واخيرا وصلت القطعه المسماه xfps360 للعب عن طريق الكيبورد والماوس

[سلماوي]

آسف اذا الصور موواضحه ولكن التصوير من النقال

وماسويت معالجه رسومية في الفوتوشوب قلت ماله داعي

ولاتسألون عن سعرها


والصور تتكلم

[IMG]http://www.**********com/up/uploads/b9aa9eb3be.jpg[/IMG]

هذا الغلاف الخاص بالقطعه واسم الفريق

[IMG]http://www.**********com/up/uploads/e1bbaa4543.jpg[/IMG]
هذي القطعه وحجمها كبير نسبيا ولكن وزنها خفيف تقريبا 200 جرام

[IMG]http://www.**********com/up/uploads/15a96a7b1b.jpg[/IMG]

صورة اخرى للقطعه

[IMG]http://www.**********com/up/uploads/fac6a62e29.jpg[/IMG]

دفتر التعليمات وبالمقلوب ومهم جدا فيه تفاصيل طريق التشغيل كما في الصورة الثانية الازرار كثيرة


[IMG]http://www.**********com/up/uploads/daa402e678.jpg[/IMG]

the last one .. so no more Pictures

والقطعه توها واصله وما جربتها

ومتفائل منها وبما اني مااعرف العب باليده اقصد مو بروفشنل

وانشالله تكون هذي القطعه شغاله وتشوفوني كل يوم مطيح بتل فيلد و كول اوف ديوتي وطلقه بالراس بكل سهوله

[Dukefleed]

أهلاً أهلاً سلماوي، مبروك عليك القطعة! خبرني عن رايك فيها بمجرد ما تجربها.. لأني أبغي آخذ لي وحدة ولكن مب متأكد ان كانت تشتغل بالمستوى المطلوب ولا لأ لأنه بصراحة لو كانت تشتغل عدل فبتكون مثالية لجميع العاب الـFPS على الجهاز.

وخبرنا من وين طلبتها

ومبروك عليك مرة ثانية

[محـ ss uae ـمد]

الف مبروك و ننتظر الانطباعات

[سلماوي]

للحين موعارف اشغلها

ولازم يكون عندي الكيبورد والماوس يو اس بي

واذا كانت الفتحه القديمة بي اس لازم اوصل يدة الاكس بوكس في فتحه اليو اس بي في القطعه واركب الماوس والكيبورد !!

والله التركيب صعب نوعا ما على العموم دخلو موقع يوتوب وشوفو الفيديو والانطباعاتهم

[REDFOX-ZERO]

مبرووك سلماوي خووش فكره والله انه يكوون عندك ماوس وكيبوورد عشان تعلب على راحتك كا انك قاعد على PC ^^.

[K O T S H Y]

من اي موقع طلبتها وبكم وانطباعاتك؟؟؟؟

[سلماوي]

موعراف اشغل القطعه ممكن اخد يشرح لي اهم الخطوات

http://www.xcm.cc/xcm__xfps_360_manual.htm

وشاريها تقريبا مع الشحن بحدود 90$ سعرها غالي !!

ولو بديرتك الضعف يوصل

على العموم الشحن كان رخيص لانه Air Mail وخذا اسبوع تقربا ويعتبر مده سريعه لهذا النوع العاده 10 ايام الى 15 يوم



طلبته من موقع
http://www.divineo.cn/

واقولك لاتستعيل وتاخذ القطعه بعدين تتوهق علموني شلون اشغلها واجربها لكم بعدين اعطيك راي فيها

فاهم الي مكتوب بس في شغلات احسها غبية اوصل يده الاكس بوكس في القطعه ليش؟؟

انا عندي الماوس والفارة يو اس بي
شالخطوات انا عندي اليدة مالت الاكس بوكس واير لس مو واير فمااقدر اوصلها

[Dukefleed]

يمكن لازم تستعمل الـX360 Control Pad العادي ومب الوايرلس.. هذا الي مكتوب في الـManual قهر عقب هذا كله لازم تاخذ ريموت عادي بعد -_-

[Gentleman]

مبروك على القطعه اخوي .. واكيد الوضع غير لما تلعب لعبه مثل FEAR ..

وشكرا ..

[سلماوي]

يمكن لازم تستعمل الـX360 Control Pad العادي ومب الوايرلس.. هذا الي مكتوب في الـManual قهر عقب هذا كله لازم تاخذ ريموت عادي بعد -_-

bad..bad..bad

ادري انه مكتوب جذي بس الكلام موداخل راسي !! الكيبورد والماوس يو اس بي مكتوب ماله داعي انك تسوي الخطوة الاولى وضع اليده في يو اس بي القطعه لانه مافي مكان

وثاني شي في قطعه الي تخلي اليده واير لس تركبها في اليده وتسير واير

يعني قطعه تشحن وتلعب بنفس الوقت انسي اسمها

[Dukefleed]

اوه لول كيف نسيت هالقطعة وانا عندي اياها

قصدك هذه


خذلك وحده تراك ما بتندم صدقني ! تمام اذا كنت تلعب وايد وما تبغي تخسر وايد بطاريات. ويمكن تشتغل على الـXFPS..

Who knows ؟

[ADEEEL]

Play And Charge هذا اسم القطعه وتحصلها بموقع امازون ويجي معاها بطاريه شحن

[z 5]

MUST BUY

بس اخاف تكون الالعاب مو متوافقة معاه 100%
يعني التحكم يكون بطيئ او زي كذا

[سلماوي]

Play And Charge هذا اسم القطعه وتحصلها بموقع امازون ويجي معاها بطاريه شحن

شكرا على جميع الاعضاء الي ردو على الموضوع


بخصوص القطعه جرب توصلها على البي سي

وقولي شنو يصير
الكمبيوتر يتعرف على انها يده وتقدر تلعب فيها

ولا يحدث شحن فقط


لان لو بس شحن اعتقد ماراح تفيد ولازم يده واير احتمال وماابغى اقط مبلغ 6 دنانير ولاجم ينباع بالكويت على فاضي علشان شحن

لانه عندي بطاريات تعاد الشحن مع شحن لها وقوية 25 ساعة لعب بطاريات المعظل الي داق حديد

[ADEEEL]

شكرا على جميع الاعضاء الي ردو على الموضوع


بخصوص القطعه جرب توصلها على البي سي

وقولي شنو يصير
الكمبيوتر يتعرف على انها يده وتقدر تلعب فيها

ولا يحدث شحن فقط


لان لو بس شحن اعتقد ماراح تفيد ولازم يده واير احتمال وماابغى اقط مبلغ 6 دنانير ولاجم ينباع بالكويت على فاضي علشان شحن

لانه عندي بطاريات تعاد الشحن مع شحن لها وقوية 25 ساعة لعب بطاريات المعظل الي داق حديد

جربت ومع الاسف بس شحن الظاهر ماتنفع للقطعه :/