرك يراجع فيه

[! غــريــب !]

8
8
8
أنا إكتشفت إنه ماكان مريض ..

[Electro M]

8
8
8
انا اكتشفت انه يبي يجرب الابتسامات

[Winter_wolf]

8
8
8
.......

*Sigh*

[Classic Evil]

انت رايح عند طبيب ولا بيطري ؟

[Electro M]

حتى ما ينفهم ردي غلط
انا ودي ارد و اشجع الرجال بس ما لقيت شي اقوله

[Soliden]

.. ..........

[Mada Mada Dane]

^
^
^
انا اكتشفت انه مسجل عضويه هنا ..

[م.م.خ]

كلمه وحده


سلامات !

[Darkness withiN]

أنا إكتشفت..
إنه تاب توبة نصوح (لاتشوبها شائبه).. من المشاركة بالمنتديات بعد إكتشافاتكم
فديييتك فد و فد يابعد شوشة غريب

[Soliden]

أنا أكتشفت إنه في ناس ما تقدّر ..

[Son_OF_Liberty]

وش سالفة الاكتشافات

أنا أكتشفت إنه في ناس ما تقدّر ..

له له له ياسوليدن الله يسامحك ليه تقول كذا