نصيحة لتركيب التوربو

[بو عبداللة]

السلام عليكم و رحمة الله وبركاته ...

أخواني، أنا أريد أشتري نيسان قصير موديل 1989، و صايبتني خرشة أبغي أركب توربوووووو

طبعاً انا أبداً ما عندي أي خبرة في التيربو، كل اللي أعرفه انه يعطي الموتر قوه زيادة، و يطلع صوت جمييييل

فأرجوكم وضحولي شو فوايد التوربو، و إذا بغيت أركب توربو هل لازم أركب أي زوايد ثانية؛ يعني يصير أركب توربو بدون اي شي و لا لازم أركب شي ؟ و بغيت أعرف أرخص توربو موجود في الخليج ؟

[هاوي التعديل]

اخوي الموضوع مو بمكانه

[TERBO]

تم نقل الموضوع إلى مكانه ..

[MR.أستبنه]

اخوي بو عبدالله
شوف التوربو ترا مو شي سهل
يعني يبغاله شغل مو سهل
وعوار راس وقطع وحوسه
من ناحيه النيسان 89 وما فوق الشباب ياخذون البدي فقط ويغيرون المكينه لان مكينته ما تسوا
يركبون مكينه فتك نيسان او 4500 تويوتا او ال اس 1 شيفروليت
المكاين الي تتفاعد مع التوربو وتعطي نتايج حلوه على ما رأيت هي الفتك وال4500
طبعاً تحتاج تغيرات كثيره في المحرك
بعد تركيب التوربو والواست قيت والانتر كولر والوبايبات والبلووف فالف وتمديد الزيت للتوربو تحتاج تركيب فيول سستم كامل يتحمل قوه التوربو وهو عباره عن فيول بمب وفيول لاين وانجكترات ووو...
وتحتاج برمجه كمبيوتر وتحديد البوست الي تطمح فيه
طبعاً اذا المحرك استوك ما راح تطلع فوق بوست 8 اما اذا تبي تروح فوق تحتاج بساتن واذرعه ووو...
فالمسأله مو سهله
اذا انت عندك اصرار على الموضوع وميزانيتك كبيره (التوربو لحاله مع توابعه بيكلفك حدود 30 الف ريال سعودي على الاقل) عطني خبر وانا اقدر اساعدك في هذا الموضوع

[بو عبداللة]

اخوي الموضوع مو بمكانه

جزاك الله خير على التنبيه

[بو عبداللة]

تم نقل الموضوع إلى مكانه ..

أشكرك على نقل الموضوع يا اخوي

[بو عبداللة]

اخوي بو عبدالله
شوف التوربو ترا مو شي سهل
يعني يبغاله شغل مو سهل
وعوار راس وقطع وحوسه
من ناحيه النيسان 89 وما فوق الشباب ياخذون البدي فقط ويغيرون المكينه لان مكينته ما تسوا
يركبون مكينه فتك نيسان او 4500 تويوتا او ال اس 1 شيفروليت
المكاين الي تتفاعد مع التوربو وتعطي نتايج حلوه على ما رأيت هي الفتك وال4500
طبعاً تحتاج تغيرات كثيره في المحرك
بعد تركيب التوربو والواست قيت والانتر كولر والوبايبات والبلووف فالف وتمديد الزيت للتوربو تحتاج تركيب فيول سستم كامل يتحمل قوه التوربو وهو عباره عن فيول بمب وفيول لاين وانجكترات ووو...
وتحتاج برمجه كمبيوتر وتحديد البوست الي تطمح فيه
طبعاً اذا المحرك استوك ما راح تطلع فوق بوست 8 اما اذا تبي تروح فوق تحتاج بساتن واذرعه ووو...
فالمسأله مو سهله
اذا انت عندك اصرار على الموضوع وميزانيتك كبيره (التوربو لحاله مع توابعه بيكلفك حدود 30 الف ريال سعودي على الاقل) عطني خبر وانا اقدر اساعدك في هذا الموضوع

حبيت اعلق على كلامك كله ....


أولاً: مسألة أنه مب سهل و يباله شغل؛ فهل شي معلوم لدي، و لهل سبب أنا سألتكم أنتوا أصحاب الخبرة ..


ثانياً: أنا حطيت في بالي أنه المكينة لازم تتبدل و تكون اقل شي 4500؛ لأني سمعت الشباب يتكلمون، بسسسس سؤالي هو: مكينة 4200 ما تنفع حق التوربو؟؟ خصوصاً إني أنا ما أحتاج هذااااك التوربو اللي يشق الأرض شق ، مجرد تسلية بسيطة، لأني أساساً عندي كابريس أس أس و متسلي كفاية ...


ثالثاً: كل الأشياء اللي ذكرتها لي انه لازم تتركب، كم يطلع سعرها تقريباً؟ (تذكر إني أحتاج توربو بسيط)


رابعاً: انا سمعت أنه في توربوات أصلية تكلف 10000 درهم، فا ما ادري هل هذا الكلام صحيح ؟


خامساً: جزاااااااااااااااااااك الله ألفففففففففففف خير يا أخوي مستر أستبنه




ملاحظة بسيطة:- إذا سمعت عن النوبي (Al Noobi Team) اللي يزود سيارات في دبي، تراه نسيبي ، و أنا أقدر أسأله عن هذا كله، بس انا حبيت أسمع من كذا طرف نفس ما يقولون عشان ما أندم و أخسر الفلوس على الفاضي

[MR.أستبنه]

هلا بك اخوي

اذا ال4200 كاربريتر جدوا التيربو فيها مو كبير
يعني ما راح تطلع مستوى يعجبك بالسعر الي راح تدفعه
اما عن ال4500 تعطي نتايج جميله على بوست بسيط
حتى ولو تبي تركب تيربو صغير راح يكلفك لان الكلام مو على التيربو الكلام على القطع الثانيه والمشاكل لانك بكذا تحول مكينه من نظام انجكتر الى نظام تيربو انجكتر فهذي مو سهله
وزي ما قلتلك التيربو مع ملحقاته راح يكلفك حدود ال30 الف لكن تختلف الاسعار خاصه في الامارات ويمكن تحصل حاجات مستعمله نظيفه باسعار حلوه اما اذا انت ناوي تاخذ جديد الله يعينك
بالامكان تحصل تيربو مستعمل وانتر كولر وكمبيوتر وبلووف فالف وتفصل البيبات يعني انت وشطارتك وفهمك بالسوق
انا اعرف ناس طلعو كتات تيربو قويه باسعار حلوه لانهم عرفو كيف يشترون وايش يشترون ومن وين
اما عن ناحيه نسيبك اسأله هو راح يفيدك ويعطيك معلومات اكثر
وحياك الله اخوي واذا عندك اي سؤال انا حاظر اخوي