play station 3أيهما أفضل

[SOLID15]

السلام عليكم و رحمة الله و بركاته
و بعد أرجو من أخوانى مستخدمين ps3 ان يشاركونى بنصيحتهم حيث أنى أريد أمتلاك ال ps3و لكنى فى حيرة أيهما أفضل ps3 أمريكى أو ps3 أوروبى
فلو تكرمتم يكون الرد فى شكل توضيح مميزات كل منهم و عيوبه أيضا

[mtaatm]

اي والله ياليت واحد يفيدنا لان بصراحة هذه السالفة محيرتني
يعني ايش الفرق بينهم ؟؟؟ اتمنا يكون رد شامل كل الفروقات والعيوب والمميزات ....
.
ومشكورررين مقدماً

[عاشق الداونلود]

حسب معلوماتي
1- الامريكي العابه تنزل قبل الاوربي بس الحين تقدر تشغل العاب الامريكي والاوربي والياباني على حسب ماسمعت ان الميزه هذي متوفره في البلايستيشن3 عكس قبل لاصار عندك بلايستيشن اوربي ماتلعب الا العاب اوربيه
2- الامريكي خط الكهربا حقه 110 والاوربي 220
3-الامريكي ماتوقع له وكيل عندنا يمكن تضمنه بعض الشركات لكن الاصدار اللي عليه ضمان من الوكيل هو الاوربي لان نخضع لمواصفات والمقاييس الاوربيه
4- العاب الاوربي متوفره بكثره في السعوديه عكس الامريكي (اتكلم عن الالعاب الاصليه) نادرا ماتحصل لعبه اصليه تحمل نظام امريكي او ياباني وان حصلتها تحصلها في محلات على عدد الاصابع عكس الاوربي وهو النظام المعتمد عندنا

في النهايه انشاءالله قدرت افيدك وعرفت تختار واذا تبي نصيحه نعطيك النصيحه
نصيحتي لك انك تاخذ الاوربي
بتقولي ليه لانه النظام المعتمد عندنا بالسعوديه
وشغلات كثيره من ضمنها توفر العابه وقطع غياره
عكس الامريكي صعب تلاقي العابه وقطع غياره هذا اذا كان يختلف عن الاوربي من ناحيه قطع الغيار
مع اني شبه مؤكد ان قطع غياره تختلف
مثال بسيط
سيارة الكامري بالسعوديه متوفر نوعين امريكي وخليجي الامريكي شبه نادر تحصل قطع غيارها عكس اللي مواصفاتها خليجيه لان الخليجيه لها وكيل وذيك لا

[soud1999]

الموضوع الف مرة مكرر

[Mr.X]

في النهايه انشاءالله قدرت افيدك وعرفت تختار واذا تبي نصيحه نعطيك النصيحه
نصيحتي لك انك تاخذ الاوربي

بس انا سمعت ان الامريكي احلى شي فيه هو انك يمديك تدخل للأون لاين وتلعب أون لاين ببلاش
اما الاوربي فلازم تشتري بطاقة إشتراك خاصه للدخول للأون لاين ,, مثل بطاقة الاشتراك الذهبي للـ 360
فممكن توضح لنا عن هالشي ؟ ومن وين ممكن القى هالبطاقة حقة الاشتراك ,, لأن جهازي أوربي PAL ومعاه ضمان سنه وابغى اعرف عن هالمعلومه اللي سئلتك عنها ..

[mtaatm]

سألبت بعض الناس وقالو لي هل كلام:
1_ ان الاروبي ما يشغل العاب البلاي1&2
2_الاروبي سيئ في ال ان لاين
.
وسمعت ان الامريك مايشغل DVD اوروبي والعكس> <
.
هل الكلام الي سمعته ^ صحيح لو لا ؟؟؟
وادا كان صحيح اي نوع من الدي في دي منتشر عندنا في السعودية اكثر اوروبي او امريكي ؟؟؟
وادا كان صحيح الكلام انا اشوف ان مافي فرق في النسختين غير ان الاوربي عليه ضمان وبس
.
وحاب اسأل هل في فرق في السعر؟؟؟

ومشكورين مره ثانية وارجو الافادة اكثر

[mtaatm]

^^^
^^
^
يا شباب ارجو الرد

[M.A.C.D]

ننتظر........

