وش شعوركم بالله ؟

[hod hod]

اهلن عمو شايب المنتدى

الله يخس إبليسك قفطتيني

يعني ايش قفطتني ؟
ترى مصطلاحات الشياب ماعرفها

وبالنسبة للوظايف فإسئلوني أنا والله إني أتعذبت تصدقي آخر وظيفة تطاقيت مع المدير يا كرهي له مسوي أبو الشباب شغال عند أبوه عاد يومياً عناد بيني وبينه وبالأخير أبو الشباب مطيراي نص الراتب بالهواء
عاد السالفة فيها فلوس جيته بأدب وقلته لو سمحت وين باقي الراتب أبو الشباب قال رح راجع الشئون المالية كذه بكل بجاحة

حسبي الله عليه
وش ذا البهذلة مايخافون من ربهم
عاد الله والراتب علشان يخصم نصه
مدراء متخلفين

عاد قلتله مو بكيفك وطق وطقيق وتركة الوظيفة بس طلعت الراتب من عينه

ايه كفو عاد صدقني هالراتب له طعم غيررر

ملاحظ والله أنك صادق أنا أقول وينها هذي ما تنشاف طلعت لازم تتوهج علشان تشارك يعني إحنا للأحزان فقط

تقدر تقول
وين اروح صار الزمن كله جروح مابقى غير منتداكم ياترى يبيني ولا اروح ؟
<<<ياقدمهااااا

إيه وتذكرتلكم سالفة ثانيه هذا يا طويل العمر واحد الله يخس إبليسه مسوي شده أبو بنجل وجالسلي بكرسي مدير شوفولها حل عاد وهذا خوي كان يشتغل عنده بإكسترا كسرهم الله عاد من مشكلة لمشكلة ومن سالفة للثانية إلين بالنهاية خويي أكتشف أنه أبو الشباب مسوي ذيب ويسرق يعني تجيه فواتير علشان إرجاع بضاعة ويرجع ثلثي المبلغ ويكتب بالفاتورة كذه بينما باقي المبلغ بالجيب ومشترك مع السعودي الي هو ياطويل العمر أنت وياه مدير قسم خدمة العملاء عاد خويي ما صدق خبر وإشتكاء وأثبت هذا الشيء عاد البنجالي أنطق لأول طياره لديرته والسعوديه ذبوه لفرع جده بسبب مكتب العمل ما يقدرو يسوله شيء بس أنهم ضيقوا عليه وكرهوه بعيشته لين ترك الشغل لحاله

قبل لانتناقش بالقصه ايش معنى ما يلي :
ابو بنجل :
اوه حتى بهذي يسرقون وشوف الطريقة بس
استغفر الله ماتسوى والله
على طاري السرقات
صديقتي دخلت الحمام وانت بكرامه وخلت شنطتها بره علشان فيها مصحف
طلعت بعد دقيقتين الشنطة مو موجودة
لو تدري ايش بشنطة ؟
بطاقة الجامعية وبطاقة الصراف + اهم شي بطاقة صراف كويتيه
البنت مطلقه وعندها بنتين من زوجها الكويتي
وهذي البطاقة علشان تسحب نفقة بناتها
تقدر تسحب من كذا بنك بس علشان تطلع بطاقة ثانية لازم تروح للكويت او توكل واحد والله رحمتها
وغير مفتاح غرفتها اظطرت تجيب عامل يكسر الباب وملازمها وفلوسها
وربي السرقة مرض

هاه وش رايكم بهذي السالفة تبون وحده ثانية ... لا عاد مو الحين كفايه اليوم قصتين
وعلى فكره السالفة الأولى المدير قصمنجي الله يقصم ظهره

هههههه تذكرني بجدي يوم يجمعنا ويقول لنا حتوتات
<<<نصابة ماشافت ولا جد من جدانها

حياك الله يالطيب ^^

[TRY NO RACE]

صح أم خطأ

أنتي قبلي تتشكين


مع العذر للشطحان

[hod hod]

