بسم الله الرحمن الرحيم
ملاحظة : سامحوني إن لقيتوا أخطاء إملائية بس لوحة المفاتيح مافيها عربي.
السلام عليكم ، كيف الحال إخواني ؟ بعضكم يعرفني بالسعودي الي ساكن في أمريكا
أمس وأنا في الدوجو حق ال Tae Kwon Do ، كنت توني مخلص من التحدي ( وللمعلومية فزت
وعاد وأنا جالس أسولف مع خويي الأمريكي ، جت بنت بثرة في الدوجو ، دايم تطقني مزح مدري ليه. الزبدة أنا وخووي كنا نتكلم عن السعودية والإسلام وكذا ، وعاد هالبنت شافت السيريل قالت ليه شاريه ؟ قلتلها أنا exchange student وعايش مع عايلة مستضيفة ، عاد هي ما صدقت لأن مو أقصد أفتختر بنفسي بس أقدر أضبط اللهجة الأمريكية في الإنجليزية . المهم هالبنت أقولها إني من السعودية وأنا عربي ، وهي تقول لا ما أصدقك ، تكلمت عربي قدامها وقالت لا انت قاعد تتكلم عبري ، قلت شلون أقنعها ذي ؟ بعدين قلت خلني أقولها إني مسلم ، قلتلها الجملة " I believe in allah " ، وبعدين توقعوا ايش قالت ، قالت " Oh you believe in him ? "
. يعني " أوه انت تؤمن فيه " .
للي يبي يعرف وش صار في النهاية خلاص صدقتني ، بس قالت تجيب تشوف جوازي
المهم ، الهدف من طرح الموضوع هو إني أبين لكم يا جماعة إن الإسلام الناس فاهمينه غلط هالأيام ، خاصة الغرب . الغرب يحسبون Allah إله ثاني ولا شيء ، ما يدرون إننا حنا المسلمين نعبد نفس الإله بس إننا ما نسبنا له أحد مثل ما هم نسبوا له عيسى - عليه السلام - .
وللمعلومية هذي مو أول ما تصير معي ، صارلي تقريبا أكثر من 4 مرات ، وأنا حاولت أبين لهم إننا حنا نعبد نفس الإله ، الإله الوحيد لا شريك له .
المشكلة إنه هالأيام كثير من الكفار ما يدرون وش الإسلام الحقيقي ، بس يعرفون الصورة الخرافية عن الإسلام التي نتجت من الأعمال الإرهابية والمتطرفة . هذا فيديوا على youtube لشخص إسمه Ali ، هو ما انولد مسلم بس صار مسلم ، ويتكلم عن الظاهرة المنتشرة والمفاهيم الخاطئة الي ماخذينها الناس عن الإسلام ، هذا فيديو له عجبني مرة :
عنوان الفيديو " مين خطف ديني "
شكرا....والسلام
.
..
المشاركة الأصلية كتبت بواسطة التوحيد أولا
