شو رأيكم بجهاز يدعم 40 لاعب Online !!!!!!!!!!

[Raykonen]

كيف رح يعرض الجهاز اللعبة 120 اطار اذا كانت اصلا تدعم 30 اطار ؟؟؟؟؟؟؟

وهل وجود لعبة تعرض 30 اطار يعني كل الالعاب صارت نفس الشي ؟؟؟؟؟؟؟؟؟؟؟؟؟؟؟؟؟؟؟؟؟

[rubso]

مشكلتك اخوي ههه
مشكور
باي

[Kasser]

ممتاز كلعبة لنش تدعم 40 لاعب ..

بالنسبة لموضوع الاطارات .. اللعبة كانت بتصير 60 اطار بس خفضت لـ30 عشان المطورين ارادوا اضافة المزيد من المؤثرات وتفاصيل اعمق في تصميم البيئة

اما الـ120 اطار في الثانية .. ماهو الموضوع بس عندي تعليق

Never mind that even newer TVs aren't capable of refreshing the screen 120 times in a single second. Kutaragi said that when new technology comes to market, he hopes to have the PS3 ready to take advantage of it.

الزبدة ان التلفاز العادي اصلا غير قادر على عرض 120 اطار في الثانية .. شاشة جهازك الان لاتعرض هذا العدد .. لكن التكنلوجيا قادمة وكوتارجي فقط يتوقع حضور العاب 120 اطار ..

[HAMAD 11]

على فكرة PerFect Dark Zero تدعم 32 شخص
ومافيها لاغ وسال اي احد جرب اللعبة وبعدين لاتجي
تقولي سيرفر الاكس بوكس ضعيف حبيبي سوني
توهم مبتدئين في هالشغلة

طيب ليش بيرفكت دارك عاد ؟؟

بصراحة انت تخربط وايد والكلام وياك ما يفيد ..

السيرفرات هي سيرفرات سعودي وسعودي ما تلقى لاق امر مفروغ منه

بالضبط !! وهذي الى اقصده , تلقي اثنين سعوديين قرب بعض ومع ذلك لاج فضيع ..
يعني اللاج ما يتعلق بسرعة المتصل بشكل كامل ولكن اكثر شيء يتعلق بالسيرفر نفسه ..
اذا كان السيرفر قوي ما رح تلقى لاج .. يعني في النهاية مو شرط انه لعبة بس عشان لعابها وايدين لازم يكون فيه لاج , اذا كان السيرفر قوي رح يكون منخفض .. وهذي مشكلة اللاعب نفسه ..

ان شاء الله فهمت علي

[سعود]

اخوي ربسو

كاترجراي ماقال شيء غلط

هو يتوقع او بالاحرى يتمنى او يحلم ان جهاز البلاي ستيشن يقدر يوصل 120 فريم بالثانية

اذا تواجد تلفزيون يعرض هالسرعه من الايطارات الرجل ماقال راح تكون في اللعاب لكن قال يتوقع اذا وجد تلفزيون

وللمعلومية تلفزيونات 120 فريم بالثانية تم اعلان عن اول واحد وهو من نوع هيتاشي

http://www.tgdaily.com/2006/05/30/hitachi_1080p_lcd/

فلا تخلي عصبيتك للاكس بوكس تبتعد عن المصداقيه وعلى الاقل خل على الحياد

[rak_2_rak]

بصراحة انت تخربط وايد والكلام وياك ما يفيد ..

خخخخخخخخخخخخخخخخخخخخخخخخخخخخخخخخ

فديتك انا , يوم ماعرفت شو تقول قلت جذا

لوووووووووووووووووووووووول

[HAMAD 11]

خخخخخخخخخخخخخخخخخخخخخخخخخخخخخخخخ

فديتك انا , يوم ماعرفت شو تقول قلت جذا

لوووووووووووووووووووووووول

اول شيء عدل الفاظك احسن ..

بعدين انت شو قلت ؟؟ تقول لي سوني بعدها مبتدئة ومدري شو .. شدخل خبرة سوني ؟؟

صدقني انت مو متعصب لهالدرجة من سوني الا لأنهم مسويين فيك شيء .. والله اعلم

[Zero]

اول شيء عدل الفاظك احسن ..

بعدين انت شو قلت ؟؟ تقول لي سوني بعدها مبتدئة ومدري شو .. شدخل خبرة سوني ؟؟

صدقني انت مو متعصب لهالدرجة من سوني الا لأنهم مسويين فيك شيء .. والله اعلم

حمد لا تتعب حالك وياه .. في العادة كارهين سوني يبحثوا عن أقل شي يعيبوا به البلاي3 حتى لو ما كان فيه ، أما الجهاز اللي يعشقوه كأنه ملك مقرب بالنسبة لهم ...
والأخ اللي يقول أن سوني مبتدئة أقدر أعطيك ألف رد وكلهم من الواقع ولا غبار عليهم وهم الواقع اللي نشوفه يصير 100% مثلا .. مايكروسوفت أيضا مبتدئة بمجال الألعاب ، وجاية تبحث عن ألعاب يابانية .. وهذي حقيقة وليست إفتراء مثل اللي قلته ! ، وغيره من الأمور اللي ما أحب أذكرها علشان لا أعمل مشاكل ... مع أني أكرر وأقول كلها من الواقع وما أبغى أسبب مشاكل حتى بذكر الحقيقة

[rubso]

اخوي HAMAD 11 انت تحاول تطرح نفسك "غير" متعصب لجهاز معين، لكن بعد مشاهدتي لردودك واسلوبك الاخير، ايقنت انك ايضاً انت متعصب لجهاز معين، حالك حال غيرك، فلا تحاول تسوي نفسك ملاك ..