صح أم خطأ


أنتي قبلي تتشكين


مع العذر للشطحان

لا لا لااااااااااااااا
ياء ضمير المتكلم
حط كاف المخاطبة
أنتي قبلك تتشكين ؟!
انت قبلك تتشكى
انا قبلي اتشكى
انتما قبلكما تتشكان (للمثنى)
انتم قبلكم تتشكون (لجمع المذكر السالم )
انتن قبلكن تتشكين ( لجمع المؤنث السالم)
نحن قبلنا نتشكى (نا الدالة على الفاعلين )
هذا قبله يتشكى (مع اسم الأشارة للمذكر)
هذه قبلها تتشكى (= = = للمؤنث )

احفظها وبكرة تسميع
اما انتي قبلي تتشكين ماغير امسكها عليك لين ماتشيب

[TRY NO RACE]

لا لا لااااااااااااااا

احفظها وبكرة تسميع
اما انتي قبلي تتشكين ماغير امسكها عليك لين ماتشيب
[/center]

خطأ مطبعي ، يُمنع التدقيق...

[Flanteus]

أنا اقول ان السعودية راح تسقط قبل أمريكا

لا فعلا حالنا كل مالها تتردى
أكثر وأكثر .. معد فيه جهة ما أصابها سوء ..
وما مشاكل البطالة وسوء الإدارة الا غيض من فيض ..
انا متشائم جدا من الوضع الحالي ..
الله يكون بعوننا وبعون كل مسؤول يريد الخير للمسلمين

ملاحظة : عنوان الموضوع غريب ..

[Strange]

السلام عليكم

أختي hod hod

بالنسبه لعنوان الموضوع ( وش شعوركم بالله ؟ ) ... جوابي هو شعور عادي لأن هذا اللي لازم يصير ... والأسباب واضحه للجميع ..

أختي ... خلينا ناخذ الأمر بالعقل ... صاحب العمل سعودي وما يوظف إلا أجنبي وما يبغى يوظف الشاب السعودي يا ترى ليه ؟؟؟ يستهبل مثلا ؟؟؟
( خلونا صريحين )
صاحب العمل تعب عمره كله وهو يجمع في هذا المال ولا يمكن يفرط بسهوله في عمله لجل خاطر عيون ابن بلده ... هو تعب وبنى وشقى ... ومعاه أيدي عامله ساعدت في بناء شركته أو تجارته وبعضهم يستلم أقل الرواتب ومخلصين في عملهم ... ولا يمكن بعد سنوات من المجهود يجي ابن البلد يبغى يصير المدير الفلاني أو الوظيفه الفلانيه وبراتب يتعدى عمل ومجهود الأجنبي ...
أختي الحين لما تقولي أمثله على بعض الأجانب في السعودية من حيث الأخطاء .. واضح وضوح الشمس إنك تتحاملي والأسباب واضحه .. لكن لو ترجعي لأصحاب العمل ورغبتهم في التوظيف فمعروفه للجميع .. إنهم يفضلوا الأجنبي مليون مره ولأسباب كثيره ... منها الاخلاص في العمل وقلة الراتب والمواضبة ... لكن أغلب الشباب السعوديين يبغى كرسي هزاز ومكيف ومكتب خاص وراتب عاااالي ( هذا مو كلامي هذا كلام أصحاب العمل اللي رافضين يوظفوا الشباب السعودي ) ... طبعا هذا غير الغياب المستمر أو الهروب من العمل أو المشاكل الدائمه وكل هذا يعطل من انتاج الشركة أو المؤسسه ...
أختي لا تقولي أو غيرك يقول إن الاجنبي يوظف جماعته ويرفض السعوديين .. لأن في صاحب عمل عارف بكل شيء ولا يمكن يترك حلاله لأحد يديره وهو يدري إنه بيضيعه ... هو ما حط هذا الأجنبي للتوظيف إلا لأنه يدري إنه بيختار المناسب حتى لو من ابناء جلدته ...
وللمعلومية ... لا يمكن الفكره هذي تتغير في راس صاحب العمل ما دام الشاب السعودي يفكر أو يشتغل بهذي الطريقة ... وتقدروا تشوفوا أغلب أصحاب العمل إذا ما كان كلهم لا يمكن يفضل شاب سعودي على أجنبي لكن العكس اللي صاير لأنهم مجربين الوضع ..
لحد يقول إني أتحامل على أحد بس أنا قلت وجهة نظر سمعتها من كذا تاجر وشفتها في أكثر من حوار بعضها كانت على قناة غصب 1

[Electro M]

