استفسار بس ابي الكل يدخل تكفووووون

[faroosy]

انا بكره بشتري سوني3 وابغا ردودكم بس ابسئلكم كم سؤال
1-وش احسن محل بالرياض يبيع سوني3بعرض حلو ومايتعدى 2300ريال
2-وش احسن صناعة من ناحية الاونلاين والالعاب في الخليج
3-وش انسب مساحه للالعاب 20غيغا او 40غيغا او 60غيغا
4-وابغا مميزات الجهاز الي تنصحووني فيه
5-وش تنصحوني بالاشرطة
وابغا ردوووووووود

[SUPER HUNTER]

3-وش انسب مساحه للالعاب 20غيغا او 40غيغا او 60غيغا

انصحك 40 جيجا وعلى فكرة 20 و60 جيجا وقفوهم الشركة اما 80 جيجا موجود

4-وابغا مميزات الجهاز الي تنصحووني فيه

زور هذا الموضوع هنا
يوجد به جميع معلومات البلاي ستيشن 3

5-وش تنصحوني بالاشرطة

انصحك بلعبة بورن اوت ووارهاوك وانتشارد وهافنلي سورد ورانتشيد اند كلارنك وريستانس وموترستروم

[DeaDLy PaTH]

-وش احسن صناعة من ناحية الاونلاين والالعاب في الخليج

من حيث الصناعة فكله صيني " تجميع صيني"..
بشكل عام برضوا ما يفرق بس مدامك في الخليج فخليك على الاوروبي..

3-وش انسب مساحه للالعاب 20غيغا او 40غيغا او 60غيغا

ما يفرق...
أنا أفضل الـ60 جيجا لو لقيته لكن تقريباً الجهاز موقف تصنيعه..

5-وش تنصحوني بالاشرطة

على حسب ايش تحب ..
بالنسبة لي Ninja Gaiden Sigma , Devil May Cry 4 , Uncharted
FPS عندك4 Call of Duty..
أو بلاتفورم Ratchet & Clank..

[dro]

1-وش احسن محل بالرياض يبيع سوني3بعرض حلو ومايتعدى 2300ريال

با لراحة جيم ماستر .. لا تدور غيره لأن الباقين نصابين بقوه .. اذكر ان الجهاز كان عنده با 1700 ريال .. لكن شوف ( مجرد نصيحة ) لو بغيت تروح له لا تروح للي يشتغلون كذا العاديين تراهم نفوسهم شينة و دلوخ و يقهرون و يستفزون << حتى اني مره مسحت فيهم الأرض !

رح لراعي المحل اسمه علــــي هذا الصراحة ذهـــــــــــــب ! .. وراح يساعدك كمان .. تراه يكون بمكان المحاسب .. شكله رسمي و حبيب و فيه حق PSP اسمه عبدالرحمن هذا كمان حبيب لكنه ما يعرف شي با الألعاب -___- .. واصلا ما راح يساعدك لأنه متخصص با PSP بس ×_× ... يعني روح لعلي وان شاء الله يساعدك ..

5-وش تنصحوني بالاشرطة

حالــــــيا ديفل ماي كراي .. ووفر فلوسك احسن لك لا تشتري اي شي بعد فترة ان شاء الله تنزل ميتل جير سوليد 4 .. لكن ممكن تشتري كمان Uncharted .. باين عليها رهيبة ..

~ عاد لا تنسى تعطينا وش صار معك وايش اشتريت ^_+ وبالتوفيق ~

[Al-RaQmi]

با لراحة جيم ماستر .. لا تدور غيره لأن الباقين نصابين بقوه .. اذكر ان الجهاز كان عنده با 1700 ريال .. لكن شوف ( مجرد نصيحة ) لو بغيت تروح له لا تروح للي يشتغلون كذا العاديين تراهم نفوسهم شينة و دلوخ و يقهرون و يستفزون << حتى اني مره مسحت فيهم الأرض !

رح لراعي المحل اسمه علــــي هذا الصراحة ذهـــــــــــــب ! .. وراح يساعدك كمان .. تراه يكون بمكان المحاسب .. شكله رسمي و حبيب و فيه حق PSP اسمه عبدالرحمن هذا كمان حبيب لكنه ما يعرف شي با الألعاب -___- .. واصلا ما راح يساعدك لأنه متخصص با PSP بس ×_× ... يعني روح لعلي وان شاء الله يساعدك

خخخخخخخخخخخ ماخليت احد في حالة فصلتهم تفصيل ^,^ لكن معليش انا اخالفك
شو عزيزي faroosy لا علي ولا عبد الرحمن
الاخوان ما قصروا في الاجابات لكن سؤالك عن المحل المناسب فانا اشتريت الجهاز من قريب وماتركت محل بالرياض الا سألته عن السعر
احسن محل تحصلة هو وكالة سوني الي على طريق العليا بجانب وكالة سوني اريكسون
سعر الجهاز 40 جيجا + 2 لعبة وعندك اكثر من خيار للعبة بـ 1999 ريال مع ضمان الوكيل
وفيه الجهاز بدون اشرطة بـ 1650 ريال لكن لعبتين بسعر 350 زيادة ماتفوت فأحسن اشتري الجهاز ابو 2000 ناقص ريال
هو السعر الاقل لكل المحلات .. وهو الاضمن من ناحية الجهاز.. والاحدث اصدار .. ويعطك ضمان للوكييييييل واترك كل المحلات النصابه على جنب

وبالتوفيق ^^

[faroosy]

مشكورين على التوضيح بس محتاروش احسن جيم ماستر ولا سوني

[Al-RaQmi]

ياخي الوكالة اكيد احسن على الاقل تضمنة لك .. شوف فيه عضو في المنتدى كاتب موضوع عن خراب العدسة لجهازةPS3 فجأة .. فاذا كان جهازة من الوكيل بتتصلح له ببلاش والا كان الله في عونه

[faroosy]

باركوووووووولي شريت سوني3 ياباني من محل قريب من بيتنا مع ضمان سوني سنه 40 غيغا

[(A)GT3(A)]

مبروووووك عزيز
استمتع بوقتك

[SUPER HUNTER]

باركوووووووولي شريت سوني3 ياباني من محل قريب من بيتنا مع ضمان سوني سنه 40 غيغا

مبروووووووووووك
شو عندك من الالعاب ؟؟
لاتنسا تضيفني ياصديقي لنلعب مع بعض

[faroosy]

عندي لعبه وحده بيس2008