موضوع نقاش عام عن المانجا

[Anime Girl]

TnT

Afternoon: Emerald

وان شوت
النوع : سينين

" هؤلاء الذين يكذبون او ينكثون بوعودهم....يموتون بسرعة"

تصدق صارلها شهر عندي هالمانجا .. ومافكرت اقراها ~
الا من بعد ماقريت تعليقك عليها .. قلت خليني اقراها ونشوف قصتها شكلها حلوة ..
وبالفعل اطلعت حلوة .. وعجبني ذكاء البنت .. + البطله
توني اتأكد الحين ان الرجال مظاهر .. مافيه مخ F:
وأول سينين انهيه من عرفت عالم المانجا * ادري وان شوت ! *

يلله ~ عالأقل حاولت انوع XD

GrassHopper

على الطاري الشوجو .. من مدة بديت بنانا .. قريت أول ثلاث فوليومات .. المانجا حلو ة وتستاهل الواحد يقراها .. بس مانزل منها اللى أربع فوليومات ( انطر للصيف وأشترى كل الفوليومات اللي نزلت مرة وحدة ) .. انا سويت غلطة بقراية مانجا نانا .. كنت أقرا واطالع الاني بنفس الوقت .. علشان جذي حسيت بالملل .. شفتوا الغباء

آآخ نانا !! نانا احلى مانجا عرفتها لحد الآن @_@
مو بس شوجو .. دراما قوية X3
لول ~ اذا تبين تتحمسين للقصة وقفي مطالعة الانمي وتابعي المانجا مرة وحده افضل لج (^_~)v

tnt again ~

Nana من اول مانزل اول تشبترين فيها يمكن قريتهم....وللحين ماكملتهم D:
المشكلة لي اكثر من سنة ماعندي مزاج على الشوجو بالمرة ~

أقــص ايدي اذا فكرت تقراها (= = )

[GrassHopper]

TNT-BOY



أنا مثل الشاطرة فتحت موضوع النقاش مال مونستر .. ولما قريت بأول رد إنه عن الانمي .. قلت بذكاء إنه أكيد في سبويلرز قد شعر راسي .. فطبيعي ما اقرا
للحين تمام .. بس لقافة زايدة .. قلت خلني أدور على الموضوع وأشوف منو شايف مونستر .. وأنا قاعدة أنزل قريت شي خرب علي شي مهم

حظي نحس -___-

Angle of devil

حمستني أكثر على ورعان آخر زمن .. شكلي بحاول أنزلها من النت إذا كانت موجودة .. يعني لو بنطر لما تنزل وينزلون كل الفوليومات يبيلي قرن
وبالنسبة لـ D-G M فأنت وصفته بأحلى وصف .. كوميديا ساااذجة وتييب عوار البط والراس .. +__+

Anime Girl
شكلج تشمين اسم نانا بكل موضوع .. لووول
أنا خلاص بوقف الانمي وبقرا المانجا بس أنطر لما ينزل جم فوليوم زيادة وأشتريهم مع بعض ^^

TNT-Boy ... اي مانجا سينين قوية وتعور الراس بليييز ؟؟

[TNT-BOY]

AoD

اولا ً : المانجا ينقلك ما بين الماضي و الحاضر و المستقبل ( امور تميز بها كاتب هذه السلسلة وهي التعقيد ما بين الاحداث و جعل القارئ في حيرة ِ دائمة, مثلها كباقي اعماله ) فهو كاتب مونتسر أيضا ً .

مش تعقيد ~ اصلاً ماتلاقي شي اوضح من كدا لمن يتنقل من الماضي والحاضر..القاريء يعرف على طول اي زمن الاحداث صايرة فيه
لاكن مشكلة التعقيد يمكن في ربط الاحداث

ثالثا ً : الغموض عامل أساسي في كل أعماله " المانجاكا" بحسب ما سمعت وقرأت , فالإجابات التي كنت تتوقعها في اول الاعداد سوف تشاهدها بعد اكثر من فليوم حتى أن هناك احداث ما لها اجابات لحد الآن حسب ما سمعته من تي, ودائما تقول في نفسك لماذا ؟

آخر فوليومين تغير السؤال الى " من هذا ؟"
بعد الانقطاع وانتظار الفوليوم بديت انسى شغلات وااااااااجد

رابعا ً :الرسم بسيط و خالي من الإباحية المفرطة بكون المانجا سنين

الوزلد كان ماشي كدا الين الفوليوم 21
وانا اقرا *BANG* اشوف شغلة ساخنة في وجهي D:
الكل استغرب ليش توه متفرغ يطلع اشيا كدا لمن قربت تنتهي...مالت عليه كان عمل اشيا حلوه لكانا Q:


AG

وبالفعل اطلعت حلوة .. وعجبني ذكاء البنت .. + البطله
توني اتأكد الحين ان الرجال مظاهر .. مافيه مخ F:

هذوله عيال الـWild West مو احنا ~D:

ومبروك قرائتك لاول سينين

أقــص ايدي اذا فكرت تقراها (= = )

في قبلها كم مانجا لها اولوية
البارحة بديت في Witchs مانجا قصيرة من فوليومين نتكلم عنها لمن نخلصها


GrassHopper

آآآآآآآآآآآآآآآآآآآآآآآآآآآسف @_@
كان على بالي انتي مخلصتنها بس انا خبطت
الموضوع كله سبويلر × سبويلر وخاص للي خلصوا الانيمي او المانجا

لول ~ طالع منظر غبي الحين وان ااقول هل شي

المهم عسى ما انحرق واجد

TNT-Boy ... اي مانجا سينين قوية وتعور الراس بليييز ؟؟

مادام قلتي سينين + وجع راس
فاكثر شي وجع راسي MPD Psycho مانجا ممتازة جداُ من ناحية القصة والشخصيات
بس لو انتي ماتحبين الـGuro راح تنزعجين كثير وانتي تقرينها لانها عنيفة
تقدري تنزليها من هنا

معليش خربت الدعوة عليك D:

[Kaze]

تي-

اصلاً ماتلاقي شي اوضح من كدا لمن يتنقل من الماضي والحاضر..القاريء يعرف على طول اي زمن الاحداث صايرة فيه
لاكن مشكلة التعقيد يمكن في ربط الاحداث

هممم بس من خلال الشباتر الاولى انت راح تشوف اشياء ممكن تخبط الراس , ثورة التي سببتها موسيقى الروك و لكن لا احد كان يابه لها وكانها شيء عادي , بعدها شابتر يريك نوع الجلسة فيها كلام عن السلام ويعود الفضل لناس , وبعدها ينتقل للمستقبل , ومن ثم يرجع للحاضر او لنقول عنه الماضي الي يريدنا الكاتب ان نعيشه .

هل التنقلات تسبب نوع التشويش لو كثرت من اول الشباتر , ولكن بعدها ربط هل الانتقالات عشان يفصـّـل بالاحداث الي نعيشها في القصة.

وانا اقرا *BANG* اشوف شغلة ساخنة في وجهي D:

حمستني اتابع لحد 21

لما اخلص Shamo راح ارجع لها

فاكثر شي وجع راسي MPD Psycho مانجا ممتازة جداُ من ناحية القصة والشخصيات

معقد وايد , فجر راسي وانا ابي افهم واصيد على الاحداث

[GrassHopper]

TNT

لا عااادي .. شدعوة .. ماصار شي .. أنا بس حطيتك بالبلاك ليست .. وكرهتك كره العمى .. مافي شي

أتغشمر .. لوووول

بحاول أنزل المانجا اللي قلتي لي عنها .. بس أكيد مو بالقريب العاجل .. ودي أقرق بس ما أقدر .. باجر عندي ورقة لازم أسلمها وللحين مابديت .. وايد شغل هالأسبوع

ياحلاة الديرة بس -___-

[sleeplessgirl]

Life
عدد الفوليمات باليابان : 12
النوع : دراما نفسيه ..

المانجا توني شريت الجزء 2 و 3 ... بصرااحه اول مره اقرا مانجا من هالنوعيه و تعجبني ..
بنت اسمها يومي .. كان عندها صديقه واايد يحبون بعض ... وصديفتها كانت واايد شاطره ..وتبي تدش مدرسه مستواها عالي .. جان ايومي تقولها ساعديني بالدراسه .. ويوم تساعدها ايومي تييب الدرجه و تنقبل و رفيجتها لا ...عاد رفيجتها تنقهر و تقولها ليش انتي مو انا ... وماتحاجيها تصير ايومي تقطع ايدا بالشفره Cutter عشان تعاقب نفسها ويوم تنقل للمدرسه اليديه .. تصير احداث و اايد ماساويه ..
القصه و الرسم واايد حلو و المانجاكا عندها مانجا ثانيه اسمها Vitamine

[THE FANTOM]

السلام ...
أول أمس قرأت Bad Company ... عمل من أعمال فوجيساوا التلخ ..
المانجا عجبتني بشكل وقهر أنها 10 شابترات وبس ...
لهذا من أول ماخلصتها قلبت على GTO وقرأت منها 80 صفحه تقريبااا ..
كنت بكملها لكن تذكرت أنه في أوليات عليها بما أنها حوالي 25 فوليوم .. + خلني أشاهد الأنيمي مره ثانيه ياباني ...^
أيضا عندي شغل ثاني له Shonan Junai Gumi لكن موجوده عندي إلى فوليوم 5 من أصل 31 >>
وتوي مشيك على أعماله حوالي 10 مع هالثلاثة اللي فوق يصير المجموع 13 ...
بس خلوني أخلص من أختباراتي هاليومين ...

[TNT-BOY]

واخيراً حان وقت الرد

آخر الخرابيط اله قريتها

Witches


النوع : سينين - سحر
فوليوم : 2 فوليومز
الفئة : +18 (عري)

الكتابين دوله عبارة عن مجموعة وان شوتز كلها تتكلم عن السحر والسحرة في حضارات مختلفة

لاني مانا من محبين السحر والفانطزي بشكل عام فقاعد اقرا تشابتر بين فترة وفترة




Crying Freeman


النوع : اكشن - رومانس - دراما - مغامرات
الفوليومز : 10 فوليوم (مرخصة)
الفئة : +18 (عنف - عري)

القصة:
Freeman هو الـcode name لمغتال شهير ذائع الصيت يبكي كل مرة يقتل احد
لاحد يعرف ماضيه واسمه قبل ان يعصى الاسم فريمان
يعين على عملية اغتيال شاهدة على جرائمه لاكن الفتاة محبطة وملانة من الحياة
ماذا سيحصل بينهما ؟ ما علاقة فريمان بالمافيا الصينية والعصابات الايطالية؟

هممممم
قريت اول فوليوم وكنت متحمس
قريت الفوليوم الثاني قل حماسي مرررة
اول خيبة امل ان القصة طلعة مش سينين بل دراما @_@ ودراما اي كلام بعد
المانجا صاير مالها هدف واضح
والبطل صار عبيط ما يعرف يحارب اله وهو مفصخ على الآخر وسكين في فمه
وصاير قوي بزيادة الولد

مادري ليش بس احس ماراح اكملها ~

Adventure Boys


النوع : شونين
فوليومز : 1 فوليوم

ايضاً كتاب يحوي مجموعة وان شوتز للمانجاكا المعروف Mitsuru Adachi
كل قصة تحكي عن طفولة ناس كبار الحين

شي خفيف للقرائة اللطيفة

وان شوت

Love's Red Signals

وان شوت
النوع : شوجو

اصدقاء طفولة لاكن لا يتواجهون وجهاً لوجه
لماذا؟

نهايتها خلتني اموت من الضحك
حل منطقي وعبيط D:



Locker Trade Agreement

وان شوت
النوع : سينين

مانجا تحاكي الاحتباس الحرار وغلطة احد العلماء اله ادت لتغير في العالم في المستقبل
وخزانة تربط المستقبل بالماضي



AOD

كيف شامو معاك ؟


GrassHopper

لا عااادي .. شدعوة .. ماصار شي .. أنا بس حطيتك بالبلاك ليست .. وكرهتك كره العمى .. مافي شي

الحمد لله تم على خير على بالي بيصير شي اسوء من كدا <<< يستحق على شان الحراق P:


sleeplessgirl

فووو كلمتني عن Life قبل وتحمست اقراها مع انها شوجو...بس حسيتها غير
ننتظر يترجمون اكثر فيها ونقراها


FAN6OM

أول أمس قرأت Bad Company ... عمل من أعمال فوجيساوا التلخ ..
المانجا عجبتني بشكل وقهر أنها 10 شابترات وبس .

ذكريات حلوه مع هل مانجا...
ما تحس انها 10 تشابترات بس تحسها متكاملة "بداية-احداث-نهاية"

Shonan Junai Gumi زمان عنها
كنت مستانس عليها قبل لمن كنت طاير مع الشونين
للاسف المانجا طويلة والقروب بطيء
بس مانجا حلوه تستحق الواحد يتابعها ويبكي ضحك D:

لو ناوي على عمل حلو للتلخ ومخلص جرب Rose Hip Rose اكشن مسدسات حلو

[THE FANTOM]

Crying Freeman


النوع : اكشن - رومانس - دراما - مغامرات
الفوليومز : 10 فوليوم (مرخصة)
الفئة : +18 (عنف - عري)

القصة:
Freeman هو الـcode name لمغتال شهير ذائع الصيت يبكي كل مرة يقتل احد
لاحد يعرف ماضيه واسمه قبل ان يعصى الاسم فريمان
يعين على عملية اغتيال شاهدة على جرائمه لاكن الفتاة محبطة وملانة من الحياة
ماذا سيحصل بينهما ؟ ما علاقة فريمان بالمافيا الصينية والعصابات الايطالية؟

هممممم
قريت اول فوليوم وكنت متحمس
قريت الفوليوم الثاني قل حماسي مرررة
اول خيبة امل ان القصة طلعة مش سينين بل دراما @_@ ودراما اي كلام بعد
المانجا صاير مالها هدف واضح
والبطل صار عبيط ما يعرف يحارب اله وهو مفصخ على الآخر وسكين في فمه
وصاير قوي بزيادة الولد

مادري ليش بس احس ماراح اكملها ~

لووول ...
غريبه تقرأها .. شكلك متفرغ .. ^
وليه ماتكملها .. قصيره...+ صعب تحكم على شيء من بدايته ...
أيه صح نسيت أنك العمو هنا .

Shonan Junai Gumi زمان عنها
كنت مستانس عليها قبل لمن كنت طاير مع الشونين
للاسف المانجا طويلة والقروب بطيء
بس مانجا حلوه تستحق الواحد يتابعها ويبكي ضحك D:

لو ناوي على عمل حلو للتلخ ومخلص جرب Rose Hip Rose اكشن مسدسات حلو

همممم.. بالنسبة ل شونين تصفحتها على السريع ...
وعندي طلب .. هل تعرف مكان أحصلها كامله ولالازم أنتظر
Illuminati-Manga ؟؟

Rose Hip Rose
مسدسات ؟ صعب جدااا لكن بحاول ...

------------------------------------------------------------------------------------------

آخر ماقرأت كان :

Pokemon Adventures
شونين - مغامرات
7 فوليمات ..
مانجا لمحبي البوكيمون ...^
الشخصيات تشبه شخصيات المسلسل ..لكن بأسماء أخرى ومغامرات أخرى ..

Ai Kora (Love & Collage)
شونين - كوميدي
فوق 5 فوليمات ..
من كاتب أيام ميدوري ...^
على العموم القصه ماكتبها مثل قصة ميدوري ..
القصه تحكي عن ولد يدعى Hachibe Maeda (15 Years'D)
وليس لديه جيرل فريند .. السبب ؟؟
لأنه يريد الجيرل فريند بمواصفات شبه مستحيله !!
من المواصفات : ساقين طويلتان بزويا محدده + صوت ساحر للغايه + عيون مثل عيون القطط +... الخ ..
لذلك يقرر الذهاب إلى توكيو وهناك يجد كل المواصفات لكن المشكله ..
كانت أنه وجد صفة العيون في فتاه وصفة الصوت في فتاه أخرى وصفة الساقين في أخرى .......
ف وش راح يصير ؟

رآيي /
المانجا مسلية جدااا ومتأمل أشاهده أنيمي في المستقبل ...^

أيضااا قرأت كم فوليوم من إيبو ووصلت إلى 25 ...^
باقي 10 فوليمات وأوصل إلى نهاية الأنيمي 35 ..

أيضااا تصفحت الفوليوم الأول لOujisama no Kanojo..
(( كتبت عنها توكو من قبل ))
المانجا شكلها جيده .. لكن المشكله التكمله والبطىء ..

[Persona]

اقول
في حد يقرأ مانجا داي شجاع غيري؟؟
اخر شابتر صج T_____T
i never ever though pop'll dead like the
same way van die T_T
cya

[abdulaziz1]

ياخي خاف ربّك يا تيرور .. كمان آخر شابتر

حط سبويلر ولا حاجه .. -_-

لو انت ما عندك مشاكل مع السبويلرز ترى غيرك عنده .. -_-

عموما انا ناوي اقرا المانغا بس وين القاها كاملة ؟

[Persona]

ياخي خاف ربّك يا تيرور .. كمان آخر شابتر

حط سبويلر ولا حاجه .. -_-

لو انت ما عندك مشاكل مع السبويلرز ترى غيرك عنده .. -_-

عموما انا ناوي اقرا المانغا بس وين القاها كاملة ؟

لوووووول
مسامحة^^
بس حماس ومايسوي ^_^
وتقدر تحصله من ميرسي
تحميل
#square_ocean@irc.irchighway.net
واقول
اذا شفت الانمي
عادي تقفز الى معركة باران ( مافي الا اختلافات بسيطة زيادة على اسامي حقيقة للحراكات ومقاطع
المقطعة من بعض حركات)
سلام

[MEIKO]

مرحبا حبينا نشارك معاكم

آخر ماقرأت >>> من كثر اللي قرتهم توها باديه

Penguin brothers

النوع : شوجو
5 فوليومز

مانجا رائعة الصراحة .. القصة عن هينا التي تعيش مع خالها الرسام والذي تدفعه ظروفه دائما لعدم الاستقرارا في مدينة واحده وعليه عدم استقرار هينا في مدرسة واحدة .. تبدأ المانجا بانتقال هينا للمدرسة ااثانوية ..لتكتشف من يومها الأول أن هذه المدرسة ليست مدرسة عادية وان طلابها غريبوا الأطوار ..فطلاب المدرسة ينقسمون الى مجموعتين مجموعة ترتدي الزي الأبيض، ومجموة ترتدي الزي الأسود وكل منها يتبع قائد ،وكلا المجموعتين تعيشان في حرب مستمرة كل يوم .. وطبعا تم اعلان الحرب على هينا المسكينة منذ اليوم الأول لعدم ارتدائها أي من الزي الأسود أو الأبيض ، فماذا ستفعل هينا ، وهل ستكون فتاة مسكينة حقا !

أكثر ما عجبني في المانجا ( الرسم ، الشخصيات ، بعض المشاهد الدرامية والتحدث عن الطفولة المعذبة ، فهي ليست شوجو ورومانس بين البطل والبطلة وبس ، هذي المانجا غير وأتمنى اللي ماقراها ان يقراها وماراح يندم ^__^ )

mint na bakura

16 فوليومز
مانجا ظريفة جدا وكوميدية ، والسبب اللي خلاني أدور عليها هي أن مؤلفتها هي نفس مؤلفة مرمليد بويWataru YOSHIZUMI' بس هذا كافي انكم تقرونها

Good morning call


حبيت المانجا واايد رغم ان القصة عادية ، قريت لي فوليوم 9 تشابتر 45 ، اذا أحد يعرف وين ألاقي الباقي يقول لي ، حتى لو بال MIRC ترى صرت أعرف له الحين ، ثانكس عمو تنت ومراقبنا أحمد وكل اللي عذبتهم معاي عشان أعرف له

خططي المستقبلية ـ أقرا مانجا Glass Mask واللي ماصدقت لقيتهم مترجمينها الى V0 22 ، طبعا أنا شفت الأنمي القديم انتاج 1984 وانقهرت على النهاية المفتوحة ، خلص الانمي لما بدت القصة الحقيقية >_< وان شاء الله تكون أجزاء المانجا اللي لقيتها تكون أحداث بعد الأنمي




سيا

[Sakura A.S]

السلام عليكم و رحمة الله و بركاته

MEIKO

Penguin brothers

قرأتها قبل 8 أشهر, مانجا فله, القصة و الشخصيات "خصوصا هينا" خطيرة, صح أنها شوجو مانجا بس مرة مختلفة عن طابع الشوجو "على الأقل البطلة مو غبية و ضعيفة", و أنصح الجميع بقرأتها.

mint na bakura

مانجا حلوه و خفيفة و قصيره "تقريبا الفوليوم مكون من 60 صفحة", بس عيبها نهايتها المفتوحة.

Good morning call

هذه المانجا من أفضل مانجات الرومانس اللي قرأتها, قد تكون قصتها مكررة بس طريقة سرد الأحداث و طباع الشخصيات غير.

قريت لي فوليوم 9 تشابتر 45 ، اذا أحد يعرف وين ألاقي الباقي يقول لي

المانجا مكونة من 11 فوليوم, اترجم 45 شابتر من المانجا "يعني إلى منتصف الفوليوم 9" و اترجم أول شابترين من الفوليوم الأخير 11.

دورت على روابط للشابترين و ما لقيت إلى روابط لموقع up-file "ما أحب هذا الموقع >.<", على أي حال حأنزل روابط و إذا ما ضبطت معاك, جربي قناة lurk .

vol 11 ch 1
vol 11 ch 2

سلام

[GrassHopper]

ميكو

وين لقيتي مانجا قلاس ماسك ؟؟ .. أنا شفت أول حلقتين من الانمي ( القديم ) وودي أكمله .. بس لو عندج موقع حق المانجا يكوون أحسن .. أحب المانجا أكثر ^^