سترينج
هذه اسطوانة اكل عليها الزمان و عفى
ايه يمكن نصدق هالشي ايام اول قبل 20 سنة
لما كان الواحد يلقى وظيفة بشهادته المتوسطة
لكن الان لا
في ناس تتخرج بشهادة بكالوريوس و تقبل تشتغل بوظايف اقل من مستواها حتى يقدر يصرف على نفسه و اهله و لو بهالراتب البسيط

هذه علثة اعداء الوطن
انا خريج حديث و متوظف لي حوالي 6 شهور في شركة خاصة و راتبي اقل بكثير من اللي المفروض استلمه على شهادتي
لكن الحمدلله مواظب في عملي و بدون غيابات او تأخر

و متاكد ان في غيري كثير

[Strange]

سترينج
هذه اسطوانة اكل عليها الزمان و عفى

إذا كان أكل عليها الزمان وعفى ليه للحين أغلب التجار وأصحاب الشركات رافضين يوظفوا الشباب السعودي ؟؟؟ مزاج ؟؟؟
أخوي هذولي جربوا وللحين يجربوا بسبب ضغوط مكتب العمل وصدقني أعرف تجار معرفه شخصيه عندهم قناعه إن 90% من الموظفين السعوديين اللي عندهم بالشركة لا يمكن يكمل شهر واحد ..

ايه يمكن نصدق هالشي ايام اول قبل 20 سنة
لما كان الواحد يلقى وظيفة بشهادته المتوسطة
لكن الان لا

للحين في وظائف بشهادة المتوسطة ..
مكتب العمل ما قصر بس وين اللي يمسك الوظيفة ؟؟

في ناس تتخرج بشهادة بكالوريوس و تقبل تشتغل بوظايف اقل من مستواها حتى يقدر يصرف على نفسه و اهله و لو بهالراتب البسيط

أكبر ظلم إننا نقول كل الشباب السعودي مو حق عمل ..
في رجال وفعلا يمسكون العمل ومواظبين عليه ومخلصين بس من غير ما أقول ولا تقول أنت تعرف كم عددهم بالمقارنه مع باقي الشباب المتقاعس

هذه علثة اعداء الوطن

أخوي خلنا من الشعارات ووووو
في ناس تعبت على حلالها ومو بالسهوله مستعده تضحي به ...
في ناس من أيام أجدادهم يجمعوا ويتعبوا ومو بالسهل بيضحوا ...

انا خريج حديث و متوظف لي حوالي 6 شهور في شركة خاصة و راتبي اقل بكثير من اللي المفروض استلمه على شهادتي
لكن الحمدلله مواظب في عملي و بدون غيابات او تأخر

و متاكد ان في غيري كثير

الله يوفقك أخوي وقلت لك في شباب مواظبين لكن تدري عددهم وتدري عدد البقية ...
يكفي إنهم يتفاخروا بالهروب من الدوام ...
مدير مدرسه أعرفه شخصياً يقول لأول مره بحياتي أشوف مدرس يهرب من المدرسة ومن فوق سور المدرسة

[Electro M]

مكتب العمل ما وظف حملة البكالوريوس يوظف حملة المتوسطة

عدد المخلصين كثير
لكن عدد اللي يتوظفون بالواسطة و هم موب اهل للوظايف اكثر
فخلهم يتوهقون فيهم

[shjoonal3in]

سترينج

إنهم يفضلوا الأجنبي مليون مره ولأسباب كثيره ... منها الاخلاص في العمل وقلة الراتب والمواضبة ... لكن أغلب الشباب السعوديين يبغى كرسي هزاز ومكيف ومكتب خاص وراتب عاااالي ( هذا مو كلامي هذا كلام أصحاب العمل اللي رافضين يوظفوا الشباب السعودي

مب شرط ....
بعطيك امثلة بسيطة... اساتذة الجامعة ودكاترة الطب...
ليش يشغلون اجانب مادام في شباب مواطنين عندهم نفس الكفاءة والمؤهلات...
نقول عقدة!!
ما اعتقد ان اللي بيتقدم في مثل هذي الوظايف واحد مهمل ويبي يقعد على كرسي هزاز لأنه مؤهلاتها ما تجي بالساهل...

