المشاركة الأصلية كتبت بواسطة *RiNoA*
بسم الله الرحمن الرحيم
بصراحه انصدمت انصدمت بقوه من مواقف الاعضاء خاصه الخليجيين...
من كان يتوقع ان السعودي والاماراتي بيصير صدام بطلهم
ولا يترحمون له ويدعون له بعد يا سلام
والله اني انصدمت بوايد اعضاء..... المهم ماعلينا
عزيزتي الاخت هدهد
من هو صدام اصلا عشان ننهان بسبه اعدامه بالعيد ؟ مجرد قاتل مجرم سفاح مرتكب اشنع الجرائم ومبتكر اشنع وسائل التعذيب..
بعدين اللي ضحكني انكم تتكلمون انه تاب !! ليش لانه ماسك القرآن الكريم وتشهد قبل لا يموت ! سبحان الله !
اصلا انه يتشهد هذا اقل شي ممكن يسوي قبل لا يموت كل هالبلاوي وهم مايتشهد !خخخخ
كأنكم ما كنتوا تدرون عن تاريخه قبل يوم كان يحكم!!
ياحبيبتي على ايام حكمه كان يقتل ويبني المساجد كان يقتل ويصلي امام الكامرات كان يقتل وبنفس الوقت يقرا القران حتى من هباله كان يبي يسوي قرآن كامل من دمه
وبنفس الوقت كان يسلم عالشيوخ ويتبادل معهم الهدايا ويسوي الاتفاقيات ومن ثاني يوم يغزوهم ويقتل ويتشهد كل يوم على قولتكم ...اسمحيلي بس اذا كل هذا مايدل على نفاقــــــــه فمادري شنو اللي يدل !؟؟! غير كلام الاخ عن كلامه في المحكمه ترى كل هذا وقايل اسوأ بعد تكفون روحوا سمعوا كلامه بعدين قعدوا خربطوا على انه شهيد
...والله اكبر مهزله ان صدام ينعد شهيد.
ثاني اخت hod hod سالفه انه قاتل امك وابوك واخوان وخواتك........انسى السالفه صار لها 15 سنه !!
انتي من صجج تتكلمين اختي ؟؟ مع احترامي لو هالشي صاير بأهلج جان ماتكلمتي
انا امي الحين تعاني كل يوووم من مرض بالاعصاب بسبه الغزو والتلوث والكيماويات الي يت وياه...فرجاءا لا تقولين لنا ننسى !!!
لو شنو ماراح ننسى ولاراح ننسى شهدائنا لو بعد مليون سنه ..مو انسان اللي ينسى ماضيه ماضينا اهو اللي كونا.
الشي الثالث انج قاعده تبررين وتقولين انه العراقيين دفعوا الثمن ومات الالاف منهم؟
انزين سألي نفسج منو اللي ياب لهم هالشي؟
لو صدام كان محترم نفسه وصاير خوش ادمي وحاكم ديرته عدل ماكان صار كل هاللي قاعد يصير لهم الحين..... بعرف ليش منتوا راضين تفهمون هالشي؟؟
العراق فيها نهرين وفيها كميه نفط هائله وخير لكن ((صدام)) اللي ياب الدمار حقه وحق ديرته بظلمه وجرايمه وحروبه لا تقعدون تبرؤونه مادري يعني شفيكم بصراحه؟ استهبال ولا استغفال؟
بعدين هل تعتقدين ان احنا مستانسين ان الامريكان عندنا ؟ محد خلانا نضطر نقعدهم هني الا صدام وتهديداته بانه بيغزونا ...ولو تتابعين الاخبار قبل جم شهر واحد من وزراء العراق يقول بعدها مشكلة الحدود مع الكويت ماانتهت!!!! اعوذ بالله من الطمع! كل هذا وماتبينا نحط احد يحمينا منهم...لوماان العرب عايشين ناس تنهش بناس جان ماخفنا
والعراقيين الحين يوم امريكا شالت صدام ليش ماصاروا اوادم وعدلوا وعمروا بديرتهم بدل هالذبح والتقتل كل يوم ؟ انا ماني شايفه الا العراقيين يقتلون بعضهم ببعض ...قلوب سوده اعوذ بالله
في النهايه اقول اني سنيــه <<< حق الناس اللي تحكم على هالاساس
واقول ياليته صدام كان حي والتفت على ديار كلمن قال عنه بطل وشهيد ووراكم الشغل عدل P:
