بسم الله الرحمن الرحيم
أبيات بسيطة طحت عليها في ملفي الخاص أمس كتبتها من فترة ليست بالبسيطة .. جلست عليها الحمدلله تم منها ماترون.
----------------
صباح النور بعد ليلٍ بلا صحو وبلا رقادي
صباحٍ حيا هالدنيا بنسمة تلفح الوادي
صباح العيد يوم ان عاد ياحي الله من عادي
وكل عامٍ وانتو بخير ياللي بيوم تسامرنا
يحق للزين يتغلى ولو حتى بهمساته
واذا يبغى يزيد اكثر عليه يزيد بسكاته
ولكن لايخلي القرب تزيد اليوم مسافاته
ويتحول علينا بعاد .. بعد قربٍ تفرقنا
ترانا ما نسينا يوم سمعناكم وسمعتونا
ترى ابدًا ما جحدناكم ولو حتى جحدتونا
ولا في يوم لمناكم يوم انْكم تركتونا
ولكن لومنا عاللي يسافر مايودعنا
ألا ياناصحي عذرًا رياح الشوق تعاندني
واذا في يوم سهت عني يجيها يوم تدهمني
وحتى لو جزمت اسلى يجيني اللي يأيسني
أماني ويمكن انها اوهام: عسى ربي يجمعنا
ألا ياعيد بليا أحباب ألا ياكيف نفرح بك؟
اذا كان البشر حولك ولكن ماهو بقربك
حبيب القلب - جعلي افداه - وحشك بقوله: أحبك
ألا ياعيد لاتعاتب الين تعايش المعنى
سلامي لك ياهاجر في يوم ويوم لي ترجع
انا ادري ماهو بكيفك وانا ادري ان الفراق يوجع
وانا ادري صعب اتعود اذا بدلت انا المهجع
ولكن وش أسوي دامها الأقدار تمنعنا؟
----------------
وسلامتكم
بدر
ما حصلت كلمة تناسب اور ؟
المشاركة الأصلية كتبت بواسطة ياويلي منهم؟؟