اذا شفت استشاري قلب مثلاً وحط لي تحته خط لأنه تخصص صعب و مشواره طويل وقليل عرب متخصصين فيه ... شوف راتب واحد منهم اذا اشتغل بمستشفى حكومي على اساس انه من البلد وقارنه برواتب الدكاترة الاجانب...
فررررررررق على اساس الثاني خبير اجنبي !
طيب الاول بعد خبير ...نقول عقدة!

يقولك دكتور استشاري يشتغل بمستشفى حكومي انعرض عليه بدولة اجنبية اكثـــــر من عشر اضعاف اللي يلقاه في بلاده ( لا تعليق )...
شاب عنده مؤهلات يصير عميد بالجامعه ... ينرفض عشان يحطون اجنبي مكانه ( لا تعليق)...
وبعدين تقولون الشباب يبون كرسي هزاز !!

واذا سألناها عن اختبار ترجع تقول انتم يالسعودين مدلعين ترجعون تنامون عندكم خدم مو مثلي اتعب واشتغل وبعيده عن اهلي

يالله بالستر....

الموضوع ماله حل بس اعتبروه فضفضه من وحده متهزئة اليوم

ردي ماله داعي ...
بس اعتبريها فضفضة من وحدة ماكلة تبن اليوم بسبة استاذ هندي يدرسها

[hod hod]

خطأ مطبعي ، يُمنع التدقيق...

ايه ايه رقع
يامسيو قبلي وه وه وه

[hod hod]

اهلن خيو ^^

السلام عليكم


أختي hod hod

بالنسبه لعنوان الموضوع ( وش شعوركم بالله ؟ ) ... جوابي هو شعور عادي لأن هذا اللي لازم يصير ... والأسباب واضحه للجميع ..

أختي ... خلينا ناخذ الأمر بالعقل ... صاحب العمل سعودي وما يوظف إلا أجنبي وما يبغى يوظف الشاب السعودي يا ترى ليه ؟؟؟ يستهبل مثلا ؟؟؟
( خلونا صريحين )
صاحب العمل تعب عمره كله وهو يجمع في هذا المال ولا يمكن يفرط بسهوله في عمله لجل خاطر عيون ابن بلده ... هو تعب وبنى وشقى ... ومعاه أيدي عامله ساعدت في بناء شركته أو تجارته وبعضهم يستلم أقل الرواتب ومخلصين في عملهم ... ولا يمكن بعد سنوات من المجهود يجي ابن البلد يبغى يصير المدير الفلاني أو الوظيفه الفلانيه وبراتب يتعدى عمل ومجهود الأجنبي ...
أختي الحين لما تقولي أمثله على بعض الأجانب في السعودية من حيث الأخطاء .. واضح وضوح الشمس إنك تتحاملي والأسباب واضحه .. لكن لو ترجعي لأصحاب العمل ورغبتهم في التوظيف فمعروفه للجميع .. إنهم يفضلوا الأجنبي مليون مره ولأسباب كثيره ... منها الاخلاص في العمل وقلة الراتب والمواضبة ... لكن أغلب الشباب السعوديين يبغى كرسي هزاز ومكيف ومكتب خاص وراتب عاااالي ( هذا مو كلامي هذا كلام أصحاب العمل اللي رافضين يوظفوا الشباب السعودي ) ... طبعا هذا غير الغياب المستمر أو الهروب من العمل أو المشاكل الدائمه وكل هذا يعطل من انتاج الشركة أو المؤسسه ...
أختي لا تقولي أو غيرك يقول إن الاجنبي يوظف جماعته ويرفض السعوديين .. لأن في صاحب عمل عارف بكل شيء ولا يمكن يترك حلاله لأحد يديره وهو يدري إنه بيضيعه ... هو ما حط هذا الأجنبي للتوظيف إلا لأنه يدري إنه بيختار المناسب حتى لو من ابناء جلدته ...
وللمعلومية ... لا يمكن الفكره هذي تتغير في راس صاحب العمل ما دام الشاب السعودي يفكر أو يشتغل بهذي الطريقة ... وتقدروا تشوفوا أغلب أصحاب العمل إذا ما كان كلهم لا يمكن يفضل شاب سعودي على أجنبي لكن العكس اللي صاير لأنهم مجربين الوضع ..