[msm]

2- الامريكي خط الكهربا حقه 110 والاوربي 220

اذا ماكنت أنا غلطان ..كل الإصدارات تشتغل على 110/220 ..

بس انا سمعت ان الامريكي احلى شي فيه هو انك يمديك تدخل للأون لاين وتلعب أون لاين ببلاش
اما الاوربي فلازم تشتري بطاقة إشتراك خاصه للدخول للأون لاين ,, مثل بطاقة الاشتراك الذهبي للـ 360

المعلومة غلط .. الاونلاين مجاني بكل الإصدارات والمناطق ..

1_ ان الاروبي ما يشغل العاب البلاي1&2

الإصدار الأوروبي طرأ عليه تعديل في القطع الداخلية .. حيث تم إزالة معالج جهاز PS2 و معالج PSone .. لكن هذا لايعني أن الألعاب لاتعمل .. بعضها لايعمل (حتى الآن) فيما أكثرها يعمل بشكل جيد .. وفي تحديثات الجهاز القادمة سيتم معالجة الالعاب التي لاتعمل ..

وعلى فكرة حتى الدفعات الجديدة من الإصدار الأمريكي والياباني راح يتم تعديلهم مثل ماحصل مع الاوروبي ..

2_الاروبي سيئ في ال ان لاين

خدمة الأونلاين واحدة في كل الإصدارات ..

وسمعت ان الامريك مايشغل DVD اوروبي والعكس> <

صحيح ..

وادا كان صحيح اي نوع من الدي في دي منتشر عندنا في السعودية اكثر اوروبي او امريكي ؟؟؟

النظام الأوروبي PAL ..

وحاب اسأل هل في فرق في السعر؟؟؟

السعر الرسمي للأوروبي مثل مانعرف كلنا 2500 ريال ..بعض المحلات تبيع أمريكي أو ياباني بأسعار أخرى مع عروض خاصة (لعبة أصلية أو يد تحكم إضافية ..الخ) ..

أحب أنبه واذكر الجميع انه توجد فروق في نوعية محتويات متجر البلاي ستيشن على الشبكة PLAYSTATION Store تختلف من منطقة إلى أخرى ..أمريكا غير أوروبا غير اليابان غير كوريا ..الخ ..
لكن هذه حلها سهل ..كل ماعليك فعله هو تسجيل حساب جديد لكل منطقة (يعني يكون عندك مجموعة حسابات مختلفة) حتى تستفيد من كل المتاجر الرسمية على الشبكة ..

[كلو توري]

مشكور msm .....

[>TIDUS<]

سألبت بعض الناس وقالو لي هل كلام:
1_ ان الاروبي ما يشغل العاب البلاي1&2
2_الاروبي سيئ في ال ان لاين
.
وسمعت ان الامريك مايشغل DVD اوروبي والعكس> <
.
هل الكلام الي سمعته ^ صحيح لو لا ؟؟؟
وادا كان صحيح اي نوع من الدي في دي منتشر عندنا في السعودية اكثر اوروبي او امريكي ؟؟؟
وادا كان صحيح الكلام انا اشوف ان مافي فرق في النسختين غير ان الاوربي عليه ضمان وبس
.
وحاب اسأل هل في فرق في السعر؟؟؟

ومشكورين مره ثانية وارجو الافادة اكثر

هلا أخوي :

أنا في أوروبا وشاري البلاي ستيشن منها
ف سؤالك الأول :
البلاي ستيشن الأوروبي للحين بس يشغل ألعاب ال PS1 و 2 بس الأوروبيه
الثاني :
الأون لاين زي الحلاوه الا إذا كان النت عندك بطيء فهذا شي ثاني
الثالث :
الأوروبي يشغل ال DvD
الرابع :
ما عندي أي خبره في نوع ال DvD اللي ينباع في السعوديه
الخامس :
والله ما أدري عن سعر الأمريكي أنا شريت الأوروبي ب 600 يورو ما يعادل ال 3000 ريال

وإن شاء كنت أفدتك

[اماراتي]

انزين محد جاوب اذا كان النظام اوروبي يشغل العاب الامريكي؟؟؟

[THE ROCK IS THE BEST EVER]

انزين محد جاوب اذا كان النظام اوروبي يشغل العاب الامريكي؟؟؟

اخوي البلاستيشين 3 فري ريجن بمعنى انه يشغل جميع نظام الالعاب سواء كان اروبي او امريكي او

حتى ياباني