مجمع الرحاب فاضي

[مدمن جيمز]

السلام عليكم

امس رحت مجمع الرحاب دشيت المجمع مالقيت ولا بني ادم !!!
استغربت قلت يمكن انا رايح فترة الظهر ومدارس ودوامات ماكو احد

لكن لي الاسف
دشيت المحلات كلها مالقيت ولا سيدي كوبي حق البلي ستيشن
وزراة الاعلام مسويه حملات على بيعات الكوبي حتى محلات الفيديو الي على
البلاجات مافيها كوبي

يعني من صجهم الاعلام على بالهم بنشتري كله اصلي
سعر للعبه 15 دينار والفلم 9 دنانير ؟؟ !! ويمكن اكثر

[YagooT]

وازيدك بعد عندهم مكتب بالمجمع

نظام شفتات الدوامات صبح وعصر
يعني انسه تلقه كووبي

[fatal framer]

هلا اخوي كويتي

لاتستغرب انك مالقيت احد مادام مافي كوبي ماراح يربح عدل الرحاب

وسالفة منع الكوبي من زمان يمكن صارلها شهر او اكثر

وياليت سعر اللعبة 15 سعرها 20 دينار وهذا اقل من سعرها الاصلي

بس فيرجن يبيع الشريط على 27 دينار شدعوة

وفيرجن صكروه من جم يوم علشانه مخالف بس اكيد رد ومشكور اخوي على الموضوع

[Snake-87]

وازيدك بعد عندهم مكتب بالمجمع

يقولون هذي اشاعة ^^

انا فريت الرحاب كله .. فيه كم محل يبيع افلام
ومحلين يمكن بس سوني 2 كويي ^^"

[-Gunners-]

تدري ليش !

لأن في ناس مو تعبانين بالفلوس مولود بحلجة ملعقة من ذهب يروح يشتري أصليي لأكثر من 5 العاب يعني 130 دينار تقريبا وهذيل الناس اهم و اهلهم مايهمهم عنك ما استمتعت و لا لعبت واهم من اشد المصرين على منع الكوبي وفي واحد الله ياخذه و من غير ذكر اسامي من مسك السينما قال مابي كوبي !! ابي الناس تروح السينما و تدفع 2.5 دينار قصب و الأفلام مثل بوزه قديمة و معفنة فصكو عالكل ومنعو الكوبي بس من صجك ! برد الكوبي و بقوه واذكرك بس لأن ماكو لعبة تسوى اصلا عشان يزاجفون عشانها و الألعاب بحالة ركود تام ليه آخر السنه و هذي مصيبه بالنسبة للقيمز

[q8pro]

السلام عليكم

يبا ديرتنا اي كلام
اصبر وراح يفلونا
وتشوف الكوبي منتشر في الديره كلها

[بو ضاري]

ثالث مره او رابع مره يصير هالشيء..اتكلم عن فتره طويله ..5+ سنين وفوق

ودايماً اول محل يكسر هالقاعده هو جيم سنتر وعلني بعد!

عليهم واسطه تهز جبل

ههههه خلني ساكت

بس اقول لوزاره الاعلام نقعوا قانون المطبوعات بماي دام فيه واسطه

[z.o.e]

والله أنتم متعبين نفسكم تدورون كوبي أو تشترون أصلي غالي....
حمل اللعبه من الأنترنت وإنسخها على dvd وفك عمرك من الغثا...

[Smart Player]

منو قالك الحين محد شتري !!!
تدري بجم صار الأصلي الحين ؟؟
صار نفس نظام باجي الدول الأجنبيه , اللعبه اليديده سعرها 15 دينار تقريباً
واللعبه الي صارلها شهر ونص يصير سعرها بين الـ 8 - 4 دينار
والناس الحين كلها تشتري .. ومو نفس قبل اطالع البوم الألعاب !!!!
تختار أشرطه والله ماتدري عنها اي شي , لا الحين الناس ادش تسأل عن لعبه
تشتري وتطلع , الناس الحين قامت تسأل عن اللعبه قبل لا تشتري , والحمدلله أنقطاع
الكوبي عطه مفعوله سريعاً .. وهذا المطلوب !

[البيكهام هام]

منو قالك الحين محد شتري !!!
تدري بجم صار الأصلي الحين ؟؟
صار نفس نظام باجي الدول الأجنبيه , اللعبه اليديده سعرها 15 دينار تقريباً
واللعبه الي صارلها شهر ونص يصير سعرها بين الـ 8 - 4 دينار
والناس الحين كلها تشتري .. ومو نفس قبل اطالع البوم الألعاب !!!!
تختار أشرطه والله ماتدري عنها اي شي , لا الحين الناس ادش تسأل عن لعبه
تشتري وتطلع , الناس الحين قامت تسأل عن اللعبه قبل لا تشتري , والحمدلله أنقطاع
الكوبي عطه مفعوله سريعاً .. وهذا المطلوب !

