موضوع نقاش عام عن المانجا

[Persona]

سلام^^
1- دي.ان.انجل
انا اقصد من ان ترجمة مانجا وقفت على فولم 8
والحين طلع فريق جديد قام بترجمة فولم 9 ووقف وفريق ثاني ترجم فولم 10-11 ^_^
D.N.Angel
تحميل
http://www.dailymanga.org/index.php?...es&id_manga=25
___________
2- داي الشجاع
المانجا تستاهل القراء ^^
وهي مكملة للانمي مع اختلاف في الحلقة الاخيرة
سبولر
ابو داي قدر يمسح كل ذاكرة داي
اسم مانجا
Dragon Quest: Dai's Adventure
تحميل
#square_ocean@irc.irchighway.net
http://www.dailymanga.org/index.php?...&id_manga=5047

سلام

[xuae_3]

Sakura A.S
Terror Of Death

تسلموا ما قصرتوا

[.Atlas.]

سلام عليكم ..
1
في أحد انتبه لرسم Ryoichi Ikegami ?@@
ممكن بعضكم يظن ان السؤال معوق ومو بمحله ..بس اسمحوا لي من جد..في أحد انتبه لرسمه .. بعد قرايتي لكذا مانجا له الفترة اللي فاتت..سحرني الرسم,ماودي اقول خيالي .. لكن رائع ومميز,بصمة مميزة لريوتشي.بس لو القصص اللي يقدمها بنفس روعة وتميز رسمه كان بيطلع شيء..
مانجاته تذكرني نوعا ما بالقصص الرخيصة اللي تكون طباعتها فاخرة وتجذبك بالنظرة الأولى ..بس بعدها تصدمك بسطحيتها وسذاجتها -_-
يمكن المانجا اللي اقدر اقول انها تستحق ان أحد يفكر يقراها هي مانجا سانجواري..
اللي يبي يتمتع برسم جميل بس.. يتصفح مانجا لريوتشي

2
قبل كم يوم قدرت احصل على مانجا لـYuuho Ashibe على النت أخيرا ..
مو مكتملة بس استمتعت فيها ..النوع اللي يعجبني XD
مع ان عندي 3 كتب من مانجا Bride of Diemos بس الى الان في الكتاب الأول ..القراءة من الكمبيوتر أريح و أمتع

3
Nodame Cantabile

باختصار شديد لا حد يضيع وقته على هالمانجا ..كوميديا رديئة.في البداية بتجذبك شخصية البنت العفوية وتناقضها مع شخصية البطل-مع ان الفكرة مكررة بس يظل لها سحرها الخاص ولا ؟@@- عموما مع كل فصل تقراه راح تتحول الشخصية العفوية لشخصية بغيضة ولاتطاق والمواقف المضحكة المكررة تفقد بريقها.ماقريت الا الفوليوم الأول ومالي نية أكمل ..اللي يبي مانجا بنفس الفكرة ولكن بجو كوميدي حقيقي وشخصيات محببة ..يقرا مانجا Koukou Debut


4
تاكيهيكو عبقري T_T

[fuuchan]

لام

كل مره ابي ارد وعبال ما اكتب الرد واخلصه ينحذف تعقدت>_>
انجل:

Nodame Cantabile

باختصار شديد لا حد يضيع وقته على هالمانجا ..كوميديا رديئة.في البداية بتجذبك شخصية البنت العفوية وتناقضها مع شخصية البطل-مع ان الفكرة مكررة بس يظل لها سحرها الخاص ولا ؟@@- عموما مع كل فصل تقراه راح تتحول الشخصية العفوية لشخصية بغيضة ولاتطاق والمواقف المضحكة المكررة تفقد بريقها.ماقريت الا الفوليوم الأول ومالي نية أكمل ..اللي يبي مانجا بنفس الفكرة ولكن بجو كوميدي حقيقي وشخصيات محببة ..يقرا مانجا Koukou Debut

قاعده اتابعه لايف اكشن ..البطله صج تبط الجبد بس احلى مافي القصة البطل والكونتدكتر ^_^

[Sakura A.S]

السلام عليكم و رحمة الله و بركاته

Nodame Cantabile

أنا ما قرأت المانجا بس شفت صور عنها و ما عجبني الرسم أبدا.
نزل له لايف أكشن و كثيرين مدحوه.

قاعده اتابعه لايف اكشن

فين أقدر ألاقي اللايف أكشن؟

سلام

[.Atlas.]

