نقاش وحقائق و صور DMC

[Arashi]

جرافيك اللعبه عادي جدآ بالنسبه للps3-360 ووضعه على 720p معناته ان كابكوم خايفه من التعامل مع مشاكل الأطارات على وضوح 1080p

انا قريت ان كابكوم مابغت تصرف وايد على اللعبه لأن عندها وايد ألعاب
بس انا ماجوف ان الجرافيكس فيه عيب لأن رسم اللعب نفس العروض

1. القصه كلاسيكيه وهي الولد الحلو اللي شعره ابيض ويشبه الولد الحلو اللي كان قبله فالاجزاء السابقه وجاي ينقذ حبيبته على عكس الولد اللي قبله اللي كان يقاتل شياطين ويحاول يوقف عند حدهم وبدل الحبيبه لقط حبيبتين لوول

هههههه غنيمة الحرب الله يسلمك

1. الجيم بلاي جميل وسريع الا انه مطابق للجيم بلاي فالنسخ السابقه من اللعبه بمعنى آخر مافيه اي تطوير جوهري من هالناحيه ابدآ

انه جيم بلاي ديفل الunique

1. المراحل والتوصيل فيها نكته لانك بتلعب 10 مراحل وبترجع تلعبها مره ثانيه بشخصيه ثانيه , تذكرني بألعاب السيجا القديمه اللي تخلص اللعبه بشخصية ترجع تخلصها بشخصيه ثانيه مع اعدا الوانهم متغيره بس اشكالهم مثل ماهي لووول

هاذي يسمونها circular plot الله يسلمك وهاذي ستايل حديث جدا جدا في كتابة القصص

1. المحادثات وخاصة بين نيرو ودانتي ممله وعلى ستايل الافلام الامريكيه وهياطهم وغرورهم وتحس انهم يسولفون بسالفه محروقه كلن عارف نهايتها ويمكن جمله وحده او جملتين فاللعبه فيهم شي جديد ولا الباقي نسخ ولصق من العاب/افلام سابقه مع اضافه اسماء الشخصيات

انا ماجفت أي فلم حواراته تضحك ومبتكره ودمها خفيف مثل حوارات ديفل...ياريت لو تعرف من وين قاصين هالحوارات تقول لي عشان أجوف هالفلم العجيب اللي كابكوم نخست منه الحوارات

1. دانتي ونيرو اشكالهم اشكال بنات بس ناقصهم المكياج ((عالأقل الطاير كان رجال لوول))

عمرك جفت بنت بشنب وسكسوكه؟

1. أنعدام الألغاز اللي مفترض انها تكون عامل رئيسي فالجيم بلاي لالعاب الاكشن المشابه لdmc4

devil may cry fans اعترضوا على وجود الالغاز لذلك لغتها كابكوم

1. علاقة القصه بلاجزاء السابقه ضعيفه حتى مع وجود دانتي وخوياته تحس انهم جايين يخلصون شغله عالماشي في طريقهم لووول

لزوم التغيير والتنويع...انا بعد كان ودي يكون له علاقه بالاجزاء السابقه لكن لو كل جزء له علاقه بالاجزاء السابقه معناه ان القصه راح تنتهي واحنا مانبيها تنتهي ابدا

1. نيرو البطل الرومنسي المفترض فاللعبه واللي قتل الشياطين والوحووش العملاقه , يبكي عشانهم خطفو حبيبته؟؟ اوه صح ستايل اللعب قوثيك مرعب وعلى ماعتقد الايمـــو ستايلهم كذا فشي طبيعي انه يتصرف ايمو مثلهم , اذن اللعبه ايمو اكشن مرعب

تعرف شنو هم الايمو أصلا؟
مب يجيك واحد يصيح مره مرتين يعني هو ايمو!!!
عيل كل بنات العالم ايمو لأنهم صياحات
الايمو الله يسلمك مايصيح..الايمو يجيك يقطع يده وريوله ويدعي على نفسه بالموت ويرسم شخابيط على شيفته والله لايرويك الثياب والمكياج اللي يحطونه الايمو....