لحد يقول إني أتحامل على أحد بس أنا قلت وجهة نظر سمعتها من كذا تاجر وشفتها في أكثر من حوار بعضها كانت على قناة غصب 1

وعليكم السلام ورحمة الله وبركاته

شوف اخوي الطيب انت ثاني واحد تجي تنطل كم كلمة مع اني ماناوية افتح موضوع عنصرية ومطاقق
والدليل اني ماحددت الجنسيات العربية علشان لايصير فيه حساسيات
شوف يالطيب
اغلب الدول العربية تفكيرهم مثلك
ان السعودين والخليجين عموما شعب مترف
وفلوسهم بالشارع
وعندهم بير بترول ببيتهم
وانا سافرت وشفت
لاشافوا سعودي او خليجي عموما على بالهم بنك متحرك
طيب انت شفت السعودين ؟
عشت مع السعودين ؟
عرفت منهم السعودين ؟
لا
ماعرفتهم
انت جيت تكلمت من كلام سمعته ماشفته بعينك وعشته
اسمع يالطيب
خريجين جامعه عندنا
جامعه ماشي حط تحتها عشر سطور
يشتغلون بسوبر ماركت او محلات وواحد من قرايبي خريج كلية تقنية اشتغل سكيورتي
وفيه يشتغلون بمكتبات وفيه يشتغلون وظايف اي كلام وهذول ياكثرهم رواتبهم اقل من الفين ماشي
خريج رياضيات يدرس بمدرسة اهليه براتب 1500
اختي خريجت حاسب راتبها حول 2000
طيب دامهم متكبرين ويبغون مكاتب وكرسي هزاز ومكاتب ليش يشتغلون بهالوظايف؟!
الشغل مو عيب
ماشي
بس يوم يقولون خلونا نسعود الوظايف
ماتكون السعوده من تحت
نبغى السعودة من فوق
وكلامي مو عصبية
انا ببلدي واحنا اولى بالوظايف من غيرنا
انا سبق وقلت الغلط مو من الاجانب الغلط من السعودين الي تاركين لهم الخيط والمخيط
واسمعني يالطيب
السعودي مايوظف اجنبي لكفائته الا نادرا
والله ماقولها عصبية او اقولها من باب الهواش اقولها لك من باب اني سعودية واعرف نفسية بعض المدراء السعودين
الاجنبي راتبه اقل + لايسمع لايرى لايتكلم

تدري انا ماقول لك كلام سمعته من تلفزيون ولا من تجار ولا من الشارع
اختي اشغلت معهم وعاشرتهم
عندنا بالمستوصفات الحكومية يوفرون الانسولين مع الابر
والابر الشي الوحيد الي ماينكتب بالوصفه لأن معرةف الي يجي ياخذ انسولين ياخذ معه كارتون ابر
تدري الدكتوره الاجنبيه وماراح احدد جنسيتها تاخذ الابر كلهااااا !!
اختي اكتشفت هالشيء
كلمت مدير المركز
قال مالك شغل !!!
ومع العلم انه سعودي
طيب ليش ساكت لها ؟
وسكت اختي مع ان معها الحق

سالفة ثانية
مريضة بمرض السل
تجي كل اسبوعين يعطونها 30 حبة
تاخذ حبتين يومين
جت وصرف لها الصيدلي الي مو سعودي
14 حبة
وقال اذا خلص الاسبوع
تعالي اعطيك الباقي
اختي كانت فيه وسمعت هالكلام مافي مشكلة هنا
جت بعد اسبوع
قام يصارخ عليها انا عطيتك 30 حبة انتي كذابة
وصار هواش بينهم
تخيل
طلع الأخ ماخذ 14 حبة وحاطها بجيبة وتخيل انها مريضة سل
ماشي
ومدير المركز
عارف بلي يصير
ومطنشه
ليش
الله اعلم
وسالفة ثالثة
صيدلي اجنبي برضو
كانو رح ينهون تعاقده
قبل لايروح
سرق مايقارب 20 علبة دواء
ومين نال العقاب ؟
اختي والصيدلانية الي معها
شفت كيف؟
طبعا مو كلهم كذا انا مو مثلك اعم على الكل