فوتشان

مالج الا تنسخين ردج قبل لا تضيفينه في كل مرة >_>
نبي نطلع على الشوجو وورلد XD
المانجا لها لايف اكشن
تحسين القصة بتوصل لمكان ولا عبط في عبط مثل المانجا؟

ساكورا

معاج الرسم مايشجع..بس قلت يمكن حالها من حال مانجا Sensei الرسم مو ذاك الزود لكن المانجا جيدة..

[ahmadkb]

السلام عليكم و رحمة الله و بركاته
فين أقدر ألاقي اللايف أكشن؟

وعليكم السلام ورحمة الله وبركاته

هنا

[TNT-BOY]

يااااااااااااااااه
لي شهور مارديت هنا ~ لاني مالقيت شي يذكر اتكلم عنه بما ان لي كم شهر مو فاتح مانجا D:

هل مرة رجعت ومعاي 3 اسامي جديدة
راح اذكرهم بالترتيب اله قريته


Violet Blossoms


وان شوت
النوع : سينين
ثالث عمل اشوفه لـMORI Kaoru مانجاكا Emma + Shirley

يمكن مافهمت النهاية عدل ~ بس عجبني فيها صراع التقاليد × الزمن الحالي
على ما اعتقد النهاية كانت تحوم حول هل شي ~ لو كدا فانا فهمته صح



Mozart Doesn't Sing Lullabies


الفوليومز : 4 فوليوم (لسه يترجمون في الاول)
النوع : دراما - بوليسية

" موزارت لم يغني تهويدات "
لمن تشوف عنوان كدا تقول انها مانجا تتكلم عن الموسيقار المشهور موزارت
بس وانا اقراها انصدمت ان الاحداث تدور حول بيهوفن اله كان معاصر زمان موزارت

القصة تحكي حول سبب موت موزارت الغامض
وهل كان له بنت ؟

قريت عنها تشابتر واحد للحين وعجبتني وبانتظار الفوليوم الاول
متحمس لمانجا تتكلم عن موسيقى كلاسيكية كدا ~ راح استفيد واتثقف موسيقياً واجد
فيعني مرتاح عليها واتمنى تكون زي مااتوقع

للاسف انا مانا قاري عن سيرة حياة موزارت
فما اعرف ادا المواد اله تقدمها المانجا حقيقية وله لا S:


Afternoon: Emerald

وان شوت
النوع : سينين

" هؤلاء الذين يكذبون او ينكثون بوعودهم....يموتون بسرعة"

القصة تاخذ احداثها في الغرب الامريكي في حقبة الـCowboys حيث الحياة كانت قاسية وهنالك الكثير من المطلوبين للعدالة
من زمان ماقريت مانجا فيها تويست كدا !
صحيح وان شوت بس فيها روعة كثير..لمن انهيتها كل اله كنت اقدر اقوله " ان كيدهن لعظيم " D:

بالاضافة الى اني قريت فوليوم 17 من Monster مع اني شايف الانيمي ومخلصنه...بس مع ذالك مزاجي اشوف آخر فوليومين
راح ابدي الليلة يمكن في Leviathan مادري ليش منجذب لها ومتحمس




lil angel

حمستيني اخذ طلة على رسمه
بس في سؤال يصرخ .....منهو Ryoichi Ikegami ؟
ما لقيت اسمه لا في دايليل مانجا ولا باكا ابديت
وتقدري تختصرين علينا المسافات وترفقي كم صورة من رسمه على شان نشوف شنو الرسم "الساحر" دا S:

[THE FANTOM]

السلام...

بس في سؤال يصرخ .....منهو Ryoichi Ikegami ؟

شوف هالصفحه :
http://en.wikipedia.org/wiki/Ryoichi_Ikegami
للمعلومية العمل الوحيد اللذي عرفته كان Crying Freeman
اللي كان عندي له فلم أنيمي + فلم LA >> وسرقه خالي ..

---------------------------------------------------------------------------------------------------

الأشياء اللي اقرآها هالأيام :
Hajime No Ippo قرأت لها 16 فوليوم إلى الآن (( من الحماس شكلي بشاهد الأنيمي مره ثانيه ...^ ) .. + شغلااات صغيره مثل :100 ways of an exorcist ...

[TNT-BOY]

السلام...


شوف هالصفحه :
http://en.wikipedia.org/wiki/Ryoichi_Ikegami
للمعلومية العمل الوحيد اللذي عرفته كان Crying Freeman
اللي كان عندي له فلم أنيمي + فلم LA >> وسرقه خالي ..