فالنهايه كل واحد ورايه والناس اذواق مثل ماقلت


باقي شي بعد؟؟ اي ماتغديت

ااااااااااااااااا >>>نفس عبدالله

[Arashi]

بس طبعا نيرو عمل تجديد في اللعبة

يس...فكرة اليد عمرها ماطلعت في اي لعبه قبل حسب علمي @.@
واستخدامها غريب لأنك بضغطة زر تسحب الوحش وتسويه حركات عجيبه ولما تكون متحول بعد الحركات تصير اطول و اقوى
والحلو انك تسحب فيها الادوات من مكان بعيد..يمكن عشان جذي ماجددوا وايد في دانتي هالمره O.o

[عبود الغريب]

أرشي

انا قريت ان كابكوم مابغت تصرف وايد على اللعبه لأن عندها وايد ألعاب
بس انا ماجوف ان الجرافيكس فيه عيب لأن رسم اللعب نفس العروض

لوووووول اصلا الجرافكس ممتاز بشكل غريب تحس في مناطق رسمها سي جي فعلا ومن دون مبالغه تصميم الاماكن واشياء كثيره اصلا انا لا اصدق ان في ناس تقول ان الرسم عادي لا اصدق من جد اتكلم رسم قوي واااجد


انا ماجفت أي فلم حواراته تضحك ومبتكره ودمها خفيف مثل حوارات ديفل...ياريت لو تعرف من وين قاصين هالحوارات تقول لي عشان أجوف هالفلم العجيب اللي كابكوم نخست منه الحوارات
ههههههههههههههههههههههههههههه ما ادري انا ماكل فطر يا اختي خففي خفة دم ههههههه
اي والله وين هذا الفلم خل نشوفه

عمرك جفت بنت بشنب وسكسوكه؟

هههههههههههه
ولا وبنت شعرها ابيض عجوزه عندها شنب هههههه

devil may cry fans اعترضوا على وجود الالغاز لذلك لغتها كابكوم
الله يبط شبود الناس انا احب الالغاز واااجد مثل رزدنت ايفل واونميوشا
نفس الشيء مع مستوى صعوبة اللعبه الناس اشتكة من صعوبة الثالث مع اني اشوفها سهل جدا
وخلت الرابع اسهل ما يكون

لزوم التغيير والتنويع...انا بعد كان ودي يكون له علاقه بالاجزاء السابقه لكن لو كل جزء له علاقه بالاجزاء السابقه معناه ان القصه راح تنتهي واحنا مانبيها تنتهي ابدا

فعلا

[PremaFrost]

الاول مازال الاسطوره ولا جزء تفوق عليه
وينك يا شينجى ميكامى تنتج افضل الالعاب وترحل (

[Arashi]

انا لا اصدق ان في ناس تقول ان الرسم عادي لا اصدق من جد اتكلم رسم قوي واااجد

لالالا انا ماقول انه عادي...الرسم قوي قوي جدا بس كابكوم تقول انها كانت تقدر تسوي اقوى..يعني معقوله افوت الماي والاشجار والنار وبالذات في لغز الظل الشمس تبين صج حقيقيه...أظن كابكوم تقصد ان ممكن تخلي شكل الشخصيات بعد واقعي أكثر نفس كريس في رزدنت ايفل 5 مثلا مافضل الواقعيه الزايده

الله يبط شبود الناس انا احب الالغاز واااجد مثل رزدنت ايفل واونميوشا

لااااااااا عبدالله انا وحده من هالناس مابي جبدتي تنبط
أنا أحب الالغاز في رزدنت ايفل وسالينت هيل ودينو كرايسيس واونيموشا
بس ماقدر اتقبلها في ديفل ماي كراي تعرف ليش؟
1-لأنها لعبة اكشن وحركه
2-ماتقدر تخزن في نص المهمه وترجع للغز
3-ماحب أضيع وقتي وافوت قصه رهيبه
4-مستوى ذكاء دانتي ونيرو مب مستوي ألغاز..هاذيلا مال ضرب وتفخ بس

بس لو يزيدون صعوبة الزعماء بدل الالغاز عالاقل

الا اقول
مادري اذا حد لاحظ هالشي ولالا
بس مب كأن اللعبه فيها بعض الحوارات الناقصه بالنسبه للي سمعناه في العروض القديييييييمه اللي اول مره نزلت لديفل4؟
مثلا...في مقطع كيري تقول لنيرو شي مثل ان روحك طاهره وانك طيب وهالسوالف>>>كلامها كان يبط جبدي عشان جذي مستحيل أنساه
بس ماسمعت نفس هالكلام في اللعبه!!!
بعد حد يقول بس ماذكر صوت منو ان كيري عندها قدره او شي جذي نحتاجه حق شغلنا...أظن اجنوس قالها او بابا عود..ماذكر من فيهم
وييييييييييييين هالكلام؟؟؟؟؟؟؟؟

