بسم الله الرحمن الرحيم
السلام عليكم ورحمة الله وبركاته ، أهلا وسهلا بكم في الجزء التاسع من سلسلة الحديد من قبل أخوكم VaSh ThE sTaMpEdE ، إذا كنت تريد زيادة إحدى الأقسام التالية زور الروابط التالية :
الجزء السابع - عضلات البطن Abdominals :
http://montada.com/showthread.php?t=516639
الجزء الثامن - اللياقة Cardio :
http://www.montada.com/showthread.php?t=520415
ملاحظة : لوحة المفاتيح الي عندي ما فيها عربي ، كله من ذاكرتي ، يعني ساموني إذا لقيتوا أخطاء إملائية .
ترا هذا آخر موضوع في السلسلة ، لا تخافون ما انتهينا من المواضيع ، الحين بس انتهينا من مواضيع البداية في الحديد ، بعد ذا الموضوع بنبدأ مواضيع التمرين بالحديد ، والي حنشرح فيها التمرينات لكل عضلة .
موضوعنا الأخير في سلسة بداية حديد هو :
معتقدات وحقائق
ليه يا Vash ؟
في هالجيل كثرت الفقشات وكثرت الإشاعات وصار كل مدرب يحسب نفسه عالم . فمثلا المدرب في النادي يجي يفرض عليك كذا وكذا ، والمشكلة هو نفسه ما عنده سالفة ( بس في مدربين ما شاء الله ما قصروا
) . عموما أنا دايم أسمع معقتدات وحقائق خاطئة ، وهنا بذكر بعض منها .
1- حقيقة : إذا تركت الحديد ، عضلاتي بتروح .
هذا الكلام صحيح ، خلني أقولك ليش . أول شيء قبل ما أتدخل في الحديد ، خل نتكلم عن جسم الإنسان . لو لاحظت ، بتشوف إنه جسم الإنسان يتكيف مع أي شيء . مثلا ، لما الواحد يبدا رياضة الجري ، أول يوم بتكون صعبة ، بعدين كل يوم تصير أسهل ، وهذا بسبب أن الجسم تكيف لهل العملية . كيف . الجسم لما يطرأ عليه أي يتغير لازم تكون له ردة فعل . لما تجري لعدة أيام ، الدورة الدموية حقتك تتنشط أكثر ، عضلة قلبك تقوى ، وعظامك وعضلاتك تقوى . لما وقفت ، الجسم محا يحتاج هالصفات ، فحيمسحها الجسم ، يعني عمل قلبك بيرجع عادك ، وعظمك بيرجع للهيئة الي كان فيها .
من هنا نستنتج إن " الجسم لو أحتاج شيء كونه ، لو ما يحتاجه أزاله " . الحين ندخل في الحديد . لما ترفع ثقل وتمثل ضغط على عضلاتك وش تكون ردك فعلك جسمك ؟ الخلاية في العضلة المستخدمة حتتكسر وفي وقت الراحة ستتم بناء خلايا جديد أقويا وبالتالي عضلة أقوى . الجسم ما سوا هالعملية إلا لأنه اضطر . لما تترك الحديد ، الجسم ما عاد يحتاج العضلات ، لأن مافي هناك جهد أو ضغط عليها ، فالجسم يتخلص منها . بس السؤال الي يطرح نفسه " ليش تترك الحديد أصلا ؟ "
2- اعتقاد خاطئ : لو تركت الحديد ، عضلاتي ببتحول إلى دهون .
هذا أكبر خطأ يطيحون فيه الناس ، ودايم يستخدم كعذر عشان الواحد ما يخش الحديد ( لا تخدع نفسك يالحبيب
) .