---------------------------------------------------------------------------------------------------

شكراً علىا لتوضيح S:

Crying Freeman لها شهرة واشوف اغلفتها ورسماتها لمن افرفر في المواقع
ولمن فكرت اقراها شفتها مش كاملة وكانهم موقفين عنها

بس الحين رجعت اتحمس اني اقراها الظاهر ينزلها ونشوف بما انها عمل سينين كلاسيكي

[GrassHopper]

أول رد هني

المانجا اللي أقراهم ألحين وايد .. بس اللي مشتطة عليها ولاعبة بمخي .. مانجا مونستر .. خلصت خمس فوليومات وألحين بادية بالسادس ... المانجا عجيبة والرسم حلو والقصة فيها توست حلوة وكل ماتحس عرفت شي يطلع لك شي ثاني يخرب عليك تحليلاتك وإستنتاجاتك ... من كثر ما أنا حابة المانجا شريت أول 26 حلقة من الانمي وأفكر أشوفه هاليومين

ومانجا ديث نوت قريت أول سبع فوليومات .. بالأول كانت وااو بعدين قامت تصير مليقة بآخر فوليومات .. بكملها .. يمكن ترد مثل الأول ... وبعد قاعدة أقرا أكثر من شي بس هذول الأثنين اللي عاجبيني أكثر شي

وعندي بعد أول ثلاث فوليومات من Suikoden .. وايد أمدحوها لي وشكلي ببدي فيها لما أخلص من الفوليوم السادس من مونستر ^^

وللحين ناطرة ينزلون أول فوليوم من مانجا ورعان آخر زمن ( أظن أحد الأعضاء هني قال هالاسم وحبيته ) .. المانجا من كثر ما أسمع عنها أبي أقراها بس أنا ما أحب أنزل من النت أحب أشتري وأعتقد للحين المانجا مانزلت .. يارب أحد يقولي لأ نزلت وتقدرين تشترينها

[TNT-BOY]

GrassHopper

ولكم ولكم

يارب أحد يقولي لأ نزلت وتقدرين تشترينها

همممم هو نص فرحة عندي P:

المانجا مرخصة من سنة 2005 اعتقد من Viz
بس Urisawa Naoki قال لهم ما ينزلون النسخة الانجليزية الين ما يخلصون من ترجمة Monster وتنزيلها في السوق
على شان المتابع ما يستغرب من فرق جودة الرسم الناتجة عن اختلاف الزمن وتحسن الرسم لان هذا هو الترتيب الصحيح اله نزل لهم في اليابان

انا كان على بالي نزل كم فوليوم منها حتى مرة رحت محل كله مانجا في البحرين ولمن سألتهم عنها كانوا مستغربين من الاسم ويقولوا مش عندهم S:

بس توني مشيك يقولون انهم ناويين ينزلونها السنة هذي

بس المانجا ماراح تطول الين ماتخلص
اعتقد الـ22 اله بعده ما يكتمل راح يكون الفوليوم الاخير او القبل الاخير في اسوء الاحوال

بما ان مونستر عجبتك اجل لاتفوتين ورعان آخر زمن <<< ايه كان انا اله اسميها P:

[GrassHopper]

TNT-Boy

مانجا مونستر واااايد عاجتني وأعتبرها أفضل مانجا قريتها للحين .. فيها حبكة مو موجودة بأي مانجا .. مليييت من الشوجو المليق
على الطاري الشوجو .. من مدة بديت بنانا .. قريت أول ثلاث فوليومات .. المانجا حلو ة وتستاهل الواحد يقراها .. بس مانزل منها اللى أربع فوليومات ( انطر للصيف وأشترى كل الفوليومات اللي نزلت مرة وحدة ) .. انا سويت غلطة بقراية مانجا نانا .. كنت أقرا واطالع الاني بنفس الوقت .. علشان جذي حسيت بالملل .. شفتوا الغباء

منو فيكم قاري مانجا D. Gray-Man ؟؟ أنا شريت أول ثلاث فوليومات ( اللي نزلوا للحين ) بعد ما حد محدها لي وقص علي ... المانجا مليييييييييقة .. قريت أول فوليوم وماعجبتني بس بحاول اكملها يمكن تحلو .. أنا ما أحب هالنوعية من المانجات .. ما أدري ليش شريتها

