بعطيكم رايي الكامل في FFXII عشان اريحكم مني
اللعبة ممتازة كاربيجي وممتعة وفيها مميزات عالية ومدتها طويلة وتزيد المتعة ، الجيم بلاي تاريخي صراحة وافكاره حلوة واسرار اللعبة كثيرة وادواتها النادرة "عد واغلط" اللعبة كاملة من ناحية الجيم بلاي فقط لكن ضعيفة من ناحية القصة والشخصيات اللي ما تدري مين البطل فيهم ومين المساعدين
اللعبة دخلت ناس كثير لعالم الاربيجي وكانت هي البوابة ، صحيح انها حببت الناس في الاربيجي لكن انها تكون "بوابتك لعالم الاربيجي" فما اعتقد هالجزء ينفع كبوابة لانه عرض لنا جيم بلاي ممتاز كاربيجي لكن وين القصة والشخصيات وباقي مزايا الاربيجي اللي لازم تكون في كل لعبة ، هذا الشي الل خلا القديمين في الاربيجي ينتقدونها ويعتبرونها جزء سيء ولا يستحق اسم فاينال فانتسي خصوصا انها ما حافظت على الكلاسيكية الممتعة اللي تعودنا عليها مع اضافة كم فكرة على القتال الكلاسيكي واسحار جديدة وضربات وافكار شوي جديدة مع اني اشوف ان الجيم بلاي الجديد ممتاز
اللعبة تستحق كل هالشهرة والنجاح الجيم بلاي يخليك تستمع لين اخر لحظة في اللعبة لكن مثل ما قلت اللعبة قصتها ما فيها حماس وناقصة وزد على هذا معقدة وراسك يدور معها
ما اعتقد ان هالجزء افضل من الاجزاء القديمة لفاينال فانتسي لو تسال مجربين الاجزاء القديمة كلها فما اعتقد احد بيقول لك انها كانت افضل من السابع او الثامن او العاشر لان هالاجزاء كانت اسطورة بمعنى الكلمة من ناحية قصتها وشخصياتها
المشاركة الأصلية كتبت بواسطة The Shadow
:
