المشاركة الأصلية كتبت بواسطة ياويلي منهم؟؟
السلام عليكم ورحمة الله وبركاته..
اخباركم الليوم.. عساكم تمام..
المهم..
حبيت اشارك بقصيده صغيرونه مره كتبتها يوم جاني ولد عمي وطلبني سلف
ما يدري اني عاطل باطل..
لا ويقول عندك سلف طبعا انا ديني ودين ارد واحد طلبني...
المهم قمت اتعذر واصرف من هنا وهنا وحسيت انه فهمها بطريقه ثانيه..على باله انو عندي وما ابغى اعطيه...
عاد كتبت القصيده وسار الي سار..
هاكم القصيده...
جالني عقب المعزه..اشعث الراس حــــــافي
*** وانا لازود مثله..اشعث..ورجليني حفيـــه
جالني ينشد يقول: هل بقى بالناس وافـــــــي
*** جالني ينشد يقول: وينها الناس الوفـــيه
جالني والله يعلم..ما بقى في الجيب بــــــاقي
*** جالني والله يعلم..ما بقى غير البقــــــيه
لا تودي ولا تجيب..ومالها عالشر كـــــــافي
*** ولا تعز ولا تذل..ولا عني تدفع بلــــيه
لا تفرجلي همومي..ولا تخلي العيش صـافي
*** ولا ترجعني قليل..ولا تقدمني شويــــــه
لا توزيني في صيف..ولا تخلي الجو دافــي
*** ولا تنورلي ظلام..ومالها عالشمس فيـه
كلها حفنة دراهم..لا تضر ولا تعـــــــــــافي
*** ولا تسد الجوع له..ولا تسد الجوع ليـه
استحيت يومه نصاني وجايني ملهوف لافي
*** وانا حالي ما يساعد..ليتها جتني المنيـه
ليتها جتني المنيه قبل اسير انسان جـــــافي
قبل ارد انسان جاني..ليتها جتني المنيــه
وسوالمكم
رايكم يهمني اكيد اكيد..
مريسل