[Arashi]

الاول مازال الاسطوره ولا جزء تفوق عليه

وينك يا شينجى ميكامى تنتج افضل الالعاب وترحل (

هالشينجي خاين
كفايه انه حول العاب رزدنت ايفل لأجهزه ثانيه
احسن ترك ديفل لحد ثاني والا راح يضيع منا

[No `AnGel]

كلهم خونه

[kingx11]

عبود الغـــــــــريب


جيب لي لعبه تشتغل على نقاوة 1080
تقريبا كل العاب نفس نقواة ديفل
اما الجرافكس لووووووووول انا عكسك تماما


طيب واضح من كلامك انك مالعبتها على hdtv او انك شريت ال360 بدون العاب لين نزلت وقلت هالكلام







تدري ليش انت تقول كذا لان ديفل1و2و3 كانوا مختلفيين فديفل4 لاول مره يطلع يشبه ديفل3
وبعدين هذا اول جزء ينزل على جيل جديد فما فيها اي مشكله على الاطلاق

واذا نزل على جيل جديد خلاص يقتلعون الوناسه والتجديد منه ويخلونه جرافيك (جيــــد) وبس ؟؟



ههههههه اول 12 مرحله بنيرو
وبعدها 6 مراحل لدانتي ولكن ترجع نفس المناطق ويكون فيها اشياء متغيره اوكي هو عيب فعلا وانا اتفق معاك في هذه


خلاصة كلامي اني حسيت انها حشوو واستخفاف باللاعب




لووووووووول انا اتابع افلام بشكل ادمان وما حسية فيه تشابه في الاخراج ممكن في كم لقطه معروفه بس فيها اشياء واجد جديد دخول دانتي في الكنيسه كان شيء رائع وشيء جديد
انت بس احمد ربك انك شفة لعبه فيها قصه في هذا الجيل

اهاا تبي افلام مثل هالنوعيه ؟؟ واجد لكن كلها يابانيه ومايمديني اقولك اياها لانك ماراح تعرفها , خلني اذكر لك لعبه عالاقل وينقال لها زيلدا على اجهزة الننتندو , من الثمانينات والبطل لينك ينقذ هالبنت اللي كل يوم خاطفها واحد لووول

وبخصوص العاب قصصها حلووه في هالجيل , تقصد بنفس ستايل اللعبه او بشكل عام؟؟ بشكل عام عندك لعبة lost odyssey قصتها فيها مفاجآت ماتوقف والشخصيات اشكالهم واقعيه ولو ان البنات شوي خرافيات بس الشباب واقعيين حدهم خاصة sed لوول



هههههههه يعني تبيهم يسوونهم اشكالهم قبييحه يالله يالله ترتاح والله امركم عجيييب اي واحد تشوفونه وسيم خليتوه شنه بنت ولا هو لا يشبه البنت ولا شيء

انا ماقلت يخلون اشكالهم قبيحه , بالعكس خلو اشكالهم واقعيه ورجوليه شوي لين متى وهالابطال وسيمين وحلووين , عالاقل تحس انك تلعب برجال , احم ماشفت لوحة الحائط اللي فيها بنت لابسه لبس نيرو؟؟



القصه متعلقه بنيرو مب دانتي وما في مشكله على الاقل تجديد ملينا من قصة سباردا مع دانتي


شي حلوو انهم يجددون بس طلع نيرو البطل اللي جاب العيد ودانتي جا يصلح اخطاء نيرو بمعنى اخر نيرو ماتفوق على دانتي او زاد من جمالية اللعبه وشخصيته بتكون من اكثر الشخصيات المنسيه في تاريخ اللعبه



الرومنسيه بايخه في قصه

الرومنسيه حلوه لكن اذا جاتك بستايل المراهقين الامريكان مثل ديفل4 احسن لها مايحطونها .



انشالله تصافينا

[kingx11]

انا قريت ان كابكوم مابغت تصرف وايد على اللعبه لأن عندها وايد ألعاب
بس انا ماجوف ان الجرافيكس فيه عيب لأن رسم اللعب نفس العروض


يسمونه in-game cut scene وهو حركه حلوه عشان كابكوم ماتضيع مساحة الدسك على افلام الcg


انه جيم بلاي ديفل الunique

unique عام 2001 الحين صار منتهي الصلاحيه مع وجود كريتووس وريو هايابوزا يقطعون رقاب واجسام فالسما لوول



هاذي يسمونها circular plot الله يسلمك وهاذي ستايل حديث جدا جدا في كتابة القصص


حديث جدآ ؟؟؟ اقولج العاب السيجا فالتسعينات كانت تستخدم نفس النظام يعني صده ورده لوول وانتي تقولين نظام جديد



انا ماجفت أي فلم حواراته تضحك ومبتكره ودمها خفيف مثل حوارات ديفل...ياريت لو تعرف من وين قاصين هالحوارات تقول لي عشان أجوف هالفلم العجيب اللي كابكوم نخست منه الحوارات

اذا تشوفين افلام sci-fi يابانيه شوفي فلم اسمه angel وبالمره فلم devil man وشوفي التقارب فالحوارات والقصه بين اللعبه والفلمين


عمرك جفت بنت بشنب وسكسوكه؟

خذي فره بالمدارس الحكوميه وبتشووفين



devil may cry fans اعترضوا على وجود الالغاز لذلك لغتها كابكوم

طيب



لزوم التغيير والتنويع...انا بعد كان ودي يكون له علاقه بالاجزاء السابقه لكن لو كل جزء له علاقه بالاجزاء السابقه معناه ان القصه راح تنتهي واحنا مانبيها تنتهي ابدا

طيب



تعرف شنو هم الايمو أصلا؟
مب يجيك واحد يصيح مره مرتين يعني هو ايمو!!!
عيل كل بنات العالم ايمو لأنهم صياحات
الايمو الله يسلمك مايصيح..الايمو يجيك يقطع يده وريوله ويدعي على نفسه بالموت ويرسم شخابيط على شيفته والله لايرويك الثياب والمكياج اللي يحطونه الايمو....


اي واحد يلبس لبس الأيمو يتسمى ايمو , قصات الشعر والكحل واللون الاسود والاحمر والابيض والرمادي الوان الأيمو ولا شرايج ؟ لووول البنات ماينقالهم ايمو لان طبيعتهم عاطفيات الشباب هم اللي ينقالهم ايمو لانه مب طبيعتهم الصياح لووول , بس عند الاجانب الايمو هم اللي يجرحون نفسهم ويقطعون اجسادهم اما الايمو الي عندنا مظاهر بس موضه وبيتركونها مع اني اعرف اشخاص يجرحون نفسهم بس مب لانهم أيمو لاسباب ثانيه

[kingx11]

ماني زعلان بس عشان انت كل ردودك الحالية فيها انتقاد للعبة والموضوع يدأ يخرب من كثرة هذه الانتقادات
وزي ماقال الأخ عبود أرجوك احترم عشاق اللعبة
والعيوب الي انت ذكرتها بسيطة ولاتؤثر كثيرا على اللعبة وان كان التكرار أثر على تقاييمها عالميا بس برضه اللعبة ممتعة وليست سيئة
وبالنسبة للغرافيك ................غرافيك رائع ياخي ايش فيك انت؟؟؟؟؟؟؟؟؟؟؟؟؟؟
وطبعا هذا أول جزء للعبة على النيكست جينيرشين يعني طبيعي ان أسلوبها مشابه للجزء الثالث بس طبعا نيرو عمل تجديد في اللعبة (أخر عبارة كتبتها بالأحمر بلاشك يوافقني عليها الكثيرون حتى منتقدي الجزء الرابع)
الحين جيبلي عيوب الجزء الثاني وقارنها بعيوب الرابع حتلاقي الثاني عيوبه أكثر بكثير

يعني تبي تقعد ترد فالموضوع وتقول الله ماحلى الجرافيك والوحوش رهيبين ؟؟ ماتحب تسمع اراء ثانيه ؟؟ طيب تجاهل كلامي اذا كان يزعلك شكلك انجرحت بعد من انتقادي للعبه لوول

[devil cober]

طيب واضح من كلامك انك مالعبتها على hdtv او انك شريت ال360 بدون العاب لين نزلت وقلت هالكلام
تلفاز الاتش دي غالي مرة ياخي التلفزيون العادي يكفينا حاليا





واذا نزل على جيل جديد خلاص يقتلعون الوناسه والتجديد منه ويخلونه جرافيك (جيــــد) وبس ؟؟
حبيبي هذا أول جزء بالنسبة لمبرمجي اللعبة على النيكست جينريشن يعني طبيعي يكون فيها أخطاء وعيوب لأنهم ماتعودوا على برمجة الأجهزة الحديثة وكمان اللعبة مشتركة على جهازين مختلفين يعني بالعقل والمنطق كيف يركزوا على اللعبة مضبوط مادامت مشتركة على جهازين؟؟؟؟؟؟
ولاتنسى الألعاب المشتركة على أجهزة مختلفة عادة لاتأخذ تقاييم عالية
كمان ألعاب الجيل الحديث ليست قوية كألعاب السابق والسبب أن المبرمجين يحتاجوا لوقت للتعود على البرمجة و..................الخ


خلاصة كلامي اني حسيت انها حشوو واستخفاف باللاعب
هممم أتوقع انهم أرادو يوروك الفرق بين الشخصيتين من خلال قتال الوحوش والزعماء على العموم تكرار المراحل أكبر عيب في اللعبة فعلا بس مو لدرجة أن اللعبة سيئة فالمميزات الي فيها خلتني أنسى هذا العيب صراحة



شي حلوو انهم يجددون بس طلع نيرو البطل اللي جاب العيد ودانتي جا يصلح اخطاء نيرو بمعنى اخر نيرو ماتفوق على دانتي او زاد من جمالية اللعبه وشخصيته بتكون من اكثر الشخصيات المنسيه في تاريخ اللعبه
طبيعي عدم تفوق نيرو على دانتي لأنه لو حصل اللعبة حتخرب أكثر
من ناحية القصة نعم نيرو ماأفاد اللعبة كثير بس في الجيم بلاي العكس
على الأقل قصة اللعبة أحسن من قصة متل جير سوليد 2 وبطلها رايدين (سامحني ياأخ the rock is the best)

انشالله تصافينا

الله يهديك ويبعدنا عن التعصب والمشاكل..................................أمين

[devil cober]

يعني تبي تقعد ترد فالموضوع وتقول الله ماحلى الجرافيك والوحوش رهيبين ؟؟ ماتحب تسمع اراء ثانيه ؟؟ طيب تجاهل كلامي اذا كان يزعلك شكلك انجرحت بعد من انتقادي للعبه لوول

هههههههههههه لول
لالا ماني زعلان ولامجروح بس أفكرك ان هذا موضوع خاص للعبة يعني لو كررت ردودك الانتقادية هذه محبي اللعبة المشاركين في الموضوع محايسكتوا أبدا عنك
يعني مثلا لو دخلت موضوع لعبة فلانية وانتقدتها مرة واحدة محبي اللعبة حيحترموك ويحترموا رأيك
أما لو قعدت تهجم عليها وتكرر ردودك ميه مرة من غير داعي عشاق هذه اللعبة محايرحموك أبدا وبالتالي لو استمر الوضع على هذا الحال فسيغلق ويتم ايقاف عديد من الأعضاء وأنت منهم بلاشك
وأرجو أن تفهم كلامي جيدا ولاتزعل مني وأن تحترم أرائي كما أحترم أراءك
وشكرا

[عبود الغريب]

طيب واضح من كلامك انك مالعبتها على hdtv او انك شريت ال360 بدون العاب لين نزلت وقلت هالكلام


هيلو3 وكول4 مثلا اثنينهم ما يدعموا اعلى وضوح وهذا هم العاب قويه



واذا نزل على جيل جديد خلاص يقتلعون الوناسه والتجديد منه ويخلونه جرافيك (جيــــد) وبس ؟؟

انا ما ادري اشلون ما عجبك الجرافكس يعني معقوله هذا عندك عادي

يكفي ان الجرافكس ما فيه اغطأ غير شويه في الظلال وهذا العيب موجود في العاب كثيييره يا اخي جرافكس ديفل4 ليس مبالغ فيه مثل مثلا جيرز اف وور الي يضيفوا اشياء تحلي الجرافكس مثل لمعان الجدار والاضاء اقوى ويضيفوا فلتر ومن هذه الاشياء ديفل4 جرافكس طبيييعي وهذا الي حببني فيه يكفي ان في مناطق رسمها مثل السي جي

او ممكن انت ما يعجبك العجب مثل ما يقولون

اهاا تبي افلام مثل هالنوعيه ؟؟ واجد لكن كلها يابانيه ومايمديني اقولك اياها لانك ماراح تعرفها , خلني اذكر لك لعبه عالاقل وينقال لها زيلدا على اجهزة الننتندو , من الثمانينات والبطل لينك ينقذ هالبنت اللي كل يوم خاطفها واحد لووول

هههههههه انت تتكلم جد في مليون فلم فيه واحد ينقذ حبيبته
يعني ديفل4 تقريبا قصته الرومنسيه تقليد بشكل عام وشيء حلو انه يكون في ديفل على الاقل يحسسنا بتجديد في القصه

وبخصوص العاب قصصها حلووه في هالجيل , تقصد بنفس ستايل اللعبه او بشكل عام؟؟ بشكل عام عندك لعبة lost odyssey قصتها فيها مفاجآت ماتوقف والشخصيات اشكالهم واقعيه ولو ان البنات شوي خرافيات بس الشباب واقعيين حدهم خاصة sed لوول

طييب انت الحين جبة لعبه واحده من الف لعبه نزلة في هذا الجيل قصتها حلوه وهي توها نازله من كم يوم

يعني صعب تلاقي العاب قصتها روووعه وdmc4 واحده منهم وانت ما تقدر تنكر اصلا انا شخصين اي لعبه يكون فيها عامل تشويق على طول تكون حلوه عندي كيف ديفل الي قصتها مليانه حماس حوارات وقصه وشخصيات ولقطات اكشن ما تشوف مثلها لا في الافلام ولا في مسلسلات ولا اي شيء ممكن الفلم الوحيد الي فيه لقطات اكشن حلوه هو ماتركس

وعلى طاري فلم Angel انت تقصد هذا ؟
http://www.youtube.com/watch?v=-JzYybYyggU

انا ماقلت يخلون اشكالهم قبيحه , بالعكس خلو اشكالهم واقعيه ورجوليه شوي لين متى وهالابطال وسيمين وحلووين , عالاقل تحس انك تلعب برجال , احم ماشفت لوحة الحائط اللي فيها بنت لابسه لبس نيرو؟؟

هههههه اخوي ليش ؟ شان جبة صوره فيها واحده من دون ملابس احسن خخخخ
يا اخوي الصور مثل هذه ممنوعه في هذا المنتدى

انت روح اخذ صوره من صور نيرو وغيره بفتشوب وحط راس نيرو وجسم حرمه وشوف اذا كان يشبه انثى ولا لا او نفس الصوره الي حطيتها
اقطع ايدي الاثنين اذا صار مثل الحرمه

وبعدين انت شنو المشكله عندك اذا صار وسيم لا هي اول ولا اخر لعبه فيها شخصيات وسيمه كذا شوف بس لعبة فاينل او بشكل عام اغلب العاب اليابانيه
يعني انت مثلا شفة رجال في الشارع وسيم راح تكرهها لانه وسيم ؟ والله ما ادري اشلون تفكرون
حتى وسامة نيرو مب تلك الوسامه الي توصل الى اثنى مثلا

رايدن الي في mgs2 وهي الي مفروض ننتقده اقسم بالله انا عندما لعبة اللعبه كنت العب برايدن كنت افكره حرمه ما عرفة انه رجال ألا لما سمعة صوته اقسم بالله مب بس الملامح حتى الجسم وفي كم لقطه ان رجال يفكره حرمه وما ادري شنو اشياء وسخه ومفروض هذه الاشياء الي ننتقدها مب نيرو الي شكله رجولي وتصرفاته كلها عاديه وما فيها اي شيء ننتقده

شي حلوو انهم يجددون بس طلع نيرو البطل اللي جاب العيد ودانتي جا يصلح اخطاء نيرو بمعنى اخر نيرو ماتفوق على دانتي او زاد من جمالية اللعبه وشخصيته بتكون من اكثر الشخصيات المنسيه في تاريخ اللعبه

نيرو شخصيه زينه وما عليها كلام انت ممكن عندك بايخ انه وسيم انا بالعكس اشوفه ممتاز ويالت يكون بطل في الجزء الخامس ليس حبن فيه بلى على شان الجيم بلى الرائع فيه
شيء طبيييعي ان يكون شخصية دانتي افضل منه

انشالله تصافينا

اااااااااااااااخخخخخخخخخ لوووووووووول اااااااااااااااا

[عبود الغريب]

لوووووووول اقول devil cobar انت تحب المصارع الاندرتيكر ما ادري شسمه الحانوتي اشوفك حاط صورته عندك ههههههه

[devil cober]

Yes^^^^^
My Favorite wrestler from along time
انت ماتحب المصارعة صح؟؟؟؟؟؟؟؟
بس ماهمك الا الشياطين ههههههههههههههههههههه (شياطين اللعبة موشياطين الواقع)