علشان اللي يحبون الشوجو مايزعلون ... ترى للحين احب الشوجو .. وبالإضافة لمونستر قاعدة أقرا ceres celesual legend و full moon o sagashite .. والصراحة عاجبيني وااايد .. قبل ما أقرا سيرز كنت بشوف الانمي بس يقولون الانمي ما كان بمستوى المانجا .. فريت المانجا وطلعت تمام .. أول فوليمون حلوين .. مع العلم إنها typical shojo بس تمشي الحال ... لكن فول موون حلوة وكلها براءة ^^

[TNT-BOY]

GrassHopper

مونستر الامس خلصت قرائتي لآخر فوليومين على المانجا
لاني كنت متابع الانيمي قبل

ما اريد اتكلم زيادة عنه هنا لان في موضوع خاص بمونستر موضوع نقاش Monster
ناوي اكتب فيه رد عن بعض الاختلافات بين الانيمي والمانجا اله شفتها الامس وانا اقرا المانجا

Nana من اول مانزل اول تشبترين فيها يمكن قريتهم....وللحين ماكملتهم D:
المشكلة لي اكثر من سنة ماعندي مزاج على الشوجو بالمرة ~

قبل ما أقرا سيرز كنت بشوف الانمي بس يقولون الانمي ما كان بمستوى المانجا

انا للحين ماخلصت الانيمي
بس اذكر كان فــــضــــيــــع
يعني بدايته شدتني بقوة واستمتعت به..بس للاسف كان ناقص عندي 3 حلقات فوقفت عنه ولمن نزلتهم خف حماسي عليه وما كملته

[Kaze]

هههه وعلى طاري ورعان آخر زمان خلنا نعطيكم راينا من خلال ما تابعناه

20th Century Boys

اولا ً : المانجا ينقلك ما بين الماضي و الحاضر و المستقبل ( امور تميز بها كاتب هذه السلسلة وهي التعقيد ما بين الاحداث و جعل القارئ في حيرة ِ دائمة, مثلها كباقي اعماله ) فهو كاتب مونتسر أيضا ً .

ثانيا : المانجا تحاكي احداث القرن العشرين من تطور معماري و ثقافي و تكنلوجية , ويقوم الكاتب بدمجه كل تلك الامور في قصة ٍ من عنده.

ثالثا ً : الغموض عامل أساسي في كل أعماله " المانجاكا" بحسب ما سمعت وقرأت , فالإجابات التي كنت تتوقعها في اول الاعداد سوف تشاهدها بعد اكثر من فليوم حتى أن هناك احداث ما لها اجابات لحد الآن حسب ما سمعته من تي, ودائما تقول في نفسك لماذا ؟

رابعا ً :الرسم بسيط و خالي من الإباحية المفرطة بكون المانجا سنين و الفكر المنحرف المنحط و التركيز على العلاقات تحت مبادئ أجتماعية واحترام متبادل . وما العجيب في الاحداث هي العلاقات الاجتماعية التي تربط البطل ( الذي لم يدرك وقتها بانه بطل لحد الآن ) بكل من حوله وكانه اساس كل هذه البلاوي.

خامسا ً : القصة تتناول قضايا اجتماعية معاصرة منها التعصبات الديني و المذهبية , و انحرافات الشباب من اجل الحرية و التطور , وأيضا ً الاسلحة و الحروب و ما قد تُـخلفها رغم الهدف من استخدامها ; من اجل السلام .

سادسا ً : القصة لا تقتصر على شخصية واحده فقط و التركيز عليها في كل الاحداث , وانما تتزوع بين الشخصيات و اعطائها حقها من كل النواحي قبل دخولها في الاحداث بشكل عام .

=-=-=-=-=

GrassHopper

منو فيكم قاري مانجا D. Gray-Man ؟؟

انا الشابتر جايه مثل الانمي بالضبط , بس للاسف اشكالهم طفولية على الجو الي هم عايشين فيه .

المانجا مليييييييييقة

هممم كوميديته ساذجه يعني مليقه على الآخر و ساعت تفشل لو يات في موقف محبوك
ولا لما يجي اخو البنت ويقعد يصارخ لنا " ليييينالي" يمكن هذا اظرف شيء بالنسبة لي

بالنسبة لي انا حولت عل الانمي بعد ما نزل لاني ما وصلت بعيد وايد في الاحداث وخاصة اني قاري اول 4 شباتر و كان احساسي بانه نفس اي انمي او مانجا خرطي و مشي حالك , بس التحول الذي اخذه في الحلقات الخيرة كانت رائعة وجعلتني ارتبط بالانمي ...

اعطيه مجال شوي وتابعي الانمي ممكن تتغير النظرة

كرهت الشوجو بعد هانا يوري دينقو < < هو في شيء ثاني شفته