فهمت ليش صاحب العمل يرفض يوظف سعودي ؟
لأن السعودي يسمع ويرى ويتكلم
اما من ناحية الراتب فالسعودين رواتبهم قليلية من زمااااااااااااااان
اخوي عمره بالثلاثين وراتبه حول ثلاث الالف

عموما مايحك جلدك مثل ظفرك وياليت اكون وضحت لك بعض النقاط يالطيب

عموما انا مو عارفة ليش بعض الاجانب زعلانين من موضوعي ؟
هل انا تعديت على حد؟
هل انا غلطانه يوم انقهر على حالي وحال اخواني وحال شبابنا
يوم اجي بديرتك يالطيب
واشتغل واخذ راتب
واخليك جالس بالبيت
ولا حمد ولا شكوره مني
ذيك الساعة رح تحس بلي حاسة الشعب السعودي
عموما مثل ماقلت دايما
الشرهه على السعودين نفسهم
مو على حد
وحياك الله يالطيب

[hod hod]

اهلن خيو ^^

أنا اقول ان السعودية راح تسقط قبل أمريكا

لا فعلا حالنا كل مالها تتردى
أكثر وأكثر .. معد فيه جهة ما أصابها سوء ..
وما مشاكل البطالة وسوء الإدارة الا غيض من فيض ..
انا متشائم جدا من الوضع الحالي ..
الله يكون بعوننا وبعون كل مسؤول يريد الخير للمسلمين

ملاحظة : عنوان الموضوع غريب ..

ليش السعوديه للحين ماسقطت ؟
والله صادق هي على الوظايف ولا على الرواتب ... الخ
نلتقي بعدين بموضوع تشكي جديد

وليه العنوان غريب ؟
اسألكم عن شعوركم بالاوضاع الحالية

وحياك الله يالطيب ^^

[hod hod]

اهلن خيتو ^^

ردي ماله داعي ...

بس اعتبريها فضفضة من وحدة ماكلة تبن اليوم بسبة استاذ هندي يدرسها

خذي راحتك تشكي وانا اختس
خخخخخ عادي عادي التبن كل يوم ناكله وبأشكال وبأنواع

حياتس الله يالطيبه

[Ahmed Blight]

عموما انا مو عارفة ليش بعض الاجانب زعلانين من موضوعي ؟
هل انا تعديت على حد؟
هل انا غلطانه يوم انقهر على حالي وحال اخواني وحال شبابنا
يوم اجي بديرتك يالطيب
واشتغل واخذ راتب
واخليك جالس بالبيت
ولا حمد ولا شكوره مني
ذيك الساعة رح تحس بلي حاسة الشعب السعودي
عموما مثل ماقلت دايما
الشرهه على السعودين نفسهم
مو على حد
وحياك الله يالطيب

[/

شوي شوي هدى مو زين على بلاعيمك خخ
اهلين هدى كيفك ؟ >>> بدات المجاملات كحكح

بالنسبة لي الموضوع عادي خخخخخخ من متى صارت الدول العربية تهتم بمواطنينها >>> خخخ يطلع سبب عشانه حاذف الوطنية خخ

طبعا انا اذا بعلق ما راح اتكلم عن السعودية خخ عن البحرين
كثير اجانب يشتغلوا عندنا بس ما اشوفه غلط خخخ
اذا كل واحد شايف نفسه و يبغي يشغل منصب كبير خخخ كيف ما يحذوفنه و ما في اشغال للمواطنين >> حدهم يشتغلون في ماكدونالز خخخخخ

اصلا الخليجين اغلبهم كذا ما يبغي يتعب نفسه و اشياء من هذا القبيل و بعدها تقولوا العيب من الشركات و الحكومة خخ
هو لو كانوا المواطنين راح يعطوا الشغل حقه كانوا حصلوا اشغال <<< بس اشبعده البلد استغنى عن خدماتهم خخخخ
لا واسطه = لا شغل خخخ
مع ان عندي واسطة للشغل في البحرين بس ما افكر اشتغل عندهم خخخخ نفس ما على قولتك الاجنب ياخذو من خير وطنا خخ خلنا ناخذ من خير الاجانب

ما راح اعلق اكثر اخاف ترميني بصاروخ خخخخ

هماش: يا بنت ما يقول مكان الاقامة سعودية خخ هم ما قالوا الجنسية حطي ال التعريف السعودية معروفة

سلااامز