يبا انت وين قاعد تتكلم شنو 15 و8 و4 انا اخر مره سألت عن اشرطة البلاي3 او اكس بوكس360 بين 25 و20 ومالك امل اشتري اي لعبه بهذا السعر الا هيفلي سوورد ولاير عالبلاي3

اسمحلي انت ليش تفكيرك غير عن الناس كلها تبي كوبي وانا منهم الا انت تبي اصلي

والله اليوم كنت بكتب موضوع واقول شلون احصل كوبي بس مو بلاي ستيشن2 لانه بلاي ستيشن2 فيه محلات بالفراونيه تبيع وثاني شي اشرطتها انتهت خلاص مافي الا تومب رايدر اخر الشهر ومانهانت2

بس اللي انا كنت بكتب عنه وهي اشرطة الاكس بوكس360 كوبي قبل كانوا فيه محلين يبيعونهم كنت اروحلهم واشتري من عندهم اما الحين مافيه احد يبيع خير شر توهقت انا الحين شالحل

[joker_zambrotta]

الرحاب كله نصب بنصب
اللعبه اول ماتنزل ب25
ولا نفس world of warcraft
اول مانزلت ب40 دينار

شنو لعبه 15 دينار وبعدين تصير ب8 يمكن العاب سيجا جنسيس قصدك

[ADEEEL]

يبا انت وين قاعد تتكلم شنو 15 و8 و4 انا اخر مره سألت عن اشرطة البلاي3 او اكس بوكس360 بين 25 و20 ومالك امل اشتري اي لعبه بهذا السعر الا هيفلي سوورد ولاير عالبلاي3

اسمحلي انت ليش تفكيرك غير عن الناس كلها تبي كوبي وانا منهم الا انت تبي اصلي

والله اليوم كنت بكتب موضوع واقول شلون احصل كوبي بس مو بلاي ستيشن2 لانه بلاي ستيشن2 فيه محلات بالفراونيه تبيع وثاني شي اشرطتها انتهت خلاص مافي الا تومب رايدر اخر الشهر ومانهانت2

بس اللي انا كنت بكتب عنه وهي اشرطة الاكس بوكس360 كوبي قبل كانوا فيه محلين يبيعونهم كنت اروحلهم واشتري من عندهم اما الحين مافيه احد يبيع خير شر توهقت انا الحين شالحل

ولا يهمك هذا الحل ...

http://montada.com/showthread.php?t=524624

[مدمن جيمز]

ياخي فرق بين اسعار الكويت واسعار الالعاب على النت
بالنسبة لي السيديات الاصليه الي بيشتري اصلي انصحه يشتري من النت ويفك عمره

[SFS]

بالفعل المحلات بالرحاب ما عندها شي تبيعه أصلا..

وأذكر مرة رحت الرحاب وما أدري ان الكوبي امنعوه ..كل ما دشيت محل اشوفهم يستعبطون معاي..

آخرتها واحد قالي ان الكوبي منعوه..

صحيح ان أحسن حل تطلب من النت..بس مشكلة يمكن يطلع لك دبل السعر بالكويت..

___________

زين شباب شصار على البلايستيشن 3 الاوروبي نزل بالوكالة..؟؟

[ايوب الحسن]

انه اعرف ليش صارت الحملات قوية الحين .....

اولا : وصلت لهم اخبار عن بيع العاب وذات محتوى جنسي وتباع للاطفال .... وطبعا هذا ممنوع في كل الدول

ثانيا : وصلت اخبار تقشعر لها الابدان وهي بيع افلام جنسية فقط للاطفال وبالذات الفتيات الصغار


وهذا ماجعلت الوزارة تغضب وتشن حملات كبيرة عليهم والصراحة انه مع الوزارة وحملاتها ....

يعني الصراحة يا اخوان ... ناس يقدرون يحصلون كوبي للالعاب والافلام ... مايقدرون يحصلون على افلام جنسية؟؟

والمسالة صارت فوضى بفوضى ولازم القانون يتدخل ويحل المسالة ... لانها خرجت عن مسارها


اعطيكم مثال ... اخوانكم واخواتكم الصغار يلعبون بسان اندريس وفجاة اصبح هناك مشاهد خلاعية .... هل ترضي انت على ذلك؟؟؟ والسبب الكوبي


ياخي اسئل عن اللعبة قبل لا تشتري واسئل عن الفلم قبل لا تشترى