[Lasto]

هدوا الجو شوي شباب :

1) حمد ما كان قصده انه يثير اية مشاكل و هو اصلا ما سوى شي غير اعطى رايه الحقيقي و بس و بعد هو توقف من قبل خمس مرات و للحين يستمر معانه و يقدم الانجازات اللي بنوشفها كل يوم فياريتكم تسلموا عليه اول قبل لا تتعدون عليه

2) زيرو معاك كللللللل الحق في كل شي قلته و ما اعتقد انه مايكروسوفت تبي عشاقها يكونون بهذا الشكل و انا و انتوا بعد يمكن كنا نحب مايكروسوفت بس بعد اللي سمعناه منكم غيرنا راينا مليون مره عنها

3) روبسو انت صراحه من اول مشاركة لك و انت متعصب و حالك موب مثل حالنه مثل ما تقول و احتفظ برايك لنفسك قبل ما يتسكر موضوع الكاتب و هو موب عارف شنو السالفة

بالتوفيق سلامز

[Light.Darkness]

اخوي ربسو

كاترجراي ماقال شيء غلط

هو يتوقع او بالاحرى يتمنى او يحلم ان جهاز البلاي ستيشن يقدر يوصل 120 فريم بالثانية

اذا تواجد تلفزيون يعرض هالسرعه من الايطارات الرجل ماقال راح تكون في اللعاب لكن قال يتوقع اذا وجد تلفزيون

وللمعلومية تلفزيونات 120 فريم بالثانية تم اعلان عن اول واحد وهو من نوع هيتاشي

http://www.tgdaily.com/2006/05/30/hitachi_1080p_lcd/

فلا تخلي عصبيتك للاكس بوكس تبتعد عن المصداقيه وعلى الاقل خل على الحياد

[Raykonen]

يا اخي والله تخلون الواحد يقرف يكتب موضوع مرة ثانية في المنتدى ,

ما نكتب حرف او كلمة في المنتدى اللا وينطلنا واحد من اهل الاكس بوكس يفتحلنا مسلسل له اول ما له اخر , والله اللي يشوفكم يقول فاتحين ابتدائي في المنتدى , والله عيب عليكم كل واحد طول الحيط و لسا يسوي مشاكل عشان سوني احسن وللا مايكرسوفت احسن , كل الناس في الكل العالم تتناقش و تتواصل مع بعضها بآداب التواصل , على الاقل اذا مو متعود تحترم اللي قدامك احترم نفسك عشان يحترمك وتحفظ كرامتك , تحدث وتناقش وقول اللي تريد لكن بأسلوب جميل حتى توصل فكرتك الى اللي تتحدث معه !!!!!!!!!!!!!!!!!!!!

وما عندي شي اقول اكثر من هيك

[HAMAD 11]

اخوي HAMAD 11 انت تحاول تطرح نفسك "غير" متعصب لجهاز معين، لكن بعد مشاهدتي لردودك واسلوبك الاخير، ايقنت انك ايضاً انت متعصب لجهاز معين، حالك حال غيرك، فلا تحاول تسوي نفسك ملاك ..

اخوي Rubso كلامي ما كان موجه لك فأرجوك لا تتدخل بسوالف ما تخصك منعاً للإحراج ..

ثاني شيء , منو قال اني مو متعصب ؟؟.. اقول لك وبالحرف الواحد انا متعصب واكبر متعصب واظن هذي شيء راجع لي

ثالث شيء , متعصب لكن محترم نفسي, اي واحد يبي يكون متعصب على كيفه لكن يحترم نفسه ويحترم غيره بطريقة كلامه واسلوبه وهذا الكلام يمشي عليك وعلي وعلي الكل .. يعني شوف طريقة الأخ بكلامه " طيب يا بابا , فديتك , عن الفلسفة الزايدة " هل تقبل هذا الكلام ؟؟ اذا انت تقبله ترا غيرك عندهم كرامه وعزة نفس وما يقبلوه ..

[مصطفى الغامض]

انا عندي اقتراح

ليش ما تسوو اعضاء لقسم البلاي ستيشن واعضاء لقسم الأكس بوكس

يعني ماحد يقدر يشارك الا لازم ينضم لفريق البلاي ستيشن

وبعدين يقدر يشارك

واعضاء لقسم الاكس بوكس ماحد يقدر يشارك الا لازم ينضم لفريق الاكس بوكس

وبعدين يقدر يشارك

هذا مجرد اقتراح هل في امكانية تسووه

لان اعضاء الاكس بوكس لازم يدخلوا مواضيع البلاي ستيشن ويحدثوا فيها المشاكل

وشكرآ

[MaGn.ae]

أملي في سوني 3 كبير .. وان شاء الله ما تخيب الظن ^^ ..


--

وبعدين انا مستغرب منكم يوم تقارنون سرعة الاتصـال بالاكس بوكس ..

طيب انتظروا الجهاز وبعدين نقارن .. مالها داعي هذي الامور ..