السلام عليكم
الناس أذواق ، والأذواق تختلف. كل واحد له رأي ، وكل واحد له اهتمام. حنا بشر من صفاتنا الغزيرة إننا تختلف. بس نحترم هذا الاختلاف. أنا لي زمن عن المنتدى ، بس قمت أتطلع على بعض المواضيع ، لقيت ردود من أشخاص مدري وش يبون من حياتهم. اذا كل واحد قام يقول للثاني " موضوعك مهب مهم " ، وذا الثاني وقف يتناقش فيه لأنه مهب مهم ، أجل عاد ما صار شيء في الدنيا مهم. لأن كل واحد فينا ، ذكر وأنثى ، بنت وولد ، كل واحد له رغبات واهتمامات خاصة.
في الجامعة مثلا ، في شتى أنواع التخصصات صح؟ تخيل مثلا الحاكم ما يحب التخصصات العلمية وقام سكر الكليات العلمية لأنها مب جزء من اهتماماته. يصير كذا ؟
اذا انت في موضوع تافه مب عاجبك ، محد غاصبك تتعجب بالموضوع ، بس مب تقعد ترد وتقول " موضوعك مب مهم لا تتناقش فيه " ، " موضوع تافه ماله أي معنى " إلخ...
وأكبر مثال أقدر أجيبه هو هنا في هذا المنتدى. ما تشوفونه متعدد الأقسام ، مب كل واحد فينا يحب السياسية ، مب كل واحد فينا يعشق السيارات ، مب كل واحد فينا يحب الشعر. كل شخص له ميوله ورغباته.
اذا في موضوع ما يهمك ، لا ترد عليه ، اسحب عليه ، مب تجي وترد وتقول " موضوعك غير مهم". هذي إهانة للشخص. تبي تقول " موضوعك مب مهم بالنسبة لي " خير وبركة ، لأن في غيرك يهتم.
بس حبيت أنبهكم على هالشغلة. ويا ليت ما نشوف هالحركات الطفيلة مرة ثانية.
في أمان الله
<< يستعبط!