"ما الذي يدفعني لشراء الـX360"؟

[Grandia Fantasy]

Jasson-X

ماكنت اقصدك انت , بس في ناس وياد تتعلث ومسوين ضجة وحالتهم حالة

لو تبي آر بي جي اشتر الاكس بوكس النسخة اليابانية ...

من وين جبت هالمعلومة...
يعني ليش يشتري الاكس بوكس النسخة اليابانية
اذا اهوه يبي العاب اربيجي...

بعدين النسخة الامريكية افضل بكثير و كل الالعاب تنزل عليها
يعني النسخة اليابانية... اسمحلي هذي تعتبر نسخة بعد

[z 5]

شكرا على شرحك بس ما ااشتغل معاي .!

انا شابك الاكس بوكس بالمودم وPC برضوا مشبوك بالمودم (المودم حقي راوتر مع مودم 2في واحد) بس ما عرفت كيف اشغل الاغاني حقت البي سي من الاكس بوكس ! بس اقدر ادخل اللايف بدون اي مشاكل .

ممكن احد يساعدني .

[Dukefleed]

آسف، شكلي نسيت اضيف هالمعلومة يوم كتبت الموضوع .

عشان تسمع أغانيك، لازم تنزل برنامج Windows Media Player 11، وبعد ما تنزله وتركبه تسوي الي براويك اياه الحين:

اضغط على السهم الي تحت الـ Library وبعدين تضغط على Media Sharing



بعدين اضغط على Allow على الـX360، وإن شاء الله الأغاني بتشتغل





And you can download MP11 from here

آسف اني ما حطيت هالشرح في الموضوع وإن شاء الله تكون فهمت

[z 5]

شكرا على شرحك واخيراً ضبط معاي

بس كيف اشوف الفيديو والافلام اللي على الجهاز ؟

[Dark Watch]

من وين جبت هالمعلومة...
يعني ليش يشتري الاكس بوكس النسخة اليابانية
اذا اهوه يبي العاب اربيجي...

جبتها من عندي انا عندي اكس بوكس ياباني وعندي لعبة ار بي جي
اسمها سبيكترل فورس , واذا ماتصدق ان الاكس بوكس الياباني فيه العاب كثيرة
وار بيجية شوف play-asia.com

* ولو سمحت لتستهزىء بالناس , اذا موب مصدق دور وسأل , لاتجي تقول من وين جبت المعلومة
نحن ناس عندنا الاكس بوكس من شهر 11 السنة الي فاتت موب من شهر ولا شهرين , واسمحلي
عكلامي لاكن هوه الصح , حياك ونشوفك ع خير , ...
.
.
.
.

[Dukefleed]

شكرا على شرحك واخيراً ضبط معاي

بس كيف اشوف الفيديو والافلام اللي على الجهاز ؟

حاول تضيفهم للـLibrary وبعدين افتحهم بنفس الطريقة في الـX360..

(أنا في العادة احطهم في My Videos لول )

[** Hisoka **]

"ما الذي يدفعني لشراء الـX360 ؟"

سؤال وجيه ويحتاج إلى إجابة بالفعل .. خاصة من حظرتي XD
والله بصراحة ياخوي Dukefleed ، أنا من عشاق أجهزة الجيل الجديد وبالأخص الـ X360 خصوصاً وأن عليه ألعاب كثيرة "وممتازة!" وأغلبها حصري على الجهاز ..

كنت ناوي أضيف موضوع جديد وأطرح فيه نفس السؤال ولكن وجدت هذا الموضوع وسأطرح سؤالي هنا بعد إذنكم ^_^
للحين ما شريت الإكس بوكس 360 ولكن لعبت ببعض ألعابه .. وبكل صراحة انهبلت بعد تجربتي للعبة Lost Planet !! أروع لعبة لعبتها في حياتي <-- هذا من واقع تجربتي للعبة
وغيرها وغيرها من الألعاب ..

وبصراحة احترت .. أوفر الفلوس اللي معي لشراء الـ PS3 أم الـ Xbox 360 ؟!
الجهازين عاجبيني .. الأول لأسباب لا تعد ولا تحصى والثاني عاجبني من ناحية التطور المذهل في نظام اللعب والجرافيكس والألعاب الحصرية الرائعة

بأيش تنصحوني ؟؟
أفيدوني جزاكم الله خير ..

[Dukefleed]

هههه إن شاء الله باخذ Lost Planet يوم تنزل عندنا(ولا يوم اخلص امتحانات، 17/1)

بصراحة هي مسألة ذوق، شو الألعاب الي تفضلها؟ إذا تفضل الـ"الألعاب الأمريكية" أكثر مثل الـShooters (لأنها كثيرة جداً على الجهاز) فالـX360=Is a must.. طبعاً فيه الكثير من الأنواع الثانية ولكن أكثر الألعاب=Shooters. وطبعاً عندك الـAction RPG والي هي Oblivion، ولعبة الـFighting الي هي Dead or Alive. والـJRPG القادمين بقوة مثل Lost Odyssey و Blue Dragon.. إضافة للألعاب الرياضية.

أما اذا تفضل ألعاب الـPS3 المتنوعة مثل MGS, FF Series, Tekken, DMC.. الخ. وقادر تصبر لين ما ينزلون..فالـPS3 ممتاز بالنسبة لك.

وأنا بصراحة في رأيي أفضل شيء الواحد يسويه = ياخذ جميع الأجهزة إذا يقدر وخصوصاً في هالـGeneration، جميع الأجهزة ممتازة وتستاهل التجربة!

[** Hisoka **]

وأنا بصراحة في رأيي أفضل شيء الواحد يسويه = ياخذ جميع الأجهزة إذا يقدر

Yep.. بس الميزانية ما تكفي خخ P:
المشكلة إذا اخذت الـPS3 بتروح علي ألعاب كثييرة مثل LOST PLANET و GOW و Blue Dragon <-- آآآه يا لوست بلانت !_!

[Dukefleed]

لول أنا بقولك رايي بصراحة، GoW لعبة ما تتفوت، أنا أبداً ما كنت احب العاب الـShooters لهالدرجة.. بس GoW غييير، يعني بصراحة تستاهل الواحد ياخذ الجهاز فقط عشانها (صرت أكره كل العاب الـShooters من وراها عشان اكون صريح، لانها أفضل منهم بكثير)

[jasson_x]

يا جماعة
قررت أني اشتريلي جهاز
بس للاسف أنه النسخة الي تدعم الكوبي ماتوفرت عندنا في البحرين
فسؤال لأهل السعودية

ابي أقرب محل من عقب جسر السعودية علشان اشتري منه و علشان في حالة أخترب الجهاز يكون المحل قريب

أو في القطيف لأن رفيجي يروح كل اسبوع للأهل

[z 5]

نصيحة اذا كان عندك انترنت سريع لا تركب كوبي عشان اللايف

[Dukefleed]

صح كلام الأخ z5، أنا في رأيي احسن الواحد ما ياخذ كوبي على الـX360 عشان يقدر يلعب في اللايف وما يكون في "دائرة الخطر" ويصير له بان في يوم من الأيام بسبب الكوبي.

[StOrM_x.M.x]

يأخوان في مسأله وحده بيني وبين شراء الاكس 360 !!

الا وهي هل الاكس 360 يركب ماوس وكيبورد عشان العب بهم في العاب الشوتر ..

ابي اجابه مفيده ... واذا كان فيه اريد اسم الوصله - اذا كان يحتاج وصله - واسمها ..

شكرا لكم

[Dukefleed]

أهلاً Storm..

هذه مشكلة تحد الكثيرين من شراء الجهاز والله على تعدد هالنوع من الألعاب وما شي Mouse+Keyboard support؟ صدق حرام.. أتمنى مايكروسوف تنزل Official Mouse+Keyboard Support

أما بخصوص القطعة فـصح كلامك موجودة واسمها XFPS 360 وهي غير رسمية... ومب متأكد ان كانت تشتغل بالشكل المطلوب ولا لأ للأسف.

وهذا الموضوع يمكن يفيدك أكثر عنها