فتاحي ياواااارده .... غماضي ياواااارده
السلام عليكم ورحمة الله وبركاته^^
هذا الموزوع عبارة عن تخريفااات بزورة
كنت جالسه لوحدي والناس نايمين وجاني خوف
يعني حسيت بخوف
ولاشعورين قمت اغني لنفسي
لاتخافي لاتخافي ... نحنو ابطال المطافي
نحنو شوجعانون كرامون.... حينما نودعى نوافي
لاتخافي خخخخخخخ
بس بصراحه استغربت كتييييييييييير اني حافظتها
اذا تذكرون (طالبات وطلاب السعوديه) هذي انشودة اخذناها ف الابتدائي
ونا الحين ف الجامعه ...استغربت اني حافظتهاوقعدت اضحك علا نفسي
تأكدت اني لسى الذاكرة شغاله يعني ماخرفت خخخخخخ
المهم جلست اتذكر ايام زمااان وايام البراءة
*..*..*..*..*..*
اتذكر يوم كنت صغيرة
كانو عندنا جيران ونااااسه
واعمارهم باعمارنا انا واخواني 2 واختي =4
وهم 5 فيه بنتين بعمري
المهم دايمن لعب مع بعض ..يومين ^^ بشكل ادق
كنا نلعب لعبه معاهم
اسمها فتاحي ياورده غماضي ياورده .......مدري احد يعرفها؟
بحيث نتجمع شله كبيرة ونسوي دويرة....>> يعني دائره
ونمسك ايدينا بايدين بعض ونغني
فتاحي ياوردة..... نوسع الدايرة
ولمن نقول غماضي ياورده نجريييييي زي المهابيل ونلصق ببعضيعني وردة نايمه خخخخخ
بعدين نسيب بعض ونقول (مع ادا بعض الحركات)
هنا كيس مليان دبابيس وناشر علا منطقة الصدر
وهنا شراب مليان توراب وناشر علا القدم
والقصه من قدام والكعكع من ورا يخسارة عل الفستان توسخ من ورا
ونعد للميه ونجلس واخر وحده نقلها العبيطه هيه العبيطه هيه
*..*..*..*..*..*
وكنا نلعب لعبه علومناها جارتنا البكستانيات
ونغني
دو دو دادي دادي دادي دو
سو سفر سيتو ابو دار دو
ونؤدي معها بعض الحركات الراقصه خخخخخخخخخخخخ
والله زي المهابيل عمرنا ماسالناهم عن معنى الكلمات
*..*..*..*..*..*
وكنت اركب عالدراجه يعني البسكيلتا
مع اخوي وولد جيراننا
بس مدري ليش كنت انا اركب ورا ولد جيراننا وبنت جيراننا تركب ورا اخوي >>>>> خخخخخخ متأثرين بالافلام الهنديه
*..*..*..*..*..*
وكنا نلعب طبعن استغمايه
ونلعب طيري (او شرعت علاقولة اهل مكه) ومدري ايش الناس يسمونها المهم نجري ورا بعض
*..*..*..*..*..*
وفيه لعبه الفناها مع بنات جيراننا
اسمها ضربتك ماضربتيني
وهي انو تضربني وتجري والحقها لحد مااضربها >>> متوحشات
لا طبعن الضرب خفيف
المهم من سوء حظ بنات جيراننا انو دايمن كنا نلعبها بحوشنا
وجدتي كانت عايشه عندنا ( الله يرحمها)
المهم تكون جالسه بالحوش
كنت اضرب بنت جيراني واهرب واروح عند جدتي
ولمن تجي بتضربني...... جدتي تعصب عليها وتطردها خخخخخخخخخ
والغبيه من بكره تجي وتلعب معاي نفس اللعبه .. ماتتوب
*..*..*..*..*..*
الحركه اللي كل مااتذكرها اموت ضحك
انو كانت الكابتن ماجد تجي الساعه 3 العصرعل القناة الاولى
وبعد ماتخلص الحلقه كل يوم يجون عندنا بالحوش
ونقعد نلعب الكابتن ماجد
يعني نلعب كورة
والحلو انو نقلد حركاتهم دبل كيك وزحلطه وتجي الوحده بتسجل قووول (هدف)
تقوم تصفر الحكم غالبن تكون مامتي او مامتهم
ومن بكره نرجع ونكمل من عند لمن كانت رافعه رجلها بتشوت
هههههههههه عند جد ايام فزييييييييعه
ايام فيري فاني
بس خلصت تخريفتات
*..*..*..*..*..*
مايستفاد من الموزوع:
1_ اذا بديت تتذكر ايام الطفولة فأعلم انها اول علامات التخريف
2_اذا كنت خايف غني تتذكر ايام الطفوله ويتحول خوفك لوناسه
3_ اذا 1 او وحده من اصحابك او صحباتك عندها جده
لاتلعبين معاها ضربتك ماضربتيني
ياليت تتحفونا بردودكم وذكرياتكم
وتعبااان ومسطول...
وعيوني حمراء 
..قالو ماورك إلا رعي الغنم وانقاذهم ن الذئاب
..أيااام ماتنسى 
....مرة نووم عندي
بجهدي فزت وياخدوا تعبي 
المشاركة الأصلية كتبت بواسطة fly_batman
>> بتاتيس اكيد طلعت لك قرون XD
>> تكفين برى