العضلات والدهون شيئين مختلفين تماما ، مبنيين من مواد مختلفة ، ما تقدر العضلة تتحول لدهن أو العكس . مثلا : لو جبت مادة الخشب ومادة الحديد ، بالله عليك بيمديك تحول الخشب للحديد أو العكس ؟ أكيد لا . السبب في ظهور الدهون هو بسبب التغذية ، فمثلا خل نقول فلان وزنه 200 كيلو ، ونسبة الدهون في جسمه ( المعروف بال BodyFat ) ثمنية بالمية . هذا يعني تقريبا وزنه كله عضلات ( يعني هذا مع الإضافة إلا الأعضاء والعظام ) بس الي قصدي إنه بدون دهون . عاد فلان اذا هو كذا ما شاء الله أكيد ضخم وبلاه ضخم أكيد تغذيته عالية ( 3000 سعرة حرارية في اليوم ) . نفسه فلان وقف يلعب حديد ولسا قاعد في نفس التغذية ، على مرور الوقت العضلات بتروح والجسم محا يحتاج هالكمية الهائلة من السعرات الحرارية ،
وبالطبع أي شيء زائد يتحول لدهون ، لذا الناس يحسبون العضلات تتحول لدهون .
3- اعتقاد خاطئ : الحديد يأثر على الطول .
يا جماعة الحديد ما يأثر على الطول ، أنا قريت الكثير من المقالات وسألت الكثير من المختصين وقالوا الحديد ما يأثر على الطول ، يمكن يأثر على طولك لو شلت وزن كبير مرة ( 200 كيلو ) ، وما أظن الواحد يمديه يسوي هالشيء إلا لو كان محترف .
4- حقيقة : طولك طولك ، ما يمديك تنقصه أو تزيده .
في محارب samurai قال هالعبارة وعجبتني مرة
" الحقيقة مب هي الي تبيها ، الحقيقة هي الحقيقة ، يا إنك تقبلها وتخضع لأمرها ، أو إنك تعيش أكذوبة ".
طولك هو طولك ولا يمديك تغير شيء فيه ، هو مبني على جينات ، أنا طولي 173 سم ووزني 71 كيلو ( آخر مرة قست ) والحمدلله طولي زين. مافي شيء يقدر يزود طولك ، أنا سمعت بالإبر وبعض التمرينات بس ما أصدقها . عموما الأطباء يقولون الحليب يلعب دور مهم في النمو .
بس تصدق ، أنا عن نفسي ، تتذكرون يوم قلت
" الجسم لو أحتاج شيء كونه ، لو ما يحتاجه أزاله " ، يمكن لو قعد تنقز كل يوم 100 مرة يزيد طولك ، بس مدري ، هذي بس نظرية مني
.
5- اعتقاد خاطئ : لازم أستعمل منشطات عشان أجيب عضلات كبيرة .
هذا عذر آخر للناس عشان يبدون يستعملون المنشطات . مافي شيء اسمه تحتاج منشطات ، المنشطات تسرع عملية تكون البروتين سرعة هائلة ، مب شيء ثاني ، لو تبي جسم حلو كبير """
طبيعي """ يبيلك صبر ( والصبر من صفات المسلم صح ؟
) . عشان تجيب عضلاتك كبيرة ، لازم تبذل جهد + تاكل بروتين + تزيد الوزن .
6 - حقيقة : لو تبي جسم هائل ( كمية هائلة من العضلات ) ، مافي إلا المنشطات .
عضلاتك إنت يا إنسان مبنية على الجينات إلى أخذتها من أمك وأبوك ، عضلات حتنموا وتنموا لين حد معين ، لا تخاف بتكون كبيرة وحلوة ، بس تبي جسم فيه كملية هائلية من العضلات الخيالية ( والجنونية بصراحة
) ، لازم منشطات . لحد يخدع نفسه وياخذ هالكلام عذر ويبدأ يستخدمها ،
المنشطات بس للخكري والرخمة إلا ما عنده ثقة بالنفس ، أنا بس قاعد أقولك هالكلام عشان ما تصدق أي واحد يجي يتفلسلف عليك ويقولك إنه هو بنفسه جاب هالعضلات .
7 - اعتقاد خاطئ : إزالة الدهون من مقطع واحد من الجسم .
مافي شيء اسمه ياخي بشيل الدهون من هالمنطقة من جسمي . في كثير الي يبون يطلعون السكس باك ، يسوون مئات الcrunches ، مب عشان يقوون العضلة ، بس عشان يشيلون الطبقة الدهنية فوق السكس باك عشان تبان . لما تسوي أي نوع من اللياقة وتحرق الدهون ، حترق الدهون من جسمك كله ككل .
8- اعتقاد خاطئ : لو كثرت التمرينات ، حتكبر العضلة .
لا لا لا و No No No
، هذا حفرة يطيحون فيها الكثير من المبتدئين ( زي ما صارلي أنا في البداية
) .
يا جماعة العضلة تحتاج راحة ، ما يقارب 48+ ساعة .
9 - حقيقة : مافي تقدم بدون جهد .
العنوان واضح وضوح الشمس ( يبيلك نظارة شمسية <<<<<<< يا باييييخ
). مثلا لو رحت النادي وقعدت تتمرن بدون وزن وش بتستفيد ؟ ولا شيء ، وحتى لو تمرنت بوزن وبدون جهد محا تستفيد ، مثلا لو سويت تمرين بايسب بوزن 1 كيلو ، هذا محا يكون ثقيل عليك أبد
. شف الصورة التالية :
الصورة السابقة تشرح لك عن الجهد ،
لازم دايم لما تلعب حديد توصل للمستوى الأزرق ، يعني تبذل جهد أكثر من الطبيعي ( زي لما تزيد الوزن ) . لأن المستوى الأصفر هو العبارة عن طاقتك العادية ( مثل المشي ، المشيء ما يتعب إلا لو كان لمدة طويلة ) . أهم شيء تبذل جهد .
10 - اعتقاد خاطئ : إذا مافي ألم ، يعني مافي تقدم .
نرجع للصورة السابقة ، ابذل جهد ، بس لا تسوى التمرين بشكل خاطئ ، أو تزيد على نفسك ،
لو تحس بألم ، وقف ، لأنك قاعد تسوي شيء خطأ . وترا في فرق كبير من الألم والتعب والإحساس الشد ( بالإنجليزي Your Muscles Are Sore ) . لو عضلاتك تحس مشدودة في اليوم الثاني أو تعبانة ، هذا شيء زين
، بس لو تحس بألم ، هذا شيء خطأ ، وربما يكون عندك تمزق أو شيء ، وإن شاء الله حتشفى مع مرور الوقت . عموما ، لا توصل المستوى الأحمر ، ولا تقعد في الأصفر ، خلك في الأزرق يا بطل
.
11 - اعتقاد خاطئ : كشخص ألعب حديد ، لو طبقت تغذية خالية من الدهون ، أقدر آكل أي شيء.
صح الدهون الزايدة ما نبيها لأنها تغطي العضلات وتخلي شكلك بايخ . وحتى لو طبقت تغذية خالية من الدهون ،
البروتين والكاربوهيدرات الزائد بتيحول إلى دهون ، يعني شغل مخك يا ولد
. وترا مب زين تروح على رجيم بدون دهون ، سو رجيم ما كمية دهون قليلة ، للأن مو كل الدهون شينة ، مثال : ال saturated fat مب زين ، ال Mono-saturated fat زين .
ولله الحمد انتهينا من سلسلة بداية الحديد كلها ، من جزء 1 لين 9 .
الحين ببدأ سلسلة جديدة وهي
سلسلة التمرين بالحديد ، وحأشرح فيها التمرينات لكل عضلة .
بس أهم شيء نشوف الردود
.
إن شاء الله يا إخواني تكون استفدوا من كل مواضيعي السابقة .
شكرا....والسلام
أخوكم VaSh ThE sTaMpEdE
المشاركة الأصلية كتبت بواسطة VaSh ThE sTaMpEdE
...احسن شي العضلات المتوسطه الى الكبيره وبدون ستيرويدز. 
رد: أجل تبي تلعب حديد... البداية هنا : الجزء التاسع : معتقدات وحقائق {{{ آخر